ນຶ່ງໃນພາກສ່ວນທີ່ສຳຄັນໆກ່ຽວກັບຍຸດທະສາດດ້ານປ້ອງກັນ
ປະເທດ ຢູ່ໃນໂລກຂອງສະຫະລັດ ທີ່ປະທານາທິບໍດີ ບາຣັກ
ໂອບາມາ ໄດ້ວາງອອກ ເມື່ອ 2 ປີກ່ອນນັ້ນ ແມ່ນການຫັນປ່ຽນ
ຈຸດເພ່ງເລັງທາງທະຫານຂອງສະຫະລັດ ຈາກພາກຕາເວັນ
ອອກກາງໄປຍັງພາກພື້ນເອເຊຍປາຊີຟິກ ບ່ອນທີ່ກຳລັງຂອງ
ສະຫະລັດໄດ້ປະເຊີນກັບການທ້າທາຍຢ່າງໃຫຍ່ ຈາກຈີນແລະ
ອຳນາດທາງທະຫານທີ່ໄດ້ຮັບການພັດທະນາຢ່າງໄວຂອງຈີນ
ນັ້ນ. ສິງຈະນຳເອົາລາຍລະອຽດກ່ຽວກັບເລື້ອງນີ້ ຈາກລາຍ
ງານຂອງ Luis Ramirez ຜູ້ສື່ຂ່າວວີໂອເອ ມາສະເໜີທ່ານ.
ບັນດາເຈົ້າໜ້າທີ່ ດ້ານທະຫານຂອງສະຫະລັດ ກ່າວວ່າ ການ
ຄອບງຳຂອງອາເມຣິກາໃນຂົງເຂດເອເຊຍປາຊີຟິກຍັງບໍ່ໄດ້ລົດ
ລົງ.
ແຕ່ການເຄື່ອນໄຫວຕ່າງໆຂອງຈີນຫວ່າງໄວໆມານີ້ ທີ່ຮວມ
ທັງການລະບຸເຂດອາກາດ ທີ່ຕ້ອງໃຫ້ບອກຊື່ຂອງເຮືອບິນທີ່
ຈະບິນຜ່ານ ຢູ່ເໜືອທະເລຈີນຕາເວັນອອກ ແລະເຫດການທີ່ເກືອບເກີດການຕຳກັນລະ
ຫວ່າງເຮືອລົບຈີນແລະເຮືອລົບສະຫະລັດນັ້ນສະແດງໃຫ້ເຫັນວ່າ ການຄອບງຳຂອງສະ ຫະລັດ ກຳລັງຖືກທ້າທາຍ.
ເບິ່ງວີດີໂອພາສາລາວ ກ່ຽວກັບລາຍງານນີ້:
ລັດຖະບານທ່ານໂອບາມາ ກຳລັງດຳເນີນການ ເພື່ອສ້າງຄວາມກ້ຳເກິ່ງຄືນໃໝ່ ທີ່ຈະຫັນ
ປ່ຽນຈຸດເພ່ງເລັງຈາກສົງຄາມໃນອີຣັກແລະໃນອັຟການິສຖານ ໄປຍັງຂົງເຂດປາຊີຟິກ
ບ່ອນທີ່ຈີນໄດ້ເສີມສ້າງກຳລັງຂອງຕົນຢ່າງໃຫຍ່ ຮວມທັງກຳປັ່ນບັນທຸກເຮືອບິນລຳໃໝ່
ແລະການພັດທະນາເທັກໂນໂລຈີດ້ານລູກສອນໄຟໄວກວ່າສຽງ.
ພົນເຮືອເອກ Samuel Locklear ຜູ້ບັນຊາການກຳລັງທັບສະຫະລັດໃນເຂດປາຊີຟິກ
ກ່າວວ່າ ການປະເຊີນໜ້າກັບກຳລັງຂອງຈີນຢູ່ໃນຂົງເຂດ ມີແຕ່ຈະເພີ່ມຂຶ້ນເທົ່ານັ້ນ ແລະ
ທ່ານຮຽກຮ້ອງໃຫ້ນຳໃຊ້ວິທີການເຂົ້າພົວພັນແບບທີ່ປະຕິບັດໄດ້ ຊຶ່ງຮວມທັງການເສີມ
ຂະຫຍາຍສາຍພົວພັນ ລະຫວ່າງທະຫານຕໍ່ທະຫານກັບຈີນ ຊຶ່ງພົນເຮືອເອກ Samuel
Locklear ກ່າວວ່າ:
“ພວກເຮົາຈະຕ້ອງດຳເນີນການໃຫ້ດີຂຶ້ນໃນຄວາມສາມາດທີ່ພວກເຮົາຕິດຕໍ່
ພົວພັນຊຶ່ງກັນແລະກັນ ໃນວິທີທາງ ທີ່ອຳນວຍໃຫ້ພວກເຮົາບໍ່ໃຫ້ຄາດການ
ຜິດພາດ ທີ່ຈະບໍ່ນຳຜົນດີມາໃຫ້ ໃນສະພາບແວດລ້ອມດ້ານຄວາມປອດໄພ.”
ບັນດານັກວິເຄາະໃນດ້ານປ້ອງກັນປະເທດຕັ້ງຄຳຖາມຂຶ້ນມາວ່າ ການຫັນປ່ຽນຈຸດເພ່ງ
ເລັງນັ້ນ ຄວາມຈິງແລ້ວ ໝາຍຄວາມວ່າ ເປັນການເສີມສ້າງກຳລັງໃນຂົງເຂດປາຊີຟິກ
ໃຫ້ແຂງແຮງຂຶ້ນຫຼືບໍ? ທ່ານ Barry Pavel ນັກວິເຄາະປະຈໍາສະພາອັດລັງຕິກໃນກຸງ
ວໍຊິງຕັນ ເວົ້າວ່າ:
“ພວກເຮົາໄດ້ສົ່ງທະຫານມາຣິນ ຈຳນວນ 2500 ຄົນ ຫລືປະມານນັ້ນ ໄປຍັງ
ພາກເໜືອຂອງອອສເຕຣເລຍ ຊຶ່ງຈະໄປຢູ່ທີ່ນັ້ນ ແບບເປັນປະຈໍາ ຊຶ່ງກໍບໍ່ເປັນ
ກຳລັງທີ່ໃຫຍ່ປານໃດ ໃນການປະເມິນຂອງຂ້າພະເຈົ້າ. ແລະມີກຳປັ່ນສອງລຳ
ຊຶ່ງຂ້າພະເຈົ້າຄຶດວ່າເປັນເຮືອລົບຍາມຝັ່ງ ທີ່ເວົ້າກັນວ່າ ເວລານີ້ ປະຈຳຢູ່ທີ່ ທ່າເຮືອໃນສິງກະໂປ ແລະນອກນັ້ນແລ້ວ ກໍບໍ່ມີຫຍັງຕື່ມອີກ.”
ການສົ່ງກຳປັ່ນລົບຍາມຝັ່ງ ໄປປະຈຳຢູ່ສິງກະໂປ ທີ່ທ່ານ Chuck Hagel ລັດຖະມົນຕີ
ປ້ອງກັນປະເທດສະຫະລັດ ໄດ້ໄປເບິ່ງ ໃນລະຫວ່າງຢ້ຽມຢາມສິງກະໂປ ໃນປີແລ້ວນີ້
ແມ່ນນຶ່ງໃນບັນດາຮ່ອງຮອຍ ທີ່ມອງເຫັນໄດ້ ໃນການເພ່ງເລັງຄືນໃໝ່ໄປໃສ່ເອເຊຍນັ້ນ.
ສະຫະລັດໄດ້ປະກາດຂ່າວ ການສົ່ງກຳປັ່ນບັນທຸກເຮືອບິນ USS Ronald Reagan
ໄປປ່ຽນກຳປັ່ນບັນທຸກເຮືອບິນ George Washington ທີ່ເກາະ Yokosuk ຂອງຍີ່ປຸ່ນ
ຊຶ່ງເປັນການສັບປ່ຽນແບບນຶ່ງຕໍ່ນຶ່ງ ແຕ່ກອງທັບເຮືອສະຫະລັດກ່າວວ່າ ເປັນພາກສ່ວນ
ທີ່ສຳຄັນ ຂອງການສ້າງຄວາມກ້ຳເກິ່ງກັນຄືນໃໝ່.
ບັນດາເຈົ້າໜ້າທີ່ສະຫະລັດກຳລັງທຳການທົບທວນຄືນເບິ່ງ ຄວາມໝາຍໝັ້ນທາງທະຫານ
ຂອງເຂົາເຈົ້າ ຕໍ່ພວກປະເທດພັນທະມິດໃນພາກພື້ນ ແລະກ່າວວ່າ ເຂົາເຈົ້າສາມາດເພີ່ມ
ກຳປັ່ນລົບ ອຸບປະກອນ ແລະພົນທະຫານຂຶ້ນອີກໄດ້ ໃນອະນາຄົດ.
ໃນຂະນະທີ່ກອງທັບຂອງສະຫະລັດກຳລັງປະເຊີນ ກັບການລົດກຳລັງລົງຢ່າງຫຼວງຫຼາຍ
ທີ່ສຸດ ນັບແຕ່ສົງຄາມໂລກຄັ້ງທີສອງຍຸດຕິລົງນັ້ນ ບັນດານັກວິເຄາະກ່າວວ່າ ຍັງຈະຕ້ອງ
ລໍຖ້າເບິ່ງກັນຕໍ່ໄປວ່າ ການລົງທຶນທາງທະຫານຂອງສະຫະລັດ ຈະໃຫຍ່ຫຼວງສໍ່າໃດໃນ
ອະນາຄົດ ຢູ່ໃນຂົງເຂດມະຫາສະໝຸດປາຊີຟິກນັ້ນ.
ລາຍງານວີດີໂອພາສາລາວ ກ່ຽວກັບການຫັນປ່ຽນ ຍຸທະສາດຂອງສະຫະລັດ ໄປຍັງເອເຊຍປາຊີຟິກ:
ປະເທດ ຢູ່ໃນໂລກຂອງສະຫະລັດ ທີ່ປະທານາທິບໍດີ ບາຣັກ
ໂອບາມາ ໄດ້ວາງອອກ ເມື່ອ 2 ປີກ່ອນນັ້ນ ແມ່ນການຫັນປ່ຽນ
ຈຸດເພ່ງເລັງທາງທະຫານຂອງສະຫະລັດ ຈາກພາກຕາເວັນ
ອອກກາງໄປຍັງພາກພື້ນເອເຊຍປາຊີຟິກ ບ່ອນທີ່ກຳລັງຂອງ
ສະຫະລັດໄດ້ປະເຊີນກັບການທ້າທາຍຢ່າງໃຫຍ່ ຈາກຈີນແລະ
ອຳນາດທາງທະຫານທີ່ໄດ້ຮັບການພັດທະນາຢ່າງໄວຂອງຈີນ
ນັ້ນ. ສິງຈະນຳເອົາລາຍລະອຽດກ່ຽວກັບເລື້ອງນີ້ ຈາກລາຍ
ງານຂອງ Luis Ramirez ຜູ້ສື່ຂ່າວວີໂອເອ ມາສະເໜີທ່ານ.
ບັນດາເຈົ້າໜ້າທີ່ ດ້ານທະຫານຂອງສະຫະລັດ ກ່າວວ່າ ການ
ຄອບງຳຂອງອາເມຣິກາໃນຂົງເຂດເອເຊຍປາຊີຟິກຍັງບໍ່ໄດ້ລົດ
ລົງ.
ແຕ່ການເຄື່ອນໄຫວຕ່າງໆຂອງຈີນຫວ່າງໄວໆມານີ້ ທີ່ຮວມ
ທັງການລະບຸເຂດອາກາດ ທີ່ຕ້ອງໃຫ້ບອກຊື່ຂອງເຮືອບິນທີ່
ຈະບິນຜ່ານ ຢູ່ເໜືອທະເລຈີນຕາເວັນອອກ ແລະເຫດການທີ່ເກືອບເກີດການຕຳກັນລະ
ຫວ່າງເຮືອລົບຈີນແລະເຮືອລົບສະຫະລັດນັ້ນສະແດງໃຫ້ເຫັນວ່າ ການຄອບງຳຂອງສະ ຫະລັດ ກຳລັງຖືກທ້າທາຍ.
ເບິ່ງວີດີໂອພາສາລາວ ກ່ຽວກັບລາຍງານນີ້:
ລັດຖະບານທ່ານໂອບາມາ ກຳລັງດຳເນີນການ ເພື່ອສ້າງຄວາມກ້ຳເກິ່ງຄືນໃໝ່ ທີ່ຈະຫັນ
ປ່ຽນຈຸດເພ່ງເລັງຈາກສົງຄາມໃນອີຣັກແລະໃນອັຟການິສຖານ ໄປຍັງຂົງເຂດປາຊີຟິກ
ບ່ອນທີ່ຈີນໄດ້ເສີມສ້າງກຳລັງຂອງຕົນຢ່າງໃຫຍ່ ຮວມທັງກຳປັ່ນບັນທຸກເຮືອບິນລຳໃໝ່
ແລະການພັດທະນາເທັກໂນໂລຈີດ້ານລູກສອນໄຟໄວກວ່າສຽງ.
ພົນເຮືອເອກ Samuel Locklear ຜູ້ບັນຊາການກຳລັງທັບສະຫະລັດໃນເຂດປາຊີຟິກ
ກ່າວວ່າ ການປະເຊີນໜ້າກັບກຳລັງຂອງຈີນຢູ່ໃນຂົງເຂດ ມີແຕ່ຈະເພີ່ມຂຶ້ນເທົ່ານັ້ນ ແລະ
ທ່ານຮຽກຮ້ອງໃຫ້ນຳໃຊ້ວິທີການເຂົ້າພົວພັນແບບທີ່ປະຕິບັດໄດ້ ຊຶ່ງຮວມທັງການເສີມ
ຂະຫຍາຍສາຍພົວພັນ ລະຫວ່າງທະຫານຕໍ່ທະຫານກັບຈີນ ຊຶ່ງພົນເຮືອເອກ Samuel
Locklear ກ່າວວ່າ:
“ພວກເຮົາຈະຕ້ອງດຳເນີນການໃຫ້ດີຂຶ້ນໃນຄວາມສາມາດທີ່ພວກເຮົາຕິດຕໍ່
ພົວພັນຊຶ່ງກັນແລະກັນ ໃນວິທີທາງ ທີ່ອຳນວຍໃຫ້ພວກເຮົາບໍ່ໃຫ້ຄາດການ
ຜິດພາດ ທີ່ຈະບໍ່ນຳຜົນດີມາໃຫ້ ໃນສະພາບແວດລ້ອມດ້ານຄວາມປອດໄພ.”
ບັນດານັກວິເຄາະໃນດ້ານປ້ອງກັນປະເທດຕັ້ງຄຳຖາມຂຶ້ນມາວ່າ ການຫັນປ່ຽນຈຸດເພ່ງ
ເລັງນັ້ນ ຄວາມຈິງແລ້ວ ໝາຍຄວາມວ່າ ເປັນການເສີມສ້າງກຳລັງໃນຂົງເຂດປາຊີຟິກ
ໃຫ້ແຂງແຮງຂຶ້ນຫຼືບໍ? ທ່ານ Barry Pavel ນັກວິເຄາະປະຈໍາສະພາອັດລັງຕິກໃນກຸງ
ວໍຊິງຕັນ ເວົ້າວ່າ:
“ພວກເຮົາໄດ້ສົ່ງທະຫານມາຣິນ ຈຳນວນ 2500 ຄົນ ຫລືປະມານນັ້ນ ໄປຍັງ
ພາກເໜືອຂອງອອສເຕຣເລຍ ຊຶ່ງຈະໄປຢູ່ທີ່ນັ້ນ ແບບເປັນປະຈໍາ ຊຶ່ງກໍບໍ່ເປັນ
ກຳລັງທີ່ໃຫຍ່ປານໃດ ໃນການປະເມິນຂອງຂ້າພະເຈົ້າ. ແລະມີກຳປັ່ນສອງລຳ
ຊຶ່ງຂ້າພະເຈົ້າຄຶດວ່າເປັນເຮືອລົບຍາມຝັ່ງ ທີ່ເວົ້າກັນວ່າ ເວລານີ້ ປະຈຳຢູ່ທີ່ ທ່າເຮືອໃນສິງກະໂປ ແລະນອກນັ້ນແລ້ວ ກໍບໍ່ມີຫຍັງຕື່ມອີກ.”
ການສົ່ງກຳປັ່ນລົບຍາມຝັ່ງ ໄປປະຈຳຢູ່ສິງກະໂປ ທີ່ທ່ານ Chuck Hagel ລັດຖະມົນຕີ
ປ້ອງກັນປະເທດສະຫະລັດ ໄດ້ໄປເບິ່ງ ໃນລະຫວ່າງຢ້ຽມຢາມສິງກະໂປ ໃນປີແລ້ວນີ້
ແມ່ນນຶ່ງໃນບັນດາຮ່ອງຮອຍ ທີ່ມອງເຫັນໄດ້ ໃນການເພ່ງເລັງຄືນໃໝ່ໄປໃສ່ເອເຊຍນັ້ນ.
ສະຫະລັດໄດ້ປະກາດຂ່າວ ການສົ່ງກຳປັ່ນບັນທຸກເຮືອບິນ USS Ronald Reagan
ໄປປ່ຽນກຳປັ່ນບັນທຸກເຮືອບິນ George Washington ທີ່ເກາະ Yokosuk ຂອງຍີ່ປຸ່ນ
ຊຶ່ງເປັນການສັບປ່ຽນແບບນຶ່ງຕໍ່ນຶ່ງ ແຕ່ກອງທັບເຮືອສະຫະລັດກ່າວວ່າ ເປັນພາກສ່ວນ
ທີ່ສຳຄັນ ຂອງການສ້າງຄວາມກ້ຳເກິ່ງກັນຄືນໃໝ່.
ບັນດາເຈົ້າໜ້າທີ່ສະຫະລັດກຳລັງທຳການທົບທວນຄືນເບິ່ງ ຄວາມໝາຍໝັ້ນທາງທະຫານ
ຂອງເຂົາເຈົ້າ ຕໍ່ພວກປະເທດພັນທະມິດໃນພາກພື້ນ ແລະກ່າວວ່າ ເຂົາເຈົ້າສາມາດເພີ່ມ
ກຳປັ່ນລົບ ອຸບປະກອນ ແລະພົນທະຫານຂຶ້ນອີກໄດ້ ໃນອະນາຄົດ.
ໃນຂະນະທີ່ກອງທັບຂອງສະຫະລັດກຳລັງປະເຊີນ ກັບການລົດກຳລັງລົງຢ່າງຫຼວງຫຼາຍ
ທີ່ສຸດ ນັບແຕ່ສົງຄາມໂລກຄັ້ງທີສອງຍຸດຕິລົງນັ້ນ ບັນດານັກວິເຄາະກ່າວວ່າ ຍັງຈະຕ້ອງ
ລໍຖ້າເບິ່ງກັນຕໍ່ໄປວ່າ ການລົງທຶນທາງທະຫານຂອງສະຫະລັດ ຈະໃຫຍ່ຫຼວງສໍ່າໃດໃນ
ອະນາຄົດ ຢູ່ໃນຂົງເຂດມະຫາສະໝຸດປາຊີຟິກນັ້ນ.
ລາຍງານວີດີໂອພາສາລາວ ກ່ຽວກັບການຫັນປ່ຽນ ຍຸທະສາດຂອງສະຫະລັດ ໄປຍັງເອເຊຍປາຊີຟິກ:
