ກອງປະຊຸມສະໄໝສາມັນຄັ້ງປະຖົມມະເລິກຂອງສະພາແຫ່ງຊາດລາວຊຸດທີ 7 ໄດ້ລົງມັດ
ຕິດ້ວຍສຽງສ່ວນ ໃຫຍ່ເພື່ອຮັບຮອງການແຕ່ງຕັ້ງໃຫ້ທ່ານ ຈູມມະລີ ໄຊຍະສອນ ເປັນປະ ທານປະເທດລາວຕໍ່ອີກສະໄໝໜຶ່ງ ຢ່າງເປັນທາງການໃນຕອນເຊົ້າຂອງວັນທີ 15 ມິຖຸນາ
ນີ້ ໂດຍການລົງມັດຕິດັ່ງກ່າວນີ້ໄດ້ມີຂຶ້ນພາຍຫຼັງຈາກສະມາຊິກສະພາແຫ່ງຊາດລາວຊຸດ
ທີ 7 ໄດ້ມີມັດຕິດ້ວຍສຽງສ່ວນໃຫຍ່ໃນການແຕ່ງຕັ້ງທ່ານນາງ ປານີ ຢາທໍຕູ້ ເປັນປະທານ ສະພາແຫ່ງຊາດຊຸດທີ 7 ຢ່າງເປັນທາງການໃນມື້ດຽວກັນ.
ທ່ານນາງປານີ ຢາທໍຕູ ປະທານສະພາແຫ່ງຊາດລາວ ຊຸດທີ 7.
ໂດຍພາຍຫຼັງາການໄດ້ຮັບແຕ່ງຕັ້ງເປັນປະທານປະເທດອີກ
ສະໄໝນຶ່ງຢ່າງເປັນທາງການແລ້ວນັ້ນ ທ່ານ ຈູມມະລີ
ໄຊຍະສອນ ກໍໄດ້ຖະແຫຼງຢືນຢັນຕໍ່ກອງປະຊຸມວ່າ ທ່ານ
ຈະຢືນຢັດໃນການນໍາພາປະເທດຊາດ ເພື່ອເຮັດໃຫ້ປະ
ຊາຊົນຫຼຸດພົ້ນຈາກຄວາມຍາກຈົນໃຫ້ໄດ້ຕາມເປົ້າໝາຍ
ໃນປີ 2015 ແລະເພື່ອຮອງຮັບໃຫ້ກັບການນຳພາປະ
ເທດຊາດໃຫ້ຫຼຸດພົ້ນຈາກສະພາບດ້ອຍພັດທະນາໃຫ້ໄດ້ ໃນປີ 2020 ຕໍ່ໄປ, ຊຶ່ງທ່ານ ຈູມມະລີ ໄດ້ເນັ້ນຢໍ້າວ່າ:
“ຂ້າພະເຈົ້າປະຕິຍານວ່າ ຈະອອກແຮງປະຕິບັດພາລະກິດປະມຸກລັດດ້ວຍຄວາມ
ຈົງຮັກພັກດີ ແລະເດັດຂາດຕໍ່ປະເທດຊາດ ແລະ ຕໍ່ປະຊາຊົນບັນດາເຜົ່າ, ເດັດ
ດ່ຽວປະຕິບັດຕາມລັດຖະທຳມະນູນ ແລະກົດໝາຍແຫ່ງ ສປປ ລາວ, ຈະອຸທິດ
ໝົດສະຕິປັນຍາ ແລະສຸມເຫື່ອເທແຮງຂອງຕົນເພື່ອການນໍາພາສ້າງສາປະເທດ
ຊາດ ໃຫ້ມີຄວາມມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກ
ຄີປອງດອງ, ປະຊາທິປະໄຕ, ຍຸດຕິທໍາ ແລະສີວິໄລ.”
ທ່ານ ທອງສິງ ທໍາມະວົງ ນາຍົກລັດຖະມົນຕີລາວ
ພ້ອມກັນນີ້ ທ່ານ ຈູມມະລີ ກໍໄດ້ໃຊ້ອໍານາດໃນຖານະ
ປະທານປະເທດ ສະເໜີຕໍ່ກອງປະຊຸມໃຫ້ຮັບຮອງເອົາ
ການແຕ່ງຕັ້ງທ່ານທອງສິງ ທໍາມະວົງ ເປັນນາຍົກລັດ
ຖະມົນຕີ, ຊຶ່ງກໍ່ປະກົດວ່າ ສະມາຊິກສະພາແຫ່ງຊາດ
ລາວ ໄດ້ມີມະຕິຮັບຮອງດ້ວຍສຽງສ່ວນຫລາຍເຊັ່ນກັນ
ແລະຕໍ່ຈາກນັ້ນ ທ່ານທອງສິງກໍໄດ້ສະເໜີໂຄງປະກອບ
ການຈັດຕັ້ງຂອງຄະນະບັດຖະບານຊຸດໃໝ່ທີ່ປະກອບ
ດ້ວຍ 18 ກະຊວງກັບ 3 ອົງການທຽບເທົ່າກະຊວງ.
ໃນໂຄງປະກອບດັ່ງກ່າວນີ້ ກໍມີ 4 ກະຊວງຈັດຕັ້ງໃໝ່
ຄືກະຊວງພາຍໃນ, ກະຊວງວິທະຍາສາດ ແລະເທັກ
ໂນໂລຈີ, ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ແລະກະຊວງໄປສະນີ-
ຄົມມະນາຄົມສື່ສານ. ນອກນັ້ນ ກໍມີ 2 ກະຊວງປັບປຸງໃໝ່ ຄືກະຊວງສຶກສາທິການແລະ
ກິລາ, ກັບກະຊວງຖະແຫຼງຂ່າວ-ວັດທະ ນະທຳ ແລະທ່ອງທ່ຽວ.
ທ່ານ ອາຊາງ ລາວລີ, ຮອງນາຍົກ ລມຕ ລາວ
ສ່ວນຄະນະລັດຖະບານຊຸດໃໝ່ ກໍປະກອບດ້ວຍຮອງ
ນາຍົກລັດຖະມົນຕີ, ລັດຖະມົນຕີ ແລະຫົວໜ້າອົງ
ການທຽບເທົ່າກະຊວງ ຈໍານວນລວມກັນທັງໝົດ 28
ທ່ານ, ໂດຍສ່ວນໃຫຍ່ກໍເປັນບຸກຄະລາກອນໃນຄະນະ
ລັດຖະບານລາວຊຸດທີ່ແລ້ວ.
ທີ່ຖືວ່າເປັນລັດຖະມົນຕີໜ້າໃໝ່ນັ້ນກໍແມ່ນທ່ານ ວິໄລວັນ
ພົມເຂ, ລັດຖະມົນຕີກະຊວງກະສິກໍາ ແລະປ່າໄມ້, ທ່ານ
ບໍ່ແສງຄໍາ ວົງດາລາ, ລັດຖະມົນຕີກະຊວງຖະແຫຼງຂ່າວ-
ວັດທະນາທໍາ ແລະທ່ອງທ່ຽວ, ທ່ານ ຫຽມ ພົມມະຈັນ,
ລັດຖະມົນຕີກະຊວງໄປສະນີ-ໂທລະຄົມ ແລະສື່ສານ, ທ່ານ ເອກສະຫວ່າງ ວົງວິຈິດ, ລັດ
ຖະມົນຕີກະຊວງສາທາລະນະສຸກ, ທ່ານ ນູລິນ ສິນບັນດິດ, ລັດຖະມົນຕີກະຊວງຊັບພະ
ຍາກອນທໍາມະຊາດ ແລະສິ່ງແວດລ້ອມທາມະຊາດ, ທ່ານ ຄໍາປານ ພິລາວົງ, ລັດຖະມົນ
ຕີກະຊວງພາຍໃນ ແລະທ່ານສົມພາວ ໄພສິດ, ຜູ້ວ່າການທະນາຄານແຫ່ງຊາດ.
ນາຍພົນ ດວງໃຈ ພິຈິດ ຮອງນາຍົກລັດຖະມົນຕີ
ສ່ວນທ່ານ ທອງລຸນ ສີສຸລິດ ກໍຍັງຄົງເປັນຮອງນາຍົກ
ລັດຖະມົນຕີ, ທີ່ຄວບລັດຖະມົນຕີກະຊວງການຕ່າງປະ
ເທດ; ທ່ານ ດວງໃຈ ພິຈິດ ກໍເປັນຮອງນາຍົກລັດຖະມົນ
ຕີ, ຄວບລັດຖະມົນຕີວ່າການປ້ອງກັນປະເທດແລະຮອງ
ນາຍົກລັດຖະມົນຕີອີກ 2 ທ່ານ ກໍຍັງຄົງເປັນທ່ານ ອາ
ຊາງ ລາວລີ ແລະທ່ານ ສົມສະຫວາດ ເລັ່ງສະຫວັດ.
ໃນຂະນະທີ່ທ່ານ ບຸນທອງ ຈິດມະນີ ກໍໄດ້ເປັນປະທານ
ອົງການກວດກາລັດ. ທ່ານ ຄໍາພັນ ສິດທິຄໍາພາ ເປັນ
ປະທານສານປະຊາຊົນສູງສຸດ ແລະທ່ານ ຄໍາສານ ສຸວົງ
ເປັນປະທານໄອຍະການປະຊາຊົນສູງສຸດ ໂດຍທັງໝົດ
ຈະຢູ່ໃນຕໍາແໜ່ງເປັນເວລາ 5 ປີ ນັບຈາກນີ້ເປັນຕົ້ນໄປ.