ທ່ານ Hugo Chavez ປະທານາທິບໍດີ Venezuela ໄດ້ປະກາດວ່າ ໂຣກມະເຮັງຂອງທ່ານໄດ້ກັບຄືນມາອີກ.
ທ່ານ Chavez ກ່າວເມື່ອຕອນບ່າຍວັນເສົາວານນີ້ວ່າ ທ່ານກໍາລັງຈະເດີນທາງໄປຄິວບາ ເພື່ອຜ່າຕັດເອົາເນື້ອເຍື່ອ ທີ່ເປັນມະເຮັງອອກ.
ຜູ້ນໍາຂອງປະເທດໃນເຂດອະເມຣິກາໃຕ້ທ່ານນີ້ ທີ່ໄດ້ຖືກເລືອກຕັ້ງເປັນປະທານາທິບໍດີອີກສະໄໝນຶ່ງເມື່ອເດືອນຕຸລາຜ່ານມາ ໄດ້ປະກາດໃຫ້ຊາບ ກ່ຽວກັບສຸຂະພາບໃນປັດຈຸບັນຂອງທ່ານ ທາງທີວີ. ທ່ານ Chavez ເວົ້າ ວ່າ ຖ້າຫາກສຸຂະພາບຂອງທ່ານຊຸດໂຊມລົງໄປກວ່ານີ້ອີກ ທ່ານຢາກໃຫ້ ຮອງປະທານາທິບໍດີ Nocolas Maduro ເປັນຜູ້ສືບຕໍາແໜ່ງແທນທ່ານ.
ປະທານາທິບໍດີ Chavez ຈະກັບຄືນໄປຄິວບາໃນວັນອາທິດມື້ນີ້ ບ່ອນທີ່ ທ່ານໄດ້ໄປກວດສຸຂະພາບ ເມື່ອບໍ່ດົນມານີ້ ແລະພົບວ່າ ເຊື້ອມະເຮັງໃນຮ່າງກາຍທ່ານ ໄດ້ກັບຄືນມາອີກ.
ປະທານາທິບໍດີ Chavez ໄວ 58 ປີ ໄດ້ຜ່ານການຜ່າຕັດສອງຄັ້ງໃນຄິວບາເພື່ອເອົາເນື້ອງອກອອກຈາກກະດູກງ່າມກົ້ນ. ນອກນີ້ທ່ານ Chavez ໄດ້ຮັບການບໍາບັດດ້ວຍຢາເຄມີ ຫລື Chemotherapy ແລະສາຍແສງ ລັງສີນໍາ. ປະທານາບໍດີ Chavez ບໍ່ໄດ້ເປີດເຜີຍໃຫ້ຊາບກ່ຽວກັບປະເພດແລະຄວາມຮ້າຍແຮງ ຂອງໂຣກມະເຮັງທີ່ທ່ານເປັນ.
ທ່ານ Chavez ກ່າວເມື່ອຕອນບ່າຍວັນເສົາວານນີ້ວ່າ ທ່ານກໍາລັງຈະເດີນທາງໄປຄິວບາ ເພື່ອຜ່າຕັດເອົາເນື້ອເຍື່ອ ທີ່ເປັນມະເຮັງອອກ.
ຜູ້ນໍາຂອງປະເທດໃນເຂດອະເມຣິກາໃຕ້ທ່ານນີ້ ທີ່ໄດ້ຖືກເລືອກຕັ້ງເປັນປະທານາທິບໍດີອີກສະໄໝນຶ່ງເມື່ອເດືອນຕຸລາຜ່ານມາ ໄດ້ປະກາດໃຫ້ຊາບ ກ່ຽວກັບສຸຂະພາບໃນປັດຈຸບັນຂອງທ່ານ ທາງທີວີ. ທ່ານ Chavez ເວົ້າ ວ່າ ຖ້າຫາກສຸຂະພາບຂອງທ່ານຊຸດໂຊມລົງໄປກວ່ານີ້ອີກ ທ່ານຢາກໃຫ້ ຮອງປະທານາທິບໍດີ Nocolas Maduro ເປັນຜູ້ສືບຕໍາແໜ່ງແທນທ່ານ.
ປະທານາທິບໍດີ Chavez ຈະກັບຄືນໄປຄິວບາໃນວັນອາທິດມື້ນີ້ ບ່ອນທີ່ ທ່ານໄດ້ໄປກວດສຸຂະພາບ ເມື່ອບໍ່ດົນມານີ້ ແລະພົບວ່າ ເຊື້ອມະເຮັງໃນຮ່າງກາຍທ່ານ ໄດ້ກັບຄືນມາອີກ.
ປະທານາທິບໍດີ Chavez ໄວ 58 ປີ ໄດ້ຜ່ານການຜ່າຕັດສອງຄັ້ງໃນຄິວບາເພື່ອເອົາເນື້ອງອກອອກຈາກກະດູກງ່າມກົ້ນ. ນອກນີ້ທ່ານ Chavez ໄດ້ຮັບການບໍາບັດດ້ວຍຢາເຄມີ ຫລື Chemotherapy ແລະສາຍແສງ ລັງສີນໍາ. ປະທານາບໍດີ Chavez ບໍ່ໄດ້ເປີດເຜີຍໃຫ້ຊາບກ່ຽວກັບປະເພດແລະຄວາມຮ້າຍແຮງ ຂອງໂຣກມະເຮັງທີ່ທ່ານເປັນ.
