ລັດຖະບານທ່ານ Obama ໄດ້ຜ່ອນຜັນເພີ້ມເຕີມ ໃນລົງໂທດດ້ານການເງິນຕໍ່ມຽນມາ ເພື່ອສະໜັບສະໜູນການປະຕິຮູບທາງການເມືອງຂອງປະເທດແລະການເຕີບໂຕຂອງ ເສດຖະກິດ ແລະເຮັດໃຫ້ງ່າຍຂຶ້ນສຳລັບສະຫະລັດ ທີ່ຈະຄ້າ ຂາຍກັບປະເທດມຽນມາ. ສະຫະລັດຍັງຮັກສາມາດຕະການລົງໂທດອື່ນໆໄວ້ຢູ່ ເຖິງຢ່າງໃດກໍດີ ໃນຄວາມພະຍາ ຍາມເພື່ອຂັດຂວາງການລະເມີດສິດທິມະນຸດ ແລະການຄ້າຂອງກອງທັບ ກັບເກົາຫລີເໜືອ.
ບັນດາເຈົ້າໜ້າທີ່ຂັ້ນສູງ ໄດ້ປະກາດໃນວັນອັງຄານວານນີ້ ບໍ່ເທົ່າໃດມື້ກ່ອນໜ້າລັດຖະ ມົນຕີຕ່າງປະເທດ ທ່ານ John Kerry ເດີນທາງໄປຢ້ຽມຢາມນະຄອນ Naypyidaw ໃນວັນທີ 22 ເດືອນພືດສະພານີ້.
ເຈັດບໍລິສັດລັດວິສາຫະກິດຂອງມຽນມາ ແລະສາມທະນາຄານທີ່ລັດເປັນເຈົ້າຂອງກຳ ລັງຖືກລຶບຊື່ອອກຈາກບັນຊີດຳ ອີງຕາມການດັດແປງແກ້ໄຂຂອງກະຊວງການເງິນໃນ ການປຶກສາຫາລືກັບກະຊວງຕ່າງປະເທດ.
ກົດລະບຽບທີ່ແກ້ໄຂອຶ່ນໆແມ່ນຮວມທັງການອອກໃບອະນຸຍາດກ່ຽວກັບການຄ້າທົ່ວໄປ ແລະການຄ້າສ່ວນໂຕທີ່ພົວພັນກັບຊາວອາເມຣິກັນທີ່ຢູູ່ໃນມຽນມາ. ການປ່ຽນແປງເຫຼົ່າ ນີ້ມີຈຸດປະສົງເຮັດໃຫ້ການຄ້າງ່າຍຂຶ້ນແລະການເຄື່ອນຍ້າຍສິນຄ້າໃນມຽນມາ.
ເຖິງຢ່າງໃດກໍຕາມ ສະຫະລັດຍັງຮັກສາໄວ້ ການລົງໂທດຕໍ່ກອງທັບ ທີ່ມີອິດທິພົນ ໃນ ມຽນມາ ເພາະວ່າຜົນປະໂຫຍດດ້ານເສດຖະກິດທີ່ສຳຄັນ.
ໃນການປັບຂໍ້ມູນໃຫ້ທັນກັບເຫດການ ຂອງອັນທີ່ຮ້ອງວ່າ ບັນຊີການລະບຸພິເສດລະດັບ ຊາດ ແລະລາຍຊື່ຂອງບຸກຄົນ ທີ່ຖືກຫ້າມ ຫລື SDN ນັ້ນ ຈະມີການເພີ້ມ ຊື່ຂອງອີກຫົກ ບໍລິສັດ ທີ່ຖືກຫ້າມ ບໍ່ໃຫ້ເຮັດທຸລະກິດ ກັບສະຫະລັດ. ບັນດາທຸລະກິດເຫຼົ່ານີ້ແມ່ນເປັນ ເຈົ້າຂອງ 50 ເປີເຊັນຫລືຫລາຍກວ່ານັ້ນໂດຍທ່ານ Steven Law ມະຫາເສດຖີຄົນນຶ່ງ ທີ່ຖືກກ່າວຫາວ່າ ມີຄວາມສຳພັນກັບພວກທະຫານ ແລະຄ້າເຮໂຣອິນ ຜ່ານບໍລິສັດນຶ່ງ ທີ່ຮ້ອງວ່າ “Asia World.”
