ລັດຖະມົນຕີປ້ອງກັນປະເທດສະຫະລັດ ທ່ານ Chuck Hagel
ກ່າວວ່າ ທ່ານບໍ່ເຫັນດີກັບ ການຈົ່ມທຸກຂອງນາຍົກລັດຖະມົນຕີ
ອີຣັກ ທີ່ວ່າ ສະຫະລັດໄດ້ຊັກຊ້າ ໃນການສະໜອງອາວຸດຕ່າງໆ
ແລະໃຫ້ການເຝິກແອບແກ່ກອງກຳລັງອີຣັກ ທີ່ສູ້ລົບກັບພວກຫົວ
ຮຸນແຮງລັດອິສລາມນັ້ນ.
ທ່ານ Hagel ກ່າວທີ່ທຳນຽບຫ້າແຈວ່າ ການໃຫ້ຄວາມເຫັນ ຂອງ
ນາຍົກລັດຖະມົນຕີອີຣັກ ທ່ານ Haider al-Abadi ບໍ່ໄດ້ຊ່ອຍ
ຫຍັງເລີຍ.
ທ່ານ Hagel ກ່າວວ່າ ນາຍົກລັດຖະມົນຕີອີຣັກ ຄວນມີຫົວຄິດ
ຫຼາຍຂຶ້ນໜ້ອຍນຶ່ງ ທີ່ວ່າ ມີສະມາຊິກຂອງແນວໂຮມ ຫຼາຍກວ່າ 60 ຄົນ ທີ່ນຳໂດຍສະຫະລັດ ແມ່ນຢູ່ໃນອີຣັກ.
ທ່ານລັດຖະມົນຕີ ກ່າວອີກວ່າ ທຳນຽບຫ້າແຈ ໄດ້ສະໜອງທຸກໆ ຄຳຮຽກຮ້ອງສຳຫລັບ
ລູກສອນໄຟຕ່າງໆ ທີ່ອີຣັກໄດ້ຮ້ອງຂໍມາ ຢ່າງວ່ອງໄວ. ທ່ານ ກ່າວວ່າ ລູກກະສຸນ ແລະ
ອຸບປະກອນອື່ນໆ ສືບຕໍ່ຫລັ່ງໄຫລໄປສູ່ອີຣັກ ໃນອັນທີ່ທ່ານກ່າວວ່າ ເປັນການຈັດສົ່ງ
ທີ່ເລັ່ງລັດ.
ທ່ານ Hagel ກ່າວວ່າ ບາງສ່ວນຂອງລົດທີ່ຕໍ່ຕ້ານລະເບີດຝັງດິນທີ່ອີ ຣັກໄດ້ຮ້ອງຂໍມານັ້ນ ແມ່ນໄດ້ສົ່ງໄປໃຫ້ພວກຊາວ Kurd.
ທ່ານຍັງກ່າວອີກວ່າ ສະຖານທີ່ເຝິກແອບ 3 ແຫ່ງ ແມ່ນໄດ້ຕັ້ງຂຶ້ນແລ້ວ ແລະ ກຳລັງປະຕິ
ບັດງານຢູ່ ແລະ ແຫ່ງທີ 4 ຈະສາມາດປະ ຕິບັດງານໄດ້ໃນໄວໆນີ້.
ເບິ່ງວີດີໂອກ່ຽວຂ້ອງ:
