ເປັນຄັ້ງທຳອິດນັບແຕ່ສົງຄາມ ອິສຣາແອລ ແລະ ກຸ່ມຮາມາສ ໄດ້ລະເບີດຂຶ້ນ, ລັດຖະບານ ທ່ານ ໄບເດັນ ໄດ້ໂຈະການສົ່ງອາວຸດຈຳນວນນຶ່ງໄປຍັງອິສຣາແອລ ທ່າມກາງຄວາມກັງວົນຂອງຕົນກ່ຽວກັບແຜນໃນການຂະຫຍາຍການປະຕິ ບັດງານທາງທະຫານຢູ່ເມືອງຣາຟາ ທີ່ສະຫະລັດບໍ່ສະໜັບສະໜູນ.
ການຕັດສິນໃຈດັ່ງກ່າວ ມີຂຶ້ນພາຍຫຼັງການສົນທະນາກັບ ອິສຣາແອລ ກ່ຽວກັບວິທີທີ່ຕົນຈະ “ດຳເນີນການຕໍ່ຕ້ານກຸ່ມຮາມາສຢູ່ທີ່ນັ້ນ ໃນທິດທາງທີ່ແຕກຕ່າງກວ່າທີ່ພວກເຂົາເຈົ້າດໍາເນີນມາຢູ່ບໍລິເວນຕ່າງໆໃນຂົງເຂດກາຊາ,” ອີງຕາມ ການກ່າວຂອງເຈົ້າໜ້າທີ່ລັດຖະບານອາວຸໂສທ່ານນຶ່ງ ກ່າວໃນຖະແຫຼງການທີ່ໄດ້ສົ່ງໃຫ້ VOA, ເຊິ່ງທ່ານບໍ່ໄດ້ເປີດເຜີຍຊື່ ໂດຍອະທິບາຍວ່າ ມັນເປັນເລື້ອງ ລະອຽດອ່ອນ.
ການໂຈມຕີທາງພາກພື້ນດິນຕໍ່ເມືອງຣາຟາ ເຊິ່ງຕັ້ງຢູ່ໃນພາກໃຕ້ຂອງເຂດກາຊາ ຈະເປັນອັນຕະລາຍຕໍ່ຊີວິດຂອງພົນລະເຮືອນຈໍານວນ 1,3 ລ້ານຄົນ ທີ່ໄດ້ພາກັນອົບພະຍົບຈາກທາງພາກເໜືອ ແລະພາກກາງຂອງດິນແດນແຫ່ງນັ້ນ ເພື່ອຊອກຫາບ່ອນລີ້ໄພຈາກການຕອບໂຕ້ທາງທະຫານຂອງອິສຣາແອລ ຍ້ອນການໂຈມຕີໃສ່ ອິສຣາແອລ ໃນວັນທີ 7 ຕຸລາ ໂດຍກຸ່ມຮາມາສ.
ເຈົ້າໜ້າທີ່ລັດຖະບານໄດ້ກ່າວຊ້ຳແລ້ວຊ້ຳອີກວ່າ ສະຫະລັດ ຈະບໍ່ສະໜັບສະໜູນການບຸກໂຈມຕີເມືອງຣາຟາ ເວັ້ນແຕ່ວ່າ ອິສຣາແອລ ຈະສະໜອງແຜນການທີ່ໜ້າເຊື່ອຖືໄດ້ກ່ຽວກັບການປົກປ້ອງພົນລະເຮືອນ. ໃນການໂອ້ລົມທາງ ໂທລະສັບເມື່ອວັນທີ 4 ເມສາ ທີ່ຜ່ານມານີ້, ທ່ານປະທານາທິບໍດີ ໂຈ ໄບເດັນ ໄດ້ເຕືອນນາຍົກລັດຖະມົນຕີອິສຣາແອລ ທ່ານ ເບັນຈນມິນ ເນຕັນຢາຮູ ວ່າ ທ່ານຈະໂຈະການຊ່ວຍເຫຼືອທາງທະຫານ ຈົນກວ່າ ອິສຣາແອລ ຈະປ່ຽນແປງ ການປະຕິບັດງານທາງສົງຄາມຂອງຕົນ.
ປະທານາທິບໍດີ ໄບເດັນ ກ່າວຕໍ່ອົງການຂ່າວ CNN ໃນການໃຫ້ສໍາພາດທີ່ ອອກອາກາດຊ່ວງຕອນກາງຄືນຂອງມື້ວັນພຸດວານນີ້ວ່າ ສະຫະລັດ ຈະສືບ ຕໍ່ສະຫນອງອາວຸດການປ້ອງກັນຕົວໄປໃຫ້ ອິສຣາແອລ ເຊັ່ນລະບົບລົບປ້ອງກັນອາກາດ Iron Dome.
ທ່ານກ່າວວ່າ “ຂ້າພະເຈົ້າໄດ້ກ່າວຢ່າງແຈ່ມແຈ້ງແລ້ວວ່າ ຖ້າພວກເຂົາເຂົ້າໄປ ໃນບໍລິເວນເມືອງຣາຟາ, ເຊິ່ງພວກເຂົາຍັງບໍ່ທັນໄດ້ເຂົ້າໄປເມືອງຣາຟາເທື່ອ, ແຕ່ຖ້າພວກເຂົາເຂົ້າໄປໃນຂົງເຂດເມືອງຣາຟາ, ຂ້າພະເຈົ້າຈະບໍ່ໄດ້ສະຫນອງ ອາວຸດໃດໆກໍຕາມທີ່ເຄີຍຖືກນໍາໃຊ້ໃນປະຫວັດສາດມາແລ້ວໄປໃຫ້ ເພື່ອຮັບມື ກັບເມືອງຣາຟາ, ເພື່ອຄວບຄຸມບັນດາຕົວເມືອງຕ່າງໆ. ທີ່ຈັດການກັບບັນ ຫາເຫຼົ່ານັ້ນ.”
ອ່ານຂ່າວນີ້ເປັນພາສາອັງກິດ
For the first time since the outbreak of the Israel-Hamas war, the Biden administration has paused the shipment of some weapons to Israel amid concern over its plan to expand a military operation in Rafah that the United States does not support.
The decision follows discussions with Israel on how it will “operate differently against Hamas there than they have elsewhere in Gaza,” a senior administration official said in a statement sent to VOA. The official spoke on condition of anonymity to discuss the sensitive matter.
A ground assault on Rafah, in the southern part of Gaza, would endanger the lives of 1.3 million civilians who evacuated from the north and central parts of the territory to seek safety from Israel’s military response to Hamas’ October 7 attack on Israel.
Administration officials have repeatedly said the U.S. will not support a Rafah invasion unless Israel provides a credible plan on how it would protect civilians. In an April 4 phone call, President Joe Biden warned Prime Minister Benjamin Netanyahu he would withhold military aid unless Israel changes its war conduct.
President Biden told CNN in an interview aired Wednesday night that the U.S. would continue to supply Israel with defensive arms, such as Iron Dome munitions.
“I made it clear that if they go into Rafah — they haven’t gone in Rafah yet — if they go into Rafah, I’m not supplying the weapons that have been used historically to deal with Rafah, to deal with the cities, that deal with that problem,” he said.
ຟໍຣັມສະແດງຄວາມຄິດເຫັນ