ລິ້ງ ສຳຫລັບເຂົ້າຫາ

logo-print

ອົງການນິລະໂທດກຳສາກົນ ກ່າວວ່າ ຄວາມຢ້ານກົວ ດ້ານການເມືອງ ແລະຄວາມກຽດຊັງ ກຳລັງເຮັດໃຫ້ກາຍເປັນຂອງທຳມະດາ ໂດຍຜູ້ນຳ ຈຳນວນນຶ່ງ


ອົງການນິລະໂທດກຳສາກົນ ກ່າວວ່າ ຄວາມຢ້ານກົວ ດ້ານການເມືອງ ແລະຄວາມກຽດຊັງ ໄດ້ ເຮັດກາຍ ເປັນຂອງທຳມະດາ ໂດຍຜູ້ນຳຈຳນວນນຶ່ງ

ລາຍ​ງານ​ປະຈຳ​ປີ​ຂອງອົງການນິລະ​ໂທ​ດກຳ​ສາກົນ ໄດ້ບັນທຶກ​ການ​ລະ​ເມີດ​ສິດທິ​ມະ
ນຸດ ຢູ່ໃນເກືອບ 160 ປະ​ເທດ ​ແລະ​ກ່າວ​ວ່າ ​ໃນປີ 2017 ​ທີ່ຜ່າ​ນມານີ້ ພວກຜູ້ນຳ​ບາງ
ຄົນ ​ທີ່ມີ​ອິດ​ທິພົນ​ສູງ​ສຸດ​ໃນ​ໂລກ ໄດ້​ເຮັດ​ໃຫ້ການ​ເມືອງ​ຂອງຄວາມ​ກຽດ​ຊັງ ​ແລະຄວາມ
ຢ້ານ​ກົວ ກາຍ​ເປັນ​ເລື່ອງ​ທຳ​ມະ​ດາໄປ. ນັກ​ຂ່າວ​ວີ​ໂອ​ເອ ມາຣີອາມາ ດີ​ອາລ​ໂລ ມີ​ລາຍ
ງານ ​ຊຶ່ງ ກິ່ງ​ສະ​ວັນ ຈະ​ນຳ​ເອົາລາຍລະອຽດ ມາສະ​ເໜີ​ທ່ານ ໃນອັນດັບຕໍ່ໄປ.

ບໍ່​ວ່າຈະເປັນການ​ຮຽກ​ຮ້ອງເອົາຄວາມ​ສົນ​ໃຈ ກ່ຽວກັບການຫາຍສາບສູນ ຂອງຜູ້ຄົນຈໍາ
ນວນ​ນຶ່ງ ພາຍ​ໃຕ້​ສະພາບການທີ່ໜ້າສົງ​ໄສຢ່າງ​ຢູ່​ເມັກ​ຊິ​ໂກ ຫລື ການ​ປະ​ທ້ວງເພື່ອຮຽກ
ຮ້ອງ​ໃຫ້​ປ່ອຍ​ໂຕ ​ພວກ​ນັກ​ໂທດຈິດ​ສຳນຶກຢູ່ໃນ​ທົ່ວ​ໂລ​ກ ອົງການ​ນິລະ​ໂທດ​ກຳ​ສາກົນ​
ໄດ້​ເປັນ​ແຊມ​ປ້ຽນກ່ຽວກັບເລື້ອງສິດທິ​ມະນຸດມາ​ໄດ້​ເກືອບ​ຫົກ​ທົດ​ສະ​ວັດ​ແລ້ວ.

​ໃນ​ລາຍ​ງານປະຈຳ​ປີສະບັບໃໝ່ ​ທີ່​ຫາ​ກໍ່ພິມເຜີຍ​ແຜ່ນັ້ນ ອົງການນິລະໂທດກຳສາກົນ
​ໄດ້ອ້າງ​ວ່າ ການ​ກະທຳ​ໂດ​ຍພວກ​ຜູ້ນຳ​ໃນ​ອີ​ຈິບ ຟິລິບ​ປີນ ​ເວ​ເນ​ຊູ​ເອລາ ຈີນ ຣັດ​ເຊຍ
​ແລະ​ສະຫະລັດ ​ໄດ້ບ່ອນ​ທຳລາຍຕໍ່​ສິດທິ​ຂອງ​ຫລາຍ​ລ້ານ​ຄົນ.

ທ່ານ​ນາງ​ມາກ​ກາ​ເຣັດ ຫ້ວງ (Margaret Huang) ຫົວໜ້າ​ບໍລິຫານ ອົງການ​ນິລະໂທດ
​ກຳ​ສາກົນ ​ເວົ້າວ່າ “​ພວກ​ຜູ້ນຳ​ເຫລົ່າ​ນີ້​ໄດ້​ລະ​ເມີດ​ກົດ​ໝາຍ​ດ້ານ​ສິດທິ​ມະນຸດ ຫຼືບໍ່ກໍ​
ຮຽກຮ້ອງໃຫ້​ຄົນ​ອື່ນໆ​ລະ​ເມິ​ດກົດໝາຍ​ສິດທິມະນຸດຢ່າງ​ເປີດແປນ. ​ໃນ​ກໍລະນີ​ຂອງ​
ຟິລິບປີນປະທາ​ນາ​ທິບໍດີ ​ໂຣດຣິກ​ໂກ ດູ​ເຕີ​ເຕ (Rodrigo Duterte) ຂອງ​ຟິລິບ​ປີນ
ຄວາມ​ຈິງ​ແລ້ວ​ທ່ານ​ໄດ້ຮຽກ​ຮ້ອງ​ໃຫ້​ປະຊາຊົນ​ອອກ​ໄປຊອກຫາ ​ແລະ​ຂ້າ​ພວກ​ທີ່​ສົງ
​ໄສວ່າ​ເປັນ​ພວກຄ້າຢາ​ເສບ​ຕິດ.”

ລາຍງານດັ່ງ​ກ່າວຍັງໄດ້ຕຳໜິ ປະທານາທິບໍດີ ດໍໂນລ ທຣໍາ ຂອງ​ສະຫະລັດ ກ່ຽວກັບ
ນະໂຍບາຍຄົນເຂົ້າເມືອງຂອງ​ທ່າ​ນ ​ແລະໄດ້ກ່າວຫາທ່ານວ່າ​ບ່ອນທຳ ລາຍສິດເສລີ
ພາບດ້ານຂ່າວສານແລະມີປະຫວັດທີ່ບໍ່ດີ​ໃນ​ດ້ານ​ສິດທິຂອງພວກ ແມ່ຍິງ. ວິໂອເອ ໄດ້
ຕິດ​ຕໍ່​ໄປຫາທຳນຽບຂາວ ແລະກະຊວງຕ່າງປະເທດ ເພື່ອ ຂໍຄຳ​ເຫັນກ່ຽວກັບ​ເລື່ອງນີ້ ແຕ່ກໍບໍ່ໄດ້ຮັບຄຳຕອບ​ເລີຍ.

ທ່ານນາງຫ້ວງກ່າວ​ເພິ້ມອີກວ່າ “ໂຕຢ່າງທີ່​ຂີ້ຮ້າຍ​ທີ່ສຸດອັນ​ນຶ່ງກໍຄືທ່ານຮັບຮອງເອົາ
ກົດໃນ​ການ​ປິດ​ບໍ່​ໃຫ້​ມີ​ປາກ​ສຽງ​ໃນ​ລະດັບໂລກ….ສະ​ນັ້ນອົງການຕ່າງໆທີ່​ເຄີຍ​ໄດ້​
ໃຫ້​ຄຳ​ປຶກສາ ຄຳແນະນຳ ແລະ​ໃຫ້ຂໍ້ມູນກ່ຽວກັບການ​ເຮັດແທ້ງ​ເອົາລູກ ອອກ ແລະ
ການ​ບໍລິການ​ດ້ານ​ການ​ແພດ​ໃນ​ການ​ສືບ​ພັນ​ອື່ນໆຕ້ອງໄດ້ເລືອກເອົາ ລະຫວ່າງ
ການໃຫ້ຄຳແນະນຳ​ໃນການເຮັດແທ້ງເອົາລູກອອກແກ່ພວກຄົນປ່ວຍ ຂອງເຂົາເຈົ້າ

ຫຼື​ໄດ້ຮັບເງິນຊ່ອຍເຫຼືອຈາກລັດຖະບານສະຫະລັດ.”

ເປັນທີ່​ຮູ້ກັນ​ຢ່າງເປັນທາງ​ການ​ວ່າ​ນະ​ໂຍບາຍຂອງເມືອງ​ເມັກຊິ​ໂກຊີ້​ຕີ້ (Mexico City)
ຊຶ່ງ​ໄດ້​ຫ້າມບໍ່ໃຫ້ນຳໃຊ້ທຶນສະຫະລັດ ​ຊ່ວຍເຫຼືອ​ບັນດາ​ອົງການ​ສາກົນ ທີ່​ສະໜອງການ
ໃຫ້ຄຳແນະນຳໃນການເຮັດແທ້ງເອົາລູກ​ອອກ ຊຶ່ງບາງ​ຄັ້ງກໍ​ໄດ້​ຮັບ​ການອະນຸມັດແລະ
ບາງ​ຄັ້ງກໍບໍ່ໄດ້​ຮັບ ​ມາ​ແຕ່​ປີ 1984. ພາຍ​ໃຕ້​ປະທານາທິບໍດີ ​ທຣໍາ ນະ​ໂຍບາຍຫ້າມ​ໃຫ້
​ທຶນ​ດັ່ງກ່າວ​ໄດ້​ຂະຫຍາຍກວ້າງວົງອອກ​ໄປເພື່ອກວມ​ເອົາ​ທຸກ​ການ​ໃຫ້​ທຶນ ​ອີງ​ຕາມ​ການ
ຂໍ້​ກ່າວ​ອ້າງທີ່​ວ່າ ຕົນມີ​ຈຸດປະສົງ​ໃຫ້ການ​ປົກ​ປ້ອງ​ແກ່​ເດັກທາລົກທີ່​ຍັງບໍ່ທັນ​ເກີດມາ​
ເບິ່ງ​ໂລກ.

ກຸ່ມສະໜັບສະ​ໜູນ​ສິດທິຂອງ​ພວກ​ແມ່ຍິງ ເວົ້າວ່າ ການຫ້າມບໍ່ໃຫ້ທຶນດັ່ງກ່າວໄດ້ສ້າງ​ຄວາມເສຍຫາຍຫລາຍ​ຮ້ອຍ​ລ້ານ​ໂດ​ລາ​ແ​ກ່ອົງການ​ຈັດ​ຕັ້ງ​ຕ່າງໆ ທີ່ຄື
ກັນກັບຂອງພວກເຂົາເຈົ້າ.

ທ່ານຈອນ ລອຕສເປັສ ຜູ້ອຳນວຍການອົງການທີ່ເປັນຄູ່ຮ່ວມ ແລະຊັບພະຍາກອນໃນ
ການເຄື່ອນໄຫວ ມາຣີສໂຕບສ໌ສາກົນ ກ່າວວ່າ “​ເພາະສະ​ນັ້ນ ໃນສະຖານທີ່ຕ່າງໆທີ່
ໄດ້ມີການຈັດຕັ້ງແລ້ວຄື ມາດາກາສກາ ອູການດາ ຊິມບັບເວ ທີ່ພວກເຮົາເຫັນໂຄງ
ການຕ່າງໆ ໂດຍສະເພາະ ຮັບໃຊ້ພວກແມ່ຍິງ ທີ່ຕົກຢູ່ໃນ ອັນຕະລາຍ ເຊັ່ນວ່າບັນ
ດາໂຄງການເວົາເຈີ ທີ່ພວກເຮົານຳໃຊ້ ເພື່ອຊ່ວຍພາກ ເອກກະຊົນ ໃຫ້ບໍລິການ
ພວກແມ່ຍິງເຂົ້າເຖິງການຄຸມກຳເນີດ ຊຶ່ງໄດ້ຢຸດເຊົາມາ ແລ້ວນັ້ນ ສາມາດເຂົ້າໄປ
ຫາພວກແມ່ຍິງໄດ້.”

ແຕ່​ລາຍ​ງານຂອງ​ກະຊວງ​ຕ່າງປະ​ເທດ​ສະຫະລັດ ປະຈຳ​ເດືອນ​ນີ້​ກ່າວ​ວ່າ ສ່ວນ​ໃຫຍ່​ຂອງອົງການທີ່ເປັນ​ຄູ່​ຮ່ວມງານກ່ຽວກັບ​ສຸຂະ​ພາບຢູ່​ໃນຕ່າງປະ​ເທດ ​ໄດ້​ຮັບ​ເອົາ​ຂໍ້ກຳ
ນົດຂອງນະ​ໂຍບາຍ ​ແລະ​ກໍໄດ້​ຮັບ​ທຶນຄືນໃໝ່.

ລາຍງານຍັງໄດ້ກ່າວເຖິງສິດເສລີພາບ​ໃ​ນການປາກເວົ້າ ທີ່ໄດ້ຮັບຜົນກະທົບໃນ ປີ
2017 ແລະ ໄດ້ຊີ້ໃສ່ຈີນ ອີຈິບແລະເທີກີ ເປັນປະເທດທີ່ລ່ວງລະເມີດຮ້າຍແຮງທີ່ສຸດ.
ວີໂອເອ ໄດ້ຕິດຕໍ່​ໄປຫາບັນດາສະຖານທູດຂອງປະເທດເຫລົ່ານີ້ ຢູ່ ໃນສະຫະລັດ
ແຕ່ເຂົາເຈົ້າ ຍັງບໍ່ທັນໄດ້ໃຫ້ຄຳຕອບ.

ທ່ານນາງຫ້ວງກ່າວວ່າ “ເທີກີໄດ້ຈັບຫລາຍກວ່າ 50,000 ຄົນເຂົ້າຄຸກໃນໄລຍະສອງ
ປີທີີ່ຜ່ານມາ ຮວມທັງປະທານ ແລະຜູ້ອຳນວຍການ ອົງການນິລະໂທດກຳ ສາກົນປະ
ຈຳເທີກີ ໂດຍລັດຖະບານ ທີ່ນຳພາໂດຍ ຜູ້ຊຶ່ງໃນຄັ້ງນຶ່ງເຄີຍເປັນນັກ ໂທດແຫ່ງ​ຈິດ
ສຳນຶກ ທີ່ໄດ້ຮັບການອະໄພຍະໂທດນັ້ນ ແລະບັດນີ້ຜູ້ກ່ຽວໄດ້ປ່ຽນແປງ ແລະຈັບພວກ
ຜູ້ນຳສິດທິມະນຸດ ອັນເປັັນພາກສ່ວນຂອງຄວາມພະຍາຍາມ ທີ່ຈະຈັບກຸມບຸກຄົນໃດ
ກໍຕາມທີ່ຕ້ອງຕິລັດຖະບານ ຊຶ່ງຄືກັນກັບສະຖານນະການ ທີ່ພວກເຮົາພົບເຫັນຢູ່ໃນ
ອີຈິບ ແລະຈີນ.”


ລາຍງານໄດ້ໃຫ້ຂໍ້ສັງເກດ ກ່ຽວກັບຮ່ອງຮອຍຂອງຄວາມກ້າວໜ້າໃນການເດີນ ຂະບວນ
ຂອງພວກແມ່ຍິງແລະ #ຂະບວນການຂ້ອຍຄືກັນ. ນອກນັ້ນຍັງມີການ ຕົບມືໃຫ້ແກ່ໄຕ້ຫວັນ ຕໍ່ການຕັດສິນໃຈ ອະນຸຍາດໃຫ້ຮັກຮ່ວມເພດ ແຕ່ງງານກັນໄດ້.


ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG