ລິ້ງ ສຳຫລັບເຂົ້າຫາ

logo-print

ທຳນຽບຂາວ ພິຈາລະນາ ການເດີນທາງ ຢ້ຽມຢາມ ຈີນ ຂອງທ່ານ ກິມ ຈົງ ອຶນ ເປັນບາດກ້າວ ໃນແງ່ບວກ


ທຳນຽບຂາວໄດ້ສະແດງຄວາມຍິນດີ ກັບການພົບປະກັນຢ່າງບໍ່ເປີດເຜີຍ ລະຫວ່າງຜູ້
ນຳ ເກົາຫຼີເໜືອ ທ່ານ ກິມ ຈົງ ອຶນ ແລະ ປະທານປະເທດ ຈີນ ທ່ານ ສີ ຈິ່ນຜິງ ດັ່ງກັບ
ການບຸກເບີກໃນແງ່ດີຕໍ່ການເຈລະຈາ ທີ່ມີຄວາມເປັນໄປໄດ້ລະຫວ່າງ ວໍຊິງຕັນ ແລະ
ພຽງຢາງ. ແນວໃດກໍຕາມ, ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ຢືນຢັດ
ວ່າ ການປຸກລະດົມ ເພື່ອສ້າງຄວາມກົດດັນສູງສຸດຕໍ່ ເກົາຫຼີເໜືອແມ່ນຍັງຈະດຳເນີນ
ຕໍ່ໄປ. ໃນການໃຫ້ສຳພາດກັບວີໂອເອ ພະແນກພາສາ ເກົາຫຼີ ນັ້ນ, ຜູ້ຊ່ຽວຊານ ດ້ານ
ເອເຊຍຕາເວັນອອກ ກ່າວວ່າການຢ້ຽມຢາມດັ່ງກ່າວ ກໍເປັນຄວາມພະຍາຍາມຂອງ
ທ່ານ ກິມ ຈົງ ອຶນ ທີ່ຈະເສີມສ້າງຄວາມເຂັ້ມແຂງ ໃຫ້ແກ່ທ່າທີຂອງທ່ານ ກ່ອນການ
ເຈລະຈາລະຫວ່າງ ເກົາຫຼີ ທີ່ມີກຳນົດຈັດຂຶ້ນໃນເດືອນເມສານີ້ເຊັ່ນກັນ. ນັກຂ່າວວີໂອ
ເອ ເຮຊຸສເມັນ ໂອນີ “Jesusmen Oni” ມີລາຍງານເພີ່ມເຕີມ, ເຊິ່ງ ພຸດທະສອນ ຈະ
ນຳລາຍລະອຽດ ມາສະເໜີທ່ານໃນອັນດັບຕໍ່ໄປ.

ການພົບປະແບບທີ່ບໍ່ຄາດຄິດ ລະຫວ່າງ ຜູ້ນຳເກົາຫຼີເໜືອ ທ່ານ ກິມ ຈົງ ອຶນ ແລະ
ປະທານປະເທດ ຈີນ ທ່ານ ສີ ຈິ່ນຜິງ ໄດ້ຖືກພິ ຈາລະນາກັນວ່າ ເປັນບາດກ້າວໃນແງ່
ບວກຢູ່ ວໍຊິງຕັນ.

ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ກ່າວໃນ Twitter ວ່າ “ຕອນນີ້ມັນມີ
ໂອກາດດີທີ່ທ່ານ ກິມ ຈົງ ອຶນ ຈະເຮັດສິ່ງທີ່ຖືກຕ້ອງສຳລັບປະຊາຊົນຂອງລາວ ແລະ
ສຳລັບມວນມະນຸດ.”

ໂຄສົກທຳນຽບຂາວທ່ານນາງ ຊາຣາ ຮັກຄາບີ ແຊນເດີສ ໄດ້ກ່າວວ່າ ເປັນຫຼັກຖານ
ເພີ່ມເຕີມທີ່ພິສູດໃຫ້ເຫັນວ່າ ການກົດດັນຂອງ ສະຫະລັດ ຕໍ່ ເກົາຫຼີເໜືອ ແມ່ນກຳລັງ
ໄດ້ຜົນ.

ທ່ານນາງ ຊາຣາ ຮັກຄາບີ ແຊນເດີສ ກ່າວວ່າ “ພວກເຮົາຍັງຈະມີຄວາມເປັນຫ່ວງຢູ່,
ແຕ່ພວກເຮົາຮູ້ສຶກວ່າສິ່ງຕ່າງໆນັ້ນ ແມ່ນກຳລັງເຄື່ອນໄຫວໄປໃນທິດທາງທີ່ຖືກຕ້ອງ.”

ສະຫະລັດ ໄດ້ເພີ່ມຄວາມກົດດັນຕໍ່ ເກົາຫຼີເໜືອ ຜ່ານມາດຕະການລົງໂທດຕ່າງໆ,
ແມ່ນກະທັ້ງເພັ່ງເລັງໃສ່ບໍລິສັດຕ່າງໆໃນທົ່ວໂລກທີ່ຄ້າຂາຍແບບຜິດກົດໝາຍກັບ
ເກົາຫຼີເໜືອ.

ທຳນຽບຂາວ ແມ່ນກຳລັງໃຊ້ວິທີແບບລໍຖ້າແລະເບິ່ງການເຄື່ອນໄຫວຕ່າງໆ ກ່ອນທີ່
ຈະເປີດການເຈລະຈາ ລະຫວ່າງ ສະຫະລັດ ແລະ ເກົາຫຼີເໜືອ ຢ່າງເປັນທາງການ,
ແຕ່ການເປີດຕົວທາງການທູດຂອງທ່ານ ກິມ ໃນ ຈີນ ໄດ້ສະແດງໃຫ້ເຫັນວ່າ ເກົາຫຼີ
ເໜືອ ແມ່ນພ້ອມແລ້ວທີ່ຈະທຳການເຈລະຈາ.

ທ່ານນາງ ຊາຣາ ຮັກຄາບີ ແຊນເດີສ ກ່າວວ່າ “ພວກທ່ານໄດ້ເຫັນລາວເດີນທາງອອກ
ປະເທດເປັນຄັ້ງທຳອິດ, ນັບຕັ້ງແຕ່ລາວໄດ້ເປັນຜູ້ນຳຂອງ ເກົາຫຼີເໜືອ, ລາວໄດ້ເດີນ
ທາງອອກປະເທດຂອງລາວເປັນຄັ້ງທຳອິດ, ສຳລັບການພົບປະນັ້ນ, ແລະ ພວກເຮົາ
ພິຈາລະຈາວ່ານັ້ນແມ່ນສັນຍານທີ່ດີ ເຊິ່ງຂະບວນການກົດດັນສູງສຸດ ແມ່ນຍັງສືບຕໍ່
ເຮັດວຽກໄດ້ຜົນ ແລະ ພວກເຮົາກໍຈະສືບຕໍ່ດຳເນີນໄປໜ້າໃນຂະບວນການນີ້ ແລະ
ຫວັງວ່າຈະມີການພົບປະກັນໃນອະນາຄົດ.”

ການເດີນທາງໄປຕ່າງປະເທດຄັ້ງທຳອິດຂອງທ່ານ ກິມ ຈົງ ອຶນ ນັບຕັ້ງແຕ່ໄດ້ເຂົ້າກຳ
ອຳນາດໃນປີ 2011, ໄດ້ມີຂຶ້ນທ່າມກາງຄວາມເຄັ່ງຕຶງທີ່ເພີ່ມຂຶ້ນ ກັບ ຈີນ ກ່ຽວກັບ
ໂຄງການນິວເຄລຍຂອງ ພຽງຢາງ ແລະ ພຽງບໍ່ເທົ່າໃດສັບປະດາ ກ່ອນການພົບປະ
ກັບ ເກົາຫຼີໃຕ້.

ທ່ານ ດັກກລາສ ພາລ, ຈາກສູນວິໄຈຄາເນກີ ເພື່ອສັນຕິພາບ ກ່າວວ່າ “ມັນເປັນ
ເລື່ອງທຳມະຊາດທີ່ເຈົ້າມີກອງປະຊຸມໃຫຍ່ຈະຈັດຂຶ້ນໃນໝໍ່ໆນີ້, ເຈົ້າຢາກສະແດງ
ໃຫ້ເຫັນວ່າ ເຈົ້າມີແຜນການທາງການທູດ ແລະ ການສະໜັບສະໜູນໃນວິໄສທັດຂອງ
ເກົາຫຼີໃຕ້. ຈີນ ມີທຳນອງວ່າແມ່ນຄູ່ຂາກັບ ເກົາຫຼີເໜືອ ແລະ ເຖິງແມ່ນວ່າການເປັນ
ພັນທະມິດນັ້ນຈະມີຄວາມຕຶງຄຽດ ໃນເວລານີ້ກໍຕາມ, ມັນແມ່ນວິທີນຶ່ງຂອງການ ສະ
ແດງໃຫ້ເຫັນວ່າ ທ່ານ ກິມ ຈົງ ອຶນ ແມ່ນບໍ່ໄດ້ໂດດດ່ຽວໃນການພົບປະດັ່ງກ່າວນັ້ນ.

ລາຍງານຂອງສື່ມວນຊົນ ຈີນ ໄດ້ສະເໜີແນະວ່າ ທ່ານ ກິມ ຈົງ ອຶນ ແມ່ນເປີດກວ້າງ
ຕໍ່ການເຈລະຈາປົດອາວຸດນິວເຄລຍ, ກໍຕໍ່ເມື່ອຖ້າ ເກົາ ຫຼີໃຕ້ ແລະ ສະຫະລັດ ຕອບ
ຮັບ ຕໍ່ຄວາມພະຍາຍາມຂອງ ພຽງຢາງ ດ້ວຍ “ຄວາມປາຖະໜາດີ.”

ທ່ານ ຣິຈາດ ບຸຊ ແມ່ນນັກຄົ້ນຄວ້າ ກ່ຽວກັບ ບັນຫາເຂດເອເຊຍຕາ ເວັນອອກທີ່ສະ
ຖາບັນບຣຸກຄິງສ ກ່າວວ່າ “ອີງຕາມວິທີທີ່ ເກົາຫຼີເໜືອ ໄດ້ອະທິບາຍເງື່ອນໄຂ ຂອງ
ເຂົາເຈົ້າໃນເມື່ອກ່ອນນັ້ນ, ເຂົາເຈົ້າຄົງຈະ ມີຄວາມໝາຍວ່າ ໃນຈຸດໃດນຶ່ງ ການສິ້ນ
ສຸດຂອງການເປັນພັນທະມິດກັນລະຫວ່າງ ສະຫະລັດ ແລະ ສາທາລະນະລັດ ເກົາຫຼີ,
ການຖອນຕົວຂອງກອງກຳລັງ ອາເມຣິກັນ ຈາກແຫຼມ ເກົາຫຼີ, ການຢຸດປົກປ້ອງ ປະ
ເທດທີ່ບໍ່ມີອາວຸດນິວເຄລຍຂອງ ສະຫະລັດ, ບໍ່ມີສິ່ງໃດໃນທັງໝົດນັ້ນແມ່ນສິ່ງທີ່ລັດ
ຖະບານ ອາເມຣິກັນ ຫຼື ລັດຖະບານ ເກົາຫຼີໃຕ້ ຈະຍິນດີນຳມາພິຈາລະນາ.”

ການເຈລະຈາລະຫວ່າງ ເກົາຫຼີ ທີ່ມີແຜນຈະຈັດຂຶ້ນໃນທ້າຍເດືອນເມ ສານີ້ ອາດຕິດ
ຕາມມາດ້ວຍການປະຊຸມຊ້ອງໜ້າກັນ ລະຫວ່າງ ທ່ານ ກິມ ຈົງ ອຶນ ແລະ ປະທານາ
ທິບໍດີ ທຣຳ. ກວ່າເຖິງເວລານັ້ນ, ທ່ານ ທຣຳ ໄດ້ຂຽນໃນ Twitter ວ່າ “ຂະບວນ
ການກົດດັນສູງສຸດ” ຂອງທ່ານ ແມ່ນຍັງຈະດຳເນີນຕໍ່ໄປ.


The White House has welcomed a secret meeting between North Korea's Kim Jong Un and China's Xi Jinping as a positive prelude to potential talks between Washington and Pyongyang. U.S. President Donald Trump however maintains a maximum pressure campaign against North Korea will continue. Speaking with VOA's Korean Service, an East-Asia expert says the visit was also Kim Jong Un's effort to fortify his position before Inter-Korean talks scheduled in April. Jesusemen Oni has more.

The surprise meeting between North Korea's Kim Jong Un and China's Xi Jinping is seen as a positive step in Washington.

U.S. President Donald Trump said in a tweet-- "Now there is a good chance that Kim Jong Un will do what is right for his people and for humanity."

More proof, says White House press secretary Sarah Huckabee Sanders, that U.S. pressure on North Korea is working.

"We are going to be cautiously optimistic, but we feel like things are moving in the right direction."

The United States has ramped up pressure on North Korea through sanctions, even going after companies across the globe that trade in illicit goods with North Korea.

The White House is taking a wait-and-see approach before it commits to formal US/North Korea talks, but says Kim's diplomatic debut in China shows North Korea is ready to negotiate.

"You saw him leave for the first time, since becoming the leader of North Korea, leaving his country for the first time, for that meeting, and we consider that to be a positive sign that the maximum pressure campaign is continuing to work, and we are going to continue moving forward in this process and hopes for a meeting down the road."

Kim Jong Un's first foreign trip since assuming power in 2011, comes amid rising tensions with China over Pyongyang's nuclear ambitions.. and just weeks before a scheduled meeting with South Korea.

"It's natural that when you've got big meetings coming up, you want to show that you've got diplomatic maneuvering and support in the eyes of South Korea. China is a sort of alliance partner with North Korea and even if that alliance is strained now, it's a way of showing that Kim Jong Un is not isolated going into the meeting.

Chinese media reports suggest Kim Jong Un is open to denuclearization talks, but only if South Korea and the United States respond to Pyongyang's efforts with "goodwill."

Richard Bush is senior fellow on East Asia Affairs at the Brookings Institution.

"Based on how North Korea has elaborated its conditions in the past, it probably means at some point the end of the US-ROK alliance, the withdrawal of American troops from the Korean peninsula, the end of the U.S. nuclear umbrella, none of those things is something that any American government or any South Korean government would be willing to contemplate."

The Inter-Korea talks planned for late April could be followed by a face-to-face meeting between Kim Jong un and President Trump.Until then, Trump tweeted that his "Maximum Pressure" campaign will continue.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG