ແກັສເມເຕນທີ່ຊຶມອອກມາຈາກການຜະລິດນ້ຳມັນເຊື້ອໄຟຈາກຊາກພືດແລະສັດດຶກດຳບັນ ຫຼືທີ່ເອີ້ນວ່າ ຟອສຊິລ ແມ່ນນຶ່ງໃນສິ່ງທີ່ມີສ່ວນເຮັດໃຫ້ສະພາບອາກາດປ່ຽນແປງ. ຕອນນີ້ນັກວິທະຍາສາດດ້ານສິ່ງແວດລ້ອມທີ່ນຳໜ້າຄົນນຶ່ງແມ່ນກຳລັງຫວັງວ່າ ຈະສະໜອງການຄົ້ນພົບທີ່ແນ່ນອນ ກວ່າເກົ່າ ແລະ ສອດຄ່ອງກັບການຄົ້ນພົບທີ່ກ່ຽວກັບການປ່ອຍແກັສເມເຕນ ດ້ວຍການສົ່ງດາວທຽມທີ່ມີຄວາມທັນສະໄໝດ້ານເທັກໂນໂລຈີຂຶ້ນໄປໃນວົງໂຄຈອນຂອງໂລກ.
ເດືອນມີນາທີ່ຜ່ານມາ, ບໍລິສັດຖ້ຽວບິນອະວະກາດເອກະຊົນ SpaceX ໄດ້ນຳເອົາດາວທຽມຂຶ້ນໄປຍັງອະວະກາດ ທີ່ຈະໃຊ້ເທັກໂນໂລຈີທີ່ລ້ຳໜ້າເພື່ອວັດແທກການປ່ອຍແກັສເມເຕນ ໃນທົ່ວໂລກ.
ດາວທຽມ MethaneSAT ທີ່ຖືກຜະລິດໂດຍບໍລິສັດ Blue Canyon Technologies ທີ່ມີຫ້ອງການຕັ້ງຢູ່ລັດ ໂຄໂລຣາໂດ ແລະ ມີຂະໜາດປະມານເຄື່ອງຈັກຊັກຜ້າ, ຈະບິນອ້ອມທຸກພາກສ່ວນຂອງໂລກເພື່ອວັດແທກວ່າອາຍແກັສທີ່ເພີ່ມຄວາມອຸ່ນໃນໂລກນັ້ນ ຖືກປ່ອຍອອກມາຫຼາຍເທົ່າໃດ ຊຶ່ງມັນຖືກປ່ອຍອອກມາສູ່ຊັ້ນບັນຍາກາດຂອງພວກເຮົາ ແລະ ການປ່ອຍອອກມາທີ່ວ່ານັ້ນ ມີຄວາມແຕກຕ່າງກັນແນວໃດ.
ທ່ານ ຄຣິສ ວິນສເລັດ, ຈາກບໍລິສັດ Blue Canyon Technologies ກ່າວວ່າ “ດາວທຽມ MethaneSAT ຈະເປັນນຶ່ງໃນດາວທຽມໜ່ວຍທຳອິດ ທີ່ບໍ່ພຽງແຕ່ຈະວັດແທກແຫຼ່ງທີ່ມາຂອງການປ່ອຍອາຍພິດຕ່າງໆອອກມາເທົ່ານັ້ນ, ແຕ່ແທ້ຈິງແລ້ວ ຈະຕິດຕາມເບິ່ງມັນ ຊົ່ວໄລຍະນຶ່ງ, ສະນັ້ນເຂົາເຈົ້າຈຶ່ງສາມາດພິຈາລະນາວ່າ ມັນດີຂຶ້ນ, ຫຼືຮ້າຍແຮງ ກວ່າເກົ່າ.”
ແກັສເມເຕນທີ່ຖືກປ່ອຍອອກມາຜ່ານກິດຈະກຳຂອງມະນຸດ ແມ່ນເທົ່າກັບປະມານ 30 ເປີເຊັນຂອງຄວາມອົບອຸ່ນຂຶ້ນຂອງໂລກ ທີ່ມັນກຳລັງປະເຊີນຢູ່ໃນປັດຈຸບັນນີ້, ແລະ ແກັສດັ່ງກ່າວ ແມ່ນຮ້າຍແຮງກວ່າອາຍຄາບອນໄດອົກໄຊ້ເຖິງ 28 ເທົ່າ ໃນການກັກຂັງອາຍຮ້ອນໄວ້ຢູ່ໃນຊັ້ນບັນຍາກາດຂອງພວກເຮົາ.
ດາວທຽມ MethaneSAT, ທີ່ຖືກພັດທະນາຂຶ້ນໂດຍກອງທຶນປ້ອງກັນສິ່ງແວດລ້ອມ ດ້ວຍການຮ່ວມມືກັບຫຼາຍຄູ່ຮ່ວມງານ, ໃນເບື້ອງຕົ້ນຈະເພັ່ງເລັງໃສ່ການຜະລິດນ້ຳມັນເຊື້ອໄຟຟອສຊິລ….
….ເຊິ່ງແມ່ນສາເຫດທີ່ໃຫຍ່ທີ່ສຸດອັນດັບສອງ ຕໍ່ການປ່ອຍແກັສເມເຕນໂດຍມະນຸດ ຕາມຫຼັງດ້ວຍກະສິກຳ.
ທ່ານ ສີເວັນ ແຮມເບີກ, ຈາກກອງທຶນການປ້ອງກັນສິ່ງແວດລ້ອມ ກ່າວວ່າ “ພວກເຮົາໄດ້ນຳພາຄວາມພະຍາຍາມເພື່ອທຳຄວາມເຂົ້າໃຈກ່ຽວກັບ ການປ່ອຍແກັສເມເຕນຈາກອຸດສາຫະກຳນ້ຳມັນ ແລະ ອາຍແກັສ ເປັນເວລາດົນກວ່າ 10 ປີແລ້ວ. ແລະຫຼາຍປີທີ່ຜ່ານມາ, ພວກເຮົາຮູ້ວ່າ ພວກເຮົາບໍ່ສາມາດທີ່ຈະເກັບກຳຂໍ້ມູນທີ່ຈະສາມາດເກັບເອົາການປ່ອຍອາຍພິດທັງຫຼາຍເຫຼົ່ານັ້ນໄດ້ແທ້ຈິງ ຂະນະທີ່ເກີດຂຶ້ນຢ່າງຕໍ່ເນື່ອງ.”
ຂໍ້ມູນດັ່ງ່ກາວ ຈະຊ່ວຍບັນດານັກວິທະຍາສາດປະເມີນວ່າ ການຫຼຸດຜ່ອນຈະຕ້ອງຖືກເຮັດຢູ່ໃສແດ່ ແລະ ໂດຍຜູ້ໃດ.
ທ່ານ ສຕີເວັນ ແຮມເບີກ ກ່າວວ່າ “ສິ່ງສຳຄັນຢູ່ທີ່ນີ້ ກໍແມ່ນຮຽນຮູ້ຂໍ້ມູນ, ຂໍ້ມູນທີ່ມີຄຸນນະພາບສູງ, ຂໍ້ມູນທີ່ພວກເຮົາສາມາດເຊື່ອຖື, ແລະ ອັນທີ່ພວກເຮົາໃຊ້ເພື່ອໃຫ້ເຂົ້າໃຈບັນຫາແທ້ໆ.”
ດາວທຽມ MethaneSAT ຈະສ້າງສິ່ງທີ່ທີມດັ່ງກ່າວເວົ້າວ່າ ເປັນຊຸດຂໍ້ມູນທີ່ຮອບດ້ານທີ່ສຸດເທົ່າທີ່ເຄີຍຜະລິດຂຶ້ນມາໂດຍອຸດສາຫະກຳດຽວ.
ໃນຂະນະດຽວກັນ, ສາທາລະນະຈະສາມາດເຂົ້າຫາ ຂໍ້ມູນເບື້ອງຕົ້ນຈາກດາວທຽມນີ້ໄດ້ ໂດຍບໍ່ຕ້ອງເສຍຄ່າໃຊ້ຈ່າຍ, ພາຍໃນຫົກເດືອນຂ້າງໜ້ານີ້.
ອ່ານເປັນພາສາອັງກິດ
This past March, [EDS: March 4] private spaceflight company SpaceX carried into space a satellite that’s using advanced technology to measure methane emissions around the world.
Manufactured by Colorado-based Blue Canyon Technologies and roughly the size of a washing machine, MethaneSAT will circle every part of the Earth to measure how much of the planet-warming gas has been emitted into our atmosphere and how those emissions vary.
“MethaneSAT would be one of the first satellites that's actually not only able to measure the source of emissions, but actually monitor it over time, so they can see if it's getting better, if it's getting worse.”
Methane emitted through human activity accounts for about 30% of the warming the planet is currently experiencing, and the gas is more than 28 times as potent as carbon dioxide at trapping heat in our atmosphere.
MethaneSAT, developed by the Environmental Defense Fund in collaboration with several partners, will initially focus on fossil fuel production…
…which is the second-largest human-made contributor to methane emissions after agriculture.
“We've been leading efforts to understand methane emissions from the oil and gas industry for well over 10 years now. And several years ago, we realized that we couldn't collect enough data to really be able to capture those emissions on an ongoing basis.”
The data will help scientists assess where reductions need to be made and by whom.
“The key here is going to empirical data, high quality data, data that we can trust, and that we can then utilize to really understand the problem.”
MethaneSAT will yield what the team says will be the most comprehensive dataset ever produced for a single industry.
In the meantime, preliminary data from the satellite will be accessible to the public -- free of charge -- within the next six months.
ຟໍຣັມສະແດງຄວາມຄິດເຫັນ