ລິ້ງ ສຳຫລັບເຂົ້າຫາ

logo-print

ປາກິສຖານ ຂັບໄລ່ ທູດ​ພິ​ເສດ ຂອງອິນເດຍ ອອກຈາກປະເທດ ຍ້ອນ​ບັນ​ຫາ ​​​ແຄັ​ສ​ເມຍ


ພວກ​ນັກ​ເຄື່ອນ​ໄຫວສັງ​ຄົມ​ພົນ​ລະ​ເຮືອນ​ຂອງປາກິສຖານອິນເດຍ ເດີນ​ຂະ​ບວນ​ປະ​ທ້ວງ​ນະ​ໂຍ​ບາຍ​ຂອງ​ອິນ​ເດຍກ່ຽວ​ກັບ​ແຄວ້ນແ​ຄັ​ສ​ເມຍ ຢູ່​ນະ​ຄອນລາ​ຮໍ​ ຂອງ​ປາ​ກິດ​ຖານ​ໃນ​ວັນ​ທີ 6 ສິງ​ຫາ, 2019

​ປາກິ​ສ​ຖານ​ເວົ້າ​ວ່າ ຕົນ​ໄດ້​ຂັບ​ໄລ່​ຂ້າ​ຫລວງ​ໃຫຍ່ຂອງ​ອິນ​ເດຍ ​ປະ​ຈຳ​ອິ​ສ​ລາ​ມາ​ບັດ​ ອອກ​ຈາກ​ປະ​ເທດໃນ​ເວ​ລາ​ພຽງ​ບໍ່​ເທົ່າ​ໃດ​ຊົ່ວ​ໂມງ​ ພາຍ​ຫລັງ​ທີ່​ມີ​ການ​ຫລຸດ​ລະ​ດັບສາຍ​ສຳ​ພັນ​ທາງ​ການ​ທູດ ແລະ​ການ​ຄ້າ​ກັບນິວ​ເດລີ ຍ້ອນ​ອິນ​ເດຍ​ໄດ້​ຍົກເລີກ​ຖາ​ນະ​ພິ​ເສດ​ ຂອງ​ແຄວ້ນ​ແຄັສ​ເມຍ​ ​ໃນຂະ​ນະ​ທີ່​ສາຍ​ພົວ​ພັນ​ສອງ​ຝ່າຍ​ລະ​ຫວ່າງ​ປະ​ເທ​ດ​ດັ່ງ​ກ່າວເຊື່ອມ​ໂຊມ​ລົງ.

ກະ​ຊວງ​ການ​ຕ່າງ​ປະ​ເທດ​ຂອງປາ​ກິ​ສ​ຖານກ່າວ​ຢູ່​ໃນ​ການ​ປະ​ກາດ​ແບບ​ຫຍໍ້ໆ​ວ່າ ຕົນ​ໄດ້​ແຈ້ງ​ໃຫ້ລັດ​ຖະ​ບານ​ອິນ​ເດຍຊາບວ່າ ປາ​ກິ​ສ​ຖານຈະ​ບໍ່​ສົ່ງ​ຂ້າ​ຫລວງ​ໃຫຍ່​ຂອງ​ຕົນທີ່ຖືກມອບ​ໝາຍ ໃຫ້​ໄປ​ປະ​ຈຳ​ຢູ່​ອິນ​ເດຍ​ນັ້ນເຊັ່ນ​ກັນ.

ກ່ອນ​ໜ້ານນັ້ນ, ເຈົ້າ​ໜ້າ​ທີ່​ທ່ານ​ນຶ່ງ​ໄດ້​ປະ​ກາດ​ວ່າ ກອງ​ປະ​ຊຸມ​ດ່ວນ​ຂອງ​ຄະ​ນະ​ກຳ​ມະ​ການ​ ດ້ານ​ຄວາມ​ໝັ້ນ​ຄົງ​ຂອງ​ຊາດ ຊຶ່ງ​ລວມ​ມີ ຜູ້​ນຳ​ຂັ້ນ​ສູງ​ທາງ​ພົນ​ລະ​ເຮືອນ ແລະ​ທະ​ຫານ ໄດ້​ຕັດ​ສິນ​ໃຈຫລຸດ​ລະ​ດັບສາຍ​ພົວ​ພັນ​ທາງ​ການ​ທູດ ແລະ​ການ​ຄ້າ​ກັບ​ອິນ​ເດຍ​ລົງ ຊຶ່ງ​ລວມ​ຢູ່​ໃນ​ຫລາຍໆ​ບາດ​ກ້າວທີ່ຕອບ​ໂຕ້​ຕໍ່ “ການ​ກະ​ທຳ​ຕາມ​ລຳ​ພັງ​ຝ່າຍ​ດຽວ ແລະ​ຜິດ​ກົດ​ໝາຍ" ຂອງ​ລັດ​ຖະ​ບານ​ອິນ​ເດຍ.

ໂດຍປາດສະຈາກຄຳອະທິບາຍໃດໆ ປະເທດດັ່ງກ່າວເວົ້າວ່າ ປາກິສຖານ ຈະບໍ່ທົບທວນການພົວພັນສອງຝ່າຍດ້ານອື່ນໆ ກັບອິນເດຍ ແລະຈະນຳເອົາບັນຫາກ່ຽວກັບແຄວ້ນແຄັສເມຍຂຶ້ນໄປຫາອົງການສະຫະປະຊາຊາດ, ລວມທັງສະພາ ຄວາມໝັ້ນຄົງຂອງອົງການດັ່ງກ່າວນຳ.
"ທ່ານນາ​ຍົກ​ລັດ​ຖະ​ມົນ​ຕີໄດ້​ສັ່ງ​ໃຫ້​ກຳ​ລັງ​ປະ​ກອບ​ອາ​ວຸດສືບ​ຕໍ່​ເຝົ້າ​ລະ​ວັງ," ນັ້ນ​ຄື​ຄຳ​ເວົ້າ​ທີ່​ກ່າວ​ຢູ່​ໃນ​ຄຳ​ປະ​ກາດ​ດັ່ງ​ກ່າວ​ ໂດຍ​ໄດ້​ກ່າວ​ອ້າງ​ເຖິງ​ສະ​ພາບ​ການຢູ່​ໃນ​ເສັ້ນແດນ​ທີ່​ຄວບ​ຄຸມ​ທາງ​ທະ​ຫານ ທີ່​ແບ່ງ​ເຂດ​ແດນ​ລະ​ຫວ່າງສ່ວນ​ທີ່​ເປັນ​ຂອງປາ​ກິ​ສ​ຖານ ແລະຂອງ​ອິນ​ເດຍຢູ່​ໃນ​ແຄວ້ນ​ແຄັ​ສ​ເມຍ.

ນິວ​ເດ​ລ​ລີ ໄດ້ເອົາ​ຂໍ້​ກຳ​ນົດ​ພິ​ເສດ​ອັນ​ນຶ່ງ​ເພີ້ມເຂົ້າ​ໃສ່​ໃນ​ລັດ​ຖະ​ທຳ​ມະ​ນູນ ປີ 1949​ ຂອງຕົນ ທີ່​ໄດ້​ເອົາ​ສິດ​ປົກ​ຄອງຕົນ​ເອງ​ໃຫ້​ແກ່​ແຄວ້ນແຈມ​ມູແລະ​ແ​ຄັສ​ເມຍ, ໂດຍອະ​ນຸ​ຍາດ​ໃຫ້​ແຄວ້ນ​ດັ່ງ​ກ່າວ ​ສາ​ມາດ​ມີ​ລັດ​ຖະ​ທຳ​ມະ​ນູນ​ຂອງ​ຕົນ​ເອງ, ມີ​ທຸງ​ຂອງ​ຕົນ​ເອງ​ຕ່າງ​ຫາກ, ແລະ​ມີ​ເອກ​ກະ​ລາດ​ໃນ​ເລື້ອງຕ່າໆ​ທັງ​ໝົດ ຍົກ​ເວັ້ນ​ດ້ານ​ການ​ພົວ​ພັນ​ຕ່າງ​ປະ​ເທດ, ການ​ປ້ອງ​ກັນຊາດ ແລະ​ການ​ສື່​ສານ. ລັດ​ຖະ​ບານ​ທີ່​ນຳ​ພາ​ໂດຍ​ພັກຮິນ​ດູ​ຫົວ​ຊາດ​ນິ​ຍົມ​ ໄດ້​ທັບ​ມ້າງ​ຂໍ້​ກຳ​ນົດ​ທາງ​ລັດ​ຖະ​ທຳ​ມະ​ນູນ​ດັ່ງ​ກ່າວ​ໃນ​ວັນ​ຈັນ​ຜ່ານ​ມາ.

ໃນ​ວັນ​ອັ​ງ​ຄານ​ຜ່ານ​ມານັ້ນ ສະ​ພາ​ຂອງ​ອິນ​ເດຍ​ໄດ້​ຮັບ​ຜ່ານ​ຮ່າງ​ກົດ​ໝາຍ ຊຶ່ງ​ໄດ້​ໃຫ້​ການອະ​ນຸມັດ​ແກ່​ການ​ເຄື່ອນ​ໄຫວ​ດັ່ງ​ກ່າວ ຊຶ່ງ​ລວມ​ທັງການແຍກ​ເອົາ​ສ່ວນ​ທີ່​ເປັນ​ຂອງ​ຕົນ​ຢູ່​ໃນ​ດິນ​ແດນ​ທີ່​ແບ່ງ​ແຍກ​ກັນ​ໃນ​ລັດທີ່​ຢູ່ເທິງ​ພູ​ເຂົາ​ຫິ​ມະ​ໄລ​ແຫ່ງນັ້ນ ​ທີ່ທັງ​ນິວ​ເດລີ ແລະ​ອິ​ສ​ລາ​ມາ​ບັດ​ໄດ້​ອ້າງ​ເອົາ​ກຳ​ມະ​ສິດວ່າ ທັງ​ໝົດ ເຂດ​ນັ້ນເປັນ​ຂອງ​ຕົນ​ເອງ.

ບໍ່​ເທົ່າ​ໃດ​ຊົ່ວ​ໂມງ​ຕໍ່​ມາ, ສະ​ພາ​ຂອງ​ປາ​ກິ​ສ​ຖານ ​ກໍ​ໄດ້​ຮັບ​ຜ່ານ​ມະ​ຕິທີ່ປະ​ນາມ ມາດ​ຕະ​ການ​ຂອງອິນ​ເດຍທີ່​ໄດ້​ປ່ຽນ​ແປງຖາ​ນະ​ຂອງ​ແຄວ້ນ​ທີ່​ມີ​ການ​ແບ່ງ​ແຍກ​ກັນ​ແຫ່ງນັ້ນ ແລະ​ທວງ​ໃຫ້​ນິວ​ເດລີ ຍົກ​ເລີກຂໍ້​ກຳ​ນົດທີ່​ກີດ​ກັນ​ດ້ານ​ຄວາມ​ໝັ້ນ​ຄົງ​ຢ່າງກວ້າງ​ຂວາງ​ຂອງປະ​ເທດ​ດັ່ງ​ກ່າວທີ່​ໄດ້​ວາງ​ອອກ​ຕໍ່​ແຄວ້ນ​ແ​ຄັ​ສ​ເມຍ ​ນັບ​ແຕ່​ວັນ​ຈັນ​ແລ້ວເປັນ​ຕົ້ນ​ມານັ້ນ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດຢູ່​ລຸ່ມນີ້

Pakistan says it is expelling India's high commissioner to Islamabad, just hours after downgrading diplomatic and trade ties with New Dehli for stripping the disputed Kashmir region of its special status, as bilateral relations continue to deteriorate.

The foreign ministry said in a brief announcement the Indian government has also been informed that Pakistan will not be sending its High Commissioner-designate to India.

Earlier, an official announcement said that an emergency meeting of the National Security Committee, which includes top Pakistani civilian and military leaders, had decided to lower diplomatic and trade ties with India among other steps in response to the "unilateral and illegal actions" by the Indian government.

It said without elaborating that Pakistan will review other bilateral arrangements with India and take the Kashmir matter to the United Nations, including the Security Council.

"(The) Prime Minister directed armed forces to continue vigilance," the announcement noted, citing the situation on the military line of control separating Pakistani and Indian portions of Kashmir.

New Delhi added a special provision to its constitution in 1949 giving autonomy to Jammu and Kashmir, allowing the region to have its own constitution, a separate flag and independence over all matters except foreign affairs, defense and communications.India's Hindu nationalist-led government scrapped the constitutional provision Monday.

On Tuesday, the Indian parliament passed a bill giving its approval to the move, including splitting its part of the divided Himalayan state both New Delhi and Islamabad claim in its entirety.

Hours later, the Pakistani parliamentpassed a resolution condemning India's measures to alter the status of the divided region and demanding New Delhi lift its wide-ranging security lockdown imposed on Kashmir since Monday.

The Indian security action to prevent a possible backlash, particularly from insurgents fighting New Delhi's rule in Kashmir, has plunged the region into a communications blackout and a virtual shutdown.

Pakistani Prime Minister Imran Khan told the emergency joint session of the parliament on Tuesday that the Indian action to "annex" Kashmir would intensify the insurgency in the majority-Muslim Kashmir, and the ensuing tensions could trigger another war between India and Pakistan, both armed with nuclear weapons.

The Pakistani leader warned the conflict could eventually lead to an exchange of nuclear weapons, urging the international community to intervene and press India to reverse its controversial decisions and resolve the Kashmir dispute through negotiations.

Islamabad rejects New Delhi's allegations the Pakistani military is behind separatist groups in Kashmir.

"The next time there is a major attack on Indian forces in Kashmir, the next India-Pakistan crisis will be upon us. And it could get ugly," cautioned Michael Kugelman, a Washington-based expert on South Asia affairs.

In a significant clarification issued Wednesday, a senior U.S. State Department official rejected Indian media reports New Delhi had informed Washington ahead of its Kashmir-related moves.

"Contrary to press reporting, the Indian government did not consult or inform the US Government before moving to revoke Jammu and Kashmir's special constitutional status," tweeted Alice Wells, the principal deputy assistant secretary of state in charge of South and Central Asian affairs.

Wells is currently in Islamabad for official talks with Pakistani leaders on bilateral matters.

A U.S. State Department spokesperson said Monday, the administration was "closely" following developments in Kashmir. "We are concerned about reports of detentions and urge respect for individual rights and discussion with those in affected communities, said Morgan Ortagus said in a statement.​

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG