ລິ້ງ ສຳຫລັບເຂົ້າຫາ

logo-print

ບັນດານັກຍຸດທະສາດ ສະຫະລັດ ໄຕ່ຕອງຄືນ ວິທີທາງຮັບມື ກັບຈີນ ທີ່ກຳລັງ ມີອິດທະພົນຫຼາຍຂຶ້ນ


US China Tensions -- USAGM
please wait

No media source currently available

0:00 0:03:21 0:00

ເຊີນຊົມວີດີໂອ ພາກພາສາອັງກິດ

ເສດຖະກິດຂອງຈີນທີ່ກຳລັງສູງຂຶ້ນ ແລະການສະແດງສິດຂອງຕົນເພີ້ມຂຶ້ນຢູ່ໃນເຂດອິນໂດ-ປາຊີຟິກ ແມ່ນເປັນການເຕືອນຕໍ່ວໍຊິງຕັນ ທີ່ໄດ້ຖືກສັ່ນຄອນຢູ່ແລ້ວຍ້ອນຜົນກະທົບ ຢ່າງຮ້າຍແຮງ ຈາກໄວຣັສໂຄວິດ-19 ທີ່ມາຈາກເມືອງວູຮານຂອງຈີນ. ໃນຂະນະທີ່ທັງສອງປະເທດກຳລັງຫາທາງພົວພັນໃນສາຍສຳພັນ ທີ່ວິວັດທະນາການຢູ່ເລື້ອຍ ແລະເຄັ່ງຕຶງ ຊຶ່ງບັນດານັກວິເຄາະບາງສ່ວນກວດຄືນເບິ່ງນະໂຍບາຍຕໍ່ຈີນຂອງອາເມຣິກາ ວ່າມັນບໍ່ໄດ້ຜົນແນວໃດ ແລະມັນໝາຍຄວາມວ່າຫຍັງ ສຳລັບໃນອະນາຄົດ. ເຈລາ ເດີ ແຟຣນແສັດຈີ ນັກຂ່າວວີໂອເອ ໂອ້ລົມກັບນັກຍຸດທະສາດ ການທະຫານຂອງອາເມຣິກາ ສອງທ່ານຜູ້ທີ່ມີອິດທິພົນ ກ່ຽວກັບສິ່ງທີ່ຄາດໝາຍໄດ້ ໃນຕໍ່ໜ້າ ຊຶ່ງໄຊຈະເລີນສຸກ ຈະນຳລາຍລະອຽດມາສະເໜີທ່ານ ໃນອັນດັບຕໍ່ໄປ.

ອຳນາດດ້ານເສດຖະກິິດຂອງຈີນ ອຳນວຍໃຫ້ຈີນ ມີອິດທິພົນທາງດ້ານພູມິສາດການເມືອງຫຼາຍຂຶ້ນ ແລະພາຍໃຕ້ການນຳຂອງທ່ານສີ ຈິ້ນຜິງ ປັກກິ່ງແມ່ນເປັນທີ່ຈະແຈ້ງວ່າ ໄດ້ແນເປົ້າໝາຍໃສ່ ເພື່ອປ່ຽນແທນອຳນາດຂອງອາເມຣິກາ ແລະການມີອິດທິພົນໃນໂລກ ແລະກຳນົດລະບຽບຂອງໂລກໃໝ່.

ສາມທົດສະວັດຜ່ານມາ ສະຫະລັດ ໄດ້ຊ່ອຍຈີນ ໃນການເຂົ້າຮ່ວມອົງການການຄ້າໂລກ ຫຼື WTO ໂດຍມີຄວາມຄາດໝາຍວ່າ ການເພີ້ມຂຶ້ນ ໃນການຄ້າຂອງຈີນ ອາດເຮັດໃຫ້ປະເທດດັ່ງກ່າວ ເປັນປະເທດປະຊາທິປະໄຕ.

ນາຍພົນເຈມສ໌ ໂຈນສ໌ ທີ່ກະສຽນແລ້ວຊຶ່ງເປັນທີ່ປຶກສາດ້ານຄວາມໝັ້ນຄົແຫ່ງ ຊາດໃນລັດຖະບານທ່ານໂອບາມາ ກ່າວວ່າ “ພວກເຮົາຄຶດວ່າ ຂະນະທີ່ຈີນ ມີສ່ວນຮ່ວມ ໃນການຄ້າຫຼາຍຂຶ້ນ ຊຶ່ງເປັນທີ່ບໍ່ສອດຄ້ອງກັບລະບອບຄອມມິວນິສ ໂດຍມີຕະຫຼາດເສລີ ອາດຈະກໍ່ໃຫ້ເກີດການປ່ຽນແປງໃນພຶດຕິກຳຂອງພວກເຂົາ ເຈົ້າ.”

ການຄາດໝາຍນັ້ນ ບໍ່ພຽງໄດ້ພິສູດວ່າ ບໍ່ເປັນປະໂຫຍດ ແຕ່ຍັງໄດ້ກໍ່ໃຫ້ເກີດມີຜົນສະທ້ອນທີ່ບໍ່ຕ້ອງການ ອິງຕາມນາຍພົນ ເຈມສ໌ ໂຈນສ໌ ຜູ້ກະສຽນແລ້ວນັ້ນ. ທ່ານກ່າວວ່າ ການເຕີບໃຫຍ່ຂຶ້ນຂອງຈີນ ບັນລຸໄດ້ຢ່າງລຶກລັບ, ໂດຍການລັກຂະໂມຍ ແລະດ້ວຍບ່ອນທຳລາຍຄວາມໝັ້ນຄົງຂອງອາເມຣິກາ ແລະປະເທດຕາເວັນຕົກ.

ນາຍພົນໂຈນສ໌ ກ່າວຜ່ານທາງສະໄກປ໌ ວ່າ “ພວກເຮົາຮູ້ຈັກ ໃນສິ່ງທີ່ພວກເຂົາ ເຈົ້າກຳລັງເຮັດຢູໃນດ້ານໄຊເບີ ກ່ຽວກັບການລັກຂະໂມຍຊັບສິນທາງປັນຍາ ໃນແຫ່ງໃດກໍຕາມທີ່ພວກເຂົາສາມາດເຮັດໄດ້. ຈີນ ສະເໜີຕົນເອງ ອ່ອນນ້ອມ ຄຳເວົ້າທັງໝົດຂອງພວກເຂົາແມ່ນນຸ້ມນວນແທ້ເລີຍ ແລະມີຄວາມໝາຍດີ. ແຕ່ພວກເຮົາບໍ່ຄວນຖືກຫລອກ. ພວກເຂົາກຳລັງວາງ Trojan horses ຫຼື ໄວຣັສຄອມພິວເຕີ້ ໃຫ້ຫຼາຍເທົ່າທີ່ສາມາດເຮັດໄດ້ ໃນປະເທດຕ່າງໆ ຂອງພວກເຮົາ.”

ເປົ້າໝາຍຂອງຈີນ ແມ່ນເພື່ອບ່ອນທຳລາຍ ກຸ່ມພັນທະມິດດ້ານຄວາມປອດໄພ ໄລຍະຍາວຂອງອາເມຣິກາ ນຳດ້ວຍ ນັ້ນແມ່ນຄຳເວົ້າຂອງອະດີດຜູ້ບັນຊາການສູງສຸດອົງການເນໂຕ້ ນາຍພົນ ແວສລີ ຄລອກຄ໌ ທີ່ໄດ້ກ່າວໄປ. ດຽວນີ້ ຈີນ ແລະປະທານປະເທດຂອງຕົນ ທ່ານ ສີ ຈິ້ນຜິງ ແມ່ນໄດ້ເພັ່ງເລັງໃສ່ເຂດໃກ້ຄຽງ ຂອງພວກເຂົາເອງ, ເຂດມະຫາສະໝຸດປາຊີຟິກ, ແລະກ່ອນອື່ນໝົດ ກໍແມ່ນໄຕ້ຫວັນ.

ນາຍພົນຄລອກຄ໌ ກ່າວວ່າ “ບັນຫາໃນມື້ນີ້ ຢູ່ໃນມະຫາສະໝຸດປາຊີຟິກ ກໍແມ່ນວ່າ ພວກຄົນທີ່ຂ້າພະເຈົ້າໄດ້ຍິນລົມກັນຫຼາຍທີ່ສຸດແມ່ນກ່ຽວກັບໄຕ້ຫວັນ ເພາະ ວ່າ ພວກເຮົາມີຂໍ້ຕົກລົງ ບ່ອນທີ່ສະຫະລັດ ຍົກເລີກບໍ່ຮັບຮູ້ໄຕ້ຫວັນ. ພວກເຮົາໄດ້ໝັ້ນໝາຍວ່າ ຈະບໍ່ມີການໃຊ້ກຳລັງເພື່ອແກ້ໄຂເລື້ອງໄຕ້ຫວັນ. ແຕ່ ທ່ານສີ ບໍ່ເຫັນດີ ຕໍ່ການໝັ້ນໝາຍນັ້ນ.”

ສ່ວນນາຍພົນ ໂຈນສ໌ ກ່າວຜ່ານທາງສະໄກປ໌ ວ່າ “ຢູ່ໃນທະເລຈີນໃຕ້ ທ່ານອາດຈະເຫັນມີການປະເຊີນໜ້າກັນໂດຍບັງເອີນ. ພວກເຮົາເປັນທີ່ແນ່ນອນ ແມ່ນເອົາຈິງເອົາຈັງ ກ່ຽວກັບການຮັກສາເສລີພາບ ໃນການເດີນເຮືອ ຂອງກົດໝາຍສາກົນ ແມ່ນຢູ່ອັນດັບສຳຄັນສຸດ.”

ຈີນຢືນຢັດວ່າ ສະຫະລັດເປັນຜູ້ຫາເລື້ອງຢູ່ໃນທະເລຈີນໃຕ້ ແລະວ່າ ສາຍສຳ ພັນຂອງຕົນກັບໄຕ້ຫວັນ ແມ່ນບັນຫາພາຍໃນ ທີ່ວໍໍຊິງຕັນ ບໍ່ຄວນເຂົ້າມາຫຍຸ້ງ
ກ່ຽວ.

ແຕ່ດ້ວຍຄວາມເຄັ່ງຕຶງລະຫວ່າງ ວໍຊິງຕັນແລະຈີນ ເພີ້ມຂຶ້ນນັບມື້ ແລະໄຕ້ຫວັນ ເຫັນວ່າເປັນຈຸດຮ້ອນແຮງເພີ້ມຂຶ້ນເຊັ່ນກັນ ຊຶ່ງທ່ານຄລອກຄ໌ ກ່າວວ່າ ສະຖານະການຍັງຄົງຄາດການບໍ່ໄດ້ ເປັນຄືກັນກັບໃນລະຫວ່າງ ສະໄໝສົງຄາມເຢັນ.

ນາຍພົນຄລອກຄ໌ ກ່າວວ່າ “ສະຫະພາບໂຊຫວຽດ ຮູ້ວ່າ ຖ້າພວກເຮົາຂ້າມເຂົ້າໄປໃນເຂດຊາຍແດນລະຫວ່າງເຢຍຣະມັນ ກໍຈະມີການສູ້ລົບກັນ ແຕ່ພວກເຮົາ ບໍ່ເຄີຍເວົ້າວ່າ ເວລາໃດທີ່ພວກເຮົາຈະນຳໃຊ້ອາວຸດນິວເຄລຍ. ມື້ນີ້ ທ່ານກຳລັງລົມກັນກ່ຽວກັບ ເລື້ອງນ່ານຟ້າ ດິນແດນ ແລະທະເລ ອະວະກາດ ແລະໄຊເບີ. ມັນແມ່ນເລື້ອງທີ່ເປັນອັນຕະລາຍແທ້ໆ.”

ອ່ານຂ່າວນີ້ຕື່ມ ເປັນພາສາອັງກິດ

China’s economic rise and its greater assertiveness in the Indo-Pacific is setting off alarms in Washington, already rattled by the devastating consequences from COVID 19 – the virus that came from Wuhan. As the two countries navigate their evolving and tense relationship, some analysts are looking back at how American policy toward China failed and what that means for the future.VOA’s Jela de Franceschi speaks with two influential American military strategists for what to expect next.

China’s economic might has given it greater geopolitical clout, and under leader Xi Jinping Beijing clearly aims to replace America’s might and global influence and redefine the world order.

Three decades ago, the United States helped China join the World Trade Organization with the expectation that increasing China’s trade could lead to its democratization.

(General(Ret.) James Jones,, National Security Advisor, Obama Administration)

We thought that as China got more into trade that the incompatibility of a communist regime with free trade would essentially cause a change in their behavior.”

That expectation not only proved futile, but caused an undesirable ripple effect, according to retired General James Jones. He says China’s ascent was achieved by stealth, stealing and by undermining American and Western security.

(General (Ret.) James Jones National Security Advisor, Obama Administration)

We know what they are doing in cyberspace in terms of stealing intellectual properties wherever they can. China presents itself as soft, all their words are very, very gentle and well meaning. But we shouldn't be deceived. They are planting as many Trojan horses in our countries as they possibly can."

China’s goal is to undermine American long-term security alliances as well, says former NATO Supreme Commander General Wesley Clark. Right now, China and its president, Xi Jinping, are focused on their own neighborhood, the Pacific, and first of all on Taiwan.

(General (Ret.) Wesley Clark, Former NATO Supreme Commander)

“The issue today in the Pacific that people I hear are talking about most is Taiwan, because we had an agreement where the United States gave up its recognition of Taiwan. We had a pledge that there would be no forceful solution for Taiwan. But Mr. Xi does not agree to that pledge.”

(General (Ret.) James Jones, National Security Advisor, Obama Administration)

“In the South China Sea, you may see an accidental engagement. We are obviously serious about keeping the freedom of navigation international law at the top of the list.”

China insists the U.S. is the aggressor in the South China Sea, and that its relations with Taiwan are an internal issue that Washington should play no role in.

But with tensions between Washington and China increasing, and Taiwan increasingly seen as a flashpoint, Clark says the situation remains unpredictable, just as it was during the Cold War era.

(General (Ret.) Wesley Clark, Former NATO Supreme Court Commander)

“The Soviet Union knew that if they crossed the inter-German border there would be a battle, but we never said when we would escalate to nuclear weapons. Today you are talking about air, land and sea, space and cyber. It’s very dangerous.”

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG