ລິ້ງ ສຳຫລັບເຂົ້າຫາ

ກຳມະການ ບໍລິຫານ ຂອງບໍລິສັດ 1 MDB ລາອອກ ຫຼັງຈາກການລາຍງານຂອງສະພາ


ສັນຍາລັກຂອງບໍລິສັດ 1MDB (1 Malaysia Development Berhad) ເຫັນຢູ່ຕິດກັບຕຶກແຝດ Petronas ນະຄອນຫຼວງ ກົວລາລຳເປີ, ມາເລເຊຍ.

ສັນຍາລັກຂອງບໍລິສັດ 1MDB (1 Malaysia Development Berhad) ເຫັນຢູ່ຕິດກັບຕຶກແຝດ Petronas ນະຄອນຫຼວງ ກົວລາລຳເປີ, ມາເລເຊຍ.

ຄະນະກຳມະການຂອງສະພາແຫ່ງຊາດ ມາເລເຊຍ ກຳລັງຮຽກຮ້ອງໃຫ້ມີການສືບສວນ ສອບສວນ ອະດີດຫົວໜ້າບໍລິສັດການລົງທຶນຂອງລັດຖະບານທີ່ມີບັນຫາ ໃນການຖືກ ກ່າວຫາ ກ່ຽວກັບ ການບໍລິຫານດ້ານການເງິນໃນທາງທີ່ຜິດ.

ຄະນະກຳມະການກວດ​ສອບ​ງົບປະມານ​ຂອງ​ສະພາ ໄດ້ເປີດເຜີຍບົດລາຍງານທີ່ມີ 106 ໜ້າໃນວັນພະຫັດມື້ນີ້ ໂດຍກ່າວຫາການບໍລິຫານຂອງບໍລິສັດ Berhad ພັດທະນາ ມາເລ ເຊຍ 1 ຫຼື 1MDB ໃນການສູນເສຍເງິນຫຼາຍເຖິງ 12 ຕື້ໂດລາໃນລະຫວ່າງປີ 2009 ຫາ 2013 ຜ່ານການໂອນເງິນທີ່ມີຄວາມຊັບຊ້ອນໄປຕ່າງປະເທດຫຼາຍຄັ້ງ. ຄະນະກຳມະການ ກ່າວວ່າ ອະດີດເຈົ້າໜ້າທີ່ຜູ້ບໍລິຫານລະດັບສູງ ທ່ານ Shahrol Azral Ibrahim ຄວນ ເປັນຜູ້ຮັບຜິດຊອບສຳລັບ ຕໍ່ສິ່ງທີ່ພວກເຂົາເຈົ້າກ່າວວ່າ “ຂໍ້ຈຳກັດ ແລະ ຂໍ້ຂາດ​ຕົກ​ບົກ​ຜ່ອງ” ໃນການບໍລິຫານງານຕ່າງໆຂອງບໍລິສັດ 1MDB.

ບັນດາຄະນະກຳມະກວດສອບ​ງົບປະມານ ຍັງໄດ້ຮຽກຮ້ອງໃຫ້ຄະນະທີ່ປຶກສາຂອງກອງ ທຶນ, ທີ່ເປັນປະທານໂດຍນາຍົກລັດຖະມົນຕີ ທ່ານ Najib Razak ຖືກຍຸບ.

ສອງສາມຊົ່ວໂມງຫຼັງຈາກບົດລາຍງານຂອງຄະນະກຳມະການໄດ້ຖືກເປີດເຜີຍອອກມາ, ບັນດາຄະນະກຳມະການບໍລິຫານຂອງບໍລິສັດ 1 MDB ໄດ້ລວມກັນສະເໜີ​ໃບລາອອກຕໍ່ ກະຊວງການເງິນ. ຄະນະກຳມະການໄດ້ອອກຖະແຫຼງການສະບັບໜຶ່ງກ່າວວ່າ ການຕັດ ສິນໃຈແມ່ນຄວາມຕັ້ງໃຈທີ່ຈະ “ອຳນວຍຄວາມສະດວກໃຫ້ແກ່ການຕິດຕາມທຸກໆການ ສືບສວນສອບສວນ ຕາມການສະເໜີແນະໂດຍຄະນະກຳມະການກວດ​ສອບ​ງົບປະ ມານນັ້ນ.”

ກອງທຶນ ​ເຊິ່ງຕັ້ງຂຶ້ນມາ ເພື່ອຊ່ວຍເຫຼືອໃນໂຄງການພັດທະນາຕ່າງໆຂອງ ມາເລເຊຍ, ນັບຕັ້ງແຕ່ໄດ້ຖືກສ້າງຕັ້ງຂຶ້ນ ພວກເຂົາເຈົ້າໄດ້ຂາຍ ຊັບສິນຂອງທາງ​ກອງ​ທຶນເປັນຈຳ ນວນຫຼວງຫຼາຍ ໃນຄວາມພະຍາຍາມທີ່ຈະຫຼຸດຜ່ອນໜີ້ສິນຂອງຕົນ.

XS
SM
MD
LG