ລິ້ງ ສຳຫລັບເຂົ້າຫາ

logo-print

ທ.ໄມຄ໌ ເພັນສ໌ ທີ່ຢູ່ຍົງຄົງຕົວໄດ້ ໃນທໍານຽບຂາວ ຍັງເປັນຜູ້ທີ່ ປ. ທຣໍາ ມັກໃຫ້ເປັນຄູ່ລົງແຂ່ງຂັນ ປະທານາທິບໍດີຢູ່


ທ່ານໄມຄ໌ ເພັນສ໌, ຮອງປະທານາທິບໍດີສະຫະລັດໄດ້ສົນທະນາຢູ່ກອງປະຊຸມໂຕະມົນ ທີ່ໂຮງຮຽນແພດສາດ Don Soffer ຂອງມະຫາວິທະຍາໄລມາຍອາມີ, ໃນລັດຟລໍຣິດາ, ວັນທີ 27 ກໍລະກົດ, 2020

ທ່ານໄມຄ໌ ເພັນສ໌, ຮອງປະທານາທິບໍດີສະຫະລັດໄດ້ທົນທານຕໍ່ພາຍຸທີ່ເຮັດໃຫ້ທໍານຽບຂາວຂອງທ່ານທຣໍາ ສັ່ນສະເທືອນ ໂດຍໄດ້ຢືນຢູ່ຄຽງຂ້າງ ທ່ານປະທານາທິບໍດີຢູ່ຕະຫຼອດ ໃນໄລຍະທີ່ມີການດໍາເນີນຄະດີຟ້ອງຮ້ອງ ເພື່ອປົດປະທານາທິບໍດີລົງຈາກຕໍາແໜ່ງແລະການສັບປ່ຽນຄະນະລັດຖະບານຫລາຍຄັ້ງນັ້ນ. ທ່ານໄດ້ຮັບໃຊ້ເປັນທູດພິເສດສາກົນແລະມີບົດບາດນໍາພາໃນການຮັບ ມືກັບພະຍາດໂຄວິດ-19. Mike O’Sullivan ນັກຂ່າວຂອງພວກເຮົາ ໄດ້ລົມກັບນັກວິເຄາະເຫດການສອງທ່ານ ກ່ຽວກັບການປະຕິບັດງານ ຂອງທ່ານໄມຄ໌ ເພັນສ໌ ເທົ່າທີ່ຜ່ານມາ ຊຶ່ງບົວສະຫວັນ ຈະນໍາລາຍລະອຽດມາສະເໜີທ່ານໃນ ອັນດັບຕໍ່ໄປ.

ອີງຕາມການປະກາດທີ່ເວົ້າວ່າ ທ່ານໄມຄ໌ ເພັນສ໌ ຈະເປັນຜູ້ທີ່ລົງສະໝັກແຂ່ງ ຂັນເປັນຄູ່ກັນກັບທ່ານທຣໍານັ້ນ, ອະດີດຜູ້ປົກຄອງລັດອິນເດຍນາທ່ານນີ້ ໄດ້ ເປັນຫົວໜ້າໃນການໃຫ້ການສະໜັບສະໜຸນຕໍ່ທ່ານທຣໍາ.

ທ່ານໄມຄ໌ ເພັນສ໌, ຮອງປະທານາທິບໍດີສະຫະລັດກ່າວວ່າ:
“ທ່ານ ດໍໂນລ ທຣໍາ ຮູ້, ແລະທ່ານເຂົ້າໃຈປະຊາຊົນອາເມຣິກັນດີ.”

ທ່ານໄມຄ໌ ເພັນສ໌ ເປັນຜູ້ມີບົດບາດເປັນຜູ້ຢູ່ເບື້ອງຫລັງຂອງທ່ານທຣໍາ, ອີງຕາມ ນັກປະຫວັດສາດ ດ້ານວຽກງານ ຂອງຮອງປະທານາທິບໍດີ.

ທ່ານ ໂຈແອລ ໂກລດສຕາຍນ໌ (Joel Goldstein) ທີ່ໂຮງຮຽນກົດໝາຍຂອງ ມະຫາວິທະຍາໄລ ເຊັນທ໌ ລູອິສ (Saint Louis) ກ່າວວ່າ:
“ທ່ານໄດ້ໃຫ້ຄໍາປຶກສາແກ່ເພິ່ນ. ທ່ານໄດ້ເຮັດວຽກກັບລັດຖະສະພາ, ຈະວ່າ ເປັນຜູ້ປະສານງານດ້ານນິຕິບັນຍັດກໍວ່າໄດ້. ທ່ານໄດ້ທໍາການເດີນທາງໄປປະ ຕິບັດວຽກງານການທູດ.”

ພາຍຫລັງທີ່ໄວຣັສໄດ້ເລີ້ມລະບາດ ໄປທົ່ວປະເທດ ໃນທ້າຍເດືອນມັງກອນນັ້ນ ທ່ານເພັນສ໌ ໄດ້ເລີ້ມຮັບໃຊ້ເປັນປະທານໜ່ວຍສະເພາະກິດດ້ານໄວຣັສໂຄໂຣ ນາຂອງທໍານຽບຂາວ, ຊຶ່ງບາງຄັ້ງກໍໄດ້ຮັບມືກັບຄໍາສະເໜີດ້ານນະໂຍບາຍ ທີ່ ເປັນຂໍ້ຖົກຖຽງກັນ.

ທ່ານໄມຄ໌ ເພັນສ໌, ຮອງປະທານາທິບໍດີສະຫະລັດກ່າວອີກວ່າ:
“ພວກເຮົາຄິດວ່າ ພວກເຮົາສາມາດເປີດໂຮງຮຽນຄືນຢ່າງປອດໄພໄດ້. ຄວາມສ່ຽງສໍາລັບເດັກນ້ອຍແມ່ນຕໍ່າຫລາຍ.”

ຮອງປະທານາທິບໍດີ ບໍ່ໄດ້ມີບົດບາດອັນຫ້າວຫັນຕະຫລອດໄປ. ດັ່ງທີ່ຮອງປະ ທານາທິບໍດີລິນດອນ ຈອນສັນ ແມ່ນຢູ່ພາຍໃຕ້ເງົາບົດບັງຂອງປະທານາທິບໍດີ ຈອນ ເຄນເນດີ. ແຕ່ວ່າ ພວກນັກວິເຄາະເວົ້າວ່າ ສິ່ງນັ້ນໄດ້ປ່ຽນໄປໃນຄະນະ ລັດຖະບານສອງສາມສະໄໝຜ່ານມານີ້.

ທ່ານ ໂກລດສຕາຍນ໌ (Goldstein) ໃຫ້ຂໍ້ສັງເກດວ່າ:
“ການເປັນຮອງປະທານາທິບໍດີ, ຂ້າພະເຈົ້າຄິດວ່າ, ໄດ້ປ່ຽນແປງໄປແທ້ໆ, ຊຶ່ງ ໄດ້ເລີ້ມຕົ້ນຂຶ້ນ ໂດຍຄະນະລັດຖະບານຂອງທ່ານຄາເທີ-ມອນເດລ ຢູ່ຈຸດທີ່ຮອງ ປະທານາທິບໍດີ ໄດ້ກາຍເປັນທີ່ປຶກສາໃນທຸກດ້ານ ແລະເປັນຜູ້ແກ້ບັນຫາໃຫ້ແກ່ ປະທານາທິບໍດີ. ແລະນັ້ນໄດ້ກາຍເປັນຮູບແບບພື້ນຖານທີ່ປະທານາທິບໍດີທຸກຄົນ ໄດ້ປະຕິບັດຕາມຕໍ່ຈາກນັ້ນມາ ໂດຍມີບາງຢ່າງແມ່ນຢູ່ໃນລະດັບທີ່ແຕກຕ່າງກັນໄປ.”

ຫລາຍຄົນໄດ້ເຫັນວ່າ ຮອງປະທານາທິບໍດີ ດິກ ເຊນນີ ເປັນກໍາລັງໜຸນຢູ່ເບື້ອງ ຫລັງ ດ້ານນະໂຍບາຍການຕ່າງປະເທດ ແລະດ້ານຄວາມໝັ້ນຄົງແຫ່ງຊາດໃຫ້ ແກ່ປະທານາທິບໍດີຈອຣຈ໌ ດັບເບິນຢູ ບູສ ( George W. Bush).

ທ່ານ ເຣບ ບຣາວແນລ, ທະນາຍຄວາມ ແລະເປັນຜູ້ຂຽນບົດລາຍງານເວົ້າວ່າ:
“ຂ້າພະເຈົ້າຄິດວ່າ ເປັນທີ່ຈະແຈ້ງເລີຍວ່າ ທ່ານ ດໍໂນລ ທຣໍາ ບໍ່ຢາກໃຫ້ທ່ານ ດິກ ເຊນນີ ມາເປັນຮອງປະທານາທິບໍດີດອກ. ທ່ານເອົາຮອງປະທານາທິບໍດີທີ່ ທ່ານຢາກໄດ້ ແລະມອບໝາຍໜ້າທີ່ ທີ່ທ່ານຢາກມອບໃຫ້ນັ້ນ ໃຫ້ແກ່ລາວ ແລະ ມັນເປັນທີ່ຈະແຈ້ງເລີຍວ່າ ທ່ານທຣໍາ ບໍ່ຢາກໃຫ້ໃຜຜູ້ນຶ່ງໄດ້ຮັບອໍານາດ ເຊັ່ນນັ້ນ ແລະ ທ່ານຈະຕ້ອງໄດ້ແບ່ງປັນໜ້າທີ່ນໍາ.”

ໂດຍທີ່ ເປັນຊາວຄຣິສຕຽນນິກາຍອີແວນແຈລິຄອລຜູ້ນຶ່ງ, ທ່ານເພັນສ໌ ໄດ້ຊ່ວຍ ເຮັດໃຫ້ຄວາມນິຍົມຂອງທ່ານທຣໍາ ກວ້າງອອກໄປໃນພວກມີຫົວອະນຸລັກນິຍົມ ທາງສາສະໜາ.

ທ່ານໄດ້ໃຫ້ການສະໜັບສະໜຸນແກ່ການເຮັດໃຫ້ນະໂຍບາຍດ້ານຄົນເຂົ້າເມືອງ ຂອງທ່ານທຣໍາເຂັ້ມງວດ ແລະການແຕ່ງຕັ້ງພວກມີຫົວອະນຸລັກນິຍົມໃຫ້ກໍາຕໍາ ແໜ່ງຢູ່ໃນສານ. ທ່ານເອົາທ່າທີ ທີ່ແຂງຂັນຂຶ້ນຕໍ່ຣັດເຊຍ ແຕ່ທ່ານກໍບໍ່ໄດ້ເອົາ ຕົນເອງຫ່າງເຫີນໄປຈາກທ່ານທຣໍາໃນຂະນະທີ່ໄດ້ຄັດຄ້ານຕໍ່ຜູ້ສະໝັກເປັນສະ ມາຊິກສະພາສູງ ຂອງລັດອາລາບາມາ ຣອຍ ມົວ (Roy Moore) ທີ່ໄດ້ຖືກ ກ່າວຫາວ່າປະພຶດຜິດທາງດ້ານເພດສໍາພັນນັ້ນ.

ເທົ່າທີ່ຜ່ານມາ, ທ່ານເພັນສ໌ ບໍ່ໄດ້ມີຜົນງານໂດດເດັ່ນທີ່ໝາຍກາໄວ້ວ່າເປັນຂອງ ທ່ານຢູ່ໃນການດໍາລົງຕໍາແໜ່ງນີ້, ອີງຕາມບັນດານັກຊ່ຽວຊານທັງຫລາຍ.

ທ່ານ ໂກນສະຕາຍນ໌ ກ່າວອີກວ່າ:
“ຂ້າພະເຈົ້າບໍ່ໄດ້ເຫັນວ່າ ທ່ານເປັນຜູ້ທີ່ໂດດເດັ່ນ ຫລືສ້າງຄວາມປະທັບໃຈໃຫ້ ຄົນຄືກັນກັບບັນດາຮອງປະທານາທິບໍດີເກືອບໝົດທຸກຄົນຈາກທັງສອງພັກເລີຍ.”

ພວກນັກວິເຄາະ ໃຫ້ຂໍ້ສັງເກດວ່າ ທ່ານເພັນສ໌ ໄດ້ມີບົດບາດໃນການຖອນທະ ຫານລັດຖະບານກາງອອກ ທ້າມກາງການຂາດຄວາມສະຫງົບ ຢູ່ໃນນະຄອນ ປອດແລນ ພາຍຫລັງທີ່ບັນດາເຈົ້າໜ້າທີ່ທ້ອງຖິ່ນເວົ້າວ່າ ພວກເຂົາເຈົ້າເຮັດໃຫ້ ບັນຫາຮ້າຍແຮງຂຶ້ນກວ່າເກົ່າ.

ຢູ່ຕໍ່ໜ້າສາທາລະນະຊົນນັ້ນ, ທ່ານເພັນສ໌ ມີແຕ່ຄວາມຈົງຮັກພັກດີຕໍ່ຫົວໜ້າ ຂອງຕົນ, ມັກຈະຢືນຢູ່ໃຕ້ເງົາ ຂອງເພິ່ນ, ບໍ່ເປັນທີ່ຈະແຈ້ງວ່າ ທ່ານເພັນສ໌ ໄດ້ສ້າງໃຫ້ມີ ຜົນກະທົບອັນໃດຢູ່ເບື້ອງຫລັງ. ຫລື ທ່ານຈະສ້າງໃຫ້ມີຄວາມ ແຕກຕ່າງອັນໃດ ໃນການເລືອກຕັ້ງເດືອນພະຈິກຈະມາເຖິງນີ້, ຊຶ່ງບັນດານັກ ວິເຄາເຫດການສ່ວນໃຫຍ່ເຫັນວ່າຈະເປັນການລົງປະຊາມະຕິດຕໍ່ທ່ານທຣໍານັ້ນ.

ອ່ານຂ່າວນີ້ເພີ້ມເປັນພາສາອັງກິດຢູ່ລຸ່ມນີ້:

U.S. Vice President Mike Pence has weathered storms that have shaken the Trump White House, standing by the president through an impeachment trial and many Cabinet reshuffles. He has served as an international envoy and taken a leading role in the COVID-19 response. Mike O’Sullivan spoke with two analysts about Pence’s performance so far.

From the announcement that Mike Pence would be Trump’s running mate, the former Indiana governor has been a cheerleader.

Mike Pence, U.S. Vice President:

“Donald Trump gets it, and he understands the American people.”

Pence has played a backup role to Trump, says a historian of the vice presidency.

Joel Goldstein, Saint Louis University School of Law:

“He’s advised him. He’s worked with Congress, been sort of a legislative liaison. He’s taken diplomatic trips.”

After the virus began sweeping through the nation in late January, Pence began serving as chair of the White House Coronavirus Task Force, sometimes fielding controversial policy proposals.

Mike Pence, U.S. Vice President:

“We think we can safely reopen schools. The risk to children is very low.”

Vice presidents have not always had active roles. As vice president, Lyndon Johnson was overshadowed by President John Kennedy. But analysts say that has changed over the last few administrations.

Joel Goldstein, Saint Louis University School of Law:

“The vice presidency, I think, really changed, beginning with the Carter-Mondale administration where the vice president became an across-the-board advisor and trouble-shooter for the president. And that basic a pattern has been followed by all the presidents since then with some variation”

Many saw Vice President Dick Cheney as the driving force behind President George W. Bush's foreign policy and national security.

Reb Brownell, Attorney, Author:

“I think it was pretty clear that Donald Trump didn’t want a Dick Cheney as vice president. You get the vice president that you want and assign him the tasks that you want, and Trump clearly didn’t want someone who wielded that kind of authority and he had to share some billing with.”

An Evangelical Christian, Pence has helped to broaden Trump’s appeal among religious conservatives.

He has supported Trump’s tightening of immigration policy and appointment of conservatives to the courts. He has taken a harder line on Russia, but rarely has he distanced himself from Trump, as when he opposed Alabama Senate candidate Roy Moore, who had been accused of sexual misconduct.

So far Pence hasn’t left a notable stamp on the office, say experts.

Joel Goldstein, Saint Louis University School of Law:

“I don’t see him as being as distinguished or as impressive as most of the other vice presidents from either party.”

Analysts note Pence did play a role in the withdrawal of federal troops amid disturbances in Portland after local officials said they were making matters worse.

In public, always loyal to his boss, often standing in his shadow, it’s not clear what impact Pence has had behind the scenes. Or what difference he will make in the November election, which most analysts see as a referendum on Trump.

ເບິ່ງວີດິໂອກ່ຽວກັບຂ່າວນີ້ເພີ້ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG