ນາຍົກລັດຖະມົນຕີ Zimbabwe ທ່ານ Morgan Tsvangirai
ບໍ່ໄດ້ໃຫ້ຄວາມສຳຄັນ ຕໍ່ຜົນການເລືອກຕັ້ງປະທານາທິບໍດີ ໃນ
ມື້ວັນພຸດຜ່ານມາ ໂດຍເວົ້າວ່າມີການກ່າວຫາກ່ຽວກັບການເຮັດ
ຜິດກົດລະບຽບ ເຮັດໃຫ້ການປ່ອນບັດດັ່ງກ່າວ ເປັນ"ລະຄອນ
ຕະລົກ”.
ໃນການຖະແຫຼງຕໍ່ພວກນັກຂ່າວໃນວັນພະຫັດມື້ນີ້ ທ່ານ
Tsvangirai ໄດ້ກ່າວຢໍ້າ ຕໍ່ການກ່າວຫາກ່ຽວກັບການສໍ້ໂກງ
ຄະແນນສຽງໂດຍປະທານາທິບໍດີ Robert Mugabe ທີ່ໄດ້
ປະຕິເສດຕໍ່ຂໍ້ຫາດັ່ງກ່າວ ແລະພັນທະມິດຂອງທ່ານເວົ້າວ່າ ທ່ານເປັນຜູ້ຊະນະ.
ຕາໜ່າງສະໜັບສະໜຸນການເລືອກຕັ້ງຂອງ Zimbabwe ຊຶ່ງມີຄະນະສັງເກດການໃນການ
ປ່ອນບັດຫຼາຍພັນຄົນໃນທົ່ວປະເທດ ກໍໄດ້ສະແດງຄວາມວິຕົກກັງວົນກ່ຽວກັບການເລືອກຕັ້ງ
ຄືກັນ. ຮອງປະທານຂອງກຸ່ມດັ່ງກ່າວ ທ່ານນາງ Irene Peterson ກ່າວໃນວັນພະຫັດມື້ນີ້ ວ່າ
ຂັ້ນຕອນໃນການປ່ອນບັດໄດ້ດຳເນີນໄປແບບບໍ່ຖືກຕ້ອງ ໂດຍມີຜູ້ຄົນເປັນຈຳນວນຫຼວງຫລາຍ
ໄດ້ຖືກກີດຂວາງບໍ່ໃຫ້ທຳການປ່ອນບັດ. ທ່ານນາງກ່າວກ່ຽວກັບເລື່ອງນີ້ຕື່ມວ່າ: “ສະພາບ
ການໂດຍທົ່ວໄປ ແລ້ວແມ່ນມີຄວາມສະຫງົບແລະສັນຕິ. ອີງຕາມລາຍງານຂອງ
ພວກສັງເກດການຂອງພວກເຮົາພົບເຫັນແລ້ວ ບໍ່ວ່າຜົນຈະເປັນຈັ່ງໃດກໍຕາມ
ຄວາມໜ້າ ເຊື່ອຖືໃນການປ່ອນບັດຂອງປີ 2013 ນີ້ ແມ່ນມີການເຮັດຜິດກົດ
ລະບຽບຢ່າງຮ້າຍແຮງ ໂດຍມີການດຳເນີນຄວາມພະຍາຍາມຢ່າງເປັນລະບົບ
ເພື່ອບໍ່ໃຫ້ພວກມີສິດ ປ່ອນບັດໃນເຂດເທດສະບານໄດ້ປ່ອນບັດ ຫຼາຍເຖິງນຶ່ງ ລ້ານຄົນ.”
ເຈົ້າໜ້າ ທີ່ເລືອກຕັ້ງຂອງ Zimbabwe ກ່າວວ່າ ຕົນຄາດວ່າຈະປະກາດຜົນການນັບ
ບັດຄະແນນສຽງເປັນບາງສ່ວນ ໃນວັນພະຫັດມື້ນີ້ ຈາກການເລືອກຕັ້ງ ທີ່ພວກເຂົາເຈົ້າ
ເອີ້ນວ່າ “ເສລີແລະຍຸຕິທຳ” ນັ້ນ.
ເຈົ້າໜ້າທີ່ເລືອກຕັ້ງມີເວລາໄປ ຈົນຮອດວັນຈັນໜ້າ ເພື່ອຈະນຳເຜີຍແຜ່ຜົນການເລືອກຕັ້ງ
ໂດຍເຕັມ.
ບໍ່ໄດ້ໃຫ້ຄວາມສຳຄັນ ຕໍ່ຜົນການເລືອກຕັ້ງປະທານາທິບໍດີ ໃນ
ມື້ວັນພຸດຜ່ານມາ ໂດຍເວົ້າວ່າມີການກ່າວຫາກ່ຽວກັບການເຮັດ
ຜິດກົດລະບຽບ ເຮັດໃຫ້ການປ່ອນບັດດັ່ງກ່າວ ເປັນ"ລະຄອນ
ຕະລົກ”.
ໃນການຖະແຫຼງຕໍ່ພວກນັກຂ່າວໃນວັນພະຫັດມື້ນີ້ ທ່ານ
Tsvangirai ໄດ້ກ່າວຢໍ້າ ຕໍ່ການກ່າວຫາກ່ຽວກັບການສໍ້ໂກງ
ຄະແນນສຽງໂດຍປະທານາທິບໍດີ Robert Mugabe ທີ່ໄດ້
ປະຕິເສດຕໍ່ຂໍ້ຫາດັ່ງກ່າວ ແລະພັນທະມິດຂອງທ່ານເວົ້າວ່າ ທ່ານເປັນຜູ້ຊະນະ.
ຕາໜ່າງສະໜັບສະໜຸນການເລືອກຕັ້ງຂອງ Zimbabwe ຊຶ່ງມີຄະນະສັງເກດການໃນການ
ປ່ອນບັດຫຼາຍພັນຄົນໃນທົ່ວປະເທດ ກໍໄດ້ສະແດງຄວາມວິຕົກກັງວົນກ່ຽວກັບການເລືອກຕັ້ງ
ຄືກັນ. ຮອງປະທານຂອງກຸ່ມດັ່ງກ່າວ ທ່ານນາງ Irene Peterson ກ່າວໃນວັນພະຫັດມື້ນີ້ ວ່າ
ຂັ້ນຕອນໃນການປ່ອນບັດໄດ້ດຳເນີນໄປແບບບໍ່ຖືກຕ້ອງ ໂດຍມີຜູ້ຄົນເປັນຈຳນວນຫຼວງຫລາຍ
ໄດ້ຖືກກີດຂວາງບໍ່ໃຫ້ທຳການປ່ອນບັດ. ທ່ານນາງກ່າວກ່ຽວກັບເລື່ອງນີ້ຕື່ມວ່າ: “ສະພາບ
ການໂດຍທົ່ວໄປ ແລ້ວແມ່ນມີຄວາມສະຫງົບແລະສັນຕິ. ອີງຕາມລາຍງານຂອງ
ພວກສັງເກດການຂອງພວກເຮົາພົບເຫັນແລ້ວ ບໍ່ວ່າຜົນຈະເປັນຈັ່ງໃດກໍຕາມ
ຄວາມໜ້າ ເຊື່ອຖືໃນການປ່ອນບັດຂອງປີ 2013 ນີ້ ແມ່ນມີການເຮັດຜິດກົດ
ລະບຽບຢ່າງຮ້າຍແຮງ ໂດຍມີການດຳເນີນຄວາມພະຍາຍາມຢ່າງເປັນລະບົບ
ເພື່ອບໍ່ໃຫ້ພວກມີສິດ ປ່ອນບັດໃນເຂດເທດສະບານໄດ້ປ່ອນບັດ ຫຼາຍເຖິງນຶ່ງ ລ້ານຄົນ.”
ເຈົ້າໜ້າ ທີ່ເລືອກຕັ້ງຂອງ Zimbabwe ກ່າວວ່າ ຕົນຄາດວ່າຈະປະກາດຜົນການນັບ
ບັດຄະແນນສຽງເປັນບາງສ່ວນ ໃນວັນພະຫັດມື້ນີ້ ຈາກການເລືອກຕັ້ງ ທີ່ພວກເຂົາເຈົ້າ
ເອີ້ນວ່າ “ເສລີແລະຍຸຕິທຳ” ນັ້ນ.
ເຈົ້າໜ້າທີ່ເລືອກຕັ້ງມີເວລາໄປ ຈົນຮອດວັນຈັນໜ້າ ເພື່ອຈະນຳເຜີຍແຜ່ຜົນການເລືອກຕັ້ງ
ໂດຍເຕັມ.