ລິ້ງ ສຳຫລັບເຂົ້າຫາ

logo-print

ຄຳສັບ ແລະສຳນວນພາສາ ອັງກິດແບບ ອາເມຣິກັນ - ບົດຮຽນທີ 16: Let Off Steam & Oops


ຄຳ​ສັບ ແລະ​ສຳ​ນວນພາ​ສາອ​ັງ​ກິດ ແບບ​ອາ​ເມ​ຣິ​ກັນ - American Slang Idioms

ວິທະຍຸກະຈາຍສຽງແຫ່ງຊາດລາວ ຮ່ວມກັບ ວີໂອເອ ພາກພາສາລາວ ພູມໃຈສະເໜີ ລາຍການ​ສອນພາສາອັງກິດ Popular American Slangs and Idioms ຊຶ່ງ​ເປັນບົດ​ສົນທະນາ​ພາສາ​ອັງກິດ​ ລະຫວ່າງ​ເພື່ອ​ນນັກ​ສຶກສາຄົນລາວ ກັບ ​ຄົນອາ​ເມຣິກັນ ເພື່ອອະທິບາຍຄໍາສັບ ​ແລະ ສໍານວນພາ​ສາ​ອັງກິດ​ຕ່າງໆ ທີ່​ຄົນອາ​ເມຣິກັນ ນິຍົມ​ໃຊ້​ກັນ.

ສະບາຍດີ ທ່ານຜູ້ຟັງທີ່ເຄົາລົບ ແລະ ນ້ອງໆນັກສຶກສາທີ່ຮັກແພງ ທັງຫລາຍ. ຂໍຕ້ອນຮັບບັນດາທ່ານເຂົ້າສູ່ລາຍການສອນພາສາອັງກິດ Popular American Slangs and Idioms ຂອງວິທະຍຸກະຈາຍສຽງ ແຫ່ງຊາດລາວ ທີ່​ນະຄອນ​ຫລວງ​ວຽງ​ຈັນ ສປປ ລາວ ຮ່ວມ​ກັບ ວີໂອເອ ພາກພາສາລາວ (Voice of America) ທີ່​ນະຄອນຫລວງ​ວໍ​ຊິງ​ຕັນ ດີ​ຊີ ສະຫະລັດອາເມຣິກາ​. ໃນບົດຮຽນມື້ນີ້ ຊຶ່ງເປັນບົດຮຽນທີ 15 ພວກເຮົາ ຈະພາທ່ານຮຽນສຳນວນ Bottom feeder ກັບ bounce ຊຶ່ງທ່ານ ຈະໄດ້ຮັບຟັງໃນບົດສົນທະນາລະຫວ່າງເພື່ອນນັກສຶກສາສອງຄົນ Ly ກັບ Larry. ພວກເຮົາມາໄປພົບກັບເຂົາເຈົ້າກັນເລີຍ.


Larry and Ly get together for dinner on Friday evening. Both of them are a bit tired from a week of work. ແລຣີ ກັບ ລີ ໄປກິນອາຫານຄ່ຳນຳກັນໃນແລງວັນສຸກ. ທັງສອງ ຄົນຕ່າງກໍ່ຮູ້ສຶກເມື່ອຍໜ້ອຍໜຶ່ງ ຫລັງຈາກໄດ້ເຮັດວຽກມາໝົດອາທິດ. ແລຣີເວົ້າວ່າ It’s nice to relax and let off some steam. Relax r-e-l-a-x ຄຳນີ້ ທຸກໆທ່ານກໍ່ຄົງຈະຮູ້ແລ້ວເນາະວ່າ ແປວ່າ ພັກຜ່ອນ ແລະ ຜ່ອນຄາຍ ແຕ່ວ່າ to let off some steam ໝາຍ ຄວາມວ່າແນວໃດ. ໄປຟັງແລຣີ ກັບ ລີ ລົມກັນເລີຍ ເພື່ອຈະໄດ້ເຂົ້າໃຈ.

LL: Wow, it’s nice to relax and let off some steam after a long week at work.

Ly: What do you mean “let of steam?” Are you hot? I think the air conditioner in here is working quite well.

LL: No, not literally. To let off steam can mean to relax or it can mean to express pent up feelings, usually of anger.

Ly: Oh, now I understand. You mean it’s nice to relax after a stressful week at work. Do you know where the expression comes from?

LL: It’s a metaphor. One has to ease the pressure in a steam engine by releasing – or letting off – steam. Otherwise the engine might overheat and explode.

Ly: You’re not going to explode if you don’t let off steam, are you?

LL: No, I’m not going to explode. However, letting off steam is important to a person’s mental health.

Ly: I agree. Sometimes, after a stressful day at work or at school, I go running to let off steam.

LL: A lot of people exercise to let off steam. Other people prefer quiet activities like reading.

Ly: What’s your favorite way to let off steam?

LL: I like to do exactly what we’re doing now. I let off steam by relaxing and having a nice meal with a friend.

Ly: What if you get really angry about something? How do you let off steam then?

LL: Sometimes it helps to talk to someone. It’s usually better to let off some steam before dealing with the issue directly.

Ly: I agree. It’s not good to try and deal with something when you’re angry and you haven’t had a chance to let off steam

To let off steam - let l-e-t off o-f-f ແປວ່າ ປ່ອຍ steam s-t-e-a-m ແປວ່າ ອາຍນ້ຳຮ້ອນ. ສະນັ້ນ ກໍ່ແປຕາມໂຕວ່າ ປ່ອຍອາຍນ້ຳຮ້ອນ. ສຳນວນນີ້ມີຄວາມໝາຍສອງຢ່າງ ຄືແປວ່າ ຜ່ອນ ຄາຍ ຫລັງຈາກທີ່ເຮັດວຽກມາເມື່ອຍ ຫລື ຈະເວົ້າວ່າ ລະບາຍຄວາມອິດ ເມື່ອຍ ຄວາມເຄ່ັງຄຽດກໍ່ໄດ້ ແລະ ອີກຄວາມໝາຍໜຶ່ງ ກໍ່ຄືລະບາຍ ຄວາມຮູ້ສຶກທີ່ອັດອັ້ນຢູ່ໃນໃຈ ຊຶ່ງປົກກະຕິແລ້ວ ແມ່ນຄວາມໂມໂຫຢາກ ຮ້າຍ ທັ້ງນີ້ກໍ່ເພື່ອຜ່ອນຄາຍນັ້ນເອງ ເພາະວ່າຖ້າບໍ່ເຮັດເຊັ່ນນັ້ນແລ້ວ ເຮົາກໍ່ຈະລະເບີດໄດ້ ແລະ ເຮັດໃຫ້ເສຍສຸຂະພາບຈິດ ຫລື mental health. ໄປຟັງບົດສົນທະນາເມື່ອກີ້ນີ້ອີກເທື່ອໜຶ່ງ ພ້ອມກັບຄຳແປ.

LL: Wow, it’s nice to relax and let off some steam after a long week at work.
ວ້າວ ມັນຮູ້ສຶກດີເນາະທີ່ໄດ້ຜ່ອນຄາຍ ແລະ let off some steam ຫລັງຈາກອາທິດທີ່ຍາວນານ ໃນການເຮັດວຽກ.

Ly: What do you mean “let off steam?” Are you hot? I think the air conditioner in here is working quite well. ເຈົ້າໝາຍຄວາມວ່າແນວໃດ “let off steam?”
ເຈົ້າຮ້ອນຊັ້ນຫວະ? ຂ້ອຍຄິດວ່າ ແອຣ໌ຢູ່ໃນນີ່ ກໍ່ເຢັນດີ ຢູ່ໄດ໋.

LL: No, not literally. To let off steam can mean to relax or it can mean to express pent up feelings, usually of anger.
ບໍ່ ຂ້ອຍບໍ່ໄດ້ໝາຍຄວາມຕາມໂຕ. To let off steam ຈະແປວ່າ ຜ່ອນຄາຍກໍ່ໄດ້ ຫລື ຈະແປວ່າ ລະບາຍຄວາມຮູ້ສຶກທີ່ອັດອັ້ນ ຢູ່ໃນໃຈ ກໍ່ໄດ້ ຊຶ່ງປົກກະຕິແລ້ວ ຈະແມ່ນຄວາມໂມໂຫ.

Ly: Oh, now I understand. You mean it’s nice to relax after a stressful week at work. Do you know where the expression comes from?
ໂອ ຂ້ອຍເຂົ້າໃຈແລ້ວ ບາດນີ້. ເຈົ້າ ໝາຍຄວາມວ່າ ມັນຮູ້ສຶກດີທີ່ໄດ້ຜ່ອນຄາຍ ຫລັງຈາກອາທິດທີ່ເຄ່ັງຄຽດ ກົດດັນ ຢູ່ບ່ອນເຮັດວຽກ.

LL: It’s a metaphor. One has to ease the pressure in a steam engine by releasing – or letting off – steam. Otherwise the engine might overheat and explode.
ມັນ ເປັນຄຳອຸບປະມາ ຫລື ຄຳສົມທຽບ. ເຈົ້າຕ້ອງໄດ້ຜ່ອນຄາຍຄວາມກົດດັນ ຢູ່ໃນເຄື່ອງຈັກທີ່ແລ່ນດ້ວຍອາຍຮ້ອນ ໂດຍການປ່ອຍ ກໍ່ຄື releasing ຫລື letting off ອາຍຮ້ອນ. ຖ້າບໍ່ດັ່ງນັ້ນ ເຄື່ອງຈັກກໍ່ອາດຈະຮ້ອນ ເກີນໄປ ແລະ ລະເບີດໄດ້.

Ly: You’re not going to explode if you don’t let off steam, are you?
ເຈົ້າຈະບໍ່ລະເບີດຕີ້ ຖ້າຫາກວ່າເຈົ້າບໍ່ໄດ້ຜ່ອນ ຄາຍ?

LL: No, I’m not going to explode. However, letting off steam is important to a person’s mental health. ບໍ່ ຂ້ອຍ ຈະບໍ່ລະເບີດດອກ. ແນວໃດກໍ່ຕາມ ການໄດ້ຜ່ອນຄາຍ ແມ່ນສຳຄັນຕໍ່ ສຸຂະພາບຈິດຂອງຄົນເຮົາ.

Ly: I agree. Sometimes, after a stressful day at work or at school, I go running to let off steam.
ຂ້ອຍເຫັນດີນຳ. ບາງຄັ້ງບາງຄາວ ຂ້ອຍກໍ່ໄປແລ່ນເພື່ອຜ່ອນຄາຍ ຫລັງຈາກເຮັດວຽກ ຫລື ຮຽນໜັງສື ຢ່າງເຄ່ັງຄຽດ ມາໝົດມື້.

LL: A lot of people exercise to let off steam. Other people prefer quiet activities like reading.
ຫລາຍໆຄົນພາກັນ ອອກກຳລັງກາຍ ເພື່ອຜ່ອນຄາຍ. ຄົນອື່ນໆຊ້ຳພັດມັກເຮັດກິດຈະກຳທີ່ ມິດງຽບ ດັ່ງເຊັ່ນ ການອ່ານໜັງສືເປັນຕົ້ນ.

Ly: What’s your favorite way to let off steam?
ວິທີຜ່ອນ ຄາຍ ທີ່ເຈົ້າມັກເຮັດທີ່ສຸດ ແມ່ນຫຍັງຊັ້ນ?

LL: I like to do exactly what we’re doing now. I let off steam by relaxing and having a nice meal with a friend.
ຂ້ອຍກໍ່ມັກເຮັດໃນສິ່ງທີ່ ພວກເຮົາກຳລັງເຮັດຢູ່ນີ່ແຫລະ. ຂ້ອຍຜ່ອນຄາຍ ໂດຍການພັກຜ່ອນ ແລະ ກິນອາຫານແຊບໆ ກັບໝູ່.

Ly: What if you get really angry about something? How do you let off steam then?
ຖ້າເຈົ້າໂມໂຫ ຫລາຍໆ ກ່ຽວກັບເລື່ອງໃດເລື່ອງໜຶ່ງລະ? ເຈົ້າຈະລະບາຍຄວາມໂມໂຫຂອງເຈົ້າ ອອກມາແບບໃດ?

LL: Sometimes it helps to talk to someone. It’s usually better to let off some steam before dealing with the issue directly.
ບາງເທື່ອ ມັນກໍ່ຊ່ວຍ ຖ້າຂ້ອຍໄດ້ລົມກັບໃຜຜູ້ໜຶ່ງ. ປົກກະຕິແລ້ວ ມັນຈະດີກ່ວາ ຖ້າເຮົາລະບາຍອາລົມອອກມາ ກ່ອນຈະຈັດ ການກັບບັນຫາ ໂດຍກົງ.

Ly: I agree. It’s not good to try and deal with something when you’re angry and you haven’t had a chance to let off steam.
ຂ້ອຍເຫັນພ້ອມນຳ. ມັນບໍ່ດີດອກ ທີ່ຈະ ພະຍາຍາມຈັດການກັບສິ່ງໃດໜຶ່ງ ເວລາເຈົ້າໂມໂຫຢູ່ ແລະ ເຈົ້າບໍ່ໄດ້ມີ ໂອກາດ ທີ່ຈະລະບາຍຄວາມໂມໂຫຂອງເຈົ້າອອກມາກ່ອນ.

So the expression “to let off steam” is a metaphor. ສຳນວນ to let off steam ເປັນຄຳສົມທຽບ ຫລື metaphor m-e-t-a-p-h-o-r metaphor ຄືສົມທຽບໃສ່ກັບເຄື່ອງຈັກທີ່ແລ່ນດ້ວຍ ອາຍນ້ຳຮ້ອນ ຄືກັນກັບລົດໄຟສະໄໝເກົ່າ ທີ່ພໍແລ່ນໄປດົນໆ ກໍ່ຕ້ອງໄດ້ ຢຸດ ແລະ ປ່ອຍອາຍນ້ຳອອກ ຖ້າບໍ່ດັ່ງນັ້ນ ເຄື່ອງຈັກກໍ່ຈະຮ້ອນໂພດ ແລະ ກໍ່ອາດ ຈະລະເບີດໄດ້. ບັດນີ້ ໄປຟັງແລຣີ ກັບ ລີ ລົມກັນຕໍ່.

LL: Oops! I forgot that I have to work on Sunday. That just ruins my whole weekend.

Ly: Oops? I hear that word a lot, but I’m not sure what exactly it means.

LL: People usually say oops to acknowledge that they have made a mistake or have had a minor accident. I mistakenly thought I had the whole weekend off, when I actually have to work on Sunday. Oops.

Ly: At least you remembered ahead of time.

LL: That’s true. Oops! I just dropped my fork on the floor.

Ly: Oh! I’ll call the waiter to get you another one.

LL: That’s okay. There’s an extra one on the next table. I’ll just take that one.

Ly: Oh no, now it’s my turn to say oops. I just remembered that I was supposed to call my mother this evening.

LL: You still have time. We should be finished here soon and you can go right home to call your mom.

Ly: Oops! I forgot to buy a new calling card. I can’t call her anyway.

LL: I have a calling card. You can use it to call your mom. I don’t mind at all.

Ly: Thank you, Larry!

Oops! ສະກົດ O-o-p-s! ເປັນຄຳອຸທານ ທີ່ຄົນອາເມຣິກັນ ນິຍົມເວົ້າ ເວລາເຂົາເຈົ້າເຮັດສິ່ງໃດສິ່ງໜຶ່ງຜິດ ຫລື ລືມເຮັດສິ່ງໃດສິ່ງໜຶ່ງ ຫລື ເຮັດອັນໃດອັນໜຶ່ງຕົກ. ຕົວຢ່າງ Oops! I forgot to tell you that your wife called. ໂອ້ຍ ຕາຍ ຂ້ອຍລືມບອກເຈົ້າໄປວ່າ ເມຍ ເຈົ້າໂທມາ. ຫລືວ່າ ທ່ານຍ່າງໄປຕຳໂຕະ ແລະ ເຮັດເຄື່ອງຂອງ ຂອງຄົນອື່ນຕົກ ທ່ານຈະເວົ້າວ່າ Oops! Sorry I knocked that off the table ກໍ່ໄດ້ຄືກັນ ຫລືວ່າ Oops! I dropped your book on the floor ໂອ້ຍ ຂ້ອຍເຮັດປື້ມເຈົ້າຕົກລົງພື້ນ. ເອົ໊າ ໄປຟັງບົດສົນທະນາ ຂອງແລຣີ ກັບ ລີ ອີກເທື່ອໜຶ່ງ ພ້ອມກັບຄຳແປ.

LL: Oops! I forgot that I have to work on Sunday. That just ruins my whole weekend. Oops!
ຂ້ອຍລືມໄປວ່າ ຂ້ອຍຕ້ອງໄດ້ເຮັດວຽກມື້ວັນອາທິດ. ມັນເຮັດໃຫ້ຊ່ວງທ້າຍສັບປະດາຂອງ ຂ້ອຍ ພັງເລີຍ.

Ly: Oops? Why do you say that? I hear that word a lot, but I’m not sure what exactly it means.
Oops? ເປັນຫຍັງເຈົ້າຈຶ່ງເວົ້າ Oops? ຂ້ອຍໄດ້ຍິນຄຳນີ້ຫລາຍໆເທື່ອ ແຕ່ບໍ່ແນ່ໃຈວ່າ ມັນໝາຍຄວາມວ່າແນວໃດແທ້.

LL: People usually say oops to acknowledge that they have made a mistake or have had a minor accident. I mistakenly thought I had the whole weekend off, when I actually have to work on Sunday. Oops.
ປົກກະຕິແລ້ວ ຜູ້ຄົນພາກັນເວົ້າ Oops! ເພື່ອຮັບຮູ້ວ່າ ເຂົາເຈົ້າໄດ້ເຮັດ ອັນໃດອັນໜຶ່ງຜິດ ຫລືວ່າ ໄດ້ມີອຸປະຕິເຫດເລັກໆນ້ອຍໆ. ຂ້ອຍຫລົງຄິດ ວ່າ ຂ້ອຍໄດ້ພັກທຸກມື້ ໃນຊ່ວງທ້າຍອາທິດນີ້ ແຕ່ຄວາມຈິງແລ້ວ ຂ້ອຍ ຕ້ອງໄດ້ເຮັດວຽກ ໃນວັນອາທິດ. Oops.

Ly: At least you remembered ahead of time.
ຢ່າງໜ້ອຍ ເຈົ້າກໍ່ຈື່ໄດ້ກ່ອນ.

LL: That’s true. Oops! I just dropped my fork on the floor.
ແມ່ນຫັ້ນແຫລະ. Oops! ຂ້ອຍຫາກໍ່ເຮັດສ້ອມ ຕົກລົງພື້ນ ເມື່ອ ກີ້ນີ້ເອງ.

Ly: Oh! I’ll call the waiter to get you another one.
ໂອ້ ຂ້ອຍຈະຮ້ອງຄົນເສີບ ໃຫ້ເອົາອັນໃໝ່ມາໃຫ້ເຈົ້າ.

LL: That’s okay. There’s an extra one on the next table. I’ll just take that one.
ບໍ່ເປັນຫຍັງ. ມີອີກອັນໜຶ່ງເຫລືອ ຢູ່ເທິງໂຕະຖັດໄປ. ຂ້ອຍເອົາອັນນັ້ນກໍ່ໄດ້.

Ly: Oh no, now it’s my turn to say oops. I just remembered that I was supposed to call my mother this evening.
ໂອ້ຍ ຕາຍແລ້ວ ບາດນີ້ແມ່ນຜຽນຂ້ອຍເວົ້າ Oops! ແລ້ວ. ຂ້ອຍຫາກໍ່ຈື່ໄດ້ວ່າ ຂ້ອຍຕ້ອງໄດ້ໂທລະສັບຫາແມ່ຂ້ອຍ ໃນແລງມື້ນີ້.

LL: You still have time. We should be finished here soon and you can go right home to call your mom.
ເຈົ້າຍັງພໍມີເວລາຢູ່. ພວກເຮົາໜ້າຈະກິນແລ້ວໃນໄວໆນີ້ແຫລະ ແລະ ເຈົ້າກໍ່ເມືອເຮືອນໄດ້ເລີຍ ເພື່ອໄປໂທລະສັບຫາແມ່ຂອງເຈົ້າ.

Ly: Oops! I forgot to buy a new calling card. I can’t call her anyway. Oops!
ຂ້ອຍລືມຊື້ບັດໂທລະສັບໃໝ່. ຈັ່ງໃດຂ້ອຍ ກໍ່ໂທຫາລາວ ບໍ່ໄດ້ດອກ.

LL: I have a calling card. You can use it to call your mom. I don’t mind at all.
ຂ້ອຍມີບັດໂທລະສັບໃບໜຶ່ງ. ເຈົ້າຈະ ໃຊ້ມັນໂທ ຫາແມ່ເຈົ້າກໍ່ໄດ້. ຂ້ອຍບໍ່ວ່າຫຍັງຈັກດີ້.

Ly: Thank you much, Larry!
ຂອບໃຈຫລາຍໆ ແລຣີ!

ແລະ ນັ້ນກໍ່ຄືລາຍການບົດຮຽນພາສາອັງກິດ Popular American Slangs and Idioms ທີ່ວິທະຍຸກະຈາຍສຽງແຫ່ງຊາດ ລາວ ຢູ່ນະຄອນຫລວງ​ວຽງ​ຈັນ ສປປ ລາວ ຮ່ວມກັບ ວີໂອເອ ພາກ ພາສາລາວ ທີ່​ນະຄອນຫລວງວໍ​ຊິງ​ຕັນ ດີ​ຊີ ສະຫະລັດອາ​ເມຣິກາ ນຳມາ ສະເໜີທ່ານເປັນປະຈໍາ ທາງສະຖານີແຫ່ງນີ້ ໃນລະບົບ AM ທຸກໆວັນ ອັງຄານ ແລະ ວັນເສົາ ເວລາ 9.30 ໂມງ ຫາ 9:45 ໂມງ ຕອນເຊົ້າ ແລະ ໃນລະບົບ FM 103.7 Mhz (ຮ້ອຍສາມຈຸດເຈັດເມກາເຮີ້ສ) ເວລາບ່າຍ 14.00 ໂມງ ຫາ 14.15 ໂມງ ທຸກໆວັນເສົາ ແລະ ວັນ ອາທິດ. ໂປດຕິດຕາມບົດຮຽນໃໝ່ຂອງພວກເຮົາໄດ້ໃນຄັ້ງຕໍ່ໄປ. ສຳລັບ ມື້ນີ້ ທິມງານຂອງພວກເຮົາ ຂ້າພະເຈົ້າ ດາຣາ ກັບ ສຸກພະໃສ ແລະ ເພັດສະໝອນ ພ້ອມດ້ວຍນາຍຊ່າງເຕັກນິກອັດສຽງ ສົມຄິດ ວິໄລເງິນ ແລະ ອັດສະລາ ຂໍຂອບໃຈທຸກໆທ່ານທີ່ໃຫ້ກຽດຕິດຕາມຮັບຟັງແຕ່ຕົ້ນຈົນ ຈົບ. ພົບກັນໃໝ່ໃນໂອກາດໜ້າ - ສະບາຍດີ!

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG