ລິ້ງ ສຳຫລັບເຂົ້າຫາ

ວັນເສົາ, ໒໒ ມິຖຸນາ ໒໐໒໔

ທ່ານມິດ ຣອມນີ ໄດ້ຮັບ ໄຊຊະນະ ທີ່ລັດ New Hampshire (ເບິ່ງວີດີໂອ)


ຜົນຂອງການເລືອກຕັ້ງຂັ້ນຕົ້ນຂອງພັກ Republican ໃນລັດ New Hampshire.
ວັນທີ 11 ມັງກອນ 2012.
ຜົນຂອງການເລືອກຕັ້ງຂັ້ນຕົ້ນຂອງພັກ Republican ໃນລັດ New Hampshire. ວັນທີ 11 ມັງກອນ 2012.

ທ່ານ​ມິດຣອມນີ ອະດີດ​ຜູ້​ວ່າການ​ລັດ Massachusetts ​ໄດ້​ຊະນະ​ການ​ເລືອກ​ຕັ້ງ​ປະທານາທິບໍດີ​ຂັ້ນ​ຕົ້ນ​ຂອງ​ພັກ Republican ​ໃນ​ລັດ New Hampshire ​ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ສະຫະລັດ

ອັນ​ເປັນ​ບາດກ້າວ​ສໍາຄັນ​ອັນ​ນຶ່ງ​ ໄປ​ສູ່​ການ​ໄດ້​ຮັບ​ແຕ່ງ​ຕັ້ງ​ ໃຫ້​ເປັນ​ຜູ້​ສະມັກ​ຮັບ​ເລືອກ​ຕັ້ງ​ສັງກັດ​ພັກ Republican ​ເພື່ອ​ແຂ່ງຂັນ​ກັບ​ປະທາ ນາ​ທິບໍດີ​ບາຣັກ​ໂອ​ບາ​ມາ ​ໃນ​ການ​ເລືອກ​ຕັ້ງ​ປະທານາທິບໍດີ​ສະຫະລັດ ໃນ​ເດືອນ​ພະຈິກ​ປີ​ນີ້.

ຫລັງ​ຈາກ​ມີ​ການ​ນັບ​ບັດ​ຄະ​ແນນ​ສຽງ​ເກືອບ​ໝົດ​ແລ້ວ ທ່ານຣອມນີ​ໄດ້ ຮັບ​ຄະ​ແນນ​ສຽງ 39 ​ເປີ​ເຊັນ ຕໍ່ 23 ​ເປີ​ເຊັນຂອງ​ທ່ານ Ron Paul ສະມາຊິກ​ສະພາ​ຕໍ່າ​ສະຫະລັດ ຜູ້​ຕໍ່ຕ້ານ​ສົງຄາມຈາກ​ລັດ Texas ຊຶ່ງ ມາ​ໃນ​ອັນ​ດັບ​ສອງ ແລະ​ທ່ານ Jon Huntsman ອະດີດ​ເອກອັກຄະ​ລັດຖະທູດ​ສະຫະລັດ​ປະ​ຈໍາ​ປະ​ເທດ​ຈີນ ມາ​ໃນ​ອັນ​ດັບ 3 ​ໄດ້​ຮັບ 17 ​ເປີ​ເຊັນ.

ທ່ານຣອມນີ ກ່າວ​ຕໍ່​ພວກ​ສະໜັບສະໜຸນ​ທ່ານ​ວ່າ ລັດ New Hampshire ​ໄດ້​ສ້າງ​ປະວັດ​ສາດ​ຂຶ້ນ. ທ່ານຣອມນີ​ເປັນ​ຜູ້​ສະມັກສັງກັດ​ພັກ Republican ຄົນ​ທໍາ​ອິດ​ ທີ່​ໄດ້​ຊະນະ​ການ​ເລືອກ​ຕັ້ງ​ຂອງ​ພັກ​ ທັງ​ໃນ​ລັດ Iowa ​ແລະ​ການ​ເລືອກ​ຕັ້ງ​ຂັ້ນ​ຕົ້ນ​ໃນ​ລັດ New Hampshire ​ໃນ​ຮອບ​ຫລາຍ​ກວ່າ 30 ກວ່າ​ປີຜ່ານມາ.

ພວກ​ນັກ​ວີ​ເຄາະ​ດ້ານ​ການ​ເມືອງ​ຫລາຍ​ຄົນ​ໄດ້​ທໍານາຍ​ໄວ້​ກ່ອນໜ້ານີ້​ວ່າ ທ່ານຣອມນີຈະ​ຊະນະ​ການ​ເລືອກ​ຕັ້ງໃນ​ລັດ New Hampshire ​ແຕ່ການ​ແຂ່ງຂັນ​ກັນ​ໃນ​ອັນ​ດັບ​ທີ​ສອງ​ແລະ​ທີ​ສາມ​ກໍ​ສໍາຄັນ​ເຊ່ນ​ກັນ ຊຶ່ງ​ມັນອາດ​ສາມາດ​ຊ່ອຍ​ຕັດສິນ​ໃຈ​ວ່າ ຜູ້​ສະມັກ​ຄົນ​ໃດ​ຍັງຈະ​ສືບ​ຕໍ່​ໃນ​ການ​ແຂ່ງຂັນ​ກັນ​ຢູ່​ນັ້ນ.

ເບິ່ງວີດິໂອລາຍງານຂ່າວກ່ຽວຂ້ອງກັນເປັນພາສາອັງກິດ

ທ່ານ Paul ກ່າວ​ວ່າ ລັດ New Hampshire ​ໄດ້​ສະ​ແດງ​ໃຫ້​ເຫັນ​ວ່າ​ ເປັນ​ໄຊຊະນະ​ສໍາລັບ​ທ່ານ​ເຊ່ນ​ກັນ.

ໃນ​ການ​ກ່າວ​ປາ​ໄສຕໍ່​ພວກ​ສະໜັບ​ສະ​ໜຸນນັ້ນ ທ່ານ Huntsman ​ໃຫ້ຄໍາ​ໜັ້ນສັນຍາ​ວ່າ​ຈະ​ດໍາ​ເນີນ​ການ​ຕໍ່​ໄປ ​ໃນການ​ແຂ່ງຂັນ​ເລືອກ​ຕັ້ງ​ຂັ້ນ​ຕົ້ນ​ໃນຣັດ Carolinaໃຕ້ ຊຶ່ງ​ຈະ​ມີ​ຂຶ້ນ​ໃນ​ວັນ​ທີ 21 ​ເດືອນ​ນີ້ ​ໂດຍ​ເອີ້ນ​ການ​ຕົກ​ຢູ່​ໃນ​ອັນດັບ 3 ນັ້ນ ​ເປັນ ອັນ​ດັບ​ທີ່​ຄວນ​ຈະ​ດໍາ​ເນີນ​ຕໍ່​ໄປ.

ທ່ານ​ຍັງ​ກ່າວ​ໃຫ້​ຄໍາ​ໝັ້ນ​ສັນຍາ​ເຊ່ນ​ກັນ ​ທີ່​ຈະ​ປົວ​ແປງ​ການ​ຂາດ​ຄວາມໄວ້​ວາງ​ໃຈາຂອງ​ຄົນ​ອາ​ເມຣິກັນ​ໃນ​ການ​ທໍາ​ສົງຄາມ​ຂອງ​ສະຫະລັດ​ໃນ​ຕ່າງປະເທດ​ນັ້ນ.

ທ່ານ Newt Gingrich ອະດີດ​ປະທານ​ສະພາ​ຕໍ່າ​ສະຫະລັດ​ແລະ​ອະດີດ​ສະ ມາ​ຊິກ​ສະພາ​ສູງ​ສະຫະລັດ ທ່ານ Rick Santorum ຊຶ່ງ​ຕ່າງ​ກໍ​ໄດ້​ຮັບ ຄະ​ແນນ​ສຽງ​ເກືອບ​ທໍ່ໆ​ກັນ​ເປັນ​ທີ 4 ນັ້ນ ​ແມ່ນ​ໄດ້​ຮັບ​ຄະ​ແນນ​ຕໍ່າ​ກວ່າ 10% ນ້ອຍ​ນຶ່ງ.

ທ່ານ Gingrich ກ່າວ​ວ່າ ທ່ານ​ກໍຈະ​ເຂົ້າ​ແຂ່ງຂັນ​ໃນ​ລັດ Carolina ​ໃຕ້ເຊ່ນ​ກັນ.

XS
SM
MD
LG