ລິ້ງ ສຳຫລັບເຂົ້າຫາ

logo-print

ບັນດາເຈົ້າໜ້າທີ່ ສືບລັບ ສຫລ ຊຸກຍູ້ໃຫ້ປຶກສາ ຫາລືກັນ ເລື່ອງຄວາມເປັນສ່ວນຕົວ ກັບ ຄວາມໝັ້ນຄົງ


ບັນດາເຈົ້າໜ້າທີ່ ສະຫະລັດ ພວມຊຸກຍູ້ ມະຫາຊົນອາເມຣິກັນ ໃຫ້ເລີ້ມສົນທະນາຫາ ລືກັນ ເພື່ອກຳນົດຄວາມສົມມາພາຄວນລະຫວ່າງສິດສ່ວນຕົວ ກັບ ຄວາມໝັ້ນຄົງ ປອດໄພ. ໃນການຖະແຫລງ ຢູ່ກອງປະຊຸມສຸດຍອດປະຈຳປີ ເມື່ອສັບປະດາແລ້ວນີ້ ໃນນະຄອນຫຼວງ ວໍຊິງຕັນ ບັນດາເຈົ້າໜ້າທີ່ ສືບລັບ ແລະ ຄວາມໝັ້ນຄົງ ກ່າວວ່າ ການຖືສິດສ່ວນຕົວຢ່າງເດັດຂາດ ຈະບໍ່ເປັນຜົນດີຫຍັງ ໃຫ້ແກ່ສາທາລະນະຊົນ ໃນ ຂະນະທີ່ ທາງການ ພະຍາຍາມ ຕໍ່ສູ້ກັບອາຊະຍາກຳທາງອິນເຕີເນັດ ແລະ ລັດທິກໍ່ ການຮ້າຍ ຢູ່. ນັກຂ່າວວີໂອເອ Zlatica Hoke ມີລາຍງານເລື້ອງນີ້ ຊຶ່ງໄຊຈະເລີນສຸກ ຈະນຳເອົາລາຍລະອຽດ ມາສະເໜີທ່ານ.

ຜູ້ອຳນວຍການ ອົງການສັນຕິບານກາງ ຫຼື FBI ທ່ານ James Comey ກ່າວວ່າ ທ່ານ ໄດ້ເຫັນພ້ອມນຳ ຄວາມຕ້ອງການຂອງພົນລະເມືອງ ທີ່ຢາກຮັກສາໄວ້ ຊຶ່ງຂໍ້ມູນຂອງ ພວກເຂົາເຈົ້າ ໃຫ້ເປັນເລື່ອງສ່ວນຕົວ.

ທ່ານ James Comey ເວົ້າວ່າ “ຂ້າພະເຈົ້າ ບໍ່ຢາກໃຫ້ຜູ້ໃດ ເບິ່ງຫຍັງຂອງຂ້າພະເຈົ້າ. ຂ້າພະເຈົ້າບໍ່ຢາກໃຫ້ຜູ້ໃດ ເບິ່ງຂໍ້ມູນທະນາຄານຂອງຂ້າພະເຈົ້າ, ຂໍ້ມູນດ້ານສຸຂະພາບ ຂອງຂ້າພະເຈົ້າ........”

ແຕ່ທ່ານ Comey ໄດ້ກ່າວວ່າ ທ່ານຍັງສົນໃຈຢ່າງເລິກເຊິ່ງ ກ່ຽວກັບຄວາມປອດໄພ ຂອງມະຫາຊົນ ແລະວ່າ ທັງສອງເລື່ອງນີ້ ຈະຕ້ອງເກີດຄວາມຂັດແຍ້ງກັນ ໃນບາງຄັ້ງ ບາງຄາວ. ທ່ານກ່າວອີກວ່າ ບັນດາເຈົ້າໜ້າທີ່ຮັກສາຄວາມປອດໄພ ແລະ ບັນດານັກ ເຄື່ອນໄຫວສັງຄົມພົນລະເຮືອນເພື່ອສິດເສລີພາບ ຈະຕ້ອງໄດ້ເລີ່ມປຶກສາຫາລືກັນ ແບບສ້າງສັນ ເພື່ອຫາທາງແກ້ໄຂ ໃນຄວາມເປັນໄປໄດ້.

ທ່ານ Comey ເວົ້າຕື່ມວ່າ “ພວກເຮົາຕ້ອງຍຸຕິການກ່າວໂທດຮ້າຍໃສ່ກັນແລະກັນ ຢຸດກ່າວວ່າ ມັນເປັນໄປບໍ່ໄດ້ ຢຸດກ່າວວ່າ ‘ໂອ້ ທ່ານຢາກຈະທຳລາຍອັນນີ້ ຫຼື ຢາກ ທຳລາຍອັນນັ້ນ ບໍ່?' ແລະໃຫ້ນັ່ງລົງ ແລະ ເວົ້າວ່າ ‘ຄ່ານິຍົມຂອງພວກເຮົາ ແມ່ນຢູ່ ໃນຄວາມຂັດແຍ້ງ ຊຶ່ງພວກເຮົາມີຮ່ວມກັນທັງໝົດ ພວກເຮົາຄວນເຮັດແນວໃດ?’”

ທ່ານ Comey ໄດ້ກ່າວອີກວ່າ ການຖືສິດສ່ວນຕົວຢ່າງເດັດຂາດ ບໍ່ເຄີຍເປັນເລື່ອງ ຂອງການດຳລົງຊີວິດ ຂອງຊາວອາເມຣິກັນ ເລີຍ.

ທ່ານ Comey ເວົ້າຕໍ່ໄປວ່າ “ການຕໍ່ລອງຂອງຜູ້ກໍ່ຕັ້ງປະເທດຂອງພວກເຮົາ ທີ່ໄດ້ ຕົກລົງກັນ ທີ່ວ່າ: ‘ສິ່ງຂອງໆທ່ານ ແມ່ນຖືເປັນຂອງສ່ວນຕົວ ເວັ້ນເສຍແຕ່ວ່າ ພົນລະເມືອງ ຂອງສະຫະລັດ ຕ້ອງການເບິ່ງມັນເທົ່ານັ້ນ.’”

ຜູ້ອຳນວຍການ ອົງການຄວາມໝັ້ນຄົງແຫ່ງຊາດ ຫຼື NSA ທ່ານ Michael Rogers ໄດ້ກ່າວວ່າ ການປະນີປະນອມກັນ ອາດສາມາດບັນລຸໄດ້ ຖ້າແຕ່ລະຝ່າຍ ນັ່ງລົງ ແລ້ວ ປຶກສາຫາລືກັນ.

ພົນເຮືອເອກ Michael Rogers ເວົ້າວ່າ “ອັນນີ້ ໄດ້ກາຍມາເປັນເລື່ອງເຮັດໃຫ້ເກີດມີ ຄວາມຮູ້ສຶກທີ່ຮ້ອນແຮງ ຊຶ່ງພວກເຮົາແມ່ນບໍ່ເຄີຍມີ ການປຶກສາຫາລືກັນ ຢ່າງຈິງຈັງ ແລະ ພວກເຮົາແມ່ນບໍ່ໄດ້ເຂົ້າໄປໃຫ້ເຖິງ ອັນທີ່ເປັນຂອບເຂດຂອງຄວາມເປັນໄປໄດ້.”

ທ່ານ Rogers ກ່າວຕໍ່ວ່າ ການເຈລະຈາກັນໃນທົ່ວປະເທດ ຄວນປະກອບດ້ວຍ ດ້ານ ເທັກນິກ ພ້ອມກັນກັບ ໃນແງ່ດ້ານການເມືອງ ຂອງການເກັບກຳຂໍ້ມູນລັບ ກ່ຽວກັບພວກ ພົນລະເມືອງ.

ທ່ານ Rogers ເວົ້າອີກວ່າ “ໜຶ່ງໃນການສົນທະນາກັນ ກໍແມ່ນວ່າ ພວກເຮົາເຮັດ ຫຍັງໄດ້. ອັນນັ້ນ ເປັນເລື່ອງດ້ານເທັກນິກ ດ້ານວິສະວະກຳ ອັນທີ່ຢູ່ໃນຂອບເຂດ ໂຄງຮ່າງການປະຕິບັດດ້ານກົດໝາຍ ຂອງພວກເຮົາ? ຄຳຖາມອັນທີສອງແມ່ນ ຂ້າພະເຈົ້າຄິດວ່າ ອັນນັ້ນ ກໍເປັນສ່ວນໜຶ່ງ ຂອງການສົນທະນາ ທີ່ມີຄວາມສຳຄັນ ກໍແມ່ນວ່າ ພວກເຮົາຄວນເຮັດແນວໃດ?”

ຜູ້ອຳນວຍການ ອົງການ CIA ທ່ານ John Brennan ໄດ້ກ່າວໄປແລ້ວວ່າ ຄວາມເຄັ່ງຕຶງ ລະຫວ່າງ ຄວາມໝັ້ນຄົງ ແລະ ຄວາມສົນໃຈໃນເລື່ອງການຖືເປັນສິດສ່ວນຕົວ ຕ້ອງໄດ້ ຮັບການແກ້ໄຂໂດຍໄວ.

ທ່ານ Brennan ເວົ້າວ່າ “ຖ້າພວກເຮົາຈະຊ່ອຍໃຫ້ໝັ້ນໃຈໄດ້ ແລະ ຮັບປະກັນ ຄວາມ ອຸດົມສົມບູນ ຂອງສະພາບແວດລ້ອມ ດ້ານດິດຈິດໂຕລ ໃນອະນາຄົດ ເຖິງແມ່ນວ່າ ມັນຈະເປັນຂອງເອກກະຊົນ ແລະ ດຳເນີນການໂດຍເອກກະຊົນກໍຕາມ.....ອັນນັ້ນ ແມ່ນເປັນເຫດຜົນ ທີ່ຂ້າພະເຈົ້າ ຄິດວ່າການປະສານງານກັນນີ້ ແລະ ການປະສົມ ປະສານ ລະຫວ່າງ ພາກສ່ວນຂອງມະຫາຊົນ ກັບ ເອກກະຊົນ ຈຶ່ງຕ້ອງເປັນແນວທາງ ຂອງອະນາຄົດ. ແລະ ຂ້າພະເຈົ້າຄິດວ່າ ຢູ່ທີ່ແຫ່ງນີ້ ໃນສະຫະລັດ ພວກເຮົາສາມາດ ຕັ້ງທິດທາງໄດ້ວ່າ ອັນນີ້ຈະຕ້ອງເຮັດແນວໃດ.”

ກອງປະຊຸມສຸດຍອດ ໄລຍະສອງມື້ດ່ັງກ່າວໄດ້ນຳເອົາ ບັນດາເຈົ້າໜ້າທີ່ລະດັບສູງ ດ້ານ ຄວາມໝັ້ນຄົງ ຈາກລັດຖະບານ ສະຫະລັດ ກັບ ກອງທັບ ພ້ອມດ້ວຍ ບັນດານັກຊ່ຽວຊານ ຈາກພາກສ່ວນອຸດສາຫະກຳ ແລະ ສະຖາບັນການສຶກສາ ມາເຕົ້າໂຮມກັນ.

U.S. officials are urging the American public to start a dialogue to determine the right balance between privacy and security. Speaking at an annual summit this week in Washington, intelligence and security officials said that absolute privacy is not in the public interest as authorities try to fight cyber crime and terrorism. Zlatica Hoke reports.

FBI Director James Comey said he identifies with citizens' need to keep their personal information private.

((JAMES COMEY, FBI DIRECTOR))
"I don't want anybody looking at my stuff.I don't want anybody looking at my banking information, my health care information.."

But Comey said he also cares deeply about public safety, and that the two needs are sometimes in conflict.He said security officials and civil liberty advocates must start a constructive dialogue to find a feasible resolution.

((JAMES COMEY, FBI DIRECTOR))
"We need to stop demonizing each other, stop saying it's impossible, stop saying: 'Oh, you want to destroy this or destroy that?' and sit down and say, 'Our values are in conflict - that we all share - what could we do?'"

Comey said that absolute privacy has never been a feature of American life.

((JAMES COMEY, FBI DIRECTOR))
"The bargain our founders struck was: 'Your stuff is private unless the people of the United States need to see it.'"

Director of the National Security Agency Michael Rogers said a compromise could be reached if the sides sit down to discuss it.

((ADMIRAL MICHAEL ROGERS, NATIONAL SECURITY AGENCY))
"This has become such a charged emotional issue that we are not really having that dialogue, and we are not getting into what's in the realm of the possible."

Rogers said nationwide talks should include the technical as well as the political aspects of gathering intelligence on private citizens.

((ADMIRAL MICHAEL ROGERS, NATIONAL SECURITY AGENCY))
"One conversation is what could we do. That's a very technical [issue], engineering; what's in the realm of our legal framework? The second question, I think that's also an important part of the conversation [and] is what should we do."

CIA director John Brennan said the tensions between security and privacy interests need to be resolved soon.

((JOHN BRENNAN, CIA DIRECTOR))
"If we are going to help secure and ensure the prosperity of the digital environment in the future, since it is privately owned and operated ... that's why I think this interaction and cross fertilization between the public and private sector needs to be the way of the future. And I think here in the United States we can sort of set the path for how this needs to be done."

The two-day summit brought together top security officials from the U.S. government and the military as well as experts from the industry and academia.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG