ລິ້ງ ສຳຫລັບເຂົ້າຫາ

logo-print

ລັດຕ່າງໆໃນ ສຫລ ເປີດທຸລະກິດຄືນ ພ້ອມກັບການປ້ອງກັນ ໄວຣັສໂຄໂຣນາ


ບາງລັດໃນ ສະຫະລັດ ແມ່ນໄດ້ເລີ່ມຫຼຸດຜ່ອນ ການປິດທຸລະກິດ ຢ່າງ ກວ້າງຂວາງລົງແລ້ວ ເຊິ່ງຖືກກຳນົດຂຶ້ນເພື່ອເຮັດໃຫ້ການແຜ່ລາມ ຂອງໂຣກ ລະບາດໄວຣັສໂຄໂຣນາຊ້າລົງ, ເຖິງແມ່ນຈະມີຄວາມເປັນຫ່ວງຕ່າງໆວ່າ ຕົວ ເລກຂອງກໍລະນີ ທັງຫລາຍໃນປະເທດ ຈະສືບຕໍ່ເພີ່ມຂຶ້ນກໍຕາມ. ຫຼາຍກວ່າ 55,000 ຄົນໄດ້ເສຍຊີວິດໃນ ສະຫະລັດ
ຈາກການແຜ່ບະລາດຢ່າງແຮງຂອງ ໂຣກທາງເດີນຫາຍໃຈນີ້, ແລະ ຫຼາຍກວ່າ 1 ລ້ານຄົນ ແມ່ນໄດ້ຕິດໄວຣັສດັ່ງ ກ່າວ. ນັກຂ່າວວີໂອເອ ບຣາຍອັນ ແພດເດັນ ລາຍງານວ່າ ບັນດາຜູ້ປົກຄອງ ລັດແມ່ນກຳລັງຊັ່ງຊາ ໄພຂົ່ມຂູ່ດ້ານສາທາລະນະສຸກ ກັບຄວາມເສຍຫາຍທາງ ເສດຖະກິດຢ່າງຮຸນແຮງ ຈາກການປິດປະເທດ ທີ່ໄດ້ນຳໄປສູ່ການສູນເສຍວຽກ ງານຂອງປະຊາຊົນ ອາເມຣິກັນ ຫຼາຍກວ່າ 26 ລ້ານຄົນ ໃນເດືອນທີ່ຜ່ານມາ. ເຊິ່ງ ພຸດທະສອນ ຈະນຳ ລາຍລະອຽດມາສະເໜີທ່ານໃນອັນດັບຕໍ່ໄປ.

ໂຮງອອກກຳລັງກາຍ, ຮ້າຍເສີມສວຍ ແລະ ຮ້ານອາຫານທີ່ໃຫ້ລູກຄ້ານັ່ງກິນ ແມ່ນລວມຢູ່ໃນທຸ ລະກິດທີ່ບໍ່ຈຳເປັນທີ່ໄດ້ເປີດໃຫ້ບໍລິການຄືນໃນລັດ ຈໍເຈຍ ຢູ່ ທາງພາກໃຕ້ຂອງ ສະຫະລັດ, ເຊິ່ງແມ່ນລັດທຳອິດທີ່ໄດ້ເອົາບາດກ້າວທີ່ມີິລາ ຄາແພງນີ້ ເພື່ອເລີ່ມຕົ້ນເສດຖະກິດໃນທ້ອງຖິ່ນຄືນ.

ແຕ່ວ່າບັນດາທຸລະກິດພວກນີ້ ໄດ້ຖືກຮຽກຮ້ອງໃຫ້ຮັກສາການປະຕິບັດຕາມຂໍ້ຊີ້ນຳການຢູ່ຫ່າງກັນໃນສັງຄົມ, ທຳຄວາມສະອາດສະຖານທີ່ ແລະ ກວດອາການ ໄວຣັສໂຄໂຣນາຂອງພະນັກງານເຊັ່ນ ໄຂ້ຫວັດ.

ທ່ານນາງ ແຊນນອນ ສຕາຟຝອດ, ເຈົ້າຂອງຮ້ານເສີມສວຍ New Era Hair Studio ເວົ້າວ່າ “ພວກເຮົາກວດອຸນຫະພູມຮ່າງກາຍ, ພວກເຮົາຕ້ອງຮັບປະກັນວ່າ ລູກຄ້າຕອບຄຳຖາມ ກ່ອນທີ່ພວກເຮົາຈະໃຫ້ການບໍລິການໃດໆກັບເຂົາເຈົ້າ, ແລະ ຮັບປະກັນວ່າໄດ້ລ້າງມື.”

ແຕ່ອັດຕາການຕິດໄວຣັສໂຄໂຣນາແມ່ນຍັງເພີ່ມຂຶ້ນຢູ່.

ແລະບັນດາຜູ້ຊ່ຽວຊານດ້ານສາທາລະນະສຸກໄດ້ເຕືອນວ່າ ການພະຍາຍາມທີ່ຈະຜ່ອນເບົາຄວາມເສຍຫາຍທາງເສດຖະກິດ ທີ່ມີສາເຫດມາຈາກການປິດປະເທດໄວໂພດ, ມັນຈະສ່ຽງກໍ່ໃຫ້ເກີດການລະບາດຂອງໄວຣັສ ທີ່ອັນຕະລາຍນີ້ ຮຸນແຮງກວ່າເກົ່າ.

ດຣ.​ ເຈສັນ ຟາລີ, ນັກໂຣກລະບາດວິທະຍາ, ຢູ່ມະຫາວິທະຍາໄລ ຈອນສ໌ ຮັອບກິນສ໌ ໄດ້ກ່າວວ່າ “ໃນຂະນະທີ່ພວກເຮົາເປີດເສດຖະກິດນັ້ນ, ພວກເຮົາຈະເຮັດໃຫ້ຄົນ ທີ່ບໍ່ເຄີຍສຳຜັດກັບສານ ແອນທີເຈັນ (Antigen) ເຊິ່ງໝາຍຄວາມວ່າບໍ່ມີສານຕໍ່ຕ້ານເຊື້ອໂຣກໃນຮ່າງກາຍ, ບໍ່ມີປະຫວັດຂອງໄວຣັສ ສຳພັດໄວຣັສນັ້ນ ແລະ ໃນທີ່ສຸດອາດນຳໄປສູ່ສະຖານະການ ທີ່ພວກເຮົາຈະສູນ ເສຍຊີວິດ, ເຊິ່ງພວກເຮົາຈະເຫັນຄົນເຂົ້າໂຮງໝໍຫຼາຍຂຶ້ນ.”

ການປະທ້ວງໄດ້ເກີດຂຶ້ນໃນທົ່ວປະເທດໂດຍຄົນ ອາເມຣິກັນ ຜູ້ທີ່ຢາກກັບຄືນໄປເຮັດວຽກ. ແຕ່ການສຳຫຼວດຄວາມຄິດເຫັນໄດ້ສະແດງໃຫ້ເຫັນການສະໜັບ ສະໜູນຢ່າງຫຼວງຫຼາຍ ຈາກສາທາ ລະນະ ສຳລັບການຫ້າມ ຕໍ່ທຸລະກິດຕ່າງໆ ແລະ ການເຕົ້າໂຮມກັນຂະໜາດໃຫຍ່ເພື່ອຄວບຄຸມການລະບາດ, ຈົນກວ່າການ ປິ່ນປົວ ແລະ ຢາວັກຊີນທີ່ມີປະສິທິພາບຈະຖືກພັດທະນາຂຶ້ນມາ.

ປະທານາທິບໍດີ ດໍໂນລ ທຣຳ ໄດ້ປ່ອຍໃຫ້ມັນຂຶ້ນກັບລັດຕ່າງໆທີ່ຈະຕັດສິນວ່າ ເວລາໃດເຂົາເຈົ້າຈະເລີ່ມປະຕິບັດການທາງເສດຖະກິດຄືນ. ໃນວັນຈັນທີ່ຜ່ານມາ, ທ່ານໄດ້ປະກາດແນວທາງໃໝ່ເພື່ອຊ່ວຍເຫຼືອທຸລະກິດຕ່າງໆໃນການເປີດຄືນຢ່າງປອດໄພ ແລະ ຂະຫຍາຍຄວາມສາມາດໃນການກວດໂຣກທົ່ວປະເທດ.

ປະທານາທິບໍດີ ດໍໂນລ ທຣຳ ກ່າວວ່າ “ການຮັບປະກັນຄວາມແຂງແຮຂອງ ເສດຖະກິດຂອງພວກເຮົາ ແມ່ນສຳຄັນຕໍ່ການຮັບປະກັນສຸຂະພາບຂອງປະເທດ ເຮົາ. ເປົ້າໝາຍພວກນີ້ເຮັດວຽກຕາມກັນໄປ. ມັນເຮັດວຽກຄຽງຂ້າງກັນ.”

ບາງລັດອື່ນໆກໍໄດ້ອະນຸຍາດໃຫ້ທຸລະກິດບາງຂະແໜງເປີດຄືນເຊັ່ນກັນ, ໃນຂະ ນະທີ່ການສູນເສຍວຽກງານຢ່າງກວ້າງຂວາງ ແລະ ຊ່ອງຫວ່າງໃນການຊ່ວຍ ເຫຼືອຄົນຫວ່າງານຂອງລັດຖະບານ ໄດ້ເຮັດໃຫ້ຫຼາຍຄົນບໍ່ມີເງິນຊື້ອາຫານ ແລະ ຈ່າຍຄ່າເຊົ່າບ້ານ. ແຕ່ມັນອາດເປັນຂັ້ນຕອນທີ່ຊ້າ, ອີງຕາມການກ່າວຂອງບັນ ດາຜູ້ຊ່ຽວຊານ.

ດຣ. ວິລລຽມ ແຊຟເນີ, ອາຈານສອນ ກ່ຽວກັບ ໂຣກຕິດຕໍ່ ຈາກສູນກາງການແພດມະຫາວິທະຍາ ໄລ ແວນເດີບິລທ໌ ໄດ້ກ່າວວ່າ “ພວກເຮົາອາດຕ້ອງໄດ້ ເຮັດສິ່ງນີ້ໃນທີ່ສຸດ ເພື່ອເບິ່ງວ່າພວກເຮົາຈະສາມາດຮັບມືກັບມັນ ຫຼື ພວກເຮົາຈະມີກໍລະນີ COVID ໃໝ່ເພີ່ມຂຶ້ນໃນທັນທີ. ແລະ ມັນກໍຈະເປັນການດຳເນີນ ການຊັ່ງຊາທີ່ລະອຽດອ່ອນ.”

ໃນລັດ ນິວຢອກ, ເຊິ່ງເປັນສູນກາງຂອງການແຜ່ລະບາດໃນ ສະຫະລັດ ນັ້ນ, ຜູ້ປົກຄອງລັດ ທ່ານ ແອນດຣູ ຄູໂອໂມ ໄດ້ກ່າວວ່າ ລັດດັ່ງກ່າວແມ່ນກຳລັງພັດທະນາແຜນການເປັນແຕ່ລະຂັ້ນຕອນ ເພື່ອເປີດລັດຄືນອີງຕາມແນວທາງຈາກສູນກາງເພື່ອການຄວບຄຸມໂຣກ. ທຳອິິດ, ລັດຕ່າງໆຕ້ອງເຫັນການຫຼຸດລົງຂອງກໍລະນີ COVID-19 ຢ່າງຕໍ່ເນື່ອງ,​ ຕາມດ້ວຍເພີ່ມການກວດໂຣກ ແລະ ປະເມີນຄວາມສ່ຽງ.

ທ່ານ ແອນດຣູ ຄູໂອໂມ ກ່າວວ່າ “ພວກເຮົາຈະຈົ່ງຫວ່າງສອງອາທິດ ລະຫວ່າງຂັ້ນຕອນຕ່າງໆ ສະນັ້ນພວກເຮົາຈຶ່ງສາມາດຕິດຕາມຜົນຂອງສິ່ງທີ່ພວກເຮົາໄດ້ເຮັດນັ້ນ. ຄືດຳເນີນການ ແລະ ຕິດຕາມມັນ.”

ເຖິງແມ່ນວ່າທຸລະກິດບາງຂະແໜງແມ່ນໄດ້ເລີ່ມເປີດຄືນແລ້ວກໍຕາມ, ການລະ ບາດຂອງໄວຣັສໄດ້ບັງຄັບໃຫ້ທຸລະກິດອື່ນໆຖືກປິດໄວ້. ການຕິດໄວຣັສໂຄໂຣນາ ເພີ່ມຂຶ້ນໃນອຸດສາຫະກຳຫໍ່ຊີ້ນ ກໍໄດ້ເຮັດໃຫ້ໂຮງງານບາງແຫ່ງຖືກປິດໄວ້, ລົບກວນຕ່ອງໂສສິ້ນຄ້າ ເຊິ່ງອາດນຳໄປສູ່ການຂາດແຄນອາຫານ ແລະ ລາຄາທີ່ສູງຂຶ້ນ.

Some U.S. states are already easing widespread business closures put in place to slow the spread of the deadly coronavirus pandemic, despite concerns that the number of cases in the country continue to rise. Over 55,000 people have died in the U.S. from the highly contagious respiratory illness, and nearly one million have been infected. VOA’s Brian Padden reports that state governors are trying to balance the public health threat with the severe economic cost of the shutdown that has led to over 26 million Americans losing their jobs in the last month.

Gyms, hair salons, and dine-in restaurants are among the non-essential businesses that have re-opened in the southern U.S. state of Georgia - the first state to take expansive steps to restart the local economy.

Yet these businesses are required to maintain social distance guidelines, sanitize the premises and screen employees for coronavirus symptoms such as fever.

"We are checking temperatures, we make sure that clients fill out a questionnaire before we perform any type of services on them, making sure that the hands are washed.”

And public health experts warn that trying to ease the economic pain caused by the shutdown too early, risks a more severe outbreak of the deadly virus.

“We are, as we open up the economy, exposing immunologically naïve people, meaning no antibody, no history of the virus, to the virus and ultimately may lead into a circumstance where we will lose lives, where we will see increased hospitalizations.”

Protests have erupted across the country by Americans who want to get back to work. Yet opinion polls show strong public support for restrictions on businesses and large gatherings to contain the outbreak, until effective treatment or a vaccine is developed.

President Donald Trump has left it to the states to decide when to restart economic activities. On Monday, he announced new guidelines to help businesses safely reopen and to increase testing capacity nationwide.

“Ensuring the health of our economy is vital to ensuring the health of our nation. These goals work in tandem. They work side by side.”

Some other states are also allowing certain businesses to reopen, as widespread job losses and gaps in government unemployment assistance leave many without enough money to pay for food and rent. But it may be a slow process, say experts.

“We might have to do this gradually to see whether we can handle it or whether we suddenly get a new surge in cases of COVID. And it's going to be a delicate balancing act.”

In New York, which has been the epicenter of the U.S. outbreak, Governor Andrew Cuomo said the state is developing a phased plan to open based on guidelines from the Centers for Disease Control. First, states must see a sustained period of decreasing COVID-19 cases, followed by increased testing and risk evaluation.

"We're going to leave two weeks between phases so we can monitor the effect of what we just did. Taking action. Monitor it.”

Even as some businesses begin to reopen, virus outbreaks have forced others to shut down. A surge of coronavirus infections in the meatpacking industry has closed some plants, disrupting the supply chain which could lead to food shortages and higher prices.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG