ລິ້ງ ສຳຫລັບເຂົ້າຫາ

logo-print

ປະມຸກຫວຽດນາມ ຈະຢ້ຽມຢາມ ສະຫະລັດ ໃນວັນພະຫັດ ມື້ອື່ນ


ທ່ານ Truong Tan Sang ປະທານປະເທດຫວຽດນາມ ຖ່າຍຮູບ ກັບປະທານາທິບໍດີ ໂອບາມາ ໃນກອງປະຊຸມສຸດຍອດ APEC ທີ່ຮາວາຍ ເມື່ອເດືອນພະຈິກ ປີ 2011.
ທ່ານ Truong Tan Sang ປະທານປະເທດຫວຽດນາມ ໄດ້ຖືກ
ເຊື້ອເຊີນມາ​ຍັງວໍຊິງຕັນ ເພື່ອພົບປະກັບປະທານາທິບໍດີສະຫະ
ລັດ ທ່ານ ບາຣັກ ໂອບາມາ ໃນວັນທີ 25 ກໍລະກົດນີ້. ຂ່າວການ
ຢ້ຽມຢາມດັ່ງ ກ່າວນີ້ ມີຂຶ້ນໃນຂະນະການດໍາເນີນຄະດີທະນາຍ
ຄວາມຄົນນຶ່ງທີ່ຄັດຄ້ານ ລັດຖະບານ ເນັ້ນຢໍ້າ​ໃຫ້​ເຫັນເຖິງບັນ ຫາສິດທິມະນຸດຢູ່ໃນປະເທດຄອມມີວນີສແຫ່ງນີ້. Marianne
Brown ຜູ້ສື່ຂ່າວວີໂອເອ ມີລາຍງານກ່ຽວ​ກັບ ເລຶ່ອງນີ້ຈາກນະ
ຄອນຫຼວງຮາໂນ່ຍ ຊຶ່ງທອງປານຈະນໍາມາສະເໝີທ່ານ ໃນອັນ
ດັບຕໍ່ໄປ.

ລິງໂດຍກົງ

ທ່ານ Truong Tan Sang ປະມຸກຂອງປະເທດຫວຽດນາມ
ໄດ້ຖືກເຊື້ອເຊີນ ໃຫ້ມາ ພົບ ປະກັບ ປະທານາທິບໍດີສະຫະລັດ ທ່ານບາຣັກ ໂອບາມາ ຢູ່ທີ່ທໍານຽບຂາວ ຊຶ່ງເປັນການຢ້ຽມຢາມສະຫະລັດເທື່ອທໍາອິດ ຂອງປະມຸກຫວຽດນາມ
ຄົນ​ນຶ່ງ ນັບຕັ້ງແຕ່ປີ 2007 ເປັນຕົ້ນມາ.

Carl Thayer ນັກວິເຄາະດ້ານການປ້ອງກັນ ແລະເປັນອາຈານສອນ ປະຈໍາມະຫາ ວິທະຍາໄລ New South Wales ໃນປະເທດອອສເຕຣເລຍ ເວົ້າວ່າ ເຖິງແມ່ນຫວຽດ ນາມໄດ້ພະຍາຍາມກົດດັນສະຫະລັດ ສໍາລັບການ ຢ້ຽມຢາມຄັ້ງນີ້ມາໄດ້ດົນກວ່ານຶ່ງປີ ແລ້ວກໍຕາມ ແຕ່ປະກົດວ່າການຕັດສິນໃຈອອກ​ຄໍາ​ເຊື້ອ​ເຊີນ ​ໄດ້​ມີ​ຂຶ້ນ​ໃນນາທີສຸດທ້າຍ.

ທ່ານ ເທເອີ ເວົ້າວ່າ: “ທ່ານ ຈອນ ແຄຣີ ​ໄດ້ມີກໍານົດວ່າຈະໄປຢ້ຽມຢາມຫວຽດ ນາມໃນເດືອນກໍລະກົດນີ້ ແຕ່ຂ້ອງຄາດ່ວນກັບຊີເຣຍ ແລະຝ່າຍ ຫວຽດນາມ
ກໍເວົ້າວ່າ ພວກເຂົາເຈົ້າຍັງບໍ່ໄດ້ຍິນຄໍາຕອບຫຍັງຈາກຝ່າຍອາ ເມຣິກາ ກໍ​ຄືບໍ່​ມີຫຍັງເກີດຂຶ້ນຢູ່ທາງນັ້ນ ແຕ່ໃນທັນທີທັນໃດ ກໍມີບາງສິ່ງ ບາງ​ຢ່າງເກີດຂຶ້ນ. ຂ້າພະເຈົ້າຄິດວ່າສ່ວນນຶ່ງ​ແມ່ນເປັນຍ້ອນການໄປຢ້ຽມ ຢາມຈີນຂອງປະທານ
Sang ຊຶ່ງ​ມັນ​ໄດ້​ສ້າງບັນຍາກາດໃນທາງບວກ ຂຶ້ນຫຼາຍສົມຄວນ ສໍາລັບ​ການ​
ຢ້ຽມຢາມ.”


ທ່າທີການທູດຂອງຫວຽດນາມແມ່ນຮັກສາການສ້າງຄວາມສົມດຸນກັນຢ່າງລະມັດລະວັງ
ລະຫວ່າງສະຫະລັດກັບຈີນ ໂດຍສະເພາະ​ໃນເລຶ່ອງທີ່ກ່ຽວກັບການອ້າງເອົາກໍາມະສິດ​
ໃນເຂດນໍ້າແດນດິນ​ ໃນເຂດທະເລຈີນໃຕ້ຂອງ ຈີນນັ້ນ.

ໃນລະຫວ່າງການຢ້ຽມຢາມປັກກິ່ງຂອງທ່ານປະທານ Sang ເມື່ອເດືອນແລ້ວ​ນີ້ ປະເທດ
ຄອມມີວນີສທັງສອງ​ໄດ້ຕົກລົງກັນ ທີ່ຈະຕິດຕັ້ງໂທລະສັບ ສາຍກົງສຸກເສີນຂຶ້ນມາ ເພື່ອ
ຊ່ວຍແກ້ໄຂຢ່າງວ່ອງໄວ ບັນຫາຂັດແຍ້ງກັນເລື້ອງເຂດນໍ້າແດນດິນ ທີ່​ໄດ້​ເຮັດ​ໃຫ້ຄວາມ
ສໍາພັນລະຫວ່າງທັງສອງປະເທດເຄ່ງຕຶງຂຶ້ນ ເປັນບາງຄັ້ງບາງຄາວນັ້ນ.

ສະຫະລັດ ເປັນພາຄີການຄ້າໃຫຍ່ອັນດັບສອງຂອງຫວຽດນາມ ຮອງລົງ​ມາຈາກຈີນ ແລະ ທັງສອງປະເທດກໍໄດ້ເພີ່ມທະວີການເຈລະຈາລະຫວ່າງກອງ ທັບຕໍ່ກອງທັບກັນຂຶ້ນ ໃນໄລຍະບໍ່ເທົ່າໃດປີຜ່ານມານີ້. ແຕ່ກໍປະກົດວ່າ ຍັງມີຄວາມເຫັນແຕກຕ່າງກັນຢູ່ຕໍ່ມາ ກ່ຽວກັບການຄັດຄ້ານຂອງສະຫະລັດຕໍ່ ປະຫວັດດ້ານສິດທີມະນຸດຂອງຫວຽດນາມນັ້ນ.

ເມື່ອສອງອາທິດຜ່ານມາ ເຈົ້າໜ້າທີ່ຫວຽດນາມໄດ້ເລື່ອນການດໍາເນີນຄະດີທະນາຍຄວາມ
Le Quoc Quan ຜູ້ຄັດຄ້ານລັດຖະບານ ອອກໄປຢ່າງບໍ່ມີກໍານົດ. ທະນາຍ Quan ຜູ້ຂຽນຄວາມ​ເຫັນລົງເວັບໄຊ້ທີ່ກ້າປາກກ້າເວົ້າ ເປັນນຶ່ງ​ໃນ​ບັນດາຜູ້ສະໜັບສະໜຸນດ້ານ
ສິດທິມະນຸດ ທີ່​ແຂງ​ຂັນຫ້າວຫັນ ທີ່ສຸດຂອງຫວຽດນາມ. ທ່ານ ເທເອີ ກ່າວວ່າ ປະເດັນ
ການເລື່ອນເວລາດໍາເນີນຄະດີດັ່ງກ່າວ ແລະການມາຢ້ຽມຢາມສະຫະລັດຂອງທ່ານປະທານ
Sang ອາດມີ​ສ່ວນກ່ຽວຂ້ອງກັນ.

ທ່ານ ເທເອີ ເວົ້າວ່າ: “ມັນຈະເບິ່ງຄືວ່າ ການເລື່ອນເວລາການດໍາເນີນຄະດີ ກັບ ການໄປຢ້ຽມຢາມສະຫະລັດຂອງທ່ານປະທານ Sang ອາດກ່ຽວຂ້ອງ ກັນໄດ້.
ຂ້າພະເຈົ້າເດົາວ່າ ມັນໜ້າຈະເປັນດັ່ງນັ້ນ. ບາດແລ້ວ ຫຼັງຈາກນັ້ນ ຫວຽດນາມ ກໍມີໂອກາດທີ່ຈະຕັດສິນໃຈ ວ່າ​ຈະ​ເຮັດແນວໃດ.”

ທະນາຍ Quan ໄວສີ່ສິບເອັດປີ ໄດ້ຂຽນເລຶ່ອງລົງໃນເວັບໄຊ້ ແລະກໍໄດ້ ປະກອບສ່ວນ ໃນການເດີນຂະບວນປະທ້ວງຈີນຫຼາຍໆບັ້ນ ໃນນະຄອນຫຼວງ ຮາໂນ່ຍ. ສື່ມວນຊົນຕ່າງ ປະເທດມັກ​ຈະເອົາຄວາມເວົ້າຂອງ​ຜູ້ກ່ຽວໃນ​ເລື້ອງ ບັນຫາສິດທິມະນຸດຢູ່​ຫວຽດນາມ ໄປເວົ້າ​ຢູ່​ເລື້ອຍໆ.

ໃນປີ 2006 ທະນາຍ Quan ໄດ້ໃຊ້ເວລາຢູ່ວໍຊິງຕັນດີຊີ ເປັນເວລາ 5 ເດືອນ ທໍາການ ຄົ້ນຄວ້າດ້ານສັງຄົມພົນລະເຣືອນ ພາຍໃຕ້ທຶນ​ຂອງ​ອົງການ National Endown ment for Democracy. ຜູ້ກ່ຽວຖືກຈັບກຸມ ຫຼັງຈາກ ກັບຄືນ​ເມືອຫວຽດນາມໄດ້ສີ່ມື້ ແລະກໍໄດ້ຖືກປ່ອຍຕົວ ໃນຫຼາຍເດືອນຕໍ່ມາ.

ກ່ອນ​ຖືກ​ຈັບກຸມ​ໃນ​ເດືອນ​ທັນວາ​ຜ່ານ​ມາ​ນັ້ນ ທະນາຍ Quan ໄດ້ຈົ່ມທຸກວ່າ ຕໍາຫຼວດ ທໍາການກໍ່ກວນຮາວີລາວແລະຄອບຄົວ ຫຼາຍຂຶ້ນ​ເລື້ອຍໆ.

ທະນາຍ Quan ຖືກກ່າວຫາວ່າ ຫຼີກລ່ຽງພາສີ ອັນເປັນຂໍ້ຫາທີ່ພາ​ໃຫ້ຖືກ ລົງໂທດຈໍາຄຸກ ຮອດເຈັດປີ​ໄດ້. ອົງການສິ້ງຊອມສິດທິມະນຸດ Human Rights Watch ​ເອີ້ນຂໍ້ຫາ ດັ່ງ ກ່າວນັ້ນວ່າ ​ເປັນ​ຂໍ້​ຫາ​ທີ່​ເສກ​ສັນ​ປັ້ນ​ແຕ່ງ​ຂຶ້ນ.

Le Dinh Quan ນ້ອງຊາຍຂອງລາວ ກໍຖືກຈັບກຸມໃນເດືອນຕຸລາປີຜ່ານມາ ໃນຂໍ້ຫາ ແບບດຽວກັນ.

((ສຽງ))
ເມື່ອຄືນ​ວັນອາທິດ ທີ 10 ​ເດືອນ​ນີ້ ຢູ່ນະຄອນຫຼວງຮາໂນ່ຍ ປະຊາຊົນ ຫຼາຍຮ້ອຍຄົນ ພາກັນໄປໂຮມຊຸມນຸມໄຕ້ທຽນ​ໄຂ ເພື່ອສະແດງການສະໜັບ ສະໜຸນ ຕໍ່ທະນາຍ Quan ຊຶ່ງໃນຈໍານວນນັ້ນ ກໍມີແມ່ Nguyen Thi Tram ຂອງຜູ້ກ່ຽວ ເຂົ້າຮ່ວມນໍາ.

((ສຽງ..))
ນາງ Tram ເວົ້າວ່າ ເຈົ້າໜ້າທີ່ຫວຽດນາມຍັງບໍ່ໄດ້ອະນຸຍາດໃຫ້ນາງໄປຢ້ຽມ ຫຼືໂອ້ລົມ ກັບລູກຊາຍສອງຄົນ​ເລີຍ ນັບຕັ້ງແຕ່ພວກເຂົາເຈົ້າຖືກກັກຂັງ ເປັນຕົ້ນມາ.

ຄາດວ່າ ​ເລື້ອງການຄ້າແລະບັນຫາຂໍ້ຂັດແຍ້ງກັນ​ໃນເຂດທະເລຈີນໃຕ້ ຈະເປັນຫົວຂໍ້
ປະຊຸມອັນ​ດັບສູງສຸດ ຢູ່ວໍຊິງຕັນ. ແຕ່​ເຖິງ​ຢ່າງ​ໃດ ທັງສອງ ຝ່າຍກໍບໍ່ສາມາດທີ່ຈະຫຼີກລ່ຽງ
ບໍ່ເວົ້າ​ເຖິງເລື້ອງສິດທິມະນຸດ ທີ່​ເປັນບັນຫາ​ ບໍ່​ລົງ​ຮອຍກັນນັ້ນໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG