ລິ້ງ ສຳຫລັບເຂົ້າຫາ

logo-print

ຫົວ​ໜ້າ ສ​ປ​ຊ ກ່າວ​ວ່າ ການ​ລະ​ເມີດ​ສິດ​ທິ​ມະ​ນຸດ ມີ​ຢູ່ '​ຢ່າງ​ແຜ່ກວ້າງ ແລະ​ເປັນ​ລະ​ບົບ'


ເລຂາທິການໃຫຍ່ ຂອງອົງການສະຫະປະຊາຊາດ ກ່າວໃນວັນອັງຄານຜ່ານມານີ້ວ່າ ລັດຖະບານຂອງປະເທດຕ່າງໆຢູ່ໃນທົ່ວໂລກ ຕ້ອງຮັບຟັງຄຳຮຽກ​ຮ້ອງຂອງພວກສົ່ງ​ເສີມສິດທິມະນຸດຮວມທັງພວກໜຸ່ມນ້ອຍນຳດ້ວຍ. ການໃຫ້ຄວາມຄິດຄວາມເຫັນດັ່ງ
ກ່າວມີຂຶ້ນໃນຂະນະທີ່ອົງການສະຫະປະຊາຊາດສະຫຼອງວັນສິດທິມະນຸດຂອງໂລກ
ຄົບຮອບ 71 ປີ. Arash Arabasadi ນັກຂ່າວວີໂອເອມີລາຍງານເລື້ອງນີ້ດັ່ງໄພສານ ຈະນຳເອົາລາຍລະອຽດມາສະເໜີທ່ານ ໃນອັນດັບຕໍ່ໄປ.


ເນື່ອງໃນໂອກາດຄົບຮອບ 71 ປີ ຂອງວັນສິດທິມະນຸດໂລກ ເລຂາທິການໃຫຍ່ອົງ
ການສະຫະປະຊາຊາດ ທ່ານແອນໂຕນີໂອ ກິວເຕເຣສ ໄດ້ກ່າວເຕືອນວ່າ:

“ການລະເມີດສິດທິມະນຸດໃນການບໍ່ມັກແລະໂດດດ່ຽວແມ່ຍິງ ແມ່ນມີຢູ່ຢ່າງແຜ່ກວ້າງ ແລະເປັນລະບົບ. ຄວາມບໍ່ສະເໝີພາບ ພວມເພີ້ມທະວີຂຶ້ນ ແລະ ການກ່າວໂຈມຕີກັນ
ດ້ວຍຄວາມກຽດຊັງ ພວມມີຂຶ້ນໃນການອະພິປາຍຂອງປະຊາຊົນ. ວິກິດການກ່ຽວກັບ
ດິນຟ້າອາກາດ ການຫຼັ່ງໄຫຼເຂົ້າໄປຢູ່ໃນເມືອງ ແລະບັນຫາຂັດແຍ້ງທີ່ບໍ່ມີມື້ຈົບສິ້ນ ໄດ້
ປະຕິເສດບໍ່ໃຫ້ປະຊາຊົນຫຼາຍລ້ານຄົນ ໄດ້ຮັບສິດພື້ນຖານແລະອິດສະຫຼະພາບຂອງ
ພວກເຂົາເຈົ້າ.”

ເຫດການດັ່ງກ່າວເກີດຂຶ້ນທ່າມກາງທີ່​ມີການປະທ້ວງມາເປັນເວລາ​ດົນ​ນານຢູ່ໃນທົ່ວ
ໂລກ. ຢູ່​ທີ່ປະເທດຊີເລ ໃນວັນອັງຄານຜ່ານມານີ້ ເຈົ້າໜ້າທີ່ໄດ້ໃຊ້ທໍ່ສີດນ້ຳຂະໜາດ
ໃຫຍ່ສິີດເຂົ້າໃສ່ ແລະກໍຍິງລະເບີດນ້ຳຕາໃສ່ພວກປະທ້ວງ. ປະທານາທິບໍດີເຊບາສ
ຕຽນ ປີເຍຣາ ແຫ່ງຊີເລ ກ່າວວ່າ:

“ຂ້າພະເຈົ້າ ຢາກແຈ້ງໃຫ້ພວກທ່ານຮູ້ ກ່ຽວກັບຫົວຂໍ້ໃນການຕໍ່ສູ້ຕໍ່ຕ້ານການລ່ວງລະ
ເມີດ ແລະຄ້ຳປະກັນກຽດສັກສີ ແລະການປະຕິບັດແບບເປັນທຳ ຕໍ່ຊາວຊີເລທັງມວນ ເພື່ອເສີມຂະຫຍາຍວັດທະນະທຳ ໃນການເຄົາລົບສິດທິມະນຸດ ຂອງທຸກຄົນ ໃນທຸກ
ເວລາ ແລະທຸກສະຖານທີ່ ເສີມຂະຫຍາຍ ການສະໜັບສະໜຸນ ແລະການຊ່ວຍເຫຼືອ ທີ່ພວກເຮົາໄດ້ສະໜອງໃຫ້ພວກເຄາະຮ້າຍຈາກການລ່ວງລະເມີດສິດທິມະນຸດ ແລະ
ຄ້ຳປະກັນສະເໝີຕໍ່ການເຂົ້າເຖິງຄວາມຈິງ ແລະ ຄວາມຍຸຕິທຳ ແລະຫລີກລ່ຽງຈາກ
ການບໍ່ຖືກລົງໂທດຢູ່ສະເໝີ.”

ໃນຂະນະທີ່ຢູ່ປະເທດຟີລິບປິນ ພວກປະທ້ວງໄດ້ພາກັນຈູດຫຸ່ນຂອງປະທານາທິບໍດີ
ໂຣດຣີໂກ ດຸຍເຕີເຕ. ມີຊາວຟີິລິບປິນຫຼາຍພັນຄົນໄດ້ເສຍຊີວິດນັບແຕ່ປະທານາທິ
ບໍດີດຸຍເຕີເຕເລີ້ມທຳການປາບປາມຢ່າງຮຸນແຮງຕໍ່ພວກຊົມໃຊ້ແລະຄ້າຂາຍຢາເສບ
ຕິດຜິດກົດໝາຍ. ທ້າວຣາອູລ ມານູແອລ ຈາກສະຫະພັນນັກສຶກສາແຫ່ງຊາດຂອງ
ຟີລິບປິນ ກ່າວວ່າ:

“ພວກເຮົາບໍ່ສາມາດທີ່ຈະອະນຸຍາດໃຫ້ ການບໍລິການຂັ້ນພື້ນຖານ ທາງສັງຄົມຖືກ
ຖອດຖອນໄປ ຈາກປະຊາຊົນ ບໍ່ສາມາດທີ່ຈະອະນຸຍາດໃຫ້ການລະເມີດສິດທິມະ
ນຸດແລະການສັງຫານແບບບໍ່ມີການກວດກາດຳເນີນຕໍ່ໄປ ຍ້ອນວ່າມັນເປັນສັງຄົມ
ແບບທີ່ພວກເຮົາຈະມອບໃຫ້ແກ່ອະນຸຊົນຮຸ້ນຕໍ່ໄປ.”

ຂະນະດຽວກັນ ຢູ່ປະເທດອິນໂດເນເຊຍ ພວກປະທ້ວງໄດ້ພາກັນເດີນຂະບວນ ໄປ
ຍັງສະຖານທູດສະຫະລັດ ທີ່ນະຄອນຫຼວງຈາກາຕາ ເພື່ອອິດສະຫຼະພາບ ໃນການ
ປາກເວົ້າແລະອິດສະຫຼະພາບໃນການນັບຖືສາສະໜາ. ທ້າວຊາຕຣີໂອ ດີິມາສ​ ຜູ້ປະ
ທ້ວງຄົນນຶ່ງ ກ່າວວ່າ:

“ເພື່ອລະນຶກເຖິງວັນສິດທິມະນຸດສາກົນນີ້ ພວກເຮົາໄດ້ມາທີ່ນີ້ເພື່ອແຈ້ງໃຫ້ຊາບວ່າ ສິດທິປະຊາທິປະໄຕ ແລະສິດທິມະນຸດ ຂອງຊາວອິນໂດເນເຊຍ ແມ່ນບໍ່ໄດ້ມີການ
ປະຕິບັດ ແລະຖືກລັດຖະບານຍາດຊິງເອົາໄປ.”

ເລຂາທິການໃຫຍ່ສະຫະປະຊາຊາດ ທ່ານແອນໂຕນີ ກິວເຕເຣສ ໃນຄຳປາໄສ ເມື່ອ
ວັນອັງຄານຜ່ານມານີ້ ໄດ້ຕຳໜິຕິຕຽນປະເທດຕ່າງໆທີ່ໄດ້ທຳການລົງໂທດພວກປົກ
ປ້ອງສິດທິມະນຸດ ໃນຂະນະທີ່ ລັດຖະມົນຕີການຕ່າງປະເທດ ສະຫະລັດ ທ່ານໄມຄ໌
ພອມພຽວ ລະບຸຊື່ປະເທດ ທີ່ລ່ວງລະເມີດສິດທິມະນຸດ ຊຶ່ງປະກອບ ດ້ວຍຈີນ ອີຣ່ານ
ຊີເຣຍ ແລະເວເນຊູເອລາ. ຂາດຫາຍໄປຈາກລາຍຊື່ດັ່ງກ່າວ ກໍແມ່ນເກົາຫຼີເໜືອ ຊຶ່ງ
ຖືວ່າເປັນນຶ່ງ ໃນບັນດາປະເທດ ທີ່ລະເມີດສິດທິມະນຸດຮ້າຍແຮງທີ່ສຸດນັ້ນ.

ທ່ານກິວຕີເຣສກ່າວວ່າ ພວກຊາວໜຸ່ມໂລກ ແມ່ນອະນາຄົດຂອງສິດທິມະນຸດ. ທ່ານ
ກ່າວກ່ຽວກັບເລື້ອງນີ້ຕື່ມວ່າ:

“ພວກຊາວໜຸ່ມແມ່ນມີສິດທວງໃຫ້ລັດຖະບານຂອງປະເທດຕ່າງໆ ຮັບຟັງພວກເຂົາ
ເຈົ້າແລະກໍໃຫ້ການເຄົາລົບແກ່ເຂົາເຈົ້າ. ຫາງສຽງຂອງພວກເຂົາເຈົ້າຈະຕ້ອງມີການ
ຮັບຟັງ.”

ຈຸດໃຫຍ່ໃຈຄວາມຂອງປີນີ້ ກໍແມ່ນ ໃຫ້ພວກຊາວໜຸ່ມ ຈົ່ງລຸກຂຶ້ນ ເພື່ອສິດທິມະນຸດ. ແລະທ່ານກິວເຕເຣສ ໄດ້ຕົບມືຊົມເຊີຍພວກນັກລົບໜຸ່ມນ້ອຍແຖວໜ້າ ໃນການຕໍ່ສູ້
ຕ້ານການປ່ຽນແປງຂອງດິນຟ້າອາກາດ ຊຶ່ງທ່ານເວົ້າວ່າ ເປັນໄພຂົ່ມຂູ່ທີ່ຮ້າຍແຮງຕໍ່
ທັງສິດທິມະນຸດແລະໂຕມະນຸດເອງ.

Governments around the world must allow the voices of human rights advocates, including young people, to be heard said the UN secretary general on Tuesday.The remarks came as the world body marked the 71st anniversary of the United Nations' World Human Rights Day.VOA's Arash Arabasadi reports.


On the 71st anniversary of World Human Rights Day, UN Secretary General Antonio Guterres sounded an alarm.

Antonio Guterres, UN Secretary General:

"Human rights violations misogyny and exclusion are widespread and systematic.Inequality is growing and hate speech is poisoning public debate.The climate crisis, urbanization and endless conflict are denying millions of people their fundamental rights and freedoms.

This against a backdrop of long-lasting protests the world over.In Chile Tuesday, authorities fired water cannons and tear gas at protesters.

SebastianPinera, Chilean President:

"I want to share with you an agenda to fight abuses and ensure dignified and fair treatment to all Chileans… To strengthen a culture of respect for the human rights of everyone, every time and place…Enhance the support and aid that we give to the victims of human rights and always guarantee the access to truth and justice and always avoid impunity."

While in the Philippines, protesters burned an effigy of President RodrigoDuterte.Thousands of Filipinos have died sinceDuterte began a violent crackdown on the use and commerce of illegal drugs.

Raoul Manuel, National Union of Students of the Philippines:

"We cannot allow that basic social services are deprived from the people, that the human rights violations and rampant killings will go on, because that is the kind of society that we will pass on to the future generations."

Meanwhile in Indonesia, protesters marched to the US embassy in Jakarta for freedom of speech and religion.

Satrio Dimas, Protester:

"In commemorating International Human Rights Day, we have come here to convey that the democratic rights and human rights of the Indonesian people have not been fulfilled and have been usurped by the government."

SecretaryGuterres, in his address Tuesday, criticized countries that punish defenders of human rights while Secretary of State, MikePompeo labeled as human rights abusers China, Iran, Syria and Venezuela.Absent from the list, North Korea, regarded as one of the worst abusers of human rights.

Guterres says the world's youth are the future of human rights.

"Young people are rightly demanding that governments listen to them and respect them.Their voice must be heard."

This year's theme is "youth standing up for human rights," and Guterres applauded young front line warriors in the fight against climate change, which he says poses a serious threat to both human rights and human life.Arash Arabasadi, VOA News.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG