ລິ້ງ ສຳຫລັບເຂົ້າຫາ

ວັນພະຫັດ, ໒໐ ມິຖຸນາ ໒໐໒໔

ອີຣ່ານ ແລະ ສະຫະລັດ ເສັດສິ້ນການແລກປ່ຽນນັກໂທດ


ທ່ານຊິອາມາກ ນາມາຊີ ແລະທ່ານໂມຣາດ ຕາບາສ ຜູ້ທີ່ໄດ້ຖືກປ່ອຍໂຕ ລະຫວ່າງການແລກປ່ຽນນັກໂທດ ລະຫ່ວາງສະຫະລັດ ແລະອີຣ່ານ ທີ່ສະໜາມບິນສາກົນໂດຫາ ປະເທດກາຕາ ວັນທີ 18 ກັນຍາ 2023
ທ່ານຊິອາມາກ ນາມາຊີ ແລະທ່ານໂມຣາດ ຕາບາສ ຜູ້ທີ່ໄດ້ຖືກປ່ອຍໂຕ ລະຫວ່າງການແລກປ່ຽນນັກໂທດ ລະຫ່ວາງສະຫະລັດ ແລະອີຣ່ານ ທີ່ສະໜາມບິນສາກົນໂດຫາ ປະເທດກາຕາ ວັນທີ 18 ກັນຍາ 2023

ສະຫະລັດ ແລະອີຣ່ານ ໃນວັນຈັນວານນີ້ ໄດ້ທຳການແລກປ່ຽນນັກໂທດທີ່ສຳ ຄັນ ຮວມທັງປ່ອຍຊາວອາເມຣິກັນຫ້າຄົນທີ່ລັດຖະບານສະຫະລັດກ່າວວ່າ ໄດ້ຖືກຄຸມຂັງຢ່າງບໍ່ຍຸຕິທຳໂດຍລັດຖະບານອີຣ່ານ.

ຊາວອາເມຣິກັນສາມຄົນໃນ​ການແລກປ່ຽນ ໄດ້ຖືກ​ລະ​ບຸວ່າແມ່ນທ່ານຊິອາມາກ ນາມາຊີ ທ່ານອີມາດ ຊາກກີ ແລະທ່ານໂມ​ແ​ຣດ ຕາບາ​ສ ​ພ້ອມ​ກັບ ຊາວອາເມຣິກັນອີກ 2 ຄົນ​ທີ່​ຖືກກັກບໍ​ລິ​ເວນຢູ່ໃນເຮືອນ ​ໃນ​ຂະ​ນະ​ທີ່ລໍຖ້າການປ່ອຍໂຕ. ​ສ່ວນ​ລາຍ​ຊື່ຂອງສອງສ່ວນບຸກຄົນ ຍັງຮັກສາເປັນເລື້ອງສ່ວນໂຕໃນການຮ້ອງຂໍຈາກຄອບຄົວເຂົາເຈົ້າ.

ປະທານາທິບໍດີໂຈ ໄບເດັນ ກ່າວຢູ່ໃນຖະແຫລງການວ່າ ສ່ວນບຸກຄົນທັງ​ຫ້າ “ໃນບໍ່ຊ້ານີ້ ຈະເຕົ້າໂຮມກັບບັນດາຄົນທີ່ຮັກຫອມເຂົາເຈົ້າ ຫລັງຈາກຫລາຍປີຂອງການທົນທຸກ ຄວາມບໍ່ແນ່ນອນແລະ​ຄວາມ​ທຸກທໍລະມານ.” ທ່ານໄດ້ຂອບ ໃຈລັດຖະບານກາຕາ ໂອມານ ເກົາຫລີໃຕ້ ແລະສະວິດເຊີແລນ “ໃນຄວາມ​ພະ​ຍາມ​ທີ່​ບໍ່​ຮູ້ອິດເ​ມື່ອຍ​ເພື່ອຊ່ວຍເຫລືອພວກເຮົາໃຫ້ບັນລຸຜົນສຳເລັດ.”

ພວກເຈົ້າໜ້າທີ່ອະວຸໂສລັດຖະບານໄບເດັນ ໄດ້ກ່າວຕໍ່ບັນດານັກຂ່າວ ເຖິງລໍ​ຈິ​ສ​ຕຶກ​ໃນ​ການແລກປ່ຽນ ທີ່ພົວພັນກັບເຮືອບິນກາຕາ ເດີນທາງຈາກອີຣ່ານ ໄປໂດຮາ ນຳເອົາຊາວອາເມຣິກັນຫ້າຄົນທີ່ຖືກປ່ອຍໂຕ ຕິດຕາມຢູ່ໃນການບິນໂດຍແມ່ ຂອງທ່ານນາມາຊີ ແລະພັນລະຍາຂອງທ່ານຕາບາ​ສ ຜູ້ທີ່ໄດ້ຖືກກີດກັ້ນ ບໍ່​ໃຫ້​ເດີນ​ທາງອອກຈາກອີຣ່ານ.

ຫລັງຈາກເຮືອບິນໄດ້​ໄປເຖິງໂດຮາ ພວກນັກໂທດສາມຄົນ​ທີ່​ຖືກ​ປ່ອຍ​ກໍໄດ້ຍ່າງລົງຂັ້ນໄດ ແລະກອດພວກນັກການທູດສະຫະລັດຜູ້ທີ່ໄດ້ຕ້ອນຮັບເຂົາເຈົ້າ ຮວມທັງເອກອັກຄະລັດທະທູດສະຫະລັດ ທ່ານທິມມີ ເດວິສ.

ທຳນຽບຂາວກ່າວວ່າ ທ່ານໄບເດັນ ໄດ້ໂທລະສັບຫາຢ່າງຕື້່ນຕັນໃຈ​ໄປ​ຫາບັນ ດາຄອບຄົວຂອງຊາວອາເມຣິກັນເຈັດຄົນທີ່ກັບຄືນມາ ແລະທັງໝົດໄດ້ຮ່ວມສົນ​ທະ​ນາ​ໂທລະສັບກັບປະທານາທີິບໍດີ.

ຈາກໂດ​ຮາ ກຸ່ມ​ດັ່ງ​ກ່າວໄດ້ມຸ່ງໜ້າ​ມາວໍຊິງຕັນ ເພື່ອເຕົ້າໂຮມກັບບັນດາຄອບຄົວເຂົາເຈົ້າ.

ປະທານາທິບໍດີອີຣ່ານ ທ່ານອີບຣາຮີມ ຣາຊີ ໄດ້ກ່າວ ໃນວັນຈັນວ່າ “ການແລກປ່ຽນອາດເປັນບາດກ້າວໄປສູ່ທິດທາງກາ​ນ​ເຄື່ອນ​ໄຫວ​ດ້ານມະນຸດສະທຳ ລະຫວ່າງພວກເຮົາ ແລະອາເມຣິກາ.”

ອ່ານຂ່າວນີ້ເປັນພາສາອັງກິດ

XS
SM
MD
LG