ກະຊວງການຕ່າງປະເທດສະຫະລັດ ໄດ້ອະນຸມັດການຂາຍອາໄຫຼ່ ແລະ ອາໄຫຼ່ ສຳລັບສ້ອມແປງເຮືອບິນລົບ F-16 ໃຫ້ໄຕ້ຫວັນ ໃນມູນຄ່າປະມານ 80 ລ້ານໂດລາ, ໜ່ວຍງານຮ່ວມມືດ້ານການປ້ອງກັນປະເທດຂອງທຳນຽບຫ້າແຈ ກ່າວໃນວັນພຸດວານນີ້, ອີງຕາມອົງການຂ່າວ Reuters.
ການຂາຍຄັ້ງນີ້ ຈະຊ່ວຍ "ປັບປຸງຄວາມປອດໄພຂອງຜູ້ຮັບ ແລະຊ່ວຍໃນການ ຮັກສາສະຖຽນລະພາບທາງດ້ານການເມືອງ, ຄວາມດຸ່ນດ່ຽງທາງການທະຫານ, ແລະຄວາມກ້າວຫນ້າທາງດ້ານເສດຖະກິດໃນພາກພື້ນ", ໜ່ວຍງານຮ່ວມມືດ້ານ ຄວາມປອດໄພດ້ານການປ້ອງກັນປະເທດຂອງ ທຳນຽບຫ້າແຈ ຫຼື DSCA ກ່າວໃນຖະແຫຼງການສະບັບນຶ່ງ.
ກະຊວງປ້ອງກັນປະເທດຂອງໄຕ້ຫວັນ ໄດ້ຂອບໃຈສະຫະລັດ ແລະກ່າວວ່າການຂາຍດັ່ງກ່າວ ຈະຊ່ວຍຊຸກຍູ້ຄວາມຕ້ອງການດ້ານການສູ້ລົບ ແລະການປ້ອງກັນປະເທດຂອງກອງທັບອາກາດຂອງຕົນ. ກະຊວງກ່າວວ່າ ການຂາຍ ຈະສໍາເລັດໃນເດືອນກໍລະກົດນີ້.
“ໂດຍການລ່ວງລະເມີດເຂດສີຂີ້ເຖົ່າທີ່ເປັນມາດຕະຖານ, ພັກກອມມູນິດຈີນ ໄດ້ພະຍາຍາມບີບອັດພື້ນທີ່ຝຶກຊ້ອມທາງເຮືອ ແລະ ທາງອາກາດຂອງພວກເຮົາ ແລະ ເວລາໃນການຕອບໂຕ້, ພ້ອມທັງຈຳກັດສິດທິໃນການປ້ອງກັນຕົນເອງ ຂອງພວກເຮົາ”, ກະຊວງກ່າວ ໃນຖະແຫຼງການ.
ຈີນໄດ້ຮຽກຮ້ອງຊໍ້າແລ້ວ ຊໍ້າອີກ ໃຫ້ສະຫະລັດ ເຊິ່ງເປັນຜູ້ສະໜອງອາວຸດຍຸດໂທປະກອນທີ່ສຳຄັນທີ່ສຸດຂອງໄຕ້ຫວັນ ໃຫ້ຢຸດການຂາຍອາວຸດໃຫ້ເກາະດັ່ງກ່າວ, ເຊິ່ງປັກກິ່ງອ້າງວ່າເປັນດິນແດນຂອງຕົນ ຕໍ່ກັບການຄັດຄ້ານຢ່າງຮຸນແຮງຂອງ ໄທເປ.
ກະຊວງປ້ອງກັນປະເທດຂອງຈີນ ບໍ່ໄດ້ໃຫ້ຄຳຕອບໃນທັນທີ ຕໍ່ການຂໍຄວາມເຫັນ.
ໃນການໂອ້ລົມກັບນັກຂ່າວໃນລັດຖະສະພາ ໃນວັນພະຫັດມື້ນີ້, ທ່ານ ເວລລິງຕັນ ຄູ (Wellington Koo) ລັດຖະມົນຕີປ້ອງກັນປະເທດຂອງໄຕ້ຫວັນ ໄດ້ກ່າວວ່າ ໄຕ້ຫວັນ ຈະຕ້ອງເພີ່ມທະວີຂີດຄວາມສາມາດໃນການປ້ອງກັນຕົນ ເອງ ເພື່ອເປັນພາກສ່ວນນຶ່ງຂອງ "ການສະກັດກັ້ນຢ່າງມີປະສິດທິພາບ" ໃນຍຸດທະສາດອິນໂດປາຊີຟິກ ຂອງສະຫະລັດ.
ທ່ານກ່າວວ່າ "ແຕ່ສໍາລັບການຮ່ວມມືດ້ານການທະຫານ ລະຫວ່າງໄຕ້ຫວັນ ແລະ ສະຫະລັດ, ມີຫຼາຍສິ່ງທີ່ພວກເຮົາສາມາດເຮັດໄດ້ ແຕ່ບອກບໍ່ໄດ້."
ອ່ານຂ່າວເປັນພາສາອັງກິດຂ້າງລຸ່ມນີ້:
The U.S. State Department has approved the sale to Taiwan of F-16 fighter jet spare and repair parts for an estimated $80 million, the Pentagon's Defense Security Cooperation Agency said on Wednesday.
The sale will help "improve the security of the recipient and assist in maintaining political stability, military balance, and economic progress in the region," the Pentagon's Defense Security Cooperation Agency (DSCA) said in a statement.
Taiwan's defense ministry thanked the United States and said the sale would boost the combat and defense needs of its air force. The ministry said the sale would be finalized in July.
"With normalized gray-zone harassments, the Chinese Communist Party attempted to squeeze our naval and air training space and response time, as well as limiting our rights of self-defense," it said in a statement.
China has repeatedly demanded the United States, Taiwan's most important arms supplier, halt the sale of weapons to the island, which Beijing claims as its own territory over Taipei's strong objection.
China's defense ministry did not immediately respond to a request for comment.
Talking to reporters in parliament on Thursday, Taiwan Defence Minister Wellington Koo said Taiwan must boost its self defense capabilities to be a part of "effective deterrence" in the U.S. Indo-Pacific strategy.
"But for Taiwan-U.S. military cooperation, there are many things we can only do, not tell," he said.
ຟໍຣັມສະແດງຄວາມຄິດເຫັນ