ລິ້ງ ສຳຫລັບເຂົ້າຫາ

ວັນເສົາ, ໐໕ ເມສາ ໒໐໒໕

ເຈົ້າໜ້າທີ່ ສະຫະລັດ ແລະ ຣັດເຊຍ ຫາລືກ່ຽວກັບສົງຄາມ ຢູເຄຣນ ແລະສາຍພົວພັນທະວີພາຄີ


ຄີຣີລ ດມີທຣຽບ (Kirill Dmitriev), ຫົວໜ້າປະທານກອງທຶນ ເພື່ອການລົງທຶນໂດຍກົງຂອງ ຣັດເຊຍ, ຂວາ, ແລະ ທ່ານນາງ ມາເຣຍ ເມັດເວເດວາ (Medvedeva), ຮອງປະທານເຈົ້າໜ້າທີ່ບໍລິຫານຝ່າຍການສື່ສານພາຍນອກຂອງກອງທຶນ ຍ່າງຜ່ານໂຮງແຮມ Ritz Carlton ໃນນະຄອນ ຣີຢາດ (Riyadh$, ປະເທດ ຊາອຸດີ ອາຣາເບຍ, ວັນທີ 18 ກຸມພາ 2025.
ຄີຣີລ ດມີທຣຽບ (Kirill Dmitriev), ຫົວໜ້າປະທານກອງທຶນ ເພື່ອການລົງທຶນໂດຍກົງຂອງ ຣັດເຊຍ, ຂວາ, ແລະ ທ່ານນາງ ມາເຣຍ ເມັດເວເດວາ (Medvedeva), ຮອງປະທານເຈົ້າໜ້າທີ່ບໍລິຫານຝ່າຍການສື່ສານພາຍນອກຂອງກອງທຶນ ຍ່າງຜ່ານໂຮງແຮມ Ritz Carlton ໃນນະຄອນ ຣີຢາດ (Riyadh$, ປະເທດ ຊາອຸດີ ອາຣາເບຍ, ວັນທີ 18 ກຸມພາ 2025.

ນັກການທູດຂັ້ນສູງຂອງ ສະຫະລັດ ແລະ ຣັດເຊຍ ເລີ້ມຕົ້ນການປະຊຸມກັນໃນວັນອັງຄານມື້ນີ້ (ຕາມເວລາຢູ່ໃນທ້ອງຖິ່ນ) ຢູ່ທີ່ປະເທດ ຊາອຸດີ ອາຣາເບຍ ກ່ຽວກັບສາຍພົວພັນລະຫວ່າງສອງປະເທດ ແລະຄວາມເປັນໄປໄດ້ຂອງການສິ້ນສຸດສົງຄາມ ຣັດເຊຍ ໃນ ຢູເຄຣນ.

ສອງຝ່າຍໄດ້ວາງຄວາມຄາດຫວັງແບບຟ້າວຝັ່ງ, ໂດຍອະທິບາຍວ່າ ການເຈລະຈາໃນຄັ້ງນີ້ ແມ່ນບາດກ້າວທໍາອິດທີ່ສາມາດວາງຂອບເຂດໃຫ້ແກ່ການເຈລະຈາໂດຍກົງລະຫວ່າງປະທານາທິບໍດີສະຫະລັດ ທ່ານ ດໍໂນລ ທຣໍາ ແລະ ຜູ້ນຳຣັດເຊຍ ທ່ານ ວລາດີເມຍ ປູຕິນ.

ລັດຖະມົນຕີການຕ່າງປະເທດ ທ່ານ ມາຣ໌ໂກ ຣູບີໂອ ເປັນຜູ້ນຳໜ້າຄະນະຜູ້ແທນຂອງສະຫະລັດ, ເຊິ່ງລວມມີ ທີ່ປຶກສາດ້ານຄວາມໝັ້ນຄົງແຫ່ງຊາດ ທ່ານ ໄມຄ໌ ວອລສ໌ ແລະທູດສໍາລັບວຽກງານຕາເວັນອອກກາງ ທ່ານ ສຕີບ ວິກອອຟ.

ຝ່າຍຣັດເຊຍ ລວມມີລັດຖະມົນຕີການຕ່າງປະເທດ ທ່ານ ເຊີເກ ລາວຣອຟ ແລະຜູ້ຊ່ວຍອາວຸໂສຂອງ ທ່ານ ປູຕິນ, ທ່ານ ຢູຣີ ອູຊາກອບວ໌.

ຜູ້ນຳຢູເຄຣນ ກ່າວວ່າ ພວກເຂົາເຈົ້າບໍ່ໄດ້ຖືກເຊື້ອເຊີນໃຫ້ເຂົ້າຮ່ວມໃນຄັ້ງນີ້. ປະທານາທິບໍດີຢູເຄຣນ ທ່ານ ໂວໂລດີເມຍ ເຊເລັນສກີ ມີກຳນົດຈະເປັນເຈົ້າພາບຕ້ອນຮັບທູດສະຫະລັດປະຈຳຢູເຄຣນ ທ່ານ ຄີດທ໌ ແຄລລັອກ ສໍາລັບການເຈລະຈາໃນວັນພຸດມື້ອື່ນນີ້.

ການພົວພັນລະຫວ່າງ ສະຫະລັດ ແລະ ຣັດເຊຍ ໄດ້ກໍ່ໃຫ້ເກີດຄວາມກັງວົນໃນບັນດາຜູ້ນຳຢູໂຣບ, ເຊິ່ງເມື່ອບໍ່ດົນມານີ້ ບັນດາຜູ້ນໍາເຫຼົ່ານັ້ນໄດ້ເນັ້ນໜັກໃຫ້ເຫັນເຖິງຄວາມຈຳເປັນທີ່ ຢູເຄຣນ ຕ້ອງມີສ່ວນຮ່ວມໃນການປຶກສາຫາລືກ່ຽວກັບອະນາຄົດຂອງຕົນ, ແລະໃຫ້ປະເທດຕ່າງໆໃນຢູໂຣບ ມີບົດບາດໃນສິ່ງທີ່ພວກເຂົາເຈົ້າເຫັນວ່າ ເປັນການພັດທະນາທີ່ສໍາຄັນໃນດ້ານຄວາມໝັ້ນຄົງຂອງຕົນເອງເຊັ່ນດຽວກັນ.

ປະທານາທິບໍດີຝຣັ່ງ ທ່ານ ເອັມມານູເອລ ມາກຣົງ ໄດ້ຈັດການປະຊຸມນໍາກຸ່ມຜູ້ ນຳຢູໂຣບຢູ່ນະຄອນຫຼວງປາຣີໃນວັນຈັນວານນີ້, ນະທີ່ນັ້ນ ພວກເຂົາເຈົ້າໄດ້ປຶກ ສາຫາລືກ່ຽວກັບການຊຸກຍູ້ຄ່າໃຊ້ຈ່າຍດ້ານການປ້ອງກັນປະເທດ ແລະ ຄວາມເປັນໄປໄດ້ໃນການຮັບປະກັນດ້ານຄວາມໝັ້ນຄົງຕໍ່ ຢູເຄຣນ.

ມີຄວາມຄິດບໍ່ເຂົ້າກັນ ກ່ຽວກັບການສົ່ງເຈົ້າໜ້າທີ່ຮັກສາສັນຕິພາບໄປຍັງ ຢູເຄຣນ ໃນຖານະຂອງສ່ວນນຶ່ງສໍາລັບການຍຸຕິສົງຄາມ, ໂດຍລັດຖະບານຕ່າງໆເຊັ່ນ ອັງກິດ ແລະ ສວີເດັນ ໄດ້ສະແດງການເປີດກວ້າງຕໍ່ແນວຄວາມຄິດດັ່ງ ກ່າວນີ້, ໃນຂະນະທີ່ນາຍົກລັດຖະມົນຕີເຢຍຣະມັນ ທ່ານ ໂອລາຟ ໂຊລສ໌ ກ່າວວ່າ ການສົນທະນາກ່ຽວກັບເລື້ອງນີ້ ແມ່ນໄວເກີນໄປ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG