ຫລາຍກວ່າເຄິ່ງນຶ່ງຂອງຜູ້ຕອບຄໍາຖາມ ໃນການຢັ່ງຫາງສຽງ
ລະດັບໂລກກ່ຽວ ກັບການສໍ້ລາດບັງຫຼວງ ທີ່ເປີດເຜີຍໃຫ້ຮູ້
ໃນວັນອັງຄານວານນີ້ ຄິດວ່າການຮັບ ເງິນສິນບົນມີສະພາບ
ຮ້າຍແຮງຂຶ້ນໃນຮອບສອງປີທີ່ຜ່ານມາ ແລະ 27 ເປີເຊັນ
ບອກວ່າ ເຂົາເຈົ້າໄດ້ຈ່າຍເງິນສິນບົນໃຫ້ເຈົ້າໜ້າທີ່ໃນຮອບ
12 ເດືອນຜ່ານມາ ນີ້.
ການສໍາຫລວດທີ່ດໍາເນີນການໂດຍອົງການວ່າດ້ວຍຄວາມ
ໂປ່ງໃສສາກົນ ຫລື Transparency International ທີ່ຕັ້ງ
ຢູ່ນະຄອນເບີລິນພົບວ່າ ປະຊາຊົນມີ ຄວາມເຊື່ອຖືຕໍ່ສະຖາບັນ
ຕ່າງໆ ທີ່ມີຈຸດປະສົງໃຫ້ການປົກປ້ອງຫລືຕາງໜ້າໃຫ້ປະຊາຊົນ
ລວມທັງຕໍາຫລວດ ແລະສານນັ້ນ ໜ້ອຍທີ່ສຸດ.
ໃນທົ່ວໂລກ, ພັກການເມືອງຕ່າງໆ ແມ່ນຖືວ່າເປັນສະຖາບັນທີ່ມີການສໍ້ລາດບັງຫລວງ ຫລາຍທີ່ສຸດ ໂດຍທີ່ມີຜູ້ຕອບຄໍາຖາມຕໍ່ການຢັ່ງຫາງສຽງໃນ 51 ປະເທດ ລະບຸວ່າ ພັກການເມືອງເຫຼົ່ານີ້ ຕິດອັນດັບສູງສຸດຂອງບັນຊີ. ຢູ່ໃນ 36 ປະເທດປະຊາຊົນເຫັນວ່າ
ຕໍາຫລວດເປັນຜູ້ສໍ້ລາດບັງຫຼວງຫລາຍທີ່ສຸດ ຂະນະທີ່ຢູ່ໃນ 20 ປະເທດຖືວ່າ ຝ່າຍຕຸລາ
ການ ເປັນສະຖາບັນທີ່ມີການເອົາເງິນສິນບົນຫລາຍທີ່ສຸດ.
ໂຄສົກຂອງອົງການວ່າດ້ວຍຄວາມໂປ່ງໃສສາກົນ ຊີ້ໃຫ້ເຫັນວ່າ ມີການເຊື່ອມໂຍງກັນ
ລະຫວ່າງຄວາມທຸກຈົນ ແລະການໃຫ້ສິນບົນ ໂດຍເວົ້າວ່າ 8 ໃນຈໍານວນ 10 ປະເທດໃດ
ທີ່ມີອັດຕາການໃຫ້ເງິນສິນບົນຫລາຍທີ່ສຸດ ແມ່ນຢູ່ໃນ ທະວີບອາຟຣິກາ.
ອີງຕາມການຢັ່ງຫາງສຽງດັ່ງກ່າວ ການໃຫ້ເງິນສິນບົນຍັງເພີ້ມຄວາມຮ້າຍແຮງ ຂຶ້ນຢູ່ໃນ
ບັນດາປະເທດອາຣັບສ່ວນໃຫຍ່ ນັບຕັ້ງແຕ່ມີການປະຕິວັດໃນປີ 2011 ເປັນຕົ້ນມາ ເຖິງ
ແມ່ນວ່າ ຄວາມໂກດແຄ້ນຕໍ່ພວກເຈົ້າໜ້າທີ່ສໍ້ລາດບັງຫລວງ ແມ່ນສາເຫດທີ່ພາໃຫ້ເຂົາ
ເຈົ້າລຸກຮືຂຶ້ນກໍຕາມ.
ສ່ວນຢູ່ໃນອິສຣາແອລ, ຍີ່ປຸ່ນ, ຊູແດນ, ແລະຊູແດນໃຕ້ນັ້ນ ອົງການທາງສາສະໜາແມ່ນ
ຖືວ່າ ມີການ “ສໍ້ລາດບັງຫລວງສູງທີ່ສຸດ.”
ຄົນສ່ວນໃຫຍ່ທີ່ເຂົ້າຮ່ວມການສໍາຫລວດ ເຫັນວ່າ ລັດຖະບານໃນປະເທດຕ່າງໆແມ່ນມີ
ປະສິດທິພາບໜ້ອຍລົງ ໃນການຕໍ່ສູ້ຕ້ານກັບການສໍ້ລາດບັງຫລວງ ນັບແຕ່ມີວິກິດການ ທາງການເງິນປີ 2008 ເປັນຕົ້ນມາ. ສອງສ່ວນສາມຂອງຜູ້ຄົນ ທີ່ຖືກຂໍໃຫ້ຈ່າຍເງິນເພື່ອ
ເປັນຄ່າຊື້ຈ້າງນັ້ນເວົ້າວ່າ ພວກເຂົາເຈົ້າໄດ້ປະຕິເສດບໍ່ຈ່າຍເງິນດັ່ງກ່າວໃຫ້ ຊຶ່ງເປັນການ
ສະທ້ອນໃຫ້ເຫັນວ່າ ມີຄວາມຄິດຢາກຈະຕໍ່ສູ້ ຕ້ານຄືນຫຼາຍຂຶ້ນ.
ກຸ່ມດັ່ງກ່າວເວົ້າວ່າ ບົດລາຍງານ ການວັດແທກການສໍ້ລາດບັງຫລວງໃນທົ່ວໂລກ ສໍາລັບ ປີ 2013 ຂອງຕົນ ແມ່ນເປັນການສໍາຫລວດຄໍາຄິດເຫັນຂອງປະຊາຊົນ ຄັ້ງໃຫຍ່
ທີ່ສຸດຂອງໂລກ ໃນເລື້ອງສໍ້ລາດບັງຫລວງ ຊຶ່ງໄດ້ສໍາຫລວດ 114 ພັນຄົນ ຢູ່ໃນ 107 ປະເທດ.
ເບິ່ງວີດິໂອກ່ຽວກັບຂ່າວນີ້:
ລະດັບໂລກກ່ຽວ ກັບການສໍ້ລາດບັງຫຼວງ ທີ່ເປີດເຜີຍໃຫ້ຮູ້
ໃນວັນອັງຄານວານນີ້ ຄິດວ່າການຮັບ ເງິນສິນບົນມີສະພາບ
ຮ້າຍແຮງຂຶ້ນໃນຮອບສອງປີທີ່ຜ່ານມາ ແລະ 27 ເປີເຊັນ
ບອກວ່າ ເຂົາເຈົ້າໄດ້ຈ່າຍເງິນສິນບົນໃຫ້ເຈົ້າໜ້າທີ່ໃນຮອບ
12 ເດືອນຜ່ານມາ ນີ້.
ການສໍາຫລວດທີ່ດໍາເນີນການໂດຍອົງການວ່າດ້ວຍຄວາມ
ໂປ່ງໃສສາກົນ ຫລື Transparency International ທີ່ຕັ້ງ
ຢູ່ນະຄອນເບີລິນພົບວ່າ ປະຊາຊົນມີ ຄວາມເຊື່ອຖືຕໍ່ສະຖາບັນ
ຕ່າງໆ ທີ່ມີຈຸດປະສົງໃຫ້ການປົກປ້ອງຫລືຕາງໜ້າໃຫ້ປະຊາຊົນ
ລວມທັງຕໍາຫລວດ ແລະສານນັ້ນ ໜ້ອຍທີ່ສຸດ.
ໃນທົ່ວໂລກ, ພັກການເມືອງຕ່າງໆ ແມ່ນຖືວ່າເປັນສະຖາບັນທີ່ມີການສໍ້ລາດບັງຫລວງ ຫລາຍທີ່ສຸດ ໂດຍທີ່ມີຜູ້ຕອບຄໍາຖາມຕໍ່ການຢັ່ງຫາງສຽງໃນ 51 ປະເທດ ລະບຸວ່າ ພັກການເມືອງເຫຼົ່ານີ້ ຕິດອັນດັບສູງສຸດຂອງບັນຊີ. ຢູ່ໃນ 36 ປະເທດປະຊາຊົນເຫັນວ່າ
ຕໍາຫລວດເປັນຜູ້ສໍ້ລາດບັງຫຼວງຫລາຍທີ່ສຸດ ຂະນະທີ່ຢູ່ໃນ 20 ປະເທດຖືວ່າ ຝ່າຍຕຸລາ
ການ ເປັນສະຖາບັນທີ່ມີການເອົາເງິນສິນບົນຫລາຍທີ່ສຸດ.
ໂຄສົກຂອງອົງການວ່າດ້ວຍຄວາມໂປ່ງໃສສາກົນ ຊີ້ໃຫ້ເຫັນວ່າ ມີການເຊື່ອມໂຍງກັນ
ລະຫວ່າງຄວາມທຸກຈົນ ແລະການໃຫ້ສິນບົນ ໂດຍເວົ້າວ່າ 8 ໃນຈໍານວນ 10 ປະເທດໃດ
ທີ່ມີອັດຕາການໃຫ້ເງິນສິນບົນຫລາຍທີ່ສຸດ ແມ່ນຢູ່ໃນ ທະວີບອາຟຣິກາ.
ອີງຕາມການຢັ່ງຫາງສຽງດັ່ງກ່າວ ການໃຫ້ເງິນສິນບົນຍັງເພີ້ມຄວາມຮ້າຍແຮງ ຂຶ້ນຢູ່ໃນ
ບັນດາປະເທດອາຣັບສ່ວນໃຫຍ່ ນັບຕັ້ງແຕ່ມີການປະຕິວັດໃນປີ 2011 ເປັນຕົ້ນມາ ເຖິງ
ແມ່ນວ່າ ຄວາມໂກດແຄ້ນຕໍ່ພວກເຈົ້າໜ້າທີ່ສໍ້ລາດບັງຫລວງ ແມ່ນສາເຫດທີ່ພາໃຫ້ເຂົາ
ເຈົ້າລຸກຮືຂຶ້ນກໍຕາມ.
ສ່ວນຢູ່ໃນອິສຣາແອລ, ຍີ່ປຸ່ນ, ຊູແດນ, ແລະຊູແດນໃຕ້ນັ້ນ ອົງການທາງສາສະໜາແມ່ນ
ຖືວ່າ ມີການ “ສໍ້ລາດບັງຫລວງສູງທີ່ສຸດ.”
ຄົນສ່ວນໃຫຍ່ທີ່ເຂົ້າຮ່ວມການສໍາຫລວດ ເຫັນວ່າ ລັດຖະບານໃນປະເທດຕ່າງໆແມ່ນມີ
ປະສິດທິພາບໜ້ອຍລົງ ໃນການຕໍ່ສູ້ຕ້ານກັບການສໍ້ລາດບັງຫລວງ ນັບແຕ່ມີວິກິດການ ທາງການເງິນປີ 2008 ເປັນຕົ້ນມາ. ສອງສ່ວນສາມຂອງຜູ້ຄົນ ທີ່ຖືກຂໍໃຫ້ຈ່າຍເງິນເພື່ອ
ເປັນຄ່າຊື້ຈ້າງນັ້ນເວົ້າວ່າ ພວກເຂົາເຈົ້າໄດ້ປະຕິເສດບໍ່ຈ່າຍເງິນດັ່ງກ່າວໃຫ້ ຊຶ່ງເປັນການ
ສະທ້ອນໃຫ້ເຫັນວ່າ ມີຄວາມຄິດຢາກຈະຕໍ່ສູ້ ຕ້ານຄືນຫຼາຍຂຶ້ນ.
ກຸ່ມດັ່ງກ່າວເວົ້າວ່າ ບົດລາຍງານ ການວັດແທກການສໍ້ລາດບັງຫລວງໃນທົ່ວໂລກ ສໍາລັບ ປີ 2013 ຂອງຕົນ ແມ່ນເປັນການສໍາຫລວດຄໍາຄິດເຫັນຂອງປະຊາຊົນ ຄັ້ງໃຫຍ່
ທີ່ສຸດຂອງໂລກ ໃນເລື້ອງສໍ້ລາດບັງຫລວງ ຊຶ່ງໄດ້ສໍາຫລວດ 114 ພັນຄົນ ຢູ່ໃນ 107 ປະເທດ.
ເບິ່ງວີດິໂອກ່ຽວກັບຂ່າວນີ້:
