ລິ້ງ ສຳຫລັບເຂົ້າຫາ

logo-print

ສະຫະລັດ ຈັດຕັ້ງ ລະບົບກວດກາ ການເງິນ ໃນທຸກກະຊວງ ແລະກົມກອງ (ວີ​ດີ​ໂອ)


ລັດຖະບານ​ສະຫະລັດ​ໄດ້​ຈັດ​ຕັ້ງ​ລະບົບ​ນຶ່ງຂື້ນ​ມາ ​ຊຶ່ງມີໜ້າ​ທີ່​ຮັບ
ຜິດຊອບ​ ໃນການ​ກໍາກັບ​ດູ​ແລ ​ການ​ເຮັດ​ວຽກ​ເຮັດ​ການ​ ຂອງກະ
ຊວງ ​ແລະ​ກົມ​ກອງ​ຕ່າງໆ​ ຂອງ​ລັດຖະບານ ​ແລະ​ນອກ​ນີ້ ກໍສິ້ງ​
ຊອມ​ເບິ່ງ​ພວກ​ບໍລິສັດ​ເອກ​ກະ​ຊົນ​ ທີ່​ມີ​ສັນຍາຮັບ​ເໝົາ​ກັບ​ລັດຖະ
ບານ. ​ເປົ້າໝາຍ​ຂອງ​ລະບົບ​ດັ່ງກ່າວ​ນີ້ກໍ​ເພື່ອ​ປາບ​ປາມການ​ທຸດ
ຈະລິດ​ ການສໍ້​ລາດ​ບັງ​ຫຼວງ​ ແລະເຮັດ​ໃຫ້​ໂຄງການ​ຕ່າງໆ​ ຂອງ​
ລັດຖະບານ​ ປະຢັດ​ຄ່າ​ໃຊ້​ຈ່າຍ​ ແລະ​ມີ​ປະສິດທິພາບ​ ຫຼາຍ​ຂຶ້ນ
Jeffrey Young ຜູ້​ສື່​ຂ່າວ​ວີ​ໂອ​ເອ ສຶກສາ​ເບິ່ງ​ບົດບາດ​ ແລະ​ພາ
ລະ​ໜ້າ​ທີ່ຂອງຜູ້ກວດກາ​ນ​ໃຫຍ່ ຫຼືີ Inspectors General ຊຶ່ງ​
ທອງ​ປານຈະ​ນໍາລາຍ​ລະອຽດ ​ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.


ບຸລຸດ​ທ່ານ​ນີ້ ຈະ​ກວດກາ​ເບິ່ງບັນຊີ​ເງິນທຸກໆ​ນຶ່ງ​ເຊັນ ຂອງ​ເງິນ​ຈໍານວນຫຼາຍ​ກວ່າ 940 ພັນ​ລ້ານ​ໂດ​ລ່າ ທີ່ເປັນ​ງົບປະມານ​ຂອງກະຊວງ​ສາທາລະນະ​ສຸກ ​ແລະ​ບໍລິການມະນຸດ ຂອງ​ລັດຖະບານ​ສະຫະລັດ ຫຼື HHS. ​

ຫ້ອງການ​ຂອງ​ທ່ານ​ຕັ້ງຢູ່​ພາຍ​ໃນ​ກະຊວງ HHS ​ແຕ່​ແທ້ໆ​ແລ້ວ ທ່ານ​ປະ ຕິ​ບັດ​ງານ​ໃຫ້​ລັດຖະສະພາສະຫະລັດ ​ແລະ​ປະຊາຊົນ​ອາ​ເມຣິກັນ.

ບຸລຸດ​ທ່ານ​ນີ້ ຄື Daniel Levinson ​ເປັນຜູ້​ກວດການໃຫຍ່​ຂອງ ກະຊວງ ​ສາທາລະນະ​ສຸກແລະ​ບໍລິການມະນຸດຫຼື HHS. ທ່ານ​ແລະບັນດາ​ເຈົ້າໜ້າ ​ທີ່​ຄູ່​ຕໍາ​ແໜ່​ງຂອງ​ທ່ານຢູ່​ໃນ​ທຸກ​ກົມ​ກອງ ​ແລະ​ກະຊວງ​ຂອງ​ລັດຖະບານ​ສະ ຫະ​ລັດ ຈະ​ຊອກຄົ້ນ​ເບິ່ງ​ການ​ສໍ້​ລາດ ບັງ​ຫຼວງ ​ແລະກວດ​ສອບ​ຢ່າງ​ລະອຽດ ເບິ່ງການບໍລິຫານກ່ຽວ​ກັບ​ໂຄງການ​ສາທາລະ ນະ​ ທັງຫຼາຍ ພ້ອມ​ທັງການ​ປະ ຕິບັດການ​ຢູ່​ພາຍ​ໃນ​ກົມກອງ​ແລະ​ກະຊວງນັ້ນ ​ດໍາ​ເນີນ​ໄປ​ຢ່າງ​ໃດ.

ທ່ານ ​ເລ​ວິນ​ຊັນ ​ເວົ້າ​ວ່າ: “ພວກ​ເຮົາ​ກວດສອບບັນຊີເງິນ ​ທີ່​ເຂົ້າມາ​ໃນ​ກະຊວງ​ກົມ​ກອງ ພວກ​ເຮົາ​ສືບສວນ​ເບິ່ງ​ການ​ກະທໍາ​ຜິດ​ທີ່ອາດ​ພົບ​ເຫັນຈາກ​ຜົນຂອງ​ການກວດ​ເບິ່ງ​ໂຕ​ເລກ​ໃນ​ບັນຊີ ​ເພື່ອ​ຈະ​ເບິ່ງ​ວ່າ​ມັນ​ອາດ​ມີ​ກິດຈະ​ກໍາ ທຸດຈະ
ລິດ ທາງ​ອາຍາ​ກ່ຽວຂ້ອງ​ນໍາ​ຫຼື​ບໍ່ແລະ​ຖ້າ​ພົບ​ເຫັນກໍ​ຈະຟ້ອງຮ້ອງດຳ​ເນີນ​ຄະດີ​ຕໍ່​ພວກທີ່​ພົວພັນ​ໃນ​ກິດຈະ​ກໍາ​ດັ່ງກ່າວ​ນັ້ນ. ​ແລະ​ປະການ​ທີ່​ສາມ ພວກ​ເຮົາ​ສຶກສາເບິ່ງ​ວ່າ ​ຈະ​ສາມາດ​ປັບປຸງ​ໂຄງການ​ຕ່າງໆ​ໃຫ້​ດີ​ຂຶ້ນ​ໄດ້​ບໍ່ ​ເວລາ​ມັນ​ຖືກ​ດໍາ​ເນີນ​ການ​ຢູ່​ນັ້ນ ​ແລະ​ແຈ້ງ​ໃຫ້ປະຊາ​ຄົມ​ ທີ່​ສະໜອງ​ການ​ບໍລິການ​ໃນ​ການ​ຮັກສາສຸຂະພາບອອກ​ໄປ​ຢ່າງ​ກວ້າງຂວາງ ກ່ຽວ​ກັບ​ວ່າ​ຈະ​ສະໜອງ​ການ​ບໍ​ລິ ການ ​ໃຫ້​ດີ​ຂຶ້ນ​ໄດ້​ຢ່າງ​ໃດ.”


ດ້ວຍ​ຈໍານວນ​ເງິນ​ຫຼາຍ​ພັນ​ລ້ານ​ໂດ​ລ່າ ທີ່​ໃຊ້​ຈ່າຍ​ໃນ​ການ​ຮັກສາ​ສຸຂະພາບ ​ແລະ​ໂຄງ ການ​ຕ່າງໆ​ນັ້ນ ​ຄວາມ​ເປັນ​ໄປ​ໄດ້​ສໍາລັບ​ການ​ໂກງ ​ແລະການ​ສໍ້​ລາດ​ລັງ​ຫຼວງ​ນັ້ນຈະ​ມີ​ຢ່າງ​ຫຼວງ​ຫຼາຍ. ທ່ານ Levinson ລາຍງານ​ວ່າ ຕະຫຼອດ​ໄລຍະ​ຫ້າ​ປີຜ່ານມາ​ນີ້ ການ ກວດ​ສອບ​ບັນຊີ ​ແລະ​ການສືບສວນ​ສອບ​ສວນ​ຂອງ​ທ່ານ ພົບ​ເຫັນວ່າ​ ມີ​ການກະທໍາ​ຜິດ​ທາງອາຍາ​ເກືອບສາມ​ພັນ​ແປດ​ຮ້ອຍຄະດີ ​ມີການ​ຕົກລົງ​ກັນ​ໃນ​ຄະດີ​ແພ່ງ ​ເກືອບ​ສອງ​ພັນ​ຄະດີ ​ແລະກູ້​ເອົາ​ເງິນຈໍານວນ 23 ພັນ​ຫ້າ​ຮ້ອຍ​ລ້ານ​ໂດ​ລ່າ ຄືນ​ມາ​ໄດ້.

ຕໍາ​ແໜ່​ງຜູ້​ກວດກາ​ນ​ໃຫຍ່ນີ້ ຖືກ​ແຕ່ງ​ຕັ້ງ​ໂດຍ​ປະທານາທິບໍດີ​ແລະ​ຈະລາຍ​ງານ​ຕໍ່​ລັດ ຖະສະພາ​ກ່ຽວ​ກັບ​ກິດຈະ​ກໍາ​ຂອງ​ກະຊວງ​ຫຼື​ກົມກອງ​ຂອງ​ເຂົາ​ເຈົ້າ. ນອກ​ນີ້​ແລ້ວ ​ເຂົາ​ເຈົ້າຍັງ​ແຈ້ງ​ໃຫ້ລັດຖະມົນຕີ​ກະຊວງ ຫຼື​ຫົວໜ້າ​ກົມ​ກອງ​ຕ່າງໆຊາບ ກ່ຽວ​ກັບ​ວຽກ​ງານ​ຂອງ​ພວກ​ເຂົາ​ເຈົ້າ ​ແຕ່​ພວກເຂົາ​ເຈົ້າຈະ​ບໍ່​ຢູ່​ພາຍ​ໃຕ້​ການ​ບັງຄັບ​ບັນຊາ​ຂອງ​ລັດຖະມົນ ຕີ​ ຫຼືຫົວໜ້າ​ກົມ​ກອງ​ເຫຼົ່ານີ້.

ທ່ານ Michael Smallberg ປະ​ຈໍາ​ກຸ່ມ​ສິ້ງ​ຊອມການ​ປະຕິບັດງານ​ຂອງ ລັດຖະບານ ທີ່​ເອີ້ນ​ວ່າ Project On Government Oversight ໃຫ້​ຄວາມ​ເຫັນ​ໃນ​ເລຶ່ອງນີ້​ວ່າ ການຮັກສາ​ຄວາມເປັນ​ອິດສະຫຼະ​ໄວ້​ນັ້ນ ຖື​ວ່າ​ເປັນ​ການ​ສໍາຄັນ​ທີ່​ສຸດ.

ທ່ານ Smallberg ​ເວົ້າ​ວ່າ:“ພວກ​ເຮົາ​ຄິດ​ວ່າ ຈະ​ເປັນ​ການ​ດີ​ທີ່​ສຸດທີ່​ຈະຕ້ອງໃຫ້​ມີ​ຄວາມ​ສໍາພັນ​ທີ່​ຂັດ​ແຍ້​ງກັນ​ໄວ້ ລະ​ຫວ່າງ​ຜູ້​ກວດກາ​ນ​ໃຫຍ່ ​ແລະ ຫົວໜ້າ​ອົງການ ຄື​ແບບ​ບໍ່ເຖິງ​ຂັ້ນເປັນ​ສັດຕູ​ກັນ ບໍ່​ປະ​ເຊີນ​ໜ້າ​ກັນ​ຢ່າງ​ເປີດ​ເຜີຍ ​ແຕ່​ຈະ​ຕ້ອງ​ມີ​ຄວາມ​ສໍາພັນ​ທີ່​ຫ່າງ​ໄກ​ກັນ​ທີ່​ສຸດ​ລະຫວ່າງ​ທັງ​ສອງ​ຝ່າຍ.

ດັ່ງ​ຕົວຢ່າງ​ທີ່​ເຫັນໄດ້​ຢ່າງ​ຊັດ​ເຈ​ນກ່ຽວ​ກັບ​ການ​ແຍກກັນ​ດັ່ງກ່າວມີ​ຂຶ້ນເວລາ ລັດຖະສະ ພາສະຫະລັດ ຮັບ​ມື​ກັບວິ​ກິດ​ການ​ການ​ເງິນ​ປີ 2008 ທີ່​ໄດ້​ຈັດ ຕັ້ງ​ໂຄງການ​ນຶ່ງ​ຂຶ້ນມາ ​ທີ່​ເອີ້ນ​ວ່າ ໂຄງການບັນ​ເທົາ​ຊັບ​ສິນ​ທີ່​ໄດ້​ຮັບ​ຄວາມ ​ເດືອດຮ້ອນ ຫຼື TARP ຊຶ່ງ​ເວລາ​ນັ້ນ ທ່ານ Neil Barofsky ຜູ້ກວດການ ​ພິ​ເສດໂຄງການ TARP ໄດ້ໂຈມຕີຢ່າງ ເປີດ ເຜີຍຕໍ່ທ່ານ Tim Geithner ລັດຖະມົນຕີກະຊວງການເງິນໂດຍເວົ້າວ່າ ການຈັດຕັ້ງ ປະຕິບັດໂຄງການ ຂອງກະຊວງການ​ເງິນນັ້ນ ແມ່ນ​ເຂົ້າຂ້າງ ຕະຫຼາດຮຸ້ນ Wall Street ແທນທີ່ຈະ​ແມ່ນມະຫາຊົນ.

ທ່ານ Barofsly ຜູ້ກວດການພິເສດ​ໂຄງການ TARP ເວົ້າວ່າ: “ວິທີດຽວເທົ່ານັ້ນ ທີ່ໂຄງການ TARP ໄດ້ຮັບຜ່ານ ວິທີດຽວທີ່ຈະໄດ້ຮັບຄະແນນສຽງພຽງພໍຢູ່ ໃນສະພາຄອງແກຣສ ເພື່ອໃຫ້ກາຍເປັນກົດໝາຍໄດ້ນັ້ນ ຍ້ອນໄດ້ຮັບຄໍາ ໝັ້ນສັນຍາໂດຍກະຊວງການເງິນແລະປະທານາທິບໍດີວ່າ ໜ້າຈະເປັນ ຄງ ການ ທີ່ຈະບໍ່ພຽງແຕ່ຊ່ວຍເຫຼືອພວກທະນາຄານໃຫຍ່ໆທັງຫຼາຍເທົ່ານັ້ນ ແຕ່ ຍັງຈະຊ່ວຍພວກເຈົ້າຂອງບ້ານ​ເຮືອນທີ່ດິ້ນຮົນຈ່າຍຄ່າງວດປະຈໍາເດືອນທັງ ຫຼາຍນັ້ນນຳ​ດ້ວຍ. ເວລາປະທານາທິບໍດີປະກາດ ວ່າທ່ານຈະເຮັດແບບໃດ ນັ້ນ ທ່ານເວົ້າໄປວ່າ ເຈົ້າຂອງ​ເຮືອນຫຼາຍເຖິງສີ່ລ້ານຄົນຈະສາມາດ ຮັກສາ​ເຮືອນຂອງເຂົາເຈົ້າໄວ້ ຫຼື​ບໍ່​ຖືກ​ຍຶດ ຍ້ອນໂຄງການນີ້ ແຕ່ກໍປະກົດວ່ານັ້ນເປັນ​ໂຄງການທີ່ບໍ່​ປະສົບ​ຜົນ​ສໍາ​ເລັດເລີຍ.”

ໃນຂະນະທີ່ໂຄງການບັນເທົາຊັບສິນທີ່ໄດ້ຮັບຄວາມເດືອດຮ້ອນ ຫຼື TARP ຊື່ງ​ໃນ​ທີ່​ສຸດ​ແລ້ວ​ແມ່ນ​ສະໜອງ​ການ​ຊ່ວຍ​ເຫຼືອ​ແກ່​ພວກ​ເຈົ້າຂອງ​ບ້ານເຮືອນ ຈຳນວນ​ນຶ່ງຊຶ່ງ​ທ່ານ Barofsky ​ເວົ້າ​ວ່າ ​ໂຄງການ​ດັ່ງກ່າວ​ບໍ່​ເຄີ​ຍບັນລຸຜົນຕາມ​ຄໍາ​ໝັ້ນ​ສັນຍາ​ທີ່​ໃຫ້​ໄວ້​ຕໍ່​ລັດຖະສະພາ​ຢ່າງ​ເຕັມ​ເມັດ​ເຕັມ​ໜ່ວຍ​ແຕ່​ຢ່າງ​ໃດ ການ​ຕໍ່ສູ້​ຂອງທ່ານ Barofsky ກັບ​ ລັດຖະມົນຕີ​ການ​ເງິນ ທ່ານ Geithner ຍັງ​ຜົນ​ເຮັດໃຫ້​ທ່ານ​ຟ້າວລາອອກ ໃນເດືອນ ມີນາ ປີ 2011 ​ແຕ່​ຕໍ່າ​ແໜ່ງຜູ້​ກວດກາ​ນ​ໃຫຍ່ ຫຼື IG ນັ້ນ​ກໍ​ຍັງ​ມີ​ສືບຕໍ່ມາ​ເທົ່າ​ເຖິງ​ປັດຈຸ​ບັນ​ນີ້ ດ້ວຍມີ​ຄົນ​ໃໝ່ເຂົ້າຮັບຕໍາ​ແໜ່​ງແທນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG