ຫວຽດນາມ ມີຄວາມສ່ຽງທີ່ຈະກາຍເປັນເປົ້າໝາຍໃໝ່ຕໍ່ໄປຂອງລັດຖະບານ ທ່ານ ທຣໍາ ກ່ຽວກັບອັດຕາພາສີ, ເນື່ອງຈາກຂໍ້ມູນສະແດງໃຫ້ເຫັນການເກີນດຸນ ການຄ້າຂອງພວກເຂົາເຈົ້າກັບ ສະຫະລັດ, ຈາກການກ່າວຂອງຜູ້ບໍລິຫານງານ ດ້ານອຸດສາຫະກຳ ພ້ອມດ້ວຍບັນດານັກວິເຄາະ.
ປະເທດທີ່ປົກຄອງໂດຍລະບອບຄອມມູນິສ, ເປັນສະຖານທີ່ດຳເນີນງານທາງ ດ້ານອຸດສາຫະກຳຂະໜາດໃຫຍ່ຂອງບັນດາບໍລິສັດຂ້າມຊາດສະຫະລັດ ເຊັ່ນ Apple, Google, Nike ແລະ ບໍລິສັດ Intel, ເຊິ່ງມີດຸນການຄ້າເກີນສູງສຸດ ອັນດັບສີ່ຂອງ ສະຫະລັດ, ຮອງຈາກ ຈີນ, ສະຫະພາບຢູໂຣບ ແລະ ເມັກຊິໂກ.
ຂໍ້ມູນການຄ້າຂອງສະຫະລັດ ທີ່ເປີດເຜີຍໃນວັນພະຫັດວານນີ້ສະແດງໃຫ້ເຫັນວ່າການຂາດດຸນການຄ້າກັບ ຫວຽດນາມ ບັນລຸຮອດ 102 ຕື້ໂດລາ ໃນຊ່ວງ ໄລຍະສິບເດືອນທໍາອິດຂອງປີນີ້, ເຊິ່ງເພີ້ມຂຶ້ນປະມານ 20 ເປິເຊັນ ເມື່ອທຽບໃສ່ໄລຍະດຽວກັນຂອງປີ 2023.
ທ່ານນາງ ແດບາຣາ ແອລສ໌ (Deborah Elms), ຫົວໜ້າດ້ານນະໂຍບາຍການຄ້າຂອງອົງການ Hinrich Foundation ທີ່ມີສໍານັກງານໃຫຍ່ໃນເອເຊຍ ກ່າວວ່າ “ສຳລັບ ທ່ານ ທຣໍາ, ການວັດແທກອັນສໍາຄັນແມ່ນການຂາດດຸນການຄ້າ, ແລະຈຳນວນໂຕເລກກັບ ຫວຽດນາມ ແມ່ນບໍ່ດີເລີຍ.”
ທ່ານນາງກ່າວວ່າ “ຫວຽດນາມ ແມ່ນທາງເລືອກທີ່ເໝາະສົມໃນການດຳເນີນງານຊ່ວງທໍາອິດ ເພາະວ່າ ປະເທດດັ່ງກ່າວບໍ່ສາມາດຕອບໂຕ້ໄດ້ງ່າຍໆ.”
ວ່າທີ່ປະທານາທິບໍດີ ທ່ານ ດໍໂນລ ທຣໍາ, ຜູ້ທີ່ຈະເຂົ້າຮັບຕຳແໜ່ງໃນເດືອນ ມັງກອນນີ້, ໄດ້ທໍາການຂົ່ມຂູ່ທີ່ຈະເກັບພາສີຮອດ 20 ເປີເຊັນ ຕໍ່ສິນຄ້ານຳເຂົ້າ ສະຫະລັດ ທັງໝົດ ໃນລະຫວ່າງການໂຄສະນາຫາສຽງເລືອກຕັ້ງຂອງທ່ານ.
ລູກຊາຍຂອງທ່ານ, ທ່ານ ອີຣິກ (Eric), ເຊິ່ງເປັນທີ່ປຶກສາສູງສຸດ, ໄດ້ອອກ ມາອ້າງເຖິງ ຫວຽດນາມ ວ່າເປັນນຶ່ງໃນບັນດາປະເທດທີ່ “ສໍ້ໂກງ” ສະຫະລັດ, ອີງຕາມວິດີໂອທີ່ເຜີຍແຜ່ອອກມາໃນອາທິດແລ້ວນີ້ ຢູ່ກອງປະຊຸມທຸລະກິດ ທີ່ຈັດໂດຍສະພາການຄ້າອາເມຣິກັນ ໃນນະຄອນຫຼວງ ຮ່າໂນ່ຍ.
ຢູ່ໃນງານດັ່ງກ່າວ, ມີບັນດານັກທຸລະກິດ ແລະ ຜູ້ຕາງໜ້າສະມາຄົມການຄ້າຫຼາຍທ່ານ ໄດ້ສະແດງຄວາມວິຕົກກັງວົນກ່ຽວກັບອັດຕາພາສີທີ່ອາດຈະມີຕໍ່ຫວຽດນາມ ໄດ້.
ທ່ານ ຮົງ ຊຸນ (Hong Sun), ຫົວໜ້າຫ້ອງການການຄ້າ ເກົາຫຼີໃຕ້ ປະຈຳ ຫວຽດນາມ ກ່າວຢູ່ທີ່ກອງປະຊຸມວ່າ “ອັດຕາພາສີໃໝ່ນີ້ ແມ່ນນຶ່ງໃນບັນດາຄວາມກັງວົນທີ່ໃຫຍ່ທີ່ສຸດຂອງອຸດສາຫະກຳ ເກົາຫຼີໃຕ້ ຢູ່ໃນ ຫວຽດນາມ. ບໍລິສັດ Samsung Electronics ຂອງເກົາຫຼີໃຕ້ ແມ່ນຜູ້ສົ່ງອອກໂທລະສັບ ສະຫຼາດ ແລະ ອຸປະກອນອີເລັກໂທຣນິກຂະໜາດໃຫຍ່ຈາກ ຫວຽດນາມ ໄປຍັງ ສະຫະລັດ.
ກະຊວງການຕ່າງປະເທດຫວຽດນາມ ບໍ່ໄດ້ສະແດງຄຳເຫັນໃດໆລຸນຫຼັງສອບ ຖາມກ່ຽວກັບທ່າແຮງຂອງອັດຕາພາສີ, ແຕ່ເຈົ້າໜ້າທີ່ຫວຽດນາມໄດ້ອອກມາຮຽກຮ້ອງຊໍ້າແລ້ວຊໍ້າອີກໃຫ້ ວໍຊິງຕັນ ສືບຕໍ່ຮັກສາການຄ້າເສລີກັບປະເທດຕົນ.
ອ່ານຂ່າວດ້ານລຸ່ມນີ້ເປັນພາສາອັງກິດ
HANOI, Dec 6 (Reuters) - Vietnam is vulnerable to becoming the new Trump administration's next target for tariffs as data shows its trade surplus with the United States ballooning, industry executives and analysts said.
The Communist-run country, home to large industrial operations of U.S. multinationals such as Apple, Google, Nike and Intel, has the fourth highest commercial surplus with the United States, topped only by China, the European Union and Mexico.
U.S. trade data released on Thursday showed the country's deficit with Vietnam reached $102 billion in the first ten months of this year, nearly a 20% increase over the same period in 2023.
"For Trump the main metric is the trade deficit, and the Vietnam number is bad," said Deborah Elms, head of trade policy at the Asia-based Hinrich Foundation.
"Vietnam is an ideal candidate for early action because it cannot easily retaliate," she said.
President-elect Donald Trump, who takes office in January, threatened tariffs of up to 20% on all U.S. imports during his election campaign.
His son Eric, a top adviser, has cited Vietnam among countries that "ripped off" the U.S., according to a video shown last week at a business conference in Hanoi organised by American chambers of commerce.
At the event several businessmen and trade association representatives expressed concern about possible tariffs on Vietnam.
"The new tariffs are one of the biggest concerns for the Korean industry in Vietnam," Hong Sun, head of South Korea's chamber of commerce in Vietnam, told the conference. South Korea's Samsung Electronics is a major exporter of smartphones and electronic devices to the U.S. from Vietnam
Vietnam's foreign affairs ministry did not reply to a request for comment on potential tariffs, but Vietnamese officials have repeatedly urged Washington to maintain seamless trade.
ຟໍຣັມສະແດງຄວາມຄິດເຫັນ