ລິ້ງ ສຳຫລັບເຂົ້າຫາ

ກຳມະການ ສະພາສູງ ສຫລ ສັ່ງໃຫ້ ເປີດເຜີຍ ລາຍງານ ການສືບສວນ ຂອງ CIA (ວີ​ດີ​ໂອ)


ຫົວໜ້າຄະນະກຳມະການສືບລັດ ສະພາສູງສະຫະລັດ ທ່ານນາງ Dianne Feinstein.

ຫົວໜ້າຄະນະກຳມະການສືບລັດ ສະພາສູງສະຫະລັດ ທ່ານນາງ Dianne Feinstein.

ຄະນະກຳມະການສືບລັບຂອງສະພາສູງສະຫະລັດ ໄດ້
ລົງຄະແນນສຽງເພື່ອເປີດເຜີຍພາກສ່ວນສຳຄັນຂອງ
ລາຍງານທີ່ມີການຄອງຄອຍຖ້າມາເປັນເວລາດົນນານ ຊຶ່ງໄດ້ຕຳໜິຕິຕຽນຢ່າງແຮງຕໍ່ເທັກນິກໃນການສອບ
ປາກຄຳຂອງອົງການສືບລັບ CIA ໃນລະຫວ່າງສົງຄາມ
ຕໍ່ຕ້ານພວກກໍ່ການຮ້າຍນັ້ນ.

ທ່ານນາງ Dianne Feinstein ປະທານຄະນະກຳມະ
ການສືບລັບຂອງສະພາ ສູງ ກ່າວໃນວັນພະຫັດວານນີ້
ວ່າ ການເປີດເຜີຍໃຫ້ຮູ້ ເຖິງຄວາມໂຫດຮ້າຍ ໃນ ການ
ປະຕິບັດກ່ຽວກັບການສອບປາກຄຳໄດ້ມີຂຶ້ນໃນລະຫວ່າງສະໄໝການດຳລົງ ຕຳແໜ່ງ
ຂອງປະທານາທິບໍດີ George W. Bush.

ເນື້ອໄນໃຈຄວາມຂອງເອກກະສານທີ່ຫາກໍມີການເປີດເຜີຍໃໝ່ໆ 480 ໜ້າ ຍັງ ໄດ້ສະ
ຫລຸບວ່າ ອົງການສືບລັບ CIA ໄດ້ຫລອກລວງເຈົ້າໜ້າທີ່ກ່ຽວກັບຄວາມ ຮ້າຍແຮງຂອງ
ເທັກນິກໃນການສອບປາກຄຳແບບເພີ້ມພູນທີ່ຮວມທັງການໃຊ້ນຳ້ໃນການທໍລະມານ ແລະການບໍ່ໃຫ້ຫລັບໃຫ້ນອນນັ້ນ.

ຍິ່ງໄປກວ່ານັ້ນລາຍງານ ທີ່ໄດ້ມີການເກັບຮວບຮວມທັງໝົດໂດຍສະມາຊິກພັກ ເດໂມ
ແຄຣັດນັ້ນ ສະຫລຸບວ່າ ການສອບສວນເຫຼົ່ານັ້ນ ບໍ່ໄດ້ຮັບຜົນໃນການສືບ ລັບທີ່ມີຄຸນ
ຄ່າຈາກບັນດາຜູ້ຕ້ອງສົງໄສເປັນພວກກໍ່ການຮ້າຍ ຫລັງຈາກທີ່ໄດ້ມີ ການໂຈມຕີໃນ
ວັນທີ 11 ກັນຍາ ປີ 2001 ແຕ່ຢ່າງໃດເລີຍ.

ການລົງຄະແນນສຽງ 11 ຕໍ່ 3 ຂອງຄະນະກຳມະການຊຶ່ງໄດ້ຮັບການຄັດຄ້ານ ໂດຍສະ
ມາຊິກ ຂອງພັກຣີພັບບລີກັນ 3 ຄົນ ຢູ່ໃນຄະນະກຳມະການນັ້ນ ມີຂຶ້ນ ໃນຂະນະທີ່ກຳ
ມະການດັ່ງກ່າວຂອງສະພາສູງແລະອົງການສືບລັບ CIA ຍັງສືບ ຕໍ່ມີການຜິດຖຽງກັນ
ຢ່າງແຮງ ທີ່ພົວພັນກັບລາຍງານດັ່ງກ່າວນີ້.
XS
SM
MD
LG