ລິ້ງ ສຳຫລັບເຂົ້າຫາ

logo-print

ຄຳສັບ ແລະສຳນວນພາສາ ອັງກິດແບບ ອາເມຣິກັນ - ບົດຮຽນທີ 9: Knock it off & Conk out


ຄຳ​ສັບ ແລະ​ສຳ​ນວນພາ​ສາອ​ັງ​ກິດ ແບບ​ອາ​ເມ​ຣິ​ກັນ - American Slang & Idioms

ວິທະຍຸກະຈາຍສຽງແຫ່ງຊາດລາວ ຮ່ວມກັບ ວີໂອເອ ພາກພາສາ ລາວ ພູມໃຈສະເໜີ ລາຍການ​ສອນພາສາອັງກິດ Popular American Slangs and Idioms ຊຶ່ງ​ເປັນບົດ​ສົນທະນາ​ພາສາ​ອັງກິດ​ ລະຫວ່າງ​ເພື່ອ​ນນັກ​ສຶກສາຄົນລາວ ກັບ ​ຄົນອາ​ເມຣິກັນເພື່ອອະທິບາຍຄໍາສັບ ​ແລະ ສໍານວນພາ​ສາ​ອັງກິດ​ຕ່າງໆ ທີ່​ຄົນອາ​ເມຣິກັນ ນິຍົມ​ໃຊ້​ກັນ.

ສະບາຍດີ ທ່ານຜູ້ຟັງທີ່ເຄົາລົບ ແລະ ນ້ອງໆນັກສຶກສາທີ່ຮັກແພງ ທັງຫລາຍ. ຂໍຕ້ອນຮັບບັນດາທ່ານ ເຂົ້າສູ່ລາຍການສອນພາສາອັງກິດ Popular American Slangs and Idioms ຂອງວິທະຍຸກະຈາຍສຽງ ແຫ່ງຊາດລາວ ທີ່​ນະຄອນ​ຫລວງ​ວຽງ​ຈັນ ສປປ ລາວ ຮ່ວມ​ກັບ ວີໂອເອ ພາກພາສາລາວ (Voice of America) ທີ່​ນະຄອນຫລວງ​ວໍ​ຊິງ​ຕັນ ດີ​ຊີ ສະຫະລັດອາເມຣິກາ​. ສໍານວນທີ່ພວກເຮົາຈະພາທ່ານຮຽນ ໃນບົດຮຽນທີ 9 ນີ້ ແມ່ນ​ Knock it off ກັບ conk out. ພວກເຮົາມາພາກັນໄປຟັງ Ly ກັບ Larry ລົ​ມ​ກັນເລີຍ ເພື່ອຈະໄດ້ຮູ້ຄວາມໝາຍຂອງສອງ ສຳນວນນີ້. ​


Larry’s neighbors are being really noisy and they are keeping him awake at night. He’s asking Ly for her advice on what to do about the problem. ເພື່ອນບ້ານຂອງ ແລຣີ ມັກເຮັດສຽງດັງຫລາຍໆ ແລະ ເຮັດໃຫ້ລາວນອນບໍ່ຫລັບຍາມກາງຄືນ. ລາວຂໍຄຳປຶກສາຈາກລີ ກ່ຽວກັບວ່າ ລາວຄວນຈະເຮັດແນວໃດກັບ ບັນຫານີ້. ລາວຢາກໃຫ້ເພື່ອນບ້ານຢຸດເຮັດສຽງດັງ. ຢຸດ ຫລື ເຊົາເຮັດ ອັນໃດອັນໜຶ່ງ ແມ່ນ stop doing something ເນາະ ແຕ່ວ່າແລຣີ ບໍ່ໄດ້ໃຊ້ປະໂຫຍກນັ້ນ. ໄປຟັງກັນວ່າ ລາວເວົ້າແນວໃດ?

LL: My neighbors are still making a bunch of noise. I wish that they would just knock it off so that I could get a few hours of sleep. I’m exhausted.

Ly: You wish that they would knock what off? What does that mean?

LL: knock K-NO-C-K – off O-F-F Knock it off – When someone says “knock it off” it means that they want you to stop whatever you’re doing, most likely because what you’re doing is annoying.

Ly: Oh, I see. You’re neighbors are being loud and you wish that they would stop.

LL: Exactly. They have been yelling, singing, and watching TV nonstop for days. I would give anything if they would just knock it off.

Ly: Have you tried asking them to knock it off?

LL: I’ve thought about it, but I don’t want to get into an argument with them. I’ve even thought about calling the landlord.

Ly: That’s a good idea. Maybe the landlord will tell them to knock it off.

LL: But they’ll probably guess that I’m the one who complained.

Ly: So what? Who cares if they get angry with you?

LL: You’re right, I guess it doesn’t matter if they’re mad at me as long as they knock it off.

Ly: My neighbor keeps leaving his garbage near my front door.

LL: Did you tell him to knock it off?

Ly: I asked him nicely not to put his garbage there, and he seems to have stopped doing it.

LL: That’s great. I wish my neighbors were as cooperative.

Ly: You know, Larry, you’re complaining a lot; maybe you should knock it off.

LL: Very funny, Ly.

ຄຳວ່າ knock k-n-o-c-k ແປວ່າ ເຄາະ ເຊັ່ນ: ປະໂຫຍກ knock on the door ກໍ່ແປວ່າ ເຄາະປະຕູ ແລະ ສຳນວນ knock something off something ແປວ່າ ເຮັດຕົກ ເຊັ່ນ: she knocked the beer bottle off the table ແປວ່າ ລາວເຮັດແກ້ວເບຍຕົກໂຕະ. ແຕ່ສຳນວນສະແລງ knock it off ຊໍ້າຜັດມີຄວາມໝາຍແນວໜຶ່ງອີກ. ມັນເປັນສຳນວນທີ່ໃຊ້ກັນທົ່ວໄປ ເວລາເຮົາຢາກສັ່ງໃຫ້ຄົນທີ່ໃກ້ຊິດກັບເຮົາ ເຊັ່ນ: ນ້ອງນຸ່ງລູກຫລານ ໃຫ້ຢຸດເຮັດສິ່ງໃດສິ່ງໜຶ່ງທີ່ລົບກວນເຮົາ ຫລື ເຮັດໃຫ້ເຮົາລຳຄານໃຈ ເຮົາກໍ່ຈະເວົ້າວ່າ “Would you knock it off!” ກໍ່ຄື “Would you stop it!” ນັ້ນເອງ. ເອົາ ໄປຟັງບົດສົນທະນາ ເມື່ອກີ້ນີ້ອີກ ພ້ອມກັບຄຳແປ.

LL: My neighbors are still making a bunch of noise. I wish that they would just knock it off so that I could get a few hours of sleep. I’m exhausted.
ເພື່ອນບ້ານຂ້ອຍຍັງ ເຮັດສຽງດັງຫລາຍຢູ່. ຂ້ອຍຢາກໃຫ້ເຂົາເຈົ້າ knock it off ເດ້ ເພື່ອວ່າ ຂ້ອຍຈະໄດ້ນອນ ຈັກສອງສາມຊົ່ວໂມງ. ຂ້ອຍເມື່ອຍຫລາຍອີ່ຫລີ.

Ly: You wish that they would knock what off? What does that mean?
ເຈົ້າຢາກໃຫ້ເຂົາເຈົ້າ knock ຫຍັງ off ເກາະ? ມັນແປວ່າຫຍັງ?

LL: When someone says “knock it off” it means that they want you to stop whatever you’re doing, most likely because what you’re doing is annoying.
ເວລາໃຜຜູ້ໜຶ່ງເວົ້າ ວ່າ “knock it off” ມັນໝາຍຄວາມວ່າ ເຂົາເຈົ້າຢາກໃຫ້ເຈົ້າຢຸດ ຫລື ເຊົາເຮັດສິ່ງທີ່ເຈົ້າກຳລັງເຮັດຢູ່ ຊຶ່ງມີທາງເປັນໄປໄດ້ຫລາຍທີ່ສຸດວ່າ ສິ່ງ ທີ່ເຈົ້າເຮັດຢູ່ນັ້ນ ມັນເປັນຕາລຳຄານ.

Ly: Oh, I see. Your neighbors are being loud and you wish that they would stop.
ໂອ ເຂົ້າໃຈແລ້ວ. ເພື່ອນບ້ານຂອງ ເຈົ້າ ມັກເຮັດສຽງດັງ ແລະ ເຈົ້າກໍ່ຢາກໃຫ້ເຂົາເຈົ້າເຊົາເຮັດສຽງດັງ.

LL: Exactly. They have been yelling, singing, and watching TV nonstop for days. I would give anything if they would just knock it off.
ຖືກຕ້ອງ. ພວກເຂົາພາກັນຮ້ອງໂຮ ພາກັນຮ້ອງເພງ ແລະ ເບິ່ງທີວີ ແບບບໍ່ຢຸດ ເປັນເວລາຫລາຍໆມື້. ຂ້ອຍ ຍອມໃຫ້ໄດ້ທຸກຢ່າງ ຂໍພຽງແຕ່ໃຫ້ພວກເຂົາເຈົ້າຢຸດເຊົາ ກໍ່ເທົ່ານັ້ນ.

Ly: Have you tried asking them to knock it off?
ແລ້ວເຈົ້າກໍ່ໄດ້ ພະຍາຍາມ ຂໍໃຫ້ເຂົາເຈົ້າເຊົາ ບໍ່ລະ?

LL: I’ve thought about it, but I don’t want to get into an argument with them. I’ve even thought about calling the landlord.
ຂ້ອຍກໍ່ເຄີຍຄິດຢູ່ ແຕ່ຂ້ອຍບໍ່ຢາກມີການຜິດຖຽງກັນ ກັບພວກ ເຂົາເຈົ້າ. ຂ້ອຍຈົນເຄີຍຄິດວ່າ ຈະໂທລະສັບບອກເຈົ້າຂອງເຮືອນເຊົ່າ ພຸ້ນແຫລະ.

Ly: That’s a good idea. Maybe the landlord will tell them to knock it off.
ເປັນແນວຄິດທີ່ດີ. ບາງທີ ເຈົ້າຂອງເຮືອນເຊົ່າ ຈະບອກໃຫ້ເຂົາເຈົ້າເຊົາ.

LL: But they’ll probably guess that I’m the one who complained.
ແຕ່ວ່າ ເຂົາເຈົ້າກໍ່ຄົງຈະເດົາໄດ້ວ່າ ແມ່ນຂ້ອຍນີ້ແຫລະ ທີ່ເປັນຄົນທີ່ໄປຈົ່ມວ່າໃຫ້ເຂົາເຈົ້າ.

Ly: So what? Who cares if they get angry with you?
ຊິເປັນຫຍັງລະ? ຊິໄປຫ່ວງຫຍັງ ຖ້າພວກເຂົາບໍ່ພໍໃຈໃຫ້ເຈົ້າ?

LL: You’re right, I guess it doesn’t matter if they’re mad at me as long as they knock it off.
ເຈົ້າເວົ້າຖືກ. ຂ້ອຍຄິດວ່າ ມັນບໍ່ສຳຄັນຫຍັງ ຖ້າພວກເຂົາຈະໃຈຮ້າຍໃຫ້ຂ້ອຍ ຕາບໃດທີ່ພວກເຂົາ ຫາກເຊົາເຮັດສຽງດັງ.

Ly: My neighbor keeps leaving his garbage near my front door.
ເພື່ອນບ້ານຂອງຂ້ອຍກໍ່ມັກເອົາຂີ້ເຫຍື້ອຂອງລາວ ມາປະ ໄວ້ໃກ້ກັບປະຕູໜ້າບ້ານຂ້ອຍ.

LL: Did you tell him to knock it off?
ເຈົ້າໄດ້ບອກໃຫ້ລາວ ເຊົາເຮັດແບບນັ້ນບໍ່ລະ?

Ly: I asked him nicely not to put his garbage there, and he seems to have stopped doing it.
ຂ້ອຍກໍ່ໄດ້ຂໍຮ້ອງ ລາວດີໆ ບໍ່ໃຫ້ປະຖົງຂີ້ເຫຍື້ອລາວໄວ້ຢູ່ຫັ້ນ ແລະ ເບິ່ງຄືວ່າ ລາວກໍ່ໄດ້ ເຊົາເຮັດແລ້ວ.

LL: That’s great. I wish my neighbors were as cooperative.
ດີຫລາຍແລ້ວເດ້. ຂ້ອຍກໍ່ຢາກໃຫ້ເພື່ອນບ້ານຂອງຂ້ອຍ ໃຫ້ຄວາມຮ່ວມມືດີແບບນັ້ນ ຄືກັນເດ້.

Ly: You know, Larry, you’re complaining a lot; maybe you should knock it off too.
ເຈົ້າຮູ້ບໍ່ ແລຣີ ເຈົ້າຈົ່ມຫລາຍອີ່ຫລີ. ບາງທີ ເຈົ້າຄວນຈະ knock it off ຄືກັນ.

LL: Very funny, Ly. ຕະລົກຫລາຍ ລີ.

A couple of days later Ly saw and talked to Larry again, and he sounded like he just woke up from sleep. ສອງສາມມື້ຕໍ່ມາ ລີກໍ່ໄດ້ມາພໍ້ ແລະ ລົມກັບແລຣີອີກ ແລະ ລາວກໍ່ມີ ສຽງເວົ້າແບບງົວເງຍ ຄືກັນກັບຫາກໍ່ຕື່ນນອນ. ແລຣີເວົ້າວ່າ ລາວ conked out, c-o-n-k-e-d - out o-u-t ມັນແປວ່າແນວໃດເກາະ? ໄປຟັງແລຣີ ອະທິບາຍກັນ.

Ly: Larry, you sound really sleepy. Did you just wake up?

LL: I must have really conked out. I fell asleep on the couch a few hours ago. I was so tired that my neighbors couldn’t keep me awake any longer.

Ly: You conked out? What does conk out mean?

LL: Conk C-O-N-K, out O-U-T. To conk out is slang for falling into a deep sleep.

Ly: Oh, you fell asleep on the couch. At least you finally got some rest. I know how tired you’ve been.

LL: Yeah, it was wonderful to finally conk out for a few hours. I really needed the sleep.

Ly: I wish I could conk out for a couple of hours, but I still have some more homework to do.

LL: Maybe you could conk out early tonight and do your homework in the morning before class.

Ly: No, I won’t be able to sleep if I know that I still have something left to do.

LL: You’re a little too conscientious, Ly. Sometimes, you have to relax and take care of yourself.

Ly: Maybe you’re right. I guess I will go ahead and try to conk out. (yawn)

To conk out means to fall into a deep sleep. To conk out ແປວ່າ ນອນຫລັບສະໜິດ ນອນຫລັບປານຕາຍ ນອນຫລັບ ແບບແຈບໆ ຍ້ອນຄວາມອິດເມື່ອຍ. He conked out, c-o-n-k-e-d - out o-u-t ເປັນຄໍາໃນອະດີດຂອງສໍານວນ conk out ກໍ່ແປວ່າ ລາວນອນຫລັບປານຕາຍ. ແຕ່ຖ້າທ່ານຫາກເວົ້າວ່າ I am going to conk out ກໍ່ແມ່ນທ່ານຢາກເວົ້າວ່າ ຂ້ອຍຈະໄປນອນໃຫ້ຄັກໆແຈບໆ ກ່ອນ. ເອົາ ໄປຟັງບົດສົນທະນາ ເມື່ອກີ້ນີ້ອີກ ພ້ອມກັບຄຳແປ ເພື່ອຈະ ໄດ້ຮູ້ວ່າເປັນຫຍັງ ແລຣີຈຶ່ງນອນຫລັບປານຕາຍ.

Ly: Larry, you sound really sleepy. Did you just wake up?
ແລຣີ ຟັງສຽງເຈົ້າຄືຢາກນອນແທ້. ເຈົ້າຫາກໍ່ຕື່ນຫວະ?

LL: I must have really conked out. I fell asleep on the couch a few hours ago. I was so tired that my neighbors couldn’t keep me awake any longer.
ຂ້ອຍຄືຈະ ຫລັບປານຕາຍໄປອີ່ຫລີ. ຂ້ອຍນອນຫລັບໄປຢູ່ຕັ່ງໂຊຟາ ເມື່ອສາມສີ່ຊົ່ວ ໂມງກ່ອນ. ຂ້ອຍເມື່ອຍຫລາຍ ຈົນວ່າເພື່ອນບ້ານຂ້ອຍບໍ່ສາມາດເຮັດໃຫ້ ຂ້ອຍນອນບໍ່ຫລັບ ໄດ້ອີກແລ້ວ.

Ly: You conked out? What does conk out mean?
ເຈົ້າ conked out? ແປວ່າຫຍັງເກາະ conk out?

LL: To conk out is slang for falling into a deep sleep. To conk out
ເປັນຄໍາສັບສະແລງ ທີ່ແປວ່າ ນອນຫລັບສະໜິດ ຫລື ນອນຫລັບປານຕາຍ.

Ly: Oh, you fell asleep on the couch. At least you finally got some rest. I know how tired you’ve been.
ໂອ ເຈົ້ານອນຫລັບໄປຢູ່ຕັ່ງໂຊຟາ. ຢ່າງໜ້ອຍ ເຈົ້າກໍ່ໄດ້ພັກຜ່ອນໜ້ອຍໜຶ່ງ ໃນທີ່ສຸດ. ຂ້ອຍຮູ້ດີວ່າ ເຈົ້າເມື່ອຍຫລາຍອີ່ຫລີ ຊ່ຳໃດ.

LL: Yeah, it was wonderful to finally conk out for a few hours. I really needed the sleep.
ຫັ້ນແຫລະ ມັນດີຫລາຍທີ່ ໃນທີ່ສຸດ ຂ້ອຍກໍ່ໄດ້ນອນຫລັບສະໜິດໄປສາມສີ່ຊົ່ວໂມງ. ຂ້ອຍຕ້ອງການ ຢາກນອນພັກຜ່ອນອີ່ຫລີ.

Ly: I wish I could conk out for a couple of hours, but I still have some more homework to do.
ຂ້ອຍກໍ່ຢາກສາມາດ ນອນຫລັບປານຕາຍໄດ້ ຈັກສອງສາມຊົ່ວໂມງເດ້ ແຕ່ຂ້ອຍຜັດຍັງມີວຽກ ບ້ານ ທີ່ຈະຕ້ອງໄດ້ເຮັດອີກຫລາຍຢູ່.

LL: Maybe you could conk out early tonight and do your homework in the morning before class.
ບາງທີ ຄືນນີ້ ເຈົ້າອາດສາມາດໄປນອນຫລັບໃຫ້ສະໜິດ ໄດ້ແຕ່ຫົວຄ່ຳແດ່ ແລ້ວຈຶ່ງລຸກ ຂຶ້ນມາເຮັດວຽກບ້ານຂອງເຈົ້າ ໃນຕອນເຊົ້າ ກ່ອນເຂົ້າຮຽນ.

Ly: No, I won’t be able to sleep if I know that I still have something left to do.
ບໍ່ດອກ ຂ້ອຍຈະບໍ່ສາມາດນອນຫລັບ ໄດ້ ຖ້າຂ້ອຍຮູ້ວ່າ ຂ້ອຍຍັງມີບາງສິ່ງບາງຢ່າງ ທີ່ຈະຕ້ອງໄດ້ເຮັດອີກຢູ່.

LL: You’re a little too conscientious, Ly. Sometimes, you have to relax and take care of yourself.
ເຈົ້າເປັນຫ່ວງ ນຳແຕ່ວຽກຫລາຍເກີນໄປໜ້ອຍໜຶ່ງແລ້ວ ລີເອີຍ. ບາງຄັ້ງບາງຄາວ ເຈົ້າ ກໍ່ຄວນຈະໄດ້ພັກ ຜ່ອນຄາຍ ແລະ ດູແລຕົນເອງແດ່.

Ly: Maybe you’re right. I guess I will go ahead and try to conk out. (yawn)
ບາງທີ ເຈົ້າອາດຈະເວົ້າຖືກ. ຂ້ອຍຄິດວ່າ ຂ້ອຍຈະໄປນອນ ແລະ ພະຍາຍາມນອນໃຫ້ຫລັບສະໜິດກ່ອນ.

ແລະ ນັ້ນກໍ່ຄືລາຍການບົດຮຽນພາສາອັງກິດ Popular American Slangs and Idioms ທີ່ວິທະຍຸກະຈາຍສຽງແຫ່ງຊາດ ລາວ ຢູ່ນະຄອນຫລວງ​ວຽງ​ຈັນ ສປປ ລາວ ຮ່ວມກັບ ວີໂອເອ ພາກ ພາສາລາວ ທີ່​ນະຄອນຫລວງວໍ​ຊິງ​ຕັນ ດີ​ຊີ ສະຫະລັດອາ​ເມຣິກາ ນຳມາ ສະເໜີທ່ານເປັນປະຈໍາ ທາງສະຖານີແຫ່ງນີ້ ໃນລະບົບ AM ທຸກໆວັນ ອັງຄານ ແລະ ວັນເສົາ ເວລາ 9.30 ໂມງ ຫາ 9:45 ໂມງ ຕອນເຊົ້າ ແລະ ໃນລະບົບ FM 103.7 Mhz (ຮ້ອຍສາມຈຸດເຈັດເມກາເຮີ້ສ) ເວລາບ່າຍ 14.00 ໂມງ ຫາ 14.15 ໂມງ ທຸກໆວັນເສົາ ແລະ ວັນ ອາທິດ. ໂປດຕິດຕາມບົດຮຽນໃໝ່ຂອງພວກເຮົາໄດ້ໃນຄັ້ງຕໍ່ໄປ. ສຳລັບ ມື້ນີ້ ທິມງານຂອງພວກເຮົາ ຂ້າພະເຈົ້າ ດາຣາ ກັບສຸກພະໃສ ແລະ ເພັດສະໝອນ ພ້ອມດ້ວຍນາຍຊ່າງເຕັກນິກອັດສຽງ ສົມຄິດ ວິໄລເງິນ ແລະ ອັດສະລາ ຂໍຂອບໃຈທຸກໆທ່ານທີ່ໃຫ້ກຽດຕິດຕາມຮັບຟັງແຕ່ຕົ້ນຈົນຈົບ. ພົບກັນໃໝ່ໃນໂອກາດໜ້າ - ສະບາຍດີ!

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG