ລິ້ງ ສຳຫລັບເຂົ້າຫາ

logo-print

ອິດສະຫຼະພາບ ດ້ານການຂ່າວ ໃນອາຟຣິກາ ຕາເວັນອອກ ພວມໄດ້ຮັບ ການຂົ່ມຂູ່


ວັນພະຫັດ ທີ 3 ພຶດສະພາ ແມ່ນວັນອິດສະຫຼະພາບ ດ້ານການຂ່າວ ຂອງໂລກ ແລະ ບັນດາກຸ່ມປົກປ້ອງສິດທິມະນຸດກໍໄດ້ເຕືອນ ກ່ຽວກັບສິດເສລີພາບທີ່ພວມຊຸດໂຊມລົງ ຢູ່ໃນເຂດອາຟຣິກາຕາເວັນອອກ. ໃນຂະນະທີ່ປະເທດຕ່າງໆເຊັ່ນເອຣິເທຣຍ ແລະຊູ
ດານແມ່ນເກືອບວ່າຢູ່ລາກທ້າຍບັນຊີລາຍຊື່ການຈັດອັນດັບຂອງໂລກກ່ຽວກັບເລື້ອງ
ນີ້ ແຕ່ພວກນັກເຄື່ອນໄຫວກ່າວວ່າ ໃນໄລຍະສອງສາມປີຜ່ານມານີ້ມີການພົບວ່າ ສິດ ເສລີພາບດ້ານການຂ່າວ ໄດ້ຫຼຸດລົງທົ່ວຂົງເຂດດັ່ງກ່າວຂອງອາຟຣິກາຮວມທັງໃນປະ ເທດເຄັນຢາແລະແທນຊາເນຍນຳດ້ວຍ. ແດນິລ ແຊຣ໌ຟ ນັກຂ່າວຂອງວີໂອເອມີລາຍ
ງານ ກ່ຽວກັບເລື້ອງນີ້ຈາກນະຄອນຫຼວງໄນໂຣບີ ຊຶ່ງໄພສານ ຈະ​ນຳເອົາລາຍລະອຽດ​
ມາສະ​ເໜີ​ທ່ານ ໃນອັນດັບຕໍ່ໄປ.

ເຈົ້າໜ້າທີ່ເອທິໂອເປຍ ໄດ້ຈັບກຸມນັກຂ່າວ ອູສກິນເດີ ເນກາ 9 ເທື່ອ ໃນຂໍ້ຫາທີ່ຮວມ
ທັງຂາຍຊາດ ກໍ່ການຮ້າຍ ແລະຂ້າລ້າງເຊື້ອຊາດເຜົ່າພັນ.

ແຕ່ທ່ານເນກາ ກ່າວວ່າ ການລ່ວງລະເມີດເຫຼົ່ານີ້ ຈະບໍ່ສາມາດຂັດຂວາງທ່ານ ບໍ່ໃຫ້
ຂຽນຕ້ອງຕິລັດຖະບານໄດ້.

ທ່ານເນກາ ກ່າວວ່າ “ຖ້າປາສະຈາກອິດສະຫຼະພາບ ໃນການສະແດງຄວາມຄິດ
ຄວາມເຫັນແລ້ວ ການມີອິດສະຫຼະພາບ ແມ່ນເປັນໄປບໍ່ໄດ້. ມັນເລີ້ມຕົ້ນຢູ່ທີ່ນັ້ນ
ທ່ານຕ້ອງສາມາດ ສະແດງຄວາມເຫັນຂອງທ່ານໄດ້.”

ທ່ານເນກາຖືກປ່ອຍເທື່ອຫຼ້າສຸດ ແມ່ນໃນວັນທີ 5 ເມສາຜ່ານມາ ບໍ່ເທົ່າໃດມື້ຫຼັງຈາກ
ນາຍົກລັດຖະມົນຕີຄົນໃໝ່ສາບານໂຕເຂົ້າຮັບຕຳແໜ່ງທີ່ພາໃຫ້ມີຄວາມຫວັງວ່າອາດ
ຈະມີການປ່ຽນແປງບາງຢ່າງເກີດຂຶ້ນ.

ທ່ານເນກາ ກ່າວຕື່ມວ່າ “ທ່ານໄດ້ໃຫ້ຄຳໝັ້ນສັນຍາ ຕໍ່ພວກເຮົາ. ພວກເຮົາແມ່ນ
ຈຳເປັນຕ້ອງໄດ້ເຮັດໃຫ້ທ່ານປະຕິບັດຕາມຄຳໝັ້ນສັນຍາເຫຼົ່ານັ້ນ. ພວກເຮົາຍັງ
ບໍ່ທັນເຫັນວ່າມີຫຍັງເກີດຂຶ້ນ ມາຈົນຮອດປັດຈຸບັນນີ້.”

ໃນທົ່ວເຂດອາຟຣິກາຕາເວັນອອກ ກົດໝາຍຕໍ່ຕ້ານການກໍ່ການຮ້າຍແລະໄພຂົ່ມຂູ່
ຕໍ່ຄວາມໝັ້ນຄົງແຫ່ງຊາດ ມັກຈະຖືກນຳມາໃຊ້ ເພື່ອຈຳກັດຮັດແຄບ ລາຍງານຂອງ
ສື່ມວນຊົນຢູ່ສະເໝີ ແລະຊຸກຍູ້ໃຫ້ມີການກວດກາຕົນເອງ.

ທ່ານນາງ ໂຈແອນ ແອນຢານຢູກີ ຜູ້ອຳນວຍການ ອົງການນິລະໂທດກຳສາກົນປະ
ຈຳເຂດອາຟຣິກາຕາເວັນອອກ ກ່າວວ່າ “ຈົ່ງເບິ່ງໄປທີ່ ປະເທດເຄັນຢາ ແທນຊາ
ເນຍ ຣວັນດາ ແລະ ບູຣຸນດີ ຈົນຮອດເມື່ອ 3 ຫາ 4 ປີກ່ອນນີ້ ພວກເຂົາເຈົ້າ ແມ່ນ ເພັດພອຍຂອງທະວີບອາຟຣິກາ. ທ່ານຄົງຮູ້ ທຸກໆປະເທດໃນເຂດພາກຕາເວັນ
ຕົກ ຂອງທະວີບອາຟຣິກາຖືກແຈ້ງໃຫ້ຊາບວ່າ ໂອ້ ເປັນຫຍັງພວກເຈົ້າຈຶ່ງບໍ່ເອົາ
ແບບຢ່າງເຂດອາຟຣິກາຕາເວັນອອກ. ແຕ່ຂ້າພະເຈົ້າຮູ້ສຶກໃນເວລານີ້ວ່າ ການ
ຕົບມືຊົມເຊີຍ ແມ່ນໄດ້ຖືກຮັບຮູ້ ໂດຍພວກເຮົາແລ້ວ ແລະ ປະເທດຕ່າງໆ ຢູ່ໃນ
ເຂດອາຟຣິກາຕາເວັນຕົກ ຕ້ອງໄດ້ເຊົາຕົບມືຊົມເຊີຍ ແລະຖາມພວກເຮົາ ກ່ຽວ
ກັບຄຳຖາມທີ່ຍາກໆຕ່າງໆ.”

ທີ່ປະເທດແທນຊາເນຍ ສື່ມວນຊົນທີ່ກ້າຫານໄດ້ຕັ້ງຄຳຖາມຕໍ່ລັດຖະບານນັ້ນແມ່ນ
ໄດ້ຖືກປິດລົງ.

ຍານາງເຮເລັນ ກີໂບ ຈາກສູນກາງກົດໝາຍແລະສິດທິມະນຸດ ໃນປະເທດແທນຊາ
ເນຍ ກ່າວວ່າ “ມີໜັງສືພິມບາງສະບັບໄດ້ຖືກຫ້າມ. ບາງສະບັບ ຖືກຫ້າມ 3 ຫາ 4
ປີ ແລະບາງສະບັບຖືກຫ້າມຫຼາຍໆເດືອນ ແລະຫຼາຍໆສະບັບຖືກປິດເລີຍ.”

ທີ່ປະເທດອູການດາ ຕາໜ່າງສິດທິມະນຸດສຳລັບນັກຂ່າວ ໄດ້ເກັບກຳວີດີໂອກ່ຽວກັບ
ການໂຈມຕີນັກຂ່າວໂດຍຕຳຫຼວດ. ກຸ່ມປົກປ້ອງສິດທິມະນຸດດັ່ງກ່າວເວົ້າວ່າຕຳຫຼວດ
ແມ່ນຜູ້ລ່ວງລະເມີດທີ່ຮ້າຍແຮງສຸດ ຕໍ່ອິດສະຫຼະພາບດ້ານການຂ່າວ.

ທ່ານຣໍເບີດ ແຊມປາລາ ຈາກຕາໜ່າງສິດທິມະນຸດສຳລັບນັກຂ່າວໃນອູການດາເວົ້າ
ວ່າ “ຕຳຫຼວດໄດ້ຖືກກ່າວຫາ ໃນການກະທຳທີ່ບໍ່ດີ ຍ້ອນເປັນຜູ້ຮັບຜິດຊອບຕໍ່ 83
ກໍລະນີ ຂອງທັງໝົດ 113 ກໍລະນີ ຄືປະກອບເປັນ 73 ເປີເຊັນ.”

ໂຄສົກຂອງຕຳຫຼວດອູການດາ ໄດ້ປະຕິເສດ ຕໍ່ການບໍ່ຖືກລົງໂທດ ຂອງຕຳຫຼວດ ທີ່
ໂຈມຕີພວກນັກຂ່າວ.

ທ່ານເອມີລຽນ ກາຢີມາ ໂຄສົກຕຳຫຼວດ ກ່າວວ່າ “ພວກເຮົາ ໄດ້ນຳເອົາ ຕຳຫຼວດ
ພວກນີ້ຂຶ້ນສານ ພວກເຮົາໄດ້ສືບສວນເບິ່ງກໍລະນີຕ່າງໆ. ສານໄດ້ພົບວ່າ ພວກ
ຂົາມີຄວາມຜິດໄດ້ຕັດສິນໂທດພວກເຂົາ ແລະປ່ອຍໃຫ້ພວກເຂົາຖືກຄຸກ ຊຶ່ງນັ້ນ
ໄດ້ສະແດງໃຫ້ເຫັນເຖິງຄວາມຕັ້ງໃຈຂອງຕຳຫຼວດ.”

ສື່ມວນຊົນໃນເຂດອາຟຣິກາຕາເວັນອອກ ກຳລັງຕ້ານຄືນຕໍ່ການຈຳກັດຮັດແຄບໃນ
ດ້ານກົດໝາຍແລະການກົດດັນຂອງລັດຖະບານ. ການຢຸດອອກອາກາດເປັນເວລາ
ນຶ່ງອາທິດຂອງວິທະຍຸແລະໂທລະພາບອິດສະຫຼະ 4 ສະຖານີ ຢູ່ໃນປະເທດເຄັນຢາ
ປີນີ້ ແມ່ນໄດ້ຮັບການຕ້ອງຕິຢ່າງໜັກ.

ທ່ານນາງ ໂຈແອນ ແອນຢານຢູກີ ຜູ້ອຳນວຍການ ອົງການນິລະໂທດກຳສາກົນປະ
ຈຳເຂດອາຟຣິກາຕາເວັນອອກ ກ່າວວ່າ “ປະຊາຊົນຈຳເປັນຕ້ອງໄດ້ລຸກຂຶ້ນ ແລະ
ເປັນເຈົ້າຂອງອິດສະຫລະພາບດ້ານການຂ່າວ ໃນຖານະທີ່ເປັນສິ່ງນຶ່ງ ທີ່ຈະປົກ
ປ້ອງພວກເຂົາເຈົ້າແລະສົ່ງເສີມໃຫ້ພວກເຂົາເຈົ້າດຳເນີນການເພີ້ມຕື່ມເມື່ອເວົ້າ
ເຖິງເລື້ອງການພັດທະນາ ການຄຸ້ມຄອງ ແລະການປົກປ້ອງສິດທິຂອງພວກເຂົາ
ເຈົ້າ. ດັ່ງນັ້ນ ອິດສະຫຼະພາບດ້ານການຂ່າວແມ່ນອິດສະຫລະພາບສຳລັບປະຊາ
ຊົນທຳມະດາສາມັນທຸກໆຄົນ ຢູ່ໃນຂົງເຂດ.”

ພວກຜູ້ຄົນຢູ່ໃນຂົງເຂດ ແມ່ນເລີ້ມຮູ້ສຶກຕົວແລ້ວ ກ່ຽວກັບຄວາມຮ້າຍແຮງຂອງບັນ
ຫາດັ່ງກ່າວ ອີງຕາມທ່ານນາງແອນຢານຢູກີ ດັ່ງນັ້ນ ຈຶ່ງມີເຫດຜົນທີ່ພາໃຫ້ມີຄວາມ
ຮູ້ສຶກໄປໃນແງ່ດີ.


[[World Press Freedom Day is this Thursday [May 3rd], and rights groups are warning of a deterioration of press freedom in East Africa. While countries like Eritrea and Sudan are almost always near the bottom of the global rankings on the subject, activists say the past few years have seen a troubling downturn throughout this part of the continent, including in countries like Kenya and Tanzania. VOA's Daniel Schearf reports from Nairobi.

Ethiopian authorities have arrested journalist Eskinder Nega nine times on charges that include treason, terrorism, and genocide.

But Nega says the abuse won't stop him from writing critically about the government.

"Without freedom of expression, freedom is just impossible. It starts from there. You have to be able to express yourself."

Nega's latest release was on April 5, just days after a new prime minister was sworn in -- raising some hopes for change.

"He has given us promise. We need him to deliver in those promises. We haven't seen anything in action up to now."

Across East Africa, laws against terrorism and threats to national security are often used to restrict the media and encourage self-censorship.

"Looking at Kenya, Tanzania, Rwanda, and Burundi, up to about three, four years ago, [they] were really the jewels of the continent. You know, everybody, West African countries were told oh, why can't you emulate your East African counterparts.' But, I feel like now the applause has gone to our heads. And, the Western countries need to stop applauding and (start) asking us the hard questions."

In Tanzania, media who dare to question the government have been shut down.

"There are some newspapers which were banned. Some of them three, three years. And some of them for several months. And others for good."

In Uganda, the Human Rights Network for Journalists has collected video of police attacking reporters. The rights group says the police were the top violator of press freedom in 2017.

"The police was cast in very bad light because it was responsible for 83 cases of the 113, representing 73 percent."

Uganda's police spokesman denies there is impunity for police who attack the press.

"We've taken them to court, we've investigated those cases. Courts have found them guilty, have sentenced them, and off they go… That shows the will on the part of the police."

The region's media are pushing back against legal restrictions and government pressure. The week-long blackout of four independent broadcasters this year in Kenya drew intense criticism.

"Citizens really need to stand up and own that freedom of the press as one of the things that will protect them and will enable them to go further in terms of development and safeguarding and protecting their own rights. So, freedom of the press is really the freedom of every ordinary citizen in the region."

People are beginning to wake up to the seriousness of the issue, says Nyanyuki, so there is cause for optimism.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG