ລິ້ງ ສຳຫລັບເຂົ້າຫາ

logo-print

ພວກຫຼົບ​ໜີ ​ອອກ​ຈາກ​ເກົາຫຼີ​ເໜືອ ພົບວ່າ ຕົນ​ມີ​ປາກ ມີ​ສຽງທາງ​ກາ​ນ​ເມືອງໄດ້ ຢູ່​ໃນເກົ​າ​ຫລີ​ໃຕ້


​ຜູ້ຫຼົບ​ໜີ​ອອກ​ຈາກ​ເກົາຫຼີ​ເໜືອກຸ່ມ​ນຶ່ງ ຖ່າຍ​ຮູບ​ຮ່ວ​ມ​ກັນ​ໃນ​ພິ​ທີ​ເປີດ​ໂຕພັກ​ທ້ອນ​ໂຮມ​ຄົນ​ເກົາ​ຫລີໃຕ້​ກັບ​ເກົາ​ຫລີ​ເໜືອກ່ອນ​ການ​ເລືອກ​ຕັ້ງ​ທົ່ວ​ໄປທີ່​ຈະ​ຈັດ​ຂຶ້ນ​ໃນ​ເດືອນ​ເມ​ສາ​ຈະ​ມາ​ເຖິງນີ້ ໃນ​ເກົາ​ຫລີ​ໃຕ້, ພາບ​ຖ່າຍ​ໃນ​ວັນ​ທີ 18 ກຸມ​ພາ, 2020

ເຖິງ​ແມ່ນ​ວ່າ ອົບ​ພະ​ຍົບເກົາຫຼີ​ເໜືອຫລາຍ​ຄົນອາ​ໄສ​ຢູ່ນອກ​ອະ​ດີດປະ​ເທດທີ່​ມີ​ລະ​ບົບ​ການ​ປົກ​ຄອງ​ແບບ​ຜະ​ເດັດ​ການ​ຂອງ​ເຂົາ​ເຈົ້າ​ໄດ້ພຽງ​ແຕ່​ສອງ ສາມ​ປີ​ເທົ່າ​ນັ້ນ​ກໍ​ຕາມ ສິ່ງນັ້ນ​ບໍ່​ໄດ້​ເຮັດ​ໃຫ້ພວກ​ເຂົາ​ເຈົ້າ​ທີ່​ມີ​ຈຳ​ນວນ​ນັບ​ມື້​ເພີ້ມ​ຂຶ້ນນັ້ນ ​ຍຸ​ຕິ​ການ​ເຂົ້າ​ຮ່ວມ​ໃນ​ລະ​ບົບ​ປະ​ຊາ​ທິ​ປະ​ໄຕ​ໃນ​ເກົາ​ຫລີ​ໃຕ້ເລີຍ.

ໃນ​ເວ​ລາ​ພຽງ​ແຕ່​ສອງ ສາມ​ເດືອນ​ກ່ອນ​ຈະ​ມີ​ການ​ເລືອກ​ຕັ້ງ​ຈັດ​ຂຶ້ນໃນເກົາ​ຫລີ​ໃຕ້ ນັ້ນ, ຜູ້ຫຼົບ​ໜີ​ອອກ​ຈາກ​ເກົາຫຼີ​ເໜືອສອງຄົນ ໄດ້​ປະ​ກາດ​ວ່າ ຕົນ​ຈະ​ລົງ​ສະ​ໝັກ​ແຂ່ງ​ຂັນ​ຊີງເອົາ​ບ່ອນ​ນັ່ງ​ໃນ​ສະ​ພາ. ອີກ​ດ້ານ​ນຶ່ງຕ່າງ​ຫາກ, ​ຜູ້ຫຼົບ​ໜີ​ອອກ​ຈາກ​ເກົາຫຼີ​ເໜືອກຸ່ມ​ນຶ່ງ ກຳ​ລັງ​ພະ​ຍ​າ​ຍາມ​ທີ່​ຈະ​ສ້າງ​ຕັ້ງ​ພັກ​ການ​ເມືອງ​ຂອງ​ຕົນຂຶ້ນ.

ການ​ດຳ​ເນີນ​ຄວາມ​ພະ​ຍາ​ຍາ​ມ​ ໃນ​ການ​ສ້າງ​ຕັ້ງ​ອົງ​ການ​ທາງ​ການ​ເມືອງ​ຂຶ້ນ ແບບບໍ່​ເຄີຍ​ມາ​ມາ​ກ່ອນ ໄດ້​ເນັ້ນໃຫ້ເຫັນເຖິງຄວາມຮູ້​ສຶກບໍ່​ພໍ​ໃຈ ຂອງ​ພວກຫຼົບ​ໜີ ອອກ​ຈາກ​ເກົາຫຼີ​ເໜືອຫລາຍ​ຄົນ ທີ່ນອນ​ໃນ​ຈຳ​ນວນ​ຊົນ​ຊັ້ນ​ ທີ່​ທຸກ​ຍາກ​ທີ່​ສຸດຢູ່​ໃນເກົາ​ຫລີ​ໃຕ້​ທີ່​ຮັ່ງ​ມີນັ້ນ. ຫລາຍ​ຄົນ​ຮູ້​ສຶກ​ວ່າ​ ຖືກ​ຈຳ​ແນກ ແລະ​ບໍ່​ມີ​ຄວາມກຽມ​ພ້ອມຢ່າງ​ເໝາະ​ສົມ​ ໃນ​ການ​ຮັບ​ມື​ ກັບ​ວິ​ຖີ​ຊີ​ວິດ​ຢູ່​ ໃນ​ປະ​ເທດນາຍ​ທຶນ​ແຫ່ງ​ນຶ່ງ.

“ພວກ​ເຮົາ​ຖືກ​ປະ​ຕິ​ບັດ​ຄື​ກັນ​ກັບ​ຄົນ​ຕ່າງ​ປະ​ເທດ” ຢູ່​ໃນເກົາ​ຫລີ​ໃຕ້. ນັ້ນ​ຄື​ຄຳ​ເວົ້າ​ຂອງ​ທ່ານ ອານ ຊານ-ອີ​ລ, ​ຜູ້ຫຼົບ​ໜີ​ອອກ​ຈາກ​ເກົາຫຼີ​ເໜືອ ທີ່​ກ່າວ​ຢູ່​ໃນ​ງານ​ແຫ່ງ​ນຶ່ງ​ ໃນ​ອາ​ທິດນີ້ ໃນ​ຂະ​ນະ​ທີ່​ປະ​ກາດ​ການ​ເລີ້ມ​ຕົ້ນ ​ສິ່ງ​ທີ່​ເອີ້ນ​ເປັນ​ການ​ຊົ່ວ​ຄາວ​ວ່າ ພັກ​ທ້ອນ​ໂຮມ​ຄົນ​ໃນ​ສອງ​ເກົາ​ຫລີ. ທ່ານ​ກ່າວ​ຕໍ່​ໄປ​ວ່າ “ບັດ​ນີ້ ພວກ​ເຮົາ​ມີ​ເຄືອ​ຂ່າຍ​ສູນ​ກາງ​ ທີ່​ຈະ​ເພີ້ມ​ທະ​ວີ​ການ​ເຄື່ນ​ໄຫວຂອງ​ພວກ​ເຮົາ​ແລ້ວ.”

ເຖິງ​ແມ່ນ​ວ່າ​ສະຖາ​ນະພາບ​ຂອງ​ເຂົາ​ເຈົ້າ ຈະ​ເປັນ​ພັກ​ທີ່​ມີ​ສຽງ​ສ່ວ​ນ​ນ້ອຍ ຊຶ່ງ​ໝາຍ​ຄວາມ​ວ່າ ອຳ​ນາດ​ທາງ​ການ​ເມືອງ​ຂອງ​ເຂົາ​ເຈົ້າ​ ຈະ​ຖືກ​ຈຳ​ກັດ​ຢູ່​ກໍ​ຕາມ ແຕ່​ວ່າ ການ​ເຄື່ອນ​ໄຫວ​ດັ່ງ​ກ່າວ​ສະ​ແດງ​ໃຫ້​ເຫັນ​ວ່າ ພວກຫຼົບ​ໜີອອກ​ຈາກ​ເກົາຫຼີ​ເໜືອທັງຫລາຍ ​ກຳ​ລັງ​ລິ​ເລີ້ມ​ທຳ​ການ​ຄຸ້ມ​ຄອງ​ຊາ​ຕາ​ກຳ​ຂອງ​ຕົນ, ອີງ​ຕາມ ທ່ານນາງ ແຄຊີ ລາ​ທີກ (Casey Lartigue) ທີ່​ເປັນ​ຜູ້​ຮ່ວມ​ສ້າງ​ຕັ້ງ​ກຸ່ມ ທີ່ຊ່ວຍ​ຊາວອົບ​ພະ​ຍົມເກົາຫຼີ​ເໜືອ ຮຽນ​ພາ​ສາ​ອັງ​ກິດ.

ອ່ານ​ຂ່າວນີ້​ເພີ້ມ​ເປັນ​ພາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG