ລິ້ງ ສຳຫລັບເຂົ້າຫາ

ຊີເຣຍ ຖິ້ມລະເບີດຖັງ ໃສ່ພົນລະເຮືອນ ສັງຫານ 71 ຄົນ ໃນເມືອງ Aleppo


ຊາວຊີເຣຍຢືນຢູ່ໄກ້ໆ ກັບບັນດາສົບ ຂອງພວກທີ່ຖືກຂ້າຕາຍ ໃນການໂຈມຕີດ້ວຍລະເບີດຖັງ ໂດຍກອງທັບອາກາດຊີເຣຍ ໃສ່ຄຸ້ມ Shaar ຢູ່ທາງພາກຕາເວັນອອກ ຂອງເມືອງ Aleppo, ວັນທີ 30 ພຶດສະພາ 2015.

ຊາວຊີເຣຍຢືນຢູ່ໄກ້ໆ ກັບບັນດາສົບ ຂອງພວກທີ່ຖືກຂ້າຕາຍ ໃນການໂຈມຕີດ້ວຍລະເບີດຖັງ ໂດຍກອງທັບອາກາດຊີເຣຍ ໃສ່ຄຸ້ມ Shaar ຢູ່ທາງພາກຕາເວັນອອກ ຂອງເມືອງ Aleppo, ວັນທີ 30 ພຶດສະພາ 2015.

ເຮືອບິນ​ເຮ​ລິ​ຄອບ​ເຕີຊີ​ເຣຍຫຼາຍລຳ ​ໄດ້​ຖິ້ມ​ລະ​ເບີດ​ຖັງຈຳນວນນຶ່ງ
​ລົງ​ໃສ່​ເຂດຕ່າງໆ ​ທີ່​ຄວບຄຸມໂດຍ​ລັດ​ອິສລາມ​ ໃນ​ເມືອງ Aleppo
​ໃນ​ວັນ​ເສົາ​ວານ​ນີ້ ​ຊຶຶ່ງສັງຫານ 71 ຄົນ ​ແລະ ອີກຫຼາຍສິບ​ຄົນ ​
ໄດ້​ຮັບ​ບາດ​ເຈັບ ​ໃນ​ຈຳນວນ​ນັ້ນສ່ວນ​ໃຫຍ່​ແມ່ນ​ພົນລະ​ເຮືອນ.

ກຸ່ມ​ສິ້ງຊອມ​ສິດທິ​ມະນຸດຊີ​ເຣຍ ທີ່​ມີ​ຫ້ອງການ​ຕັ້ງຢູ່​ໃນ​ອັງກິດ ​
ໄດ້​ທຳ​ການ​ບັນທຶກ​ເຫດການ​ຄວາມ​ຮຸນ​ແຮງ​ຢູ່ຊີ​ເຣຍ ​ໂດຍຜ່ານ​
ເຄືອ​ຂ່າຍ​ຂອງ​ບັນດາ​ນັກ​ເຄື່ອນ​ໄຫວ ທີ່​ກ່າວ​ວ່າ ມີ 59 ຄົນ​ ຖືກ​
ຂ້າ​ຕາຍໃນການ​ໂຈມ​ຕີ​ທາງ​ອາກາດ ໃສ່​ຕະຫລາດ​ແຫ່ງ​ນຶ່ງ​
ທີ່ແອ​ອັດໄປດ້ວຍຜູ້ຄົນ ທີ່​ເອີ້ນ​ວ່າ Souk al-Hal ຂອງເມືອງ
al-Bab ທີ່​ຕັ້ງຢູ່​ທາງນອກ​ເມືອງຂອງ​ Aleppo ຊຶ່ງຜູ້​ເສຍ​ຊີວິດທັງ​ໝົດ​ນັ້ນ​ແມ່ນ​ເປັນ​ຜູ້​ຊາຍ. ​ແລະອີກ​ຢ່າງ​ນ້ອຍ 12 ຄົນ ຖືກ​ຂ້າ​ຕາຍ ​ໃນ​ເຫດ​ລະ​ເບີດ​ແຕກ ຢູ່​ທີ່ຄຸ້ມ Shaar ຂອງເມືອງ Aleppo ​ທີ່ພວກກະບົດຍຶດຄອງ ສ່ວນ​ໃຫຍ່​ແລ້ວ​ພວກ​ຄົນ​ເຫຼົ່ານັ້ນ ​ແມ່ນ​ມາ​ຈາກ​ຄອບຄົວ​ດຽວ​ກັນ.

ທູດ​ພິ​ເສດ​ຂອງ​ອົງການ​ສະຫະ​ປະຊາ​ຊາດ​ຮັບຜິດຊອບເລື້ອງ​ຊີ​ເຣຍ ທ່ານ Staffan de
Mistura ກ່າວ​ວ່າ ການ​ຖິ້ມ​ລະ​ເບີດ​ໃສ່​ບໍລິ​ເວນ ຕະຫລາດ​ພົນລະ​ເຮືອນັ້ນ “ຄວນ​ໄດ້​ຮັບ​
ການກ່າວ​ປະນາມ​ຢ່າງໜັກ​ທີ່​ສຸດ​ຈາກ​ນານາ​ຊາດ.”
ທ່ານ​ກ່າວ​ອີກ​ວ່າ “ມັນ​ເປັນ​ການ
​ຍອມຮັບ​ບໍ່​ໄດ້​ຢ່າງເດັດຂາດ ທີ່​ກອງທັບ​ອາກາ​ດຊີ​ເຣຍ ​ໂຈມ​ຕີ​ດິນແດນ​ທີ່​ເປັນ​ຂອງ​ຕົນ​ເອງ​ໃນທາງ​ທີ່​ບໍ່​ໃຈ້​ແຍກ”
​ ​ແລະ ​ເວົ້າຕື່ມ​ອີກ​ວ່າ “ການ​ໃຊ້ລະ​ເບີດ​ຖັງ​ຕ່າງໆ​ຕ້ອງ​
ຍຸດຕິລົງ.”

ຢູ່ໃນ​ຂໍ້ຄວາມທີ່ສົ່ງ​ຜ່ານ​ທາງ Twitter ນັ້ນ ກຸ່ມ​ລັດ​ອິສລາມ ​ໄດ້​ຢືນຢັນ​ກ່ຽວກັບ​ໂຈ​ມຕີ​ຢູ່​ທີ່
al-Bab ​ໂດຍ​ເອີ້ນ​ວ່າ “ການ​ສັງຫານໝູ່​ທີ່​ຮ້າຍ​ແຮງ” ທີ່​ໄດ້​ກະທຳ​ໂດຍ​ທະຫານ​ຊີ​ເຣຍ.

ຂະນະດຽວກັນ ພວກຫົວຮຸນແຮງລັດອິສລາມ ໄດ້ໂຈມຕີສະຫຼະຊີບ 2 ຄັ້ງຕໍ່ທະຫານຊີເຣຍ
ທີ່ເມືອງ Hassakeh ທີ່ມີຊາວເຄີດອາໄສຢູ່ເປັນສ່ວນໃຫຍ່.

XS
SM
MD
LG