ສະຫະລັດ ໂດຍສະຖານເອກອັກຄະລັດຖະທູດປະຈໍານະ
ຄອນວຽງຈັນກອງບັນຊາພາກພື້ນປາຊີຟິກໄດ້ຈັດໂຄງການ
ຝຶກອົບຮົມ ລະດັບປະຕິບັດການກ່ຽວກັບການປ້ອງກັນ
ແລະຄວບຄຸມການແຜ່ລະບາດຂອງເຊື້ອ HIV-AIDS
ໃຫ້ແກ່ບັນດາເຈົ້າໜ້າທີ່ທະຫານດ້ານການແພດຂອງກອງ
ທັບປະຊາຊົນລາວເມືອ່ບໍ່ນານມານີ້ ຢູ່ເມືອງແກ້ວອຸດົມ
ໃນແຂວງວຽງຈັນ.
ເຂົ້າຮ່ວມໃນການຝຶກອົບຮົມ ຄັ້ງນີ້ກໍປະກອບດ້ວຍນາຍທະ
ຫານດ້ານການແພດຈໍານວນ 50 ກວ່າຄົນຈາກ 27 ໜ່ວຍ
ທະຫານໃນເຂດນະຄອນວຽງຈັນ ແລະແຂວງບໍລິຄໍາໄຊ
ແລະແຂວງວຽງຈັນ ຊຶ່ງນອກຈາກຈະໄດ້ຮັບຟັງການຖ່າຍ
ທອດປະສົບການໃນການປ້ອງກັນ ແລະຄວບຄຸມການ
ແຜ່ລະບາດຂອງເຊື້ອໂຣກ HIV-AIDS ຈາກຊ່ຽວຊານຂອງ
ກອງທັບສະຫະລັດແລ້ວ ນາຍທະຫານທັງ 50 ກວ່າຄົນ
ຂອງກອງທັບປະຊາຊົນລາວ ກໍຍັງໄດ້ຮັບການເສີມສ້າງ
ຄວາມຮູ້ ແລະຄວາມເຂົ້າໃຈກ່ຽວກັບການວາງແຜນປະຕິບັດການ ເພື່ອການປ້ອງກັນ ແລະ ຄວບຄຸມການແຜ່ລະບາດຂອງເຊື້ອໂຣກດັ່ງກ່າວຢ່າງມີປະສິທິຜົນອີກດ້ວຍ.
ໂຄງການຝຶກອົບຮົມດັ່ງກ່າວນີ້ ຖືເປັນສ່ວນນຶ່ງພາຍໃຕ້ການຮ່ວມມືທາງດ້ານສາທາລະນະ
ສຸກ ແລະການແພດລະຫວ່າງກອງທັບປະຊາຊົນລາວກັບກອງທັບສະຫະລັດ ຊຶ່ງກ່ອນໜ້າ
ນີ້ ກອງທັບສະຫະລັດໄດ້ໃຫ້ການຊ່ວຍເຫລືອໃນການປິ່ນປົວປະຊາຊົນລາວທີ່ເຈັບປ່ວຍຢູ່ໃນ
ແຂວງຊຽງຂວາງໂດຍຖືເປັນການຕອບແທນທີ່ປະຊາຊົນລາວໃນແຂວງຊຽງຂວາງໄດ້ປະ
ກອບສ່ວນຢ່າງສຳຄັນເຂົ້າໃນການຊອກຫາຊາກກະດູກ ແລະສິ່ງເສດເຫລືອຂອງທະຫານ
ອາເມຣິກັນທີ່ເສຍຊີວິດໃນປ່າສົງຄາມຫວຽດນາມອີກດ້ວຍ.
ນອກຈາກນີ້ ທາງດ້ານອົງການ
ເພື່ອການພັດທະນາຂອງສະຫະ
ລັດຫລື USAID ກໍໄດ້ຕົກລົງ
ໃຫ້ການຊ່ວຍເຫລືອໃນການປ້ອງ
ກັນເຊື້ອໂຣກຕິດຕໍ່ໃນຄົນ ແລະ
ສັດແກ່ລັດຖະບານລາວເປັນເວ
ລາ 2 ປີ ກໍຄືນັບຈາກເດືອນມີ
ນາປີນີ້ໄປຈົນເຖິງເດືອນມີນາ ປີ
2013 ໂດຍຄິດເປັນມູນຄ່າການ
ຊ່ວຍເຫລືອຫລາຍກວ່າ 5 ແສນ
40 ພັນໂດລາ. ໂດຍຫວັງວ່າ
ການຊ່ວຍເຫຼືອດັ່ງກ່າວຈະຊ່ວຍ
ປ້ອງກັນບໍ່ໃຫ້ເຊື້ອໂຣກຕິດຕໍ່ທີ່
ເຄີຍແຜ່ລະບາດ ຢູ່ໃນລາວນັ້ນ
ບໍ່ກັບຄືນມາແຜ່ລະບາດອີກເທື່ອໃໝ່ເຊັ່ນ ເຊື້ອໂຣກໄຂ້ຫວັດສັດປີກ, ໄຂ້ຫວັດໃຫຍ່ສາຍ
ພັນໃໝ່, ໄຂ້ມາເລເຣຍ, ໄຂ້ເລືອດອອກແລະ ເຊື້ອໂຣກອື່ນໆ ທີ່ແຜ່ລະບາດ ໃນສັດລ້ຽງ ເປັນຕົ້ນ.
ດັ່ງທີ່ທ່ານ ບຸນຫຼາຍ ພົມມະສັກ
ຫົວໜ້າຫ້ອງ ການປະສານງານ
ຕ້ານ ແລະຄວບຄຸມພະຍາດຕິດ
ຕໍ່ແຫ່ງຊາດລາວ ໄດ້ໃຫ້ການຊີ້
ແຈງໃນຕອນນຶ່ງວ່າ:
“ຈຸດປະສົງແລ້ວກໍແມ່ນເພື່ອ
ປະຕິບັດໂຄງການໃຫ້ຄວາມ
ຮູ້ຂ່າວສານໃຫ້ແກ່ຊຸມຊົນ
ໃນການຕ້ານຕໍ່ພະຍາດຕິດ
ຕໍ່ຕ່າງໆ ຊຶ່ງລວມມີ 6
ແຂວງ. ກິດຈະກໍາຫຼັກກໍ່ແມ່ນ
ໃຫ້ການອົບຮົມແກ່ຊຸມຊົນ,
ອໍານາດການປົກຄອງບ້ານ
ໃຫ້ມີສ່ວນຮ່ວມໃນການຕ້ານ
ພະຍາດຕ່າງໆ ໃຫ້ການອົບ
ຮົມໃຫ້ແກ່ຜູ້ສື່ຂ່າວ ໂດຍສະເພາະແມ່ນຜູ້ສື່ຂ່າວວິທະຍຸ ແລະໂທລະພາບ ເພື່ອວ່າ
ເກີດແລ້ວ ບໍ່ໃຫ້ມັນເກີດຂຶ້ນອີກ”
ທາງດ້ານທ່ານແພງເພດ ເພັດວິໄຊ ຫົວໜ້າຝ່າຍປະຊາ
ສໍາພັນສູນຕ້ານໂຣກເອດສ໌ແຫ່ງຊາດລາວ ກໍໄດ້ຖະແຫລງ
ຍອມຮັບວ່າກຸ່ມປະຊາກອນລາວທີ່ມີຄວາມສ່ຽງຕໍ່ການ
ຕິດເຊື້ອໂຣກ HIV-AIDs ຫລາຍທີ່ສຸດມີຢູ່ 5 ກຸ່ມດ້ວຍກັນ
ກໍຄືກຸ່ມແມ່ຍິງທີ່ປະກອບອາຊີບໃນພາກບໍລິການ ຕິດຕາມ
ດ້ວຍກຸ່ມແຮງງານເຄື່ອນຍ້າຍ ກຸ່ມທີ່ຊົມໃຊ້ຢາເສບຕິດ ກຸ່ມ
ແຮງງານໃນໂຮງງານອຸດສາຫະກໍາ ກຸ່ມນັກຮຽນນັກສຶກສາ
ທີ່ຢູ່ຕາມຫໍພັກ ແລະກຸ່ມຮັກຮ່ວມເພດ.
ຈາກການສຸ່ມກວດເລືອດຂອງປະຊາຊົນລາວຈໍານວນ
227,879 ຄົນໃນ 17 ແຂວງທົ່ວປະເທດ ນັບຈາກປີ 1990 ຫາທ້າຍປີ 2010 ທີ່ຜ່ານມາ
ພົບວ່າມີຄົນລາວຕິດເຊື້ອຈໍານວນ 3,659 ຄົນ ແລະໃນນີ້ຜູ້ທີ່ເປັນໂຣກເອດສ໌ແລ້ວມີເຖິງ
2,376 ຄົນ ແລະເສຍຊີວິດໄປແລ້ວເຖິງ 1,038 ຄົນ ຊຶ່ງກໍເປັນຍ້ອນວ່າ ລະບົບການ
ປິ່ນປົວຂອງລັດຖະບານລາວນັ້ນ ໃຫ້ການເບິ່ງແຍງໄດ້ຢ່າງທົ່ວເຖິງນັ້ນເອງ.
