ລິ້ງ ສຳຫລັບເຂົ້າຫາ

logo-print

ສົງ​ຄາມ​ການ​ຄ້າ​ ລະ​ຫວ່າງ​ສະ​ຫະ​ລັດ ກັບ​ຈີນ ສົ່ງ​ຜົນ​ໃຫ້ ​ຊາວ​ສວນອາ​ເມ​ຣິ​ກັນ ເກີດ​ມີ​ຄວາມ​ເປັນ​ຫ່ວງ


ໝາກ​ສາ​ລີ​ແລະ​ຖົ່ວ​ເຫຼືອງ ແມ່ນ​ຜົນ​ລະ​ປູກ​ທີ່​ສ້າງ​ກຳ​ໄລ​ຫຼາຍ​ທີ່​ສຸດ​ໃ​ຫ້​ແກ່​ຊາວ​ສວນ​ອາ​ເມ​ຣິ​ກັນໃນ​ແຕ່​ລະ​ປີ. ໃນ​ຂະ​ນະ​ທີ່​ພວກ​ຊາວ​ສວນ​ຫຼາຍ​ຄົນພາ​ກັນປູກ​ພືດ​ສອງ​ຊະ​ນິດ​ນີ້ ສັບ​ປ່ຽນ​ກັນ​ໄປຕາມ​ລະ​ດູການ, ການ​ຂັດ​ແຍ້ງທາງ​ການຄ້າ​ກັບ​ຈີນທີ່ມີ​ຢູ່​ໃນ​ເວ​ລານີ້ ໄດ້​ສົ່ງ​ຜົນ​ກະ​ທົບຕໍ່ແມ່ນ​ແຕ່ການ​ຕັດ​ສິນ​ໃຈ​ໃນ​ການ​ດຳ​ເນີນ​ກິດ​ຈະ​ວັດ​ປະ​ຈຳ​ວັນຂອງ​ພວກ​ຊາວ​ສວນໃນ​ເວ​ລາທີ່​ພວກ​ເຂົາ​ເຈົ້າ​ມຸ້ງ​ໜ້າ​ໄປ​ຫາ​ສວນ​ເພື່ອ​ປູກ​ເຄື່ອງ​ປູກ​ຂອງ​ຝັງ​ຂອງ​ຕົນ ໃນ​ລະ​ດູ​ໃບ​ໄມ້​ປົ່ງ​ປີນີ້. ເຄນ ຟາຣາໂບ (Kane Farabaugh) ມີ​ລາຍງານ​ເພີ້ມ​ເຕີມກ່ຽວ​ກັບ​ເລື້ອງນີ້ ຈາກ​ລັດ​ອີ​ລີ​ນອຍ​, ທາງ​ພາກ​ຕາ​ເວັນ​ຕົກຕອນ​ກາງຂອງ​ສະ​ຫະ​ລັດ ຊຶ່ງວັນ​ນະ​ສອນ ​ມີ​ລາຍງານມາ​ສະ​ເໜີ​ທ່ານໃນ​ອັນ​ດັບ​ຕໍ່​ໄປ.

ໃນສວນ​ຂອງ​ທ່ານ Evan Hultine ທີ່​ຢູ່ນອກ​ເມືອງ​ພ​ຣິນສ​ຕັນ ​ລັດ​ອີ​ລີ​ນອຍ ນັ້ນ ການ​ປູກ​ໝາກສາລີ​ແມ່ນ​ມາ​ແຮງ ເປັນອັນ​ດັບ​ນຶ່ງຂອງ​ປີ​ນີ້.

ທີ່ຈິງ​ແລ້ວ ມັນ​ເປັນ​ຜົນ​ລະ​ປູກ​ຢ່າງ​ດຽວ ທີ່ທ່ານ​ຈະ​ໄດ້​ເຫັນຢູ່ໃນສວນ​ຂອງ​ເພິ່ນ.

ທ່ານ Evan Hultine ຊາວ​ສວນ​ ໃນລັດ​ອີ​ລີ​ນອຍ ກ່າວ​ວ່າ “ຈະ​ບໍ່ມີ​ການ​ປູກ​ໝາກ​ຖົ່ວ
​ເຫຼືອງ​ເລີຍ ໃນ​ປີ​ນີ້ສຳ​ລັບ​ພວກ​ເຮົາ. ຫຼັງ​ຈາກສົງ​ຄາມ​ການ​ຄ້າ ແກ່​ຍາວ​ມາ​ເປັນ​ເວ​ລາ
ປະ​ມານ 3 ເດືອນ ມັນ​ກໍ​ເປັນ​ທີ່​ຈະແຈ້ງແລ້ວ​ວ່າ ທ່ານປະ​ທາ​ນາ​ທິ​ບໍ​ດີ ແມ່ນ​ມີ​ເປົ້າ​ໝາຍ
​ໄລ​ຍະ​ຍາວ ແລະ​ໃນ​ເວ​ລາ​ນີ້, ພໍ່ຂອງ​ຂ້ອຍ ​ແລະ​ຂ້ອຍໄດ້​ລົມ​ກັນ ແລະ​ພວກ​ເຮົາກໍມີ​
ຄວາມ​ຮູ້​ສຶກໝັ້ນ​ໃຈຕໍ່​ຄວາມ​ສາ​ມາດ​ຂອງ​ພວກ​ເຮົາໃນ​ການທີ່​ຈະ​ປູກ​ໝາກສາ​ລີໃຫ້ໄດ້​
ຮັບ​ຜົນສູງນັ້ນ ຫລາຍ​ຂະ​ໜາດ​ເລີຍ.”

ການ​ຕັດ​ສິນ​ໃຈ​ຂອງ​ທ່ານ Hultine ມີ​ຂຶ້ນພາຍຫຼັງ​ທີ່ມີຄວາມ​ບໍ່​ແນ່ນອນສຳ​ລັບ​ລາ​ຄາ​
ໝາກ​ຖົ່ວ​ເຫຼືອງເປັນ​ປີ ຊຶ່ງໄດ້​ກະ​ທົບ​ສ່ວນ​ໃຫຍ່ຈາກ​ການຂັດ​ແຍ້ງ​ທາງ​ການ​ຄ້າ ແລະພາ
​ໃຫ້​ຈີນ​ຂຶ້ນ​ພາ​ສີຕໍ່​ຜົນ​ລະ​ປູກ​ທີ່ນຳ​ເຂົ້າ​ຈາກ​ສະ​ຫຼະ​ລັດ ເພື່ອ​ເປັນ​ການ​ຕອບ​ໂຕ້​ຕໍ່​ການ​ທີ່
ສະ​ຫະ​ລັດ ເກັບ​ພາຕໍ່ເຫຼັກ​ກ້າ ແລະ​ອາ​ລູ​ມີ​ນຽມ ​ທີ່​ນຳ​ເຂົ້າ​ຈາກ​ຈີນ ນັ້ນ.

ທ່ານ Hultine ກ່າວຕື່ມ​ວ່າ “ພວກ​ເຮົາຂາດ​ທຶນຈາກ​ປະ​ມານ ນຶ່ງໂດ​ລາເຄິ່ງ ຫາສອງ
ໂດ​ລາ ຕໍ່ຖັງ​ນຶ່ງ ຂຶ້ນ​ກັບລາ​ຄາ​ຂອງ​ແຕ່ລະ​ມື້.”

ໃນ​ຂະ​ນະ​ທີ່​ມີ​ການ​ເຈ​ລະ​ຈາ​ທາງ​ການ​ຄ້າ​ລະ​ຫວ່າງ​ສະ​ຫະ​ລັດ ກັບ​ຈີນຍັງ​ສືບ​ຕໍ່ ​ໂດຍ​ທີ່
ບໍ່​ມີ​ການ​ຕົກ​ລົງ​ກັນໃດໆ ຢູ່ນັ້ນ ຄວາມ​ບໍ່​ແນ່ນອນ​ກໍ​ຍັງ​ມີສືບ​ຕໍ່ໄປ​ເຊັ່ນ​ກັນ, ອີງ​ຕາມ ​
ທ່ານ Michael Doherty ນັກ​ເສດ​ຖະ​ສາດ​ລະ​ດັບ​ສູງ, ຈາກຫ້ອງ​ການ​ດ້ານ​ການ​ເຮັດ
​ສວນຂອງລັດອີ​ລີ​ນອຍ​.

ຄະນະທູດພິເສດສະຫະລັດ ແລະຈີນ ພົບປະກັນ ໃນຫ້ອງສົນທິສັນຍາອິນເດຍ ທີ່ທຳນຽບຂາວ ໃນກອງປະຊຸມສາຍພົວພັນການຄ້າສອງຝ່າຍ ລະຫວ່າງ ສະຫະລັດ ແລະຈີນ, 21 ກຸມພາ 2019
ຄະນະທູດພິເສດສະຫະລັດ ແລະຈີນ ພົບປະກັນ ໃນຫ້ອງສົນທິສັນຍາອິນເດຍ ທີ່ທຳນຽບຂາວ ໃນກອງປະຊຸມສາຍພົວພັນການຄ້າສອງຝ່າຍ ລະຫວ່າງ ສະຫະລັດ ແລະຈີນ, 21 ກຸມພາ 2019

​ທ່ານ Michael Doherty ກ່າວ​ວ່າ “ພວກ​ເຮົາ​ກຳ​ລັງ​ເບິ່ງ​ເຫັນວ່າລາ​ຄາໝາກ​ຖ​ົ່ວ​
ເຫລືອງຕາມ​ທ້ອງ​ຕະ​ຫຼາດ​ໃນອະ​ນາ​ຄົດຈະ​ຂຶ້ນ​ໆ ລົງ​ໆ ໂດຍອີງ​ຕາມ​ຂ່າວ​ຫຼ້າ​ສຸດ
ທີ່ບອກ​ວ່າພວກ​ເຮົາ​ມີ​ຄວາມ​ຄືບ​ໜ້າ​ຫຼືບໍ່? …ມັນ​ແມ່ນຄວາມ​ຈິງ​ແທ້​ບໍ ທີ່​ວ່າ ພວກ​ເຮົາ
​ຈະ​ກັບ​ໄປ​ມີ​ສາຍ​ພົວ​ພັນ​ທາງ​ການ​ຄ້າ​ທີ່​ປົກ​ກະ​ຕິ​ກັບ​ຈີນຄືນ​ອີກ?”

ທ່ານ Doherty ກ່າວ​ວ່າ ​ໝາກ​ຖົ່ວ​ເຫຼືອງຈຳ​ນວນ​ຫຼວງ​ຫຼາຍຢ່າງ​ເປັນ​ປະ​ຫວັດ​ການ
ທີ່​ຍັງລໍ​ຖ້າໄວ້​ຈະ​ຂາຍ ຍິ່ງ​ເຮັດ​ໃຫ້​ສະ​ພາບ​ການ​ຍາກ​ຍິ່ງ​ຂຶ້ນ​ສຳ​ລັບ​ພວກ​ຊາວ​ສວນ.

ທ່ານ Doherty ກ່າວ​ເພີ້ມ​ຕື່ມວ່າ “ພວກ​ເຮົາ​ມີ​ໝາກ​ຖົ່ວ​ເຫຼືອງ​ໃນ​ສາງ​ຂອງ​ພວກ​ເຮົາ
ໃນ​ຕອນ​ນີ້ ​ຫຼາຍ​ກວ່າ​ໝູ່ທີ່​ສຸດເທົ່າ​ທີ່​ເຄີຍ​ມີ​ໃນ​ປະ​ຫວັດ​ສາດ​ຂອງ​ສະ​ຫະ​ລັດ. ພວກ​ເຮົາ​
ແມ່ນ​ນັ່ງ​ຢູ່​ເທິງກອງ​ພູ​ຂອງ​ໝາກ​ຖົ່ວ​ເຫຼືອງ. ພວກ​ເຮົາມີໝາກ​ຖົ່ວ​ເຫຼືອງ ​ຫຼາຍກວ່າ
ພັນ​ລ້ານຖັງ ໃນ​ສະ​ຫະ​ລັດ ແລະ​ພວກ​ເຮົາກໍ​ຂາຍອອກ​ມັນອອກ ໄດ້​ຊ້າ ແລະໃນປະ​ລິ​
ມານ​ທີ່​ໜ້ອຍກວ່າ​ປົກ​ກະ​ຕິທີ່​ພວກ​ເຮົາເຄີຍ​ຂາຍ ໃນໄລ​ຍະ​ນີ້ ຂອງ​ປີ​ນຶ່ງໆ ນັ້ນ​ຫລາຍ​
ທີ່​ສຸດ ​ແລະສະ​ນັ້ນ ການ​ສັ່ງ​ຊາ​ເບິ່ງ​ຕະ​ຫລາດ ກໍ​ຄື​ການ​ທີ່ມີປະ​ລິ​ມານ​ໝາກ​ຖົ່ວ​ເຫຼືອງ
ຄ້າງ​ໄວ້ຢູ່​ໃນ​ສາງ​ເທົ່າ​ນັ້ນ.”

ສຳ​ລັບ ທ່ານ Hultine ການຕັດ​ສິນ​ໃຈ​ທີ່​ຈະ​ບໍ່​ປູກໝາກ​ຖົ່ວ​ເຫຼືອງ​ນີ້ ບໍ່​ແມ່ນ​ເລື້ອງ​ງ່າຍເລີຍ.

ທ່ານ Hultine ກ່າວ​ວ່າ “ມັນ​ຕ້ອງ​ໄດ້ໃຊ້ທຶນ​ໃນການ​ປູກ​ໝາ​ກສາ​ລີໃນ​ເຮັກ​ເກີ​ນຶ່ງ​ ຫລາຍກວ່າການ​ປູກໝາກ​ຖົ່ວ​ເຫຼືອງ ຫລາຍ, ສະ​ນັ້ນ ພວກ​ເຮົາ​ຕ້ອງໄດ້​ກູ້ຢືມ​ເງິນ
ເພີ້ມ​ອີກ ແລະ​ດອກ​ເບ້ຍ​ກໍ​ແມ່ນສູງຂຶ້ນຕິກໆ.”

​ຄ່າ​ໃຊ້​ຈ່າຍໃນ​ການ​ຜະ​ລິດສູງ​ຂຶ້ນນັ້ນ ​ກໍໝາຍຄວາມ​ວ່າ​ໄດ້​ຜົນ​ກຳ​ໄລໂດຍ​ລວ​ມ ຕ່ຳກວ່າ
ສຳ​ລັບທ່ານ Hultine. ເຖິງ​ແມ່ນ​ວ່າ​ກະ​ຊ​ວງ​ກະ​ສິກຳ​ຂອງ​ສະ​ຫະ​ລັດ​ຄາດ​ຄະ​ເນ​ວ່າ ຈະ​ມີ
ລາຍ​ຮັບ​ເພີ້ມ​ຂຶ້ນ​ໃນ​ລະ​ດັບພໍ​ປານ​ກາງ​ສຳ​ລັບພວກ​ຊາວ​ສວນໃນ​ປີ​ນີ້, ແຕ່ທ່ານ Doherty
ແມ່ນ​ບໍ່​ມີ​ຄວາມ​ຫວັງ​ໄປ​ໃນ​ແງ່ບວກ​ເລີຍ.

ທ່ານ Doherty ກ່າວ​ເພີ້ມ​ຕື່ມວ່າ “ຂ້າ​ພະ​ເຈົ້າຄາດ​ວ່າ ເມື່ອ​ພວກ​ເຮົາ​ມອງ​ເບິ່ງໃນ​ປີ
2019 ນີ້ແລ້ວ ພວກເຮົາກໍ​ຈະເຫັນ​ວ່າ ມັນ​ເປັນ​ປີ​ນຶ່ງ​ທີ່​ມີ​ລາຍ​ໄດ້ທີ່​ໜ້ອຍທີ່​ສຸດໃນ​ຮອບ
5 ຫລື 6 ປີ​ຜ່ານ​ມາ​.”

ທ່ານ Hultine ຫວັງ​ວ່າ ສິ່ງ​ອື່ນທັງຫຼາຍ​ ທີ່ເພິ່ນບໍ່​ສາ​ມາດ​ຄວບ​ຄຸມ​ມັນ​ໄດ້ ເຊັ່ນ ດິນ​ຟ້າ
​ອາ​ກາດ, ຈະ​ເປັນ​ໃຈ​ກັບ​ເພິ່ນ ເພື່ອ​ວ່າການ​ຕັດ​ສິນ​ໃຈ​ຂອງເພິ່ນທີ່ຈະປູກ​ພຽງ​ແຕ່​ໝາກ​ສາ​ລີ​ເທົ່ານັ້ນ ຈະ​ເປັນ​ການ​ຕັດ​ສິນ​ໃຈທີ່​ເພິ່ນ​ຈະ​ບໍ່​ເສຍໃຈ.

ທ່ານ Hultine ກ່າວ​ມ້ວນ​ທ້າຍວ່າ “​ມີ​ແຕ່ເວ​ລາ​ເທົ່າ​ນັ້ນ ຈະເປັນ​ເຄື່ອ​ງ​ພິ​ສູດ.”

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ້າວ Justin Roth ສະ​ແດງ​ໃຫ້​ເຫັນ​ໝາກ​ຖົ່ວ​ເຫຼືອງ​ໃນ​ອຸ້ງ​ມື ໃນກ​ຣຸກກ​ລິນ, ຟອ​ໂອ​ວາ, 21 ພະ​ຈິກ 2018.
ທ້າວ Justin Roth ສະ​ແດງ​ໃຫ້​ເຫັນ​ໝາກ​ຖົ່ວ​ເຫຼືອງ​ໃນ​ອຸ້ງ​ມື ໃນກ​ຣຸກກ​ລິນ, ຟອ​ໂອ​ວາ, 21 ພະ​ຈິກ 2018.

Corn and soybeans are the most profitable crops for American farmers each year.While many rotate these two crops season to season, the ongoing trade dispute with China is impacting even routine decisions for farmers as they head to the fields this spring to plant.VOA's Kane Farabaugh has more from the Midwest state of Illinois.

On Evan Hultine's farm outside Princeton, Illinois, corn is king this year.

In fact, it's the only crop you'll see in his fields.

Evan Hultine, Illinois Farmer:
"No beans this year for us. After about three months of the trade war it was pretty clear that the President had long terms goals in mind and at the time, my Dad and I had talked, and we were way more comfortable with our ability to produce high yield corn."

Hultine's decision comes after a tumultuous year for soybean prices, affected mostly by the trade dispute and resulting tariffs China imposed on the crop in retaliation to U.S. tariffs on imported Chinese steel and aluminum.

Evan Hultine, Illinois Farmer:
"We lost anywhere from about a dollar fifty to two dollars a bushel depending on the day."

As trade talks between the U.S. and China continue without an agreement, so does the uncertainty says Illinois Farm Bureau economist, Michael Doherty.

Michael Doherty, Senior Economist, Illinois Farm Bureau:
"You are watching the futures market price for soybeans fluctuate based on the latest news of whether or not we're making progress… is it real that we are going to get back to a normal trading relationship with the Chinese?"

Doherty says the record amount of soybeans still waiting to be sold makes the situation even more difficult for farmers.

Michael Doherty, Senior Economist, Illinois Farm Bureau:
"We have more beans in storage right now than we ever had in the history of the United States.We are sitting on a mountain of soybeans. We have well over a billion bushels of soybeans in the United States and we are selling it far less rapidly and in smaller volumes than we normally would at this point of the year, and so that's weighing the market simply to just have the gigantic inventory of soybeans."

For Evan Hultine, the decision to skip the beans isn't an easy one.

Evan Hultine, Illinois Farmer:
"It takes so much more capital to raise an acre of corn than it does an acre of beans, so we had to borrow more money, and interest rates are rising."

Higher costs mean lower overall profits for Hultine.And while the U.S. Department of Agriculture forecasts a modest increase in overall farm incomes this year, Doherty isn't as optimistic.

Michael Doherty, Senior Economist, Illinois Farm Bureau:
"I would expect that we will have one of the worst farm income years we've had out of the last five or six years is what we're looking at in 2019."

Hultine hopes that everything else he can't control, like the weather, works in his favor so his decision to only plant corn isn't one he'll regret.

Evan Hultine, Illinois Farmer:
"Time will tell."

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG