ລິ້ງ ສຳຫລັບເຂົ້າຫາ

logo-print

ກຳລັງພິທັກຊາດ ຕຽມຕົວ ໄປປະຕິບັດງານ ຕາມຊາຍແດນ ສະຫະລັດ ກັບ ເມັກຊິໂກ


ກຳລັງພິທັກຊາດ ລັດອາຣີໂຊນາ ໄດ້ຮັບລາຍງານຂອງ ພວກເຂົາເຈົ້າ ກ່ອນທີ່ຈະຖືກສົ່ງ ໄປປະຕິບັດໜ້າທີ່ ຕາມຊາຍແດນ ເມັກຊິໂກ ທີ່ຄ້າຍທະຫານ ປາປາໂກ ພາກ (Papago Park Military Reservation) ໃນຟີນິກສ, 9 ເມສາ 2018.

ເຈົ້າ​ໜ້າ​ທີ່​ລັດ​ອາຣີ​ໂຊ​ນາ ກຳລັງ​ສົ່ງ​ກຳລັງພິທັກ​ຊາດ ​ໄປ​ຍັງ​ຊາຍ​ແດນ​ສະຫະລັດ
ກັບ ​ເມັກ​ຊິ​ໂກ ​ແລະຜູ້​ປົກຄອງລັດ ທ່ານ ດັກ ດູ​ຊີ (Doug Ducey) ກ່າວວ່າ ຈະ​ມີ
ການ​ສົ່ງກຳລັງທະຫານ ໃນຈຳນວນ​ຕື່ມອີກ ໄປປະຈຳການ ​ໃນ​ວັນ​ອັງຄານ​ມື້​ນີ້.

“ການ​ຮັກສາ​ຄວາມ​ປອດ​ໄພ ​ຕາມ​ຊາຍ​ແດນ​ແມ່ນ​ເປັນ​ເລື່ອງ​ກັງວົນ​ຫຼາຍ​ໃນ​ທີ່​ນີ້.
2 ສ່ວນ 3 ຂອງ​ຊາຍ​ແດນ​ຂອງ​ພວກ​ເຮົາ ​ແມ່ນ​ມີ​ກຳ​ແພງ. ຖ້າ​ຫາກ​ວ່າ​ພວກ​ເຮົາ​
ຕ້ອງການ​ທີ່​ຈະ​ສ້າງກຳແພງໃສ່ ນຶ່ງ​ສ່ວນສາມ ທີ່ຍັງເຫຼືອນັ້ນ. ຂ້າພະ​ເຈົ້າ​ແມ່ນ​
ຍິນ​ດີ​. ຂ້າພະ​ເຈົ້າ​ບໍ່​ມັກ​ໃນ​ສ່ວນ​ທີ່​ວ່າ​ ຊາຍ​ແດນ​ຂອງ​ພວກ​ເຮົາ ​ແມ່ນ​ເປີດ​ກວ້າງ ​
ແລະ​ບໍ່​ມີ​ການ​ຄ້ຳປະກັນ​ແຕ່​ຢ່າງໃດ, ​ໂດຍ​ສະ​ເພາະ​ເຂດ ທູ​ຊອນ (Tucson)​.
ຂ້າພະ​ເຈົ້າ​ຍັງ​ຄິດ​ວ່າ ພວກ​ເຮົາ​ສາມາດ​ທີ່​ຈະ​ໃຊ້​ປ້ອມ​ຍາມແລະ​ເທັກ​ໂນ​ໂລ​ຈີ
ໃນ​ພາກ​ພື້ນ​ດິນ,”
ນັ້ນແມ່ນຄຳເວົ້າຂອງ​ທ່ານ​ດູ​ຊີ ​ໄດ້​ບອກ​ກັບ​ພວກ​ນັກ​ຂ່າວໃນ​ວັນ​
ຈັນ​ວານ​ນີ້. ລັດ​ອາຣີ​ໂຊ​ນາ ໄດ້​ຮ່ວມ​ສົມທົບກັບລັດ​ເທັກ​ຊັສ ​ໃນ​ການ​ກຳລັງພິທັກຊາດ
ຈຳ​ນວນ 250 ຄົນ ​ໄປ​ຍັງ​ເຂດ​ຊາຍ​ແດນ ​ໃນ​ວັນ​ສຸກ​ຜ່ານ​ມານີ້.

ອີກ 2 ລັດ​ຊາຍ​ແດນ ​ເຊັ່ນ ນິວ​ເມັກ​ຊິ​ໂກ ​ແລະ​ຄາ​ລີ​ຟໍເນຍ ​ແມ່ນ​ບໍ່​ໄດ້​ມີ​ຮ້ອງກຳລັງ
ພິທັກຊາດ​ເຂົ້າປະຈຳການແຕ່​ຢ່າງ​ໃດ ​ເຖິງ​ແມ່ນ​ວ່າ ​ຜູ້​ປົກຄອງ​ລັດນິວ​ເມັກ​ຊິ​ໂກ
​ໄດ້​ສະແດງໃຫ້​ເຫັນ​ວ່າ ລັດ​ຂອງ​ທ່ານ ຈະ​ປະກອບສ່ວນ​ໃນການລະດົມກຳລັງ​ທີ່​ວ່າ​ນີ້
ກໍ​ຕາມ. ສ່ວນ​ລັດ​ຄາ​ລີ​ຟໍ​ເນຍ ນັ້ນ ຍັງ​ບໍ່​ທັນ ​ໄດ້​ກ່າວ​ວ່າ ລັດ​ຂອງ​ທ່ານ​ຈະ​ເ​ຮັດຢ່າງ​ໃດ.

ລັດຖະມົນຕີ​ປ້ອງ​ກັນ​ປະ​ເທດສະຫະລັດ ທ່ານ​ເຈ​ມສ ​ແມັຕຕິ​ສ (James Mattis) ​
ໃດ້​ລົງ​ນາມ​ໃນ​ສັບປະດາ​ຜ່ານ​ມາ​ນີ້ ​ອະນຸຍາດ​ໃຫ້​ສົ່ງກຳລັງ​ພິທັກຊາດ ຈຳນວນ 4 ພັນຄົນ
​ໄປ​ ປະຈຳການ​ຕາມ​ຊາຍ​ແດນ. ຄຳ​ສັ່ງ​ທີ່​ວ່າ​ນີ້ ​ປ່ອຍໃຫ້​ທຳນຽບຫ້າ​ແຈ ​ໄດ້ຮັບງົບ
​ປະມານສຳ ລັບ​ກຳລັງແຫ່ງຊາດ ​ໄປ​ຈົນ​ເຖິງ​ເດືອນ​ກັນຍາ​ນີ້.

ຜູ້ປົກຄອງລັດອາຣີໂຊນາ ທ່ານ ດັກ ດູຊີ (Doug Ducey) ກ່າວຕໍ່ບັນດາກຳລັງພິທັກຊາດ ກ່ອນທີ່ຈະຖືກສົ່ງໄປປະຕິບັດໜ້າທີ່ ຕາມຊາຍແດນເມັກຊິໂກ ທີ່ຄ້າຍທະຫານ ປາປາໂກ ພາກ (Papago Park Military Reservation) ໃນຟີນິກສ, 9 ເມສາ 2018.
ຜູ້ປົກຄອງລັດອາຣີໂຊນາ ທ່ານ ດັກ ດູຊີ (Doug Ducey) ກ່າວຕໍ່ບັນດາກຳລັງພິທັກຊາດ ກ່ອນທີ່ຈະຖືກສົ່ງໄປປະຕິບັດໜ້າທີ່ ຕາມຊາຍແດນເມັກຊິໂກ ທີ່ຄ້າຍທະຫານ ປາປາໂກ ພາກ (Papago Park Military Reservation) ໃນຟີນິກສ, 9 ເມສາ 2018.

ນອກນັ້ນຄຳ​ສັ່ງຂອງທ່ານ​ແມັຕຕິ​ສ ​ຍັງໄດ້ລະບຸຢ່າງຈະ​ແຈ້ງ​ທີ່​ວ່າ ​ກຳລັງ​ປ້ອງ​ກັນຊາດ
ບໍ່​ສາມາດ​ເຂົ້າ​ຮ່ວມ​ໃນ​ການ​ປະຕິບັດ​ກົດໝາຍ ​ແລະ​ສາມາດ​ຖື​ອາວຸດ ກໍ​ຕໍ່​ເມື່ອ​ຈຳ​ເປັນ​ ​
ໃນ​ການ​ປ້ອງ​ກັນ​ຕົວ​ເທົ່າ​ນັ້ນ. ບົດ​ບັນທຶກ​ຄວາມ​ເຂົ້າ​ໃນ​ສະບັບນຶ່ງ ຂອງກະຊວງປ້ອງ​ກັນ
​ປະ​ເທດ ​ໄດ້​ລະບຸ​ວ່າ ​ກຳລັງທັກຊາດ ຈະ​ບໍ່ “ພົວພັນ​ກັບ​ພວກລັກລອບ​ເຂົ້າ​ເມືອງ ຫຼື
ພວກ​ທີ່​ຖືກ​ກັກ​ຂັງ” ​
ໂດຍ​ປາດ​ສະ​ຈາກ​ການ​ອະນຸ​ມັດ​ຂອງ​ທ່ານ​ແມັຕຕິ​ສ.

ປະທານາທິບໍດີ​ສະຫະລັດ ທ່ານ​ດໍໂນ​ລ ທຣຳ ​ໄດ້​ກ່າວ​ວ່າ ທ່ານ​ຕ້ອງການ​ທີ່​ຈະ​ໃຫ້​ກອງ
​ກຳລັງ​ທະຫານ ​ປະຈຳການ​ຕາມ​ຊາຍ​ແດນ​ຈົນ​ກວ່າ​ວ່າ ກຳ​ແພງໄດ້ສ້າງ​ຂຶ້ນ​ແລ້ວ. ​ແຕ່​ວ່າ
​ງົບປະມານ​ຫວ່າງ​ມໍ່ໆ​ມາ​ນີ້, ລັດຖະສະພາ​ໄດ້​ຮັບ​ຜ່ານສະ​ເພາະໃນ​ສ່ວນ​ທີ່​ຈຳ​ກັດຂອງ​
ການ​ສ້າງກຳ​ແພງໃໝ່ແລະ​ການ​ສ້ອມ​ແປງບາງສ່ວນ ເທົ່າ​ນັ້ນ.

ກຳລັງພິທັກຊາດ ຈຳນວນ 435 ພັນ​ຄົນ ທີ່​ຕຽມ​ການ​ໄວ້​ນັ້ນ ​ແມ່ນ​ຈະ​ຖືກຮຽກ​ຕົວ ບໍ່​ວ່າ​
ຈາກ​ທາງ​ລັດຖະບານ​ກາງ ຫຼື​ບໍ່ກໍ​ຈາກ​ທາງ​ລັດ. ​ໃນ​ແຕ່​ລະ​ລັດ ​ແມ່ນ​ມີກຳລັງ​ພິທັກຊາດ ​
ຂອງ​ຕົນເຊັ່ນດຽວ​ກັນ​ກັບ​ໂປ​ໂຕ ຣີ​ໂກ (Pierto Rico) ​ແລະ​ວໍ​ຊີງ​ຕັນ ດີ ຊີ. ບັນດາ​ຜູ້​ປົກ
ຄອງ​ລັດ ​ແມ່ນ​ໄດ້​ສົ່ງກຳລັງພິທັກຊາດ​ຂອງ​ຕົນ ​ໄປ​ກຳກັບ​ກ່ຽວ​ກັບ​ເລື່ອງ​ໄພພິບັດ​ທຳ ​
ມະ​ຊາດ​ຕ່າງໆ ຫຼື​ບໍ່ກໍຄວາມ​ບໍ່​ງຽບ​ສະ​ງົບ​ຂອງ​ພົນລະ​ເຮືອນ ​ເຊັ່ນ​ການປະ​ທ້ວງ​ອື່ນໆ​ນັ້ນ.

ກົດໝາຍ​ລັດຖະທຳ​ມະນູນ​ຂອງ​ສະຫະລັດ ​ແມ່ນ​ອະນຸຍາດ​ໃຫ້​ລັດຖະບານ​ກາງ ​ນຳໃຊ້
ກຳລັງ​ພິທັກຊາດ ​ເຂົ້າ​ໃນ “ນຳ​ໃຊ້​ກົດໝາຍ​ຂອງລັດຖະບານກາງ, ເພື່ອປາບປາມ​ການ
ລຸກ​ຮື​ຂຶ້ນ​ແລະ​ຂັບໄລ່ພວກ​ທີ່​ກະບົດ​ທີ່​ຮຸກ​ຮານ​ນັ້ນ.”

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສ​າອັງກິດ

ປະທານາທິບໍດີສະຫະລັດ ທ່ານດໍໂນ ທຣຳ ຢືນຄຽງຂ້າງກັບຜູ້ປົກຄອງລັດ ຄາໂຣລາຍນາ ໃຕ້ ທ່ານ ແຮນຣີ ແມັກມາສເຕີ (Henry McMaster) ໃນຂະນະທີ່ທ່ານໄປຮອດ ໄປເຖິງ ໂດຍເຮືອບິນ ແອຟອສ ວັນ (Air Force One) ທີ່ສະໜາມບິນນາໆຊາດ ໃນກຣີນວິລ ສປາກເທີນເບີຣກ (Greenville Spartanburg), ທີ່ເກຣຍ, ຄາໂຮລາຍນາ ໃຕ້, 16 ຕຸລາ 2017.
ປະທານາທິບໍດີສະຫະລັດ ທ່ານດໍໂນ ທຣຳ ຢືນຄຽງຂ້າງກັບຜູ້ປົກຄອງລັດ ຄາໂຣລາຍນາ ໃຕ້ ທ່ານ ແຮນຣີ ແມັກມາສເຕີ (Henry McMaster) ໃນຂະນະທີ່ທ່ານໄປຮອດ ໄປເຖິງ ໂດຍເຮືອບິນ ແອຟອສ ວັນ (Air Force One) ທີ່ສະໜາມບິນນາໆຊາດ ໃນກຣີນວິລ ສປາກເທີນເບີຣກ (Greenville Spartanburg), ທີ່ເກຣຍ, ຄາໂຮລາຍນາ ໃຕ້, 16 ຕຸລາ 2017.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG