ລິ້ງ ສຳຫລັບເຂົ້າຫາ

logo-print

ຄວາ​ມ​ຮຸນ​ແຮງ ສ້າງ "ເຂດ​ແຫ່ງ​ຄວາມຢ້ານ​ກົວ" ໃນ​ໂຮງ​ຮຽນ​ ທົ່ວ​ໂລກ


ທູດ​ສັນ​ຖະ​ວະ​ໄມ​ຕີ ອົງ​ການ UNICEF ທ້າວ ເດ​ວິ​ດ ເບັກ​ແຮັມ (David Beckham) ຍິ້ມ​ກັບ​ນາງ ສ​ຣີ​ປຸນ (Sripun) ອາ​ຍຸ 15 ປີ, ຊ້າຍ ກັບ​ໝູ່​ຂອງ​ລາວ ທ້າວ ເອ​ໂກ, ກາງ, ໃນ​ເມືອງ ເຊ​ມາ​ຣັງ, ອິນ​ໂດ​ເນ​ເຊຍ. 27 ມີ​ນາ, 2018.

ລາຍ​ງານ​ຂອງ​ອົງ​ການ​ສະ​ຫະ​ປະ​ຊາ​ຊາດ​ໄດ້​ກ່າວ​ວ່າ ນັກ​ຮຽ​ນ​ຈຳ​ນວນ​ເຄິ່ງ​ນຶ່ງ​ໃນ​ທົ່ວ​
ໂລກ ອາຍຸປະມານ 13-15 ປີ ປະເຊີນກັບຄວາມຮຸນແຮງຢູ່ໂຮງຮຽນ ອັນມີລວມທັງ
ການຂົ່ມເຫັງ, ການລົງໂທດທາງຮ່າງກາຍ, ການຍິງກັນຢູ່ໂຮງຮຽນ ແລະ ສົງຄາມ.
ພຸດທະສອນ ມີລາຍລະອຽດ ກ່ຽວກັບ ເລື່ອງນີ້ມາສະເໜີທ່ານໃນອັນດັບຕໍ່ໄປ.

ລາຍ​ງານ​ຂອງ​ອົງ​ການ​ UNICEF ​ກ່າວ​ວ່າ “ສຳ​ລັບ​ນັກ​ຮຽນ​ຫຼາຍ​ລ້ານ​ຄົນ​ໃນ​ທົ່ວ​ໂລກ​
ນັ້ນ, ສະພາບແວດລ້ອມໃນໂຮງຮຽນ ບໍ່ແມ່ນບ່ອນທີ່ປອດໄພສຳລັບການຮ່ຳຮຽນ ແລະ
ເຕີບໂຕ. ມັນເປັນເຂດອັນຕະລາຍ ບ່ອນທີ່ເຂົາເຈົ້າຮ່ຳຮຽນດ້ວຍຄວາມຢ້ານກົວ.”

ລາຍ​ງານ​ນັ້ນ​ກ່າວ​ວ່າ ການ​ຂົ່ມ​ເຫັງ​ກັນ ​ກໍ​ແມ່ນ​ນຶ່ງ​ໃນ​ບັນ​ຫາ​ທີ່​ໃຫຍ່​ທີ່​ສຸດ​ໃນ​ໂຮງ​ຮຽນ,
ທີ່ມີນັກຮຽນ 1 ໃນຈຳນວນ 3 ຄົນໃດ ເຄີຍມີປະສົບການມາ. ໃນບັນດາປະເທດອຸດສາ
ຫະກຳນັ້ນ, ນັກຮຽນ 17 ລ້ານຄົນທີ່ມີ ອາຍຸ 13 ຫາ 19 ປີ ໄດ້ຍອມຮັບວ່າ ຕົນເອງ ໄດ້
ຂົ່ມເຫັງຄົນອື່ນໃນໂຮງຮຽນ.

ຊົນ​ເຜົ່າ​ກຸ່ມ​ນ້ອຍ, ເດັກ​ນ້ອຍ​ພິ​ການ, ແລະ ສະ​ມາ​ຊິກ​ຢູ່​ຊຸມ​ຊົນ​ຄົນ​ຮັກ​ຮ່ວມ​ເພດ ແມ່ນ
ມີຄວາມເປັນໄປໄດ້ສູງກວ່າກຸ່ມອື່ນໆ ທີ່ຈະຖືກຂົ່ມເຫັງ. ໃນປະເທດ ອັງກິດ, 30 ເປີ
ເຊັນ ຫາ 50 ເປີເຊັນຂອງນັກຮຽນໜຸ່ມນ້ອຍ ຜູ້ທີ່ຖືກລະບຸວ່າ ເປັນຄົນຮັກຮ່ວມເພດນັ້ນ
ໄດ້ປະສົບກັບການຖືກຂົ່ມເຫັງ.

ລາຍ​ງານ​ໄດ້​ກ່າວ​ວ່າ ພວກ​ເດັກ​ຊາຍ​ ມີ​ຄວາມ​ເປັນ​ໄປ​ໄດ້ຫຼາຍກວ່າ ທີ່​ຈະ​ປະ​ສົບ​ກັບ​
ການຖືກຂົ່ມເຫັງ ເຊິ່ງລວມມີການໃຊ້ຄວາມຮຸນແຮງຕໍ່ຮ່າງກາຍ ຫຼື ການຂົ່ມຂູ່ຕ່າງໆ.
ພວກເດັກຍິງ ກໍແມ່ນມີຄວາມເປັນໄປໄດ້ຫຼາຍກວ່າ ທີ່ຈະຕົກເປັນຜູ້ເຄາະຮ້າຍຂອງການ
ຂົ່ມເຫັງໃນຮູບແບບທາງ “ຈິດ ຫຼື ຄວາມສຳພັນ, ເຊັ່ນການເຜີຍແຜ່ຂໍ້ມູນທີ່ຜິດໆ ກ່ຽວກັບ
ເຂົາເຈົ້າ ຫຼື ຖືກປິດກັ້ນຈາກກຸ່ມສັງຄົມຕ່າງໆ ອີງຕາມລາຍງານນັ້ນ.

ກາ​ນ​ຂົ່ມ​ເຫັງ​ທາງ​ຄອມ​ພິວ​ເຕີ ທີ່​ຖືກ​ອະ​ທິ​ບາຍ​ວ່າ “ການ​ທຳ​ຮ້າຍ​ແບບ​ຕັ້ງ​ໃຈ ແລະ ຢ່າງ​
ຊ້ຳແລ້ວຊ້ຳອີກ” ເຊິ່ງມີສາເຫດມາຈາກການໃຊ້ຄອມພິວເຕີ, ໂທລະສັບມືຖື ແລະ ອຸປະ
ກອນອີເລັກໂທຣນິກອື່ນໆ ແມ່ນກຳລັງມີເພີ່ມຂຶ້ນ. ຜົນທີ່ອອກມາ ແມ່ນພວກຜູ້ເຄາະ
ຮ້າຍອາດມີບັນຫາຕິດເຫຼົ້າ ແລະ ຢາເສບຕິດ ຫຼື ມີຄວາມລຳບາກກັບການບ້ານ. ບາງ
ຄົນໄດ້ພະຍາຍາມຂ້າໂຕເອງຕາຍ, ອີງຕາມການລາຍງານນັ້ນ.

ການ​ຄົ້ນ​ຄວ້າ​ໄດ້​ພົບ​ເຫັນວ່າ ໄດ້ມີ​ລາຍ​ງານ​ວ່າ ນັກ​ຮຽນ​ປະ​ມານ 1 ສ່ວນ​ 3 ຫຼື 150 ລ້ານ​
ຄົນໃນທົ່ວໂລກ ອາຍຸຕັ້ງແຕ່ 13 ຫາ 15 ປີ ເຄີຍມີສ່ວນຮ່ວມໃນການຕີກັນ. ຂໍ້ມູນຈາກ
25 ປະເທດ ໄດ້ສະແດງໃຫ້ເຫັນວ່າ 20 ເປີເຊັນ ຂອງພວກເດັກຍິງ ແລະ ເດັກຊາຍ 50
ເປີເຊັນລາຍງານວ່າ ຖືກນັກຮຽນຄົນອື່ນທຳຮ້າຍຮ່າງກາຍຢ່າງໜ້ອຍເທື່ອນຶ່ງໃນລະ
ຫວ່າງປີທີ່ຜ່ານມາ.

ອົງ​ການ UNICEF ​ກ່າວ​ວ່າ ຈຳ​ນວນ​ເຄິ່ງ​ນຶ່ງ​ຂອງເດັກ​ນ້ອຍ ​ໃນ​ໄວ​ຮຽນ​ທຸກ​ຄົນ ແມ່ນ​
ອາໄສຢູ່ໃນປະເທດຕ່າງໆ ບ່ອນທີ່ການລົງໂທດນັກຮຽນດ້ວຍການຂ້ຽນຕີແມ່ນຖືກອະນຸ
ຍາດ. ອົງການດັ່ງກ່າວໄດ້ກະປະມານວ່າ ເດັກນ້ອຍປະມານ 720 ລ້ານຄົນ ບໍ່ໄດ້ຖືກ
ປົກປ້ອງຈາກຄວາມຮຸນແຮງແນວນີ້. ໃນຫ້ອງຮຽນບາງບ່ອນ, ນາຍຄູ ແລະ ເຈົ້າໜ້າທີ່
ໂຮງຮຽນຄົນອື່ນໆ “ມັກຈະເປັນແຫຼ່ງທີ່ມາ ຂອງສະພາບແວດລ້ອມໃນການຮ່ຳຮຽນທີ່
ເປັນຕາຢ້ານ.”

ຄົນ​ໜຸ່ມ​ນ້ອຍ​ປະ​ມານ 158 ລ້ານ​ຄົນ ​ຕົກ​ຢູ່ພາຍໃຕ້ຄວາມ​ຮຸນ​ແຮງ ຫຼື ຂົງ​ເຂດ​ທີ່​ໄດ້​ຮັບ​
ຜົນກະທົບຈາກຄວາມຂັດແຍ້ງກັນ. ສຳລັບນັກຮຽນພວກນີ້, ຫ້ອງຮຽນຕ່າງໆອາດຈະບໍ່
ແມ່ນບ່ອນທີ່ປອດໄພກວ່າຊຸມຊົນອື່ນໆທີ່ເຂົາເຈົ້າອາໄສຢູ່.

ອົງ​ການ​ສະ​ຫະ​ປະ​ຊາ​ຊາດ​ເວົ້າ​ວ່າ ມັນ​ໄດ້​ມີ​ການ​ໂຈມ​ຕີ​ໂຮງ​ຮຽນ​ໃນ​ທົ່ວ​ໂລກ​ໂດຍ​ກົງ
ຫຼາຍກວ່າ 500 ຄັ້ງ. ເກືອບ 400 ຄັ້ງໄດ້ເກີດຂຶ້ນໃນປະເທດສາທາລະນະລັດ ປະຊາ
ທິປະໄຕ ຄອງໂກ, ໃນຂະນະທີ່ການໂຈມຕີ 26 ຄັ້ງ ແມ່ນໄດ້ຖືກພົບເຫັນຢູ່ປະເທດ
ຊູດານໃຕ້. ໃນປະເທດສາທາລະນະລັດ ອາຣັບ ຊີເຣຍ ມີລາຍງານວ່າເກີດການໂຈມຕີ
67 ຄັ້ງ. ການໂຈມຕີໂຮງຮຽນຢ່າງໜ້ອຍ 20 ຄັ້ງ ໄດ້ເກີດຂຶ້ນໃນປະເທດ ເຢເມນ. ໃນ
ການໂຈມຕີພວກນີ້ ຫຼາຍຄັ້ງແມ່ນຮຸນແຮງເຖິງຊີວິດ, ອີງຕາມອົງການ UNICEF.

ການ​ຍິງ​ກັນ​ຢູ່​ໂຮງ​ຮຽນ​ຍັງ​ໄດ້​ກາຍ​ເປັນ​ຮູບ​ແບບຂອງ​ຄວາມ​ຮຸນ​ແຮງ​ທີ່​ສຳ​ຄັນ​ໃນຫຼາຍ​
ຂົງເຂດ. ໃນລະຫວ່າງເດືອນພະຈິກ 1991 ແລະ ເດືອນພຶດສະພາ ປີ 2018, ການຍິງ
ກັນຢູ່ໂຮງຮຽນ 70 ຄັ້ງ ຖືກລາຍງານວ່າ ໄດ້ເກີດຂຶ້ນໃນ 14 ປະເທດ. ການຍິງກັນໃນ
ແຕ່ລະຄັ້ງຈະປະກອບມີຜູ້ເຄາະຮ້າຍ 2 ຄົນ ຫຼືຫຼາຍກວ່ານັ້ນ, ພ້ອມກັບຜູ້ເສຍຊີວິດຢ່າງ
ໜ້ອຍ 1 ຄົນ.

ອົງ​ການ UNICEF ໄດ້​ຄິດ​ໄລ່​ຄວາມ​ເສຍ​ຫາຍ​ທາງ​ຮ່າງ​ກາຍ, ທາງ​ຈິດໃຈ ແລະ ເສດ​
ຖະກິດຈາກຄວາມຮຸນແຮງໃນໂຮງຮຽນເປັນເງິນຢູ່ 7 ພັນຕື້ໂດລາ.

ອົງ​ການ UNICEF ໄດ້​ຮຽກ​ຮ້ອງໃຫ້​ລັດ​ຖະ​ບານ​ທັງຫຼາຍ​ພັດ​ທະ​ນາ ແລະ ບັງ​ຄັບ​ໃຊ້​
ກົດໝາຍ ແລະ ນະໂຍບາຍຕ່າງໆທີ່ເພັ່ງເລັງໃສ່ການເຮັດໃຫ້ພວກນັກຮຽນປອດໄພຢູ່
ໂຮງຮຽນ, ພ້ອມກັບປະສົບການໃນໂລກອອນໄລນ໌ຂອງເຂົາເຈົ້າ.

ອົງ​ການ​ດັ່ງ​ກ່າວ​ຍັງ​ໄດ້​ເປີດ​ການ​ໂຄ​ສະ​ນາ​ທາງ​ອິນ​ເຕີ​ແນັດ, ເອີ້ນ​ວ່າ #ENDviolence,
ເປັນຄວາມພະຍາຍາມທີ່ຈະຍົກຄວາມສຳນຶກ ແລະ ຂະຫຍາຍການສະໜັບສະໜູນ
ຈາກສາທາລະນະລັດ ສຳລັບການຕໍ່ສູ້ກັບຄວາມຮຸນແຮງ ແລະ ການຂົ່ມເຫັງກັນໃນ
ໂຮງຮຽນ.

ອ່ານ​ລາຍ​ງານນີ້​ຕື່ມ​ເປັນ​ພາ​ສາ​ອັງ​ກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG