ລິ້ງ ສຳຫລັບເຂົ້າຫາ

logo-print

ພວກ​ຜູ້​ນຳ ໃນ​ເຂດ​ອາ​ຟ​ຣິ​ກາ ຕາ​ເວັນ​ຕົກ ແລະ​ຝ​ຣັ່ງ ປະ​ກາດ ການ​ຕໍ່​ສູ້​ຮອບ​ໃໝ່ ຕ້ານ​ພວກ​ກໍ່​ການ​ຮ້າຍ


ການ​ກໍ່​ຄວາມ​ຮຸນ​ແຮງ​ເພີ້ມ​ຂຶ້ນ ​ຂອງ​ພວກ​ກໍ່​ການ​ຮ້າຍ ​ຢູ່​ໃນ​ເຂດ​ຊາ​ແຮ​ລ​ຂອງທະ​ວີບ​ອາ​ຟ​ຣິ​ກາ ໄດ້​ບັງ​ຄັບ​ໃຫ້​ປະ​ເທດ​ຕ່າງໆ ​ໃນ​ເຂດ​ອາ​ຟ​ຣິ​ກາ​ຕາ​ເວັນ​ຕົກ ທົບ​ທວນ​ຄືນ​ໃໝ່​ ເບິ່ງ​ຍຸດ​ທະ​ສາດ ແລະ​ການ​ທ້ອນ​ໂຮມ​ກຳ​ລັງ​ທະ​ຫານ​ຂອງ​ພວກເຂົາ​ເຈົ້າ. ພວກ​ຜູ້​ນຳ​ຂອງ​ປະ​ເທດ​ຕ່າງໆ ​ໄດ້ຖືກ​ເຊື້ອ​ເຊີນ​ ໂດຍ​ປະ​ທາ​ນາ​ທິ​ບໍ​ດີ​ຝ​ຣັ່ງ ທ່ານເອັມ​ມາ​ນູ​ແອ​ລ ມາກ​ຣົງ ໃຫ້​ໄປ​ຮ່ວມກອງ​ປະ​ຊຸມ​ສຸດຍອດ​ຂອງ​ກຸ່ມ​ຈີ 5 ຊຶ່ງ​ຈັດ​ຂຶ້ນ ​ທີ່​ເມືອງ​ໂປ ໃນພາກ​ໃຕ້​ຂອງ​ປະ​ເທດ​ຝ​ຣັ່ງ ເມື່ອ​ວັນ​ຈັນ​ທີ່​ຜ່ານ​ມາ ເພື່ອ​ສືບ​ຕໍ່​ການຮ່ວມ​ມື​ກັບ​ປະ​ເທດ​ຝ​ຣັ່ງແລະ​ປະ​ຄວາມ​ເຫັນ​ທີ່​ຂັດ​ແຍ້ງ​ກັນ​ກັບ​ອະ​ດີດ​ມະ​ຫາ​ອຳນາດ ​ທີ່​ເຄີຍ​ເປັນ​ເຈົ້າ​ອາ​ນາ​ນິ​ຄົມ​ເກົ່າ ໄວ້​ຕ່າງ​ຫາກ ເພື່ອ​ຕໍ່​ສູ້​ຕ້ານ​ພວກ​ອິ​ສ​ລາມ​ຫົວຮຸນແຮງ ຫຼືຈີ​ຮາດ. Daniel Gillet ມີ​ລາຍ​ງານ​ກ່ຽວ​ກັບ​ເລື້ອງນີ້ ຊຶ່ງໄພ​ສານຈະ​ນຳ​ເອົາ ລາຍລະອຽດ ​ມາສະເໜີທ່ານ ໃນອັນດັບຕໍ່ໄປ


ເມືອງ​ໂປ ເປັນ​ທີ່​ຕັ້ງ ​ຂອງ​ໜ່ວຍ​ປະ​ຕິ​ບັດ​ງານ​ເຮ​ລີ​ຄອບ​ເຕີ້​ທີ 5 ຊຶ່ງ​ພວກ​ທະ​ຫານ​ຈາກ​ໜ່ວຍ​ປະ​ຕິ​ບັດ​ງານ​ດັ່ງ​ກ່າວ ແມ່ນ​ຮວມ​ຢູ່​ໃນ 13 ຄົນທີ່​ເສຍ​ຊີ​ວິດ​ຍ້ອນ​ເຮ​ລີ​ຄອບ​ເຕີ້​ຕົກ ຢູ່​ທີ່​ປະ​ເທດ​ມາ​ລີ ເມື່ອ​ເດືອນ​ພະ​ຈິກ​ປີ​ກາຍນີ້. ປະ​ທາ​ນາທິ​ບໍ​ດີ​ຈາກອ​າ​ຟ​ຣິ​ກາ 5 ທ່ານ ໄດ້​ໄປ​ຮ່ວມ​ກັບ​ປ​ະ​ທາ​ນາ​ທິ​ບໍ​ດີ​ມາກ​ຣົງ ເພື່ອ​ໄວ້ອາ​ໄລ​ໃຫ້​ແກ່​ພວກ​ທີ່​ເສຍ​ຊີ​ວິດ.

ຜູ້​ນຳ​ຂອງ​ປະ​ເທດ​ຝ​ຣັ່ງ ໄດ້​ເຊື້ອ​ເຊີນ​ສະ​ມາ​ຊິກ​ 5 ປະ​ເທດ ຂອງ​ກຸ່ມ​ຊາ​ແຮ​ລ ທີ່​ປະ​ກອບ​ດ້ວຍ​ເບີ​ກີ​ນາ​ຟາ​ໂຊ ມາ​ລີ ມໍ​ຣິ​ເຕ​ເນຍ ນີ​ແຊ ແລະ ​ຊາດ ເພື່ອ​ໃຫ້​ຄວາມ ກະ​ຈ່າງ​ແຈ້ງ ກ່ຽວ​ກັບ​ທ່າ​ທີ​ຂອງ​ພວກ​ທ່ານ ຕໍ່​ການ​ມີ​ໜ້າ​ທາງ​ທະ​ຫານ​ຂອງ​ຝ​ຣັ່ງ​ຢູ່​ໃນ​ອະ​ດີດ​ຫົວ​ເມືອງ​ຂຶ້ນ​ຂອງ​ຕົນ.

ກອງ​ປະ​ຊຸມ​ດັ່ງ​ກ່າວ ຈັດ​ຂຶ້ນ​ທ່າມ​ກາງ​ທີ່​ມີ​ການ​ປະ​ທ້ວງ​ຢູ່​ປະ​ເທດ​ມາ​ລີ​ແລະ​ເບີ​ກີ​ນາ​ຟາ​ໂຊ ບ່ອນ​ທາງ​ບາງ​ຄົນ​ກ່າວ​ຫາ​ວ່າ ​ການ​ປະ​ຕິ​ບັດ​ງານ​ຂອງທະ​ຫານ​ຝ​ຣັ່ງ​ ບໍ່​ໄດ້​ຟື້ນ​ຟູ​ສະ​ຖຽນ​ລະ​ພາບ. ສຳ​ລັບ​ທ່ານ​ມາ​ກ​ຣົງ​ແລ້ວ ກອງ​ປະ​ຊຸມທີ່​ວ່າ​ນີ້​ແມ່ນສະ​ແດງ​ໃຫ້​ເຫັນເຖິງ​ການ​ບັນ​ລຸ​ຄວາມ​ຖືກ​ຕ້ອງ​ຊອບ​ທຳ​ຕາມ​ກົດ​ໝາຍ​ໃນ​ການ​ປະ​ຕິ​ບັດ​ງານ​ຂອງ​ຝ​ຣັ່ງ ແລະ​ການ​ໄປ​ມີ​ໜ້າ​ຂອງ​ພວກ​ຜູ້​ນຳ​ອາ​ຟ​ຣິ​ກາ​ກໍ​ເປັນ​ທີ່​ປາ​ກົດວ່າ​ເພື່ອ​ໃຫ້​ການ​ສະ​ໜັບ​ສະ​ໜຸນ ​ກ່ຽວ​ກັບ​ເລື້ອງນີ້. ປະ​ທາ​ນາ​ທິ​ບໍ​ດີ​ເອັມ​ມາ​ນູ​ແອ​ລ ມາ​ກ​ຣົງ ກ່າວ​ກ່ຽວ​ກັບ​ເລື້ອງນີ້​ວ່າ:

“ບັນ​ດາ​ປະ​ມຸກ​ຂອງ​ກຸ່ມ​ຈີ 5 ແຫ່ງ​ຊາ​ແຮ​ລ ໄດ້​ສະ​ແດງ​ຄວາມ​ປະ​ສົງ​ຂອງ​ພວກ​ທ່ານ ທີ່​ຈະ​ສືບ​ຕໍ່​ການ​ພົວ​ພັນ​ກັບ​ປະ​ເທດ​ຝ​ຣັ່ງແລະ​ພັນ​ທະ​ມິດ ຢູ່​ໃນ​ແນວ​ໂຮມ.”

ຝ​ຣັ່ງ ແລະ​ກຸ່ມ 5 ປະ​ເທດ​ໃນ​ເຂດ​ຊາ​ແຮ​ລ ໄດ້​ຕົກ​ລົງ​ກັນ​ທີ່​ຈະ​ປ່ຽນ​ຍຸດ​ທະ​ສາດແລະ​ປະ​ສົມ​ປະ​ສານ​ກຳ​ລັງ​ທະ​ຫານ​ ພາຍ​ໃຕ້​ໂຄງ​ຮ່​າງ​ການ​ບັນ​ຊາ​ການ​ນຶ່ງ​ດຽວ.

ທ່ານ​ປະ​ທາ​ນາ​ທິ​ບໍ​ດີ​ມາ​ກ​ຣົງ ປະ​ກາດ​ວ່າ ຝ​ຣັ່ງ​ຈະ​ສົ່ງ​ທະ​ຫານ​ໄປ​ອາ​ຟ​ຣິ​ກາ​ຕື່ມ​ອີກ 220 ຄົ​ນ ແລະ​ຮຽກ​ຮ້ອງ​ໃຫ້​ສະ​ຫະ​ລັດ ຮັກ​ສາ​ກຳ​ລັງ​ໄວ້​ຢູ່​ອາ​ຟ​ຣິ​ກາ​ຕໍ່​ໄປ. ປະ​ທາ​ນາ​ທິ​ບໍ​ດີມາກ​ຣົງ ກ່າວ​ກ່ຽວ​ກັບ​ເລື້ອງນີ້​ວ່າ:

“ຖ້າ​ທະ​ຫານ​ອາ​ເມ​ຣິ​ກັນ​ຖອນ​ອອກ​ໄປ ມັນຈະ​ເປັນ​ຂ່າວ​ທີ່​ບໍ່​ດີ​ຫຼາຍ ຂ້າ​ພະ​ເຈົ້າ​ຂໍ​ປະ​ກັນ​ໄດ້. ຂ້າ​ພະ​ເຈົ້າ​ຫວັງ​ວ່າ ຈະ​ສາ​ມາດ​ຊັກ​ຊວນ ​ປະ​ທາ​ນາ​ທິ​ບໍ​ດີ​ທ​ຣຳ ກ່ຽວ​ກັບການ​ຕໍ່​ສູ້​ຕ້ານ​ພວກ​ກໍ່​ການ​ຮ້າຍ ທີ່​ທ່ານ​ພວມ​ເຮັດ​ຢູ່​ໃນ​ຂົ​ງ​ເຂດ​ແຫ່ງນີ້.”

ພວກ​ເຈົ້າ​ໜ້າ​ທີ່​ ອົງ​ການ​ສະ​ຫະ​ປະ​ຊາ​ຊາດ ກ່າ​ວ​ວ່າ ຈຳ​ນວນ​ພວກ​ທີ່​ບາດ​ເຈັບ​ລົ້ມ​ຕາຍໄດ້​ເພີ້ມ​ຂຶ້ນ​ເປັນ 5 ເທົ່ານັບ​ແຕ່​ປີ 2016 ເປັນ​ຕົ້ນ​ມາ ຊຶ່ງ​ໃນ​ປີ 2019 ນີ້ ມີ​ຫຼາຍກວ່າ 4,000 ຄົນ​ໄດ້​ຖືກ​ຂ້າ​ຕາຍ.

ຝ​ຣັ່ງຊຶ່ງ​ເປັນ​ປະ​ເທດ​ມະ​ຫາ​ອຳ​ນາດອະ​ດີດ​ເຈົ້າ​ອາ​ນາ​ນິ​ຄົມ ມີ​ສ່ວນ​ໄດ້​ສ່ວນ​ເສຍຢ່າງ​ໃຫຍ່​ໃນ​ເຂດ​ຊາ​ແຮລ ໂດຍ​ມີ​ທະ​ຫານ​ປະ​ຈຳ​ການ​ຢູ່​ທີ່ນັ້ນ 4,500 ຄົນ. ນັບແຕ່​ເລີ້ມ​ການ​ປະ​ຕິ​ບັດ​ງານ​ຢູ່​ທີ່ນັ້ນ ໃນ​ປີ 2013 ຝ​ຣັ່ງ ​ໄດ້​ເສຍ​ທະ​ຫານ​ໄປ​ແລ້ວ 41 ຄົນ ໃນ​ການ​ຕໍ່​ສູ້​ທີ່​ປາ​ຣີ​ກ່າວ​ວ່າ ເວ​ລານີ້​ປະ​ເທດ​ອື່ນໆ​ຕ້ອງມີ​ສ່ວນ​ແບ່ງ​ນຳ.

surge of terrorist violence in Africa’s Sahel region is forcing West African nations to reconsider their strategy and unify military forces. Leaders invited by French President Emmanuel Macron to a G5 summit in the southern French city of Pau on Monday agreed to pursue their engagements with France - and put aside their differences with the former colonial power – to fight against jihadism.

Presidents of Burkina Faso, Mali, Mauritania, Niger, and Chad joined Monday with French President Emmanuel Macron at a ceremony in Pau commemorating French soldiers killed recently in Mali.

Macron’s purpose for inviting members of G5 Sahel was to clarify their position on France’s military presence in the Sahel region at a time when protests are growing in Mali and Burkina-Faso against French military operation Barkhane.

Protesters blame Paris for failing to restore stability.

Amid growing anti-French sentiment in the region, Macron was looking to boost the legitimacy of France’s presence. He received it from his West African counterparts – who at this meeting – appeared to be on his side.

The French leader, at a news conference, said the heads of state of the G5 Sahel wish to pursue their engagements with France and its allies in the region.

France and G5 Sahel states agreed to change of the method combining their military forces under one command structure, to concentrate their efforts in the three borders zone of Mali, Burkina Faso and Niger, and called for more international support.

Mr. Macron announced France will deploy 220 more troops and will work to convince US forces to stay.
Macron assured his West African counterparts that if the Americans withdraw, that would be bad news. He said he hopes he can convince President Donald Trump that the fight against terrorism in which he is engaged is also playing in the region.

U.N. officials say the number of casualties has increased five times since 2016 with more than 4,000 victims in 2019. In Niger recently, terrorist attacks killed 89 people on January 9 in Chinegodar and 71 on December 10 in Inates.

France, a former colonial power in the Sahel, deployed 4,500 soldiers in the region. Thirteen French soldiers died on November 25th in a helicopter crash in Mali.

France has suffered 41 casualties since its current engagement in the Sahel began in 2013.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG