ລິ້ງ ສຳຫລັບເຂົ້າຫາ

ວັນເສົາ, ໐໕ ເມສາ ໒໐໒໕

ສະຫະລັດ ແລະ ຍີ່ປຸ່ນ ຮ່ວມມືກັນສ້າງ ‘ສັນຕິພາບຜ່ານຄວາມເຂັ້ມແຂງ’ ເພື່ອຕໍ່ຕ້ານ ຈີນ


ປະທານາທິບໍດີສະຫະລັດ ທ່ານ ດໍໂນລ ທຣໍາ, ຕ້ອນຮັບນາຍົກລັດຍີ່ປຸ່ນ ທ່ານ ຊິເກຣຸ ອິຊິບະ ໃນຂະນະທີ່ທ່ານເດີນທາງມາຮອດດ້ານນອກຂອງທໍານຽບຂາວໃນນະຄອນຫຼວງວໍຊິງຕັນ, ວັນທີ 7 ກຸມພາ 2025.
ປະທານາທິບໍດີສະຫະລັດ ທ່ານ ດໍໂນລ ທຣໍາ, ຕ້ອນຮັບນາຍົກລັດຍີ່ປຸ່ນ ທ່ານ ຊິເກຣຸ ອິຊິບະ ໃນຂະນະທີ່ທ່ານເດີນທາງມາຮອດດ້ານນອກຂອງທໍານຽບຂາວໃນນະຄອນຫຼວງວໍຊິງຕັນ, ວັນທີ 7 ກຸມພາ 2025.

ລຸນຫຼັງການພົບປະລະຫວ່າງປະທານາທິບໍດີສະຫະລັດ ທ່ານ ດໍໂນລ ທຣຳ ແລະ ນາຍົກລັດຖະມົນຕີຍີ່ປຸ່ນ ທ່ານ ຊິເກຣຸ ອິຊິບະ ໃນອາທິດທີ່ຜ່ານມາ, ທັງສອງປະເທດໄດ້ສະແດງຄວາມເຫັນທີ່ສອດຄ່ອງກ່ຽວກັບແນວທາງ “ສັນຕິພາບຜ່ານຄວາມເຂັ້ມແຂງ” ຂອງ ທ່ານ ທຣໍາ ໃນການຕໍ່ຕ້ານ ຈີນ ຢູ່ບໍລິເວນຂົງເຂດ ອິນໂດ-ປາຊີຟິກ, ອີງຕາມການກ່າວຂອງນັກວິເຄາະ.

ທ່ານ ທຣໍາ ກ່າວໃນລະຫວ່າງຖະແຫຼງຂ່າວລຸນຫຼັງການພົບປະກັບ ທ່ານ ອິຊິບະ ໃນວັນສຸກທີ່ຜ່ານມາ ໃນນະຄອນຫຼວງວໍຊິງຕັນ ວ່າ “ທ່ານນາຍົກລັດຖະມົນຕີ ແລະຂ້າພະເຈົ້າ ຈະເຮັດວຽກຮ່ວມກັນຢ່າງໃກ້ຊິດ ເພື່ອຮັກສາສັນຕິພາບ ແລະຄວາມໝັນຄົງ. ຂ້າພະເຈົ້າຍັງໄດ້ເວົ້າອີກວ່າ ສັນຕິພາບຜ່ານຄວາມເຂັ້ມແຂງໃນທົ່ວຂົງເຂດ ອິນໂດ-ປາຊີຟິກ.”

ແຟ້ມຮູບ-ຮູບພາບທີ່ໄດ້ຮັບການສະໜອງໃຫ້ນີ້ ຖືກຖ່າຍໂດຍກອງທັບເຮືອສະຫະລັດ ແລະເຜີຍແຜ່ອອກມາໃນວັນທີ 18 ມັງກອນ 2024 ໂດຍເສນາທິການຮ່ວມຂອງກະຊວງປ້ອງກັນປະເທດຍີ່ປຸ່ນ, ສະແດງໃຫ້ເຫັນກໍາປັ່ນແຫ່ງກອງທັບເຮືອສະຫະລັດ US Navy USS Kidd (ທາງໜ້າເບື້ອງຂວາ), ແລ່ນຕາມມາດ້ວຍກໍາປັ່ນບັນທຸກເຮືອບິນ USS Carl Vinson.
ແຟ້ມຮູບ-ຮູບພາບທີ່ໄດ້ຮັບການສະໜອງໃຫ້ນີ້ ຖືກຖ່າຍໂດຍກອງທັບເຮືອສະຫະລັດ ແລະເຜີຍແຜ່ອອກມາໃນວັນທີ 18 ມັງກອນ 2024 ໂດຍເສນາທິການຮ່ວມຂອງກະຊວງປ້ອງກັນປະເທດຍີ່ປຸ່ນ, ສະແດງໃຫ້ເຫັນກໍາປັ່ນແຫ່ງກອງທັບເຮືອສະຫະລັດ US Navy USS Kidd (ທາງໜ້າເບື້ອງຂວາ), ແລ່ນຕາມມາດ້ວຍກໍາປັ່ນບັນທຸກເຮືອບິນ USS Carl Vinson.

ທ່ານ ທຣໍາ ກ່າວຕື່ມວ່າ “ພວກເຮົາເຫັນດີຮ່ວມມືກັນຢ່າງແໜ້ນແຟ້ນຫຼາຍກວ່າເກົ່າ ເພື່ອຕໍ່ສູ້ກັບການຮຸກຮານທາງເສດຖະກິດຈາກ ຈີນ, ເຊິ່ງເປັນການກະທໍາທີ່ມີລັກສະນະເກາະຜິດ.”

ທ່ານ ອິຊິບະ ກ່າວວ່າ “ເສີມຂະຫຍາຍພັນທະມິດລະຫວ່າງ ຍີ່ປຸ່ນ-ສະຫະລັດໃຫ້ເຂັ້ມແຂງ ແລະໝັ້ນຄົງ ເພື່ອໃຫ້ບັນລຸເສລີພາບ ແລະເປີດກວ້າງໃນຂົງເຂດ ອິນໂດ-ປາຊີຟິກ, ນີ້ແມ່ນຈຸດສໍາຄັນ “ໃນການສົ່ງເສີມຜົນປະໂຫຍດແຫ່ງຊາດຂອງທັງສອງປະເທດສໍາລັບການຮ່ວມມືກັນ, ແລະເພື່ອບັນລຸສັນຕິພາບ ພ້ອມທັງຄວາມຈະເລີນຮຸ່ງເຮືອງໃນທົ່ວຂົງເຂດ ອິນໂດ-ປາຊີຟິກ.”

ນັກວິເຄາະກ່າວວ່າ ການພົບປະຄັ້ງທຳອິດລະຫວ່າງ ທ່ານ ທຣໍາ ແລະ ທ່ານ ອິຊິບະ ແມ່ນປະສົບຜົນສຳເລັດໃນຂໍ້ຕົກລົງທີ່ຜູ້ນຳທັງສອງຖືວ່າສຳຄັນ ເຊັ່ນ ການຕ້ານການຮຸກຮານຂອງ ຈີນ ແລະເພີ້ມທະວີເພື່ອຜົນປະໂຫຍດແຫ່ງຊາດຂອງທັງສອງປະເທດ.

ແຟ້ມຮູບ-ໃນພາບນີ້ ສະແດງໃຫ້ເຫັນໂຮງງານ Clairton ຂອງບໍລິສັດ United States Steel Mon Valley Works ໃນເມືອງ Clairton, ລັດເພັນຊີລວາເນຍ, ວັນທີ 26 ກຸມພາ 2024.
ແຟ້ມຮູບ-ໃນພາບນີ້ ສະແດງໃຫ້ເຫັນໂຮງງານ Clairton ຂອງບໍລິສັດ United States Steel Mon Valley Works ໃນເມືອງ Clairton, ລັດເພັນຊີລວາເນຍ, ວັນທີ 26 ກຸມພາ 2024.

ສໍາລັບຄໍາໝັ້ນສັນຍາດ້ານຄວາມໝັ້ນຄົງ.

ທ່ານ ອິຊິບະ ຍັງຄົງສືບຕໍ່ສ້າງພົວພັນທີ່ໃກ້ຊິດກັບ ສະຫະລັດ ເພື່ອຮັກສາການຮ່ວມມືດ້ານຄວາມໝັ້ນຄົງຂອງພັນທະມິດຫຼາຍຝ່າຍ ທີ່ຢູ່ໃກ້ໃນຂົງເຂດ ອິນໂດ-ປາຊີຟິກ, ໃນຂະນະທີ່ ທ່ານ ທຣໍາ ຍັງຄົງຮັກສາການຊື້ ແລະການລົງທຶນກັບ ຍີ່ປຸ່ນ.

ໂດຍລວມແລ້ວ, ນັກວິເຄາະກ່າວວ່າ ທ່ານ ອິຊິບະ ເຫັນດີກັບວິໄສທັດຂອງ ທ່ານ ທຣໍາ ໃນການເຮັດໃຫ້ສະຫະລັດເຂັ້ມແຂງພາຍໃນປະເທດ ດ້ວຍແນວທາງ “ອາເມຣິກາຕ້ອງມາກ່ອນ ຫຼື America First” ຂອງທ່ານ ເຊິ່ງເປັນຂໍ້ກຳນົດເບື້ອງຕົ້ນສໍາລັບການຮັກສາສັນຕິພາບ ໂດຍຜ່ານຄວາມເຂັ້ມແຂງໃນຂົງເຂດ ອິນໂດ-ປາຊີຟິກ, ເຊິ່ງເປັນພູມິພາກທີ່ມີຄວາມສໍາຄັນ ຕໍ່ການປ້ອງກັນຍີ່ປຸ່ນ.

ທ່ານ ເຄັນເນັດທ໌ ວາຍສຕີນ (Kenneth Weinstein), ປະທານຝ່າຍຍີ່ປຸ່ນຢູ່ສະຖາບັນ Hudson ກ່າວວ່າ “ຖະແຫຼງການຂອງຜູ້ນຳ ສະຫະລັດ ແລະ ຍີ່ປຸ່ນ ມີສ່ວນຊ່ວຍເພື່ອຢືນຢັນສັນຕິພາບຜ່ານຄວາມເຂັ້ມແຂງຂອງ ທ່ານ ທຣຳ ຢູ່ໃນຂົງເຂດ ອິນໂດ-ປາຊີຟິກ ຄືນໃໝ່.”

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG