ລິ້ງ ສຳຫລັບເຂົ້າຫາ

ປ. Obama ​​ໃຫ້ກຽດແກ່ ທະຫານທີ່ສະລະຊີບເພື່ອຊາດ ໃນວັນ Memorial Day (ສະໄລດ໌/ວີດິໂອ)


ປະທາ​ນາ​ທິບໍດີ Obama ​ໄດ້​ໄປ​ວາງ​ພວງມາລາ ຢູ່​ຂຸ​ມຝັງ​ສົບ​ຂອງທະຫານ ນິລະນາມ ​ທີ່ສຸສານ​ແຫ່ງ​ຊາດ Arlington
ຊາວ​ອາ​ເມຣິກັນ​ໄດ້​ຢຸດ​ພັກຈາກ​ວຽກ​ງານ ​ໃນ​ວັນ​ຈັນ​ວານ​ນີ້​ ​
ເພື່ອໃຫ້ກຽດ​ໃຫ້​ແກ່ບັນດາ​ທະຫານ​ຂອງ​ຊາດ ​ທີ່​ໄດ້​ສະລະ​ຊີບ​
ໃນ​ສົງຄາມ ​ໃນ​ຂະນະ​ທີ່​ສະ​ຫະລັດສະຫຼອງວັນ Memorial
Day ປະ​ຈໍາປີ​ ຫລື​ວັນ​ລະ​ນຶກ​ເຖິງ​ພວກ​ທະຫານ​ທີ່​ເສຍ​ຊີວິດ​ໄປ.

ປະທາ​ນາ​ທິບໍດີ Barack Obama ​ໄດ້​ໄປ​ວາງ​ພວງມາລາ ​
ຢູ່​ຂຸ​ມຝັງ​ສົບ​ຂອງທະຫານ ນິລະນາມ ​ທີ່ສຸສານ​ແຫ່ງ​ຊາດ
Arlington ໃນ​ລັດ​ເວີ​ຈີ​ເນຍ ນອກ​ນະຄອນຫຼວງວໍ​ຊິງ​ຕັນ. ​
ໃນ​ຄໍາ​ປາ​ໄສ​ເນື່ອງ​ໃນ​ໂອກາດ​ນີ້ ທ່ານ​ໄດ້​ກ່າວເຖິງ ການ​ຮັບ​
ໃຊ້​ຊາດ​ ແລະ​ບຸກຄະ​ລິກ​ ຂອງ​ພະນັກງານ​ທະຫານຫລາຍ
​ຄົນ ທີ່​ໄດ້ເສຍ​ຊີວິດ​ໄປ ​ໃນການປະກອບ​ພາລະກິດຢູ່​ນອກ
ປະ​ເທດຫວ່າງໝໍ່ໆ​ມາ​ນີ້ ແລະໄດ້​ຖືກນໍາໄປ​ຝັງ​ໄວ້​ທີ່ສຸສານ
Arlington ຊຶ່ງ​ເປັນປ່າ​ຊ້າ​ທະຫານທີ່​ສໍາຄັນທີ່​ສຸດຂອງ​ປະ​ເທດ.

​ທ່ານ Obama ກ່າວ​ວ່າ “ມື້​ນີ້ ຂະນະ​ທີ່​ຢືນ​ຢູ່ ພຽງ​ບໍ່ເທົ່າ​ໃດ​ບາດກ້າວ ຫ່າງ​ຈາກ​ບ່ອນ​ທີ່ ຊາວ​ອາ​ເມຣິກັນຜູ້​ກ້າ​ຫານ​ເຫຼົ່ານີ້ ຖືກ​ຝັງ​ໄວ້ນັ້ນ ພວກ​ເຮົາ​ຂໍປະກາດ​ ​ໃນ​ຖານະ​ປະ​ເທດ​ນຶ່ງ​ທີ່​ພາກພູມ​ໃຈ ​ແລະ​ຮູ້​ບຸນ​ຄຸນ​ ວ່າ ການ​ເສຍ​ສະລະ​ເລືອດ​ເນື້ອຂອງ​ພວກ​ເຂົາ​ເຈົ້າ​ນັ້ນ​ແມ່ນ​ຈະ​ບໍ່​ຖືກ​ລືມຈັກ​ເທື່ອ.”


ທ່ານ Obama ​ແລະ​ພັນ​ລະ​ຍາ​ ສະຕີ​ໝາຍ​ເລກ​ນຶ່ງ ທ່ານ​ນາງ Michelle ຍັງ​ໄດ້ເປັນ​ ເຈົ້າພາບຈັດ​ງານ​ລ້ຽງ​ອາຫານເຊົ້າ ໃຫ້​ບັນດາ​ຄອບຄົວຂອງ​ພວກ​ທະຫານ​ທີ່ເສ​ຍຊີ​ວິດ​ໃນ​ສະໝໍລະພູມ ​ຈໍານວນ​ນຶ່ງ ຢູ່​ທໍານຽບຂາວ ກ່ອນ​ໄປວາງ​ພວງມາລາ​ນັ້ນ.

ປະຊາ​ຄົມ​ໃນ​ທົ່ວ​ສະຫະລັດ​ໄດ້​ພາກັນໃຫ້ກຽດ​ແກ່​ບັນດານັກລົບ​ທີ່​ໄດ້​ສະລະ​ຊີ​ບ​ເພື່ອ​ຊາດນັ້ນ ​ໃນ​ການສະຫຼອງ​ແບບ​ຕ່າງໆກັນ. ຢູ່​ນະຄອນ​ນິວຢອກ ​ໄດ້​ມີ​ການ​ໃຫ້​ກຽດ​ແກ່ນັກ​ບິນ​ຍິງ​ຜູ້​ທີ່​ໄດ້​ຂັບທົດ​ລອງ​ເຮືອບິນ​ຕ່າງໆ ​ໃນ​ປາງ​ສົງ​ຄາມ​ໂລກ​ຄັ້ງ​ທີ 2.

ທີ່ກຸງວໍ​ຊິງ​ຕັນ ການສະຫຼອງວັນ​ຢຸດ​ພັກດັ່ງກ່າວ​ ​ໄດ້​ເລີ່​ມຂຶ້ນ ​ໃນ​ວັນ​ອາທິດ ດ້ວຍ​ຂະ​ບວນ​ລົດ​ຈັກ​ຈໍານວນ​ຫຼາຍ​ພັນ​ຄັນ ທີ່​ຂັບ​ອ້ອມ​ຮອບ​ເຂດ​ນະຄອນຫຼວງ ທີ່​ເອີ້ນ​ກັນ​ວ່າ ຂະ​ບວນ “Rolling Thunder” ທີ່​ມີ​ເປົ້າ​ໝາຍ​ເພື່ອດຶງ​ຄວາ​ມສົນ​ໃຈ​ໄປ​ໃສ່ ​ບັນດາ​ຊະ​ເລີຍ​ເສິກ​ແລະ​ພວກ​ທີ່​ຫາຍ​ສາບ​ສູນ​ໃນສົງຄາມ.

​ໃນ​ການສະ​ເຫຼີ​ມ​ສະຫຼອງ​ທີ່​ເປັນ​ຂະ​ບວນການທີ່​ຍິ່ງ​ໃຫຍ່ ທີ່​ໄດ້​ສະຫຼອງ​ກັນ​ແບບ​ດັ້ງ​ເດີມ
ທີ່ເອີ້ນ​ກັນ​ວ່າ "Decoration Day" ​ໄດ້​ມີ​ຂຶ້ນ​ທີ່ສຸສານຂອງ​ປະ​ເທດ Arlington ​ໃນ​ປີ 1968
3 ປີ​ຫຼັງ​ຈາກ​ທີ່​ໄດ້​ມີ​ສົງຄາມ​ກາງ​ເມືອງ​ທີ່​ນອງ​ເລືອດ ທີ່​ຍັງ​ຜົນ​ໃຫ້​ມີ​ຜູ້​ເສຍຊີວິດ​ຫຼາຍ​ກ່ວາ 600,000 ຄົນ​ນັ້ນ.

ວີດິໂອ: ທ່ານໂອບາມາວາງພວງມາລາ

XS
SM
MD
LG