ລິ້ງ ສຳຫລັບເຂົ້າຫາ

logo-print

ຝຣັ່ງປະນາມ ການໂຈມຕີ ຂອງພວກມືປືນ ຢູ່ປະເທດນິແຊຣ໌


ເຈົ້າໜ້າທີ່ອົງການທີ່ບໍ່ຂຶ້ນກັບລັດຖະບານ ACTED ເຂົ້າຮ່ວມກອງປະຊຸມຖະແຫຼງຂ່າວ ທີ່ສຳນັກງານໃຫຍ່ຂອງອົງການ ຢູ່ນະຄອນຫຼວງປາຣີ ເມື່ອວັນທີ 10 ສິງຫາ 2020.

ປະທານາທິບໍໍດີຝຣັ່ງ ທ່ານເອັມມານູແອລ ມາກຣົງ ໄດ້ປະນາມການໂຈມຕີຂອງພວກມືປືນໃນປະເທດນີແຊຣ໌ຕໍ່ຊາວຝຣັ່ງ ທີ່ຮວມທັງພະນັກງານໃຫ້ ການຊ່ວຍເຫຼືອ ໂດຍໄດ້ສັງຫານຢ່າງໜ້ອຍ 8 ຄົນ ລວມມືຜູ້ນຳທ່ຽວ ແລະຄົນ ຂັບລົດ. ການໂຈມຕີດັ່ງກ່າວມີຂຶ້ນຢູ່ນອກນະຄອນຫຼວງນີອາເມໃນເຂດຊຶ່ງພວກນັກທ່ອງທ່ຽວມັກໄປເບິ່ງສັດປ່າ. ມັນເປັນຄວາມເສຍຫາຍທີ່ຮ້າຍແຮງ ຕໍ່ນິແຊຣ໌ ຊຶ່ງເປັນພັນທະມິດທີ່ສຳຄັນຂອງສະຫະລັດແລະປະເທດອື່ນໆ ໃນການຕໍ່ສູ້ຕ້ານພວກຫົວຮຸນແຮງຈັດ ຢູ່ໃນເຂດຊາແຮລ. Nicolas Pinault ມີລາຍງານ ກ່ຽວກັບເລື້ອງນີ້ ຈາກປາຣີ ດັ່ງໄພສານ ຈະນຳເອົາລາຍລະອຽດມາສະເໜີທ່ານ ໃນອັນດັບຕໍ່ໄປ.


ການໂຈມຕີ ເກີດຂຶ້ນທີ່ເມືອງກູເຣ 64 ກິໂລແມັດຫ່າງຈາກນະຄອນຫຼວງນິອາເມ ຂອງນິແຊຣ໌. ອົງການໃຫ້ຄວາມຊ່ວຍເຫຼືອ ACTED ຂອງຝຣັ່ງກ່າວວ່າ ພະນັກງານຂອງຕົນຫຼາຍຄົນ ແມ່ນຮວມຢູ່ໃນຈຳນວນພວກທີ່ຖືກຂ້າຕາຍ ໃນລະຫວ່າງການໄປທ່ຽວຫຼິ້ນຂອງພວກນັກທ່ອງທ່ຽວ. ຝຣັ່ງກໍໄດ້ໃຫ້ການຢືນຢັນວ່າປະຊາຊົນຂອງຕົນແມ່ນຮວມຢູ່ໃນຈຳນວນພວກທີ່ເສຍຊີວິດ.

ເປັນທີ່ເຊື່ອກັນວ່າ ນີ້ແມ່ນການໂຈມຕີເທື່ອທຳອິດຕໍ່ພວກຊາວຕາເວັນຕົກ ຢູ່ໃນເຂດດັ່ງກ່າວຂອງປະເທດນິແຊຣ໌ ຊຶ່ງເປັນບ່ອນທ່ອງທ່ຽວທີ່ຜູ້ຄົນມັກໄປ ທັງນີ້ກໍຍ້ອນຍັງມີຈີຣາຟອາໄສຢູ່ ໃນປະເທດອາຟຣິກາຕາເວັນຕົກແຫ່ງນີ້.

ໃນການຖະແຫຼງຕໍ່ວີໂອເອ ຈາກນະຄອນດາກາ ທ່ານກິວເລສ ຢາບີ (Gilles Yabi) ຜູ້ກໍ່ຕັ້ງອົງການ WATHI ຊຶ່ງເປັນອົງການຈັດຕັ້ງຂອງກຸ່ມສັງຄົມພົນລະເຮືອນທີ່ເວົ້າເຖິງຕົນເອງວ່າ ເປັນອົງການໃຫ້ຄຳແນະນຳຂອງປະຊາຊົນໃນເຂດອາຟຣິກາຕາເວັນຕົກນັ້ນ ກ່າວວ່າ ການໂຈມຕີນີ້ບໍ່ແມ່ນເປັນສິ່ງທີ່ແປກໃນເຂດຊາແຮລ ຊຶ່ງໃນໄລຍະຫຼາຍປີຜ່ານມານີ້ ໄດ້ກາຍເປັນເຂດທີ່ບໍ່ມີສະຖຽນລະພາບ.

ທ່ານຢາວີກ່າວວ່າ “ນີ້ແນ່ນອນແມ່ນຄວາມເສຍຫາຍ ຕໍ່ການດຳເນີນຄວາມພະຍາຍາມທີ່ໄດ້ເຮັດມາເທົ່າເຖິງປັດຈຸບັນ ເພື່ອນຳເອົາຄວາມໝັ້ນຄົງມາສູ່ປະເທດນິແຊຣ໌ ແຕ່ຢູ່ໃນເຂດຊາແຮລໂດຍທົ່ວໄປແລ້ວ ພວກເຮົາຮູ້ວ່າການໂຈມຕີ ສາມາດເກີດຂຶ້ນໄດ້ ຢູ່ໃນທຸກໆບ່ອນ. ເຂດເຫຼົ່ານີ້ແມ່ນໄດ້ກາຍເປັນເຂດທີ່ຕົກເປັນເປົ້າງ່າຍຂຶ້ນ ສຳລັບກຸ່ມກຳລັງປະກອບອາວຸດຕ່າງໆ. ມັນງ່າຍຫຼາຍທີ່ກຸ່ມກຳລັງປະກອບອາວຸດບາງກຸ່ມ ຈະຍ້າຍຈາກເຂດນຶ່ງໄປຍັງອີກເຂດນຶ່ງ.”

ໃນການໃຫ້ສຳພາດ ກັບວີໂອເອ ເມື່ອໄວໆມານີ້ ທ່ານເຈ ປີເຕີ້ ຟາມ ທູດພິເສດຂັ້ນສູງຂອງສະຫະລັດ ປະຈຳເຂດຊາແຮລ ໃຫ້ຂໍ້ສັງເກດວ່າ ການໂຈມຕີຂອງ ພວກຫົວຮຸນແຮງຈັດ ຢູ່ໃນປະເທດເບີກີນາຟາໂຊ ມາລີ ແລະນິແຊຣ໌ ໄດ້ເພີ້ມຂຶ້ນ 40 ເປີເຊັນ ໃນໄຕມາດທຳອິດຂອງປີນີ້ ພຽງປີດຽວເທົ່ານັ້ນ.

ຍ້ອນມີຕ່າງປະເທດຢູ່ໃນດິນແດນຂອງຕົນ ແລະສະຫະລັດກໍໄດ້ສ້າງຕັ້ງຖານທັບເຮືອບິນບໍ່ມີຄົນຂັບ ຢູ່ໃນເຂດອາກາເດຂອງນິແຊຣ໌ ປະເທດດັ່ງກ່າວແມ່ນໄດ້ນຳເອົາການຮ່ວມມືກັບປະເທດມະຫາອຳນາດຕາເວັນຕົກມາເປັນຈຸດໃຈກາງໃນດ້ານຄວາມປອດໄພຂອງຕົນ.

ແຕ່ແນວໃດກໍຕາມ ທ່ານຣິດາ ຣຽມມູຣີ ເຈົ້າໜ້າທີ່ອະວຸໂສທີ່ສູນກາງນະໂຍບາຍ ຂອງອົງການ New South ກ່າວວ່າ ນິແຊຣ໌ເບິ່ງຄືວ່າ ບໍ່ສາມາດທີ່ຈະປ້ອງກັນການໂຈມຕີເຫຼົ່ານັ້ນໄດ້.

ທ່ານຣຽມມູຣີກ່າວວ່າ “ນີ້ແມ່ນການຖອຍຫຼັງຄັ້ງໃຫຍ່ ສຳລັບປະເທດນິແຊຣ໌ ຊຶ່ງເປັນພັນທະມິດທີ່ສຳຄັນຂອງສະຫະລັດ ຝຣັ່ງ ແລະສະຫະພາບຢູໂຣບ. ທັງສະຫະລັດແລະຝຣັ່ງຕ່າງກໍໃຫ້ການຝຶກແອບ ຄຳແນະນຳແລະສະໜອງອຸບປະກອນໃຫ້ແກ່ກຳລັງຂອງນິແຊຣ໌. ແຕ່ແນວໃດກໍຕາມການມີກຳລັງຮັກສາຄວາມສະຫງົບທີ່ເຂັ້ມແຂງ ບໍ່ສາມາດມີຂຶ້ນໃນເວລາພຽງຂ້າມຄືນຫຼືແມ່ນກະທັງໃນໄລຍະນຶ່ງທົດສະວັດ ຊຶ່ງເປັນກໍລະນີຂອງປະເທດນິແຊຣ໌ນັ້ນ.”

ທຳນຽບຂອງປະທານາທິບໍດີຝຣັ່ງ ທ່ານເອັມມານູແອລ ມາກຣົງ ກ່າວວ່າ ທ່ານໄດ້ໂອ້ລົມກັບປະທານາທິບໍດີນິແຊຣ໌ ທ່ານມາຮາມາດູ ອິສຊູຟູູ ໃນວັນອາທິດທີ່ຜ່ານມາ ຊຶ່ງພວກຜູ້ນຳທັງສອງຕ່າງກໍໄດ້ປະນາມໃນອັນທີ່ທ່ານມາກຣົງກ່າວວ່າເປັນການໂຈມຕີທີ່ “ຂີ້ຂາດຕາຂາວ” ແລະມັນອາດສາມາດ ພາໃຫ້ມີການຮື້ຟື້ນການອະພິປາຍທາງດ້ານການເມືອງຄືນໃໝ່ຢູ່ໃນປະເທດນິແຊຣ໌ ອີງຕາມທ່ານເຊດິກ ອັບບາ ນັກຂ່າວນິແຊຣ໌ ທີ່ເຮັດວຽກຢູ່ນະຄອນຫຼວງປາຣີ.

ທ່ານອັບບາ ອະທິບາຍວ່າ ສິ່ງທີ່ໄດ້ເກີດຂຶ້ນຢູ່ເມືອງກູເຣ ຈະເຮັດໃຫ້ກຳລັງຮັກສາຄວາມສະຫງົບເພັ່ງເລັງໃສ່ ການອະພິບາຍທາງດ້ານການເມືອງຢູ່ປະເທດນິແຊຣ໌ ກ່ຽວກັບການປະຕິບັດງານຂອງປະທານາທິບໍດີອິສຊູຟູ ແລະຄຸນຄ່າຂອງກຳລັງທະຫານຕ່າງປະເທດໃນດິນແດນຂອງນິແຊຣ໌. ທ່ານໄດ້ກ່າວເຖິງປະເທດຝຣັ່ງ ສະຫະລັດ ແລະແມ່ນກະທັງ ເຢຍຣະມັນ ທີ່ກຳລັງປະຈຳ ການຢູ່ໃນປະເທດນິແຊຣ໌.

ເຂດຊາແຮລໄດ້ກາຍເປັນບ່ອນຫລົບລີ້ ສຳລັບກຸ່ມຈີຮາດຕ່າງໆ ເຊັ່ນວ່າລັດອິສລາມ ຢູ່ໃນທະເລ ຊາຍຊາຮາຣາ ຫຼືເອີ້ນຫຍໍ້ວ່າ ISGS ນັ້ນ.

ມີຊາວຢູໂຣບ ຫຼາຍໆຄົນໄດ້ຖືກລັກພາໂຕ ແລະໃນບາງກໍລະນີ ກໍຖືກສັງຫານ ຢູ່ໃນເຂດທີ່ມີ ຄວາມສຳຄັນດັ່ງກ່າວ.

ຄົນສັນຊາດຝຣັ່ງ 2 ຄົນຄືທ່ານອັງຕວນ ເດິ ລຽວເກີ ແລະແວັງຊັງ ເດິລໍຣີ ໄດ້ຖືກຂ້າຕາຍຫຼັງຈາກໄດ້ຖືກລັກພາໂຕໄປໂດຍພວກຈີຮາດຈາກຮ້ານອາຫານແຫ່ງນຶ່ງໃນນະຄອນຫຼວງນີອາເມ ເມື່ອປີ 2011.

French President Emmanuel Macron has condemned an attack by gunmen in Niger on a group that included French aid workers, killing at least eight people including their guide and a driver. The attack happened outside the capital, Niamey, in an area popular with tourists for its wildlife. It is a major blow to Niger, a key ally for the U.S. and others in the fight against extremism in the Sahel. Nicolas Pinault reports for VOA from Paris.

The attack took place in Koure, only 40 miles from Niger’s capital Niamey. French aid group ACTED said several of its workers were among those killed during a tourist outing. France confirmed its nationals were among the dead.

It is believed to be the first such attack on Westerners in this area of Niger, a popular tourist attraction thanks to its unique population of West African or Niger giraffes.

Speaking to VOA from Dakar, Gilles Yabi, the founder of WATHI, acivil society organization that describes itself as a citizen think tank in West Africa, said this attack is not a surprise in this unstable region that Sahel has become over the years.

“This is definitely a blow to the effort that has been made so far to bring security in Niger. But, in the entire Sahel region, we do know that attacks can happen basically anywhere. The areas more exposed are areas where you have a proliferation of armed groups. It is very easy for some of these groups to move from one area to another.”

In a recent interview with VOA, J. Peter Pham, the top U.S. envoy to the Sahel region, noted extremist attacks in Burkina Faso, Mali and Niger had increased 40 percent in the first quarter of this year alone.

With foreign troops on its soil and a U.S. drones base set up in the northern Nigerien region of Agadez, Niger put security at the core of its cooperation with Western powers.

Yet, the country seems unable to prevent those attacks, says Rida Lyammouri, a senior fellow at the Policy Center for the New South.

This is a major setback for Niger, a major ally to the United States, France and the European Union. Both the U.S. and France have been training, advising and providing equipment to Niger forces. However, having strong security forces does not happen overnight or even a decade, which is the case for Niger.

The office of French President Emmanuel Macron said he spoke on the phone with his Niger counterpart Mahamadou Issoufou. Both leaders condemned what Mr. Macron described as a "cowardly" attack and one that could renew a political debate in Niger according to Seidik Abba, a Nigerien journalist based in Paris.

He explains that what happened in Koure will make security the focus of the political debate in Niger, even over president’s Issoufou track record and the value of foreign troops on Niger’s soil. He mentions that French, U.S. and even German troops are stationed in Niger.

Sahel has become a haven for Sahel jihadist groups such as the Islamic State in the Greater Sahara, ISGS.

A number of Europeans have been abducted – and in some cases killed – in the volatile region.

Two Frenchmen, Antoine De Leocour and Vincent Delory, were killed after being kidnapped by jihadists from a restaurant in Niamey in 2011.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG