ຕຳຫລວດໃນຍີ່ປຸ່ນ ກ່າວວ່າພວກເຂົາເຈົ້າ ກຳລັງສືບສວນສອບ
ສວນ ການຂົ່ມຂູ່ຈະເອົາຊີວິດຕໍ່ເອກອັກຄະລັດຖະທູດສະຫະລັດ
ປະຈຳຍີ່ປຸ່ນ ທ່ານນາງ Caroline Kennedy ແລະ ທ່ານ Alfred
Magleby ຫົວໜ້າກົງສຸນໃຫຍ່ຢູ່ເກາະ Okinawa ຂອງຍີ່ປຸ່ນ.
ລາຍງານຂ່າວ ທີ່ອ້າງຄຳເວົ້າຂອງບັນດາເຈົ້າໜ້າທີ່ຕຳຫລວດ ທີ່
ກ່າວວ່າ ການຂົ່ມຂູ່ຕ່າງໆ ແມ່ນໄດ້ເກີດຂຶ້ນເມື່ອຄົນຮ້າຍໂທເຂົ້າ
ໄປໃນສະຖານທູດສະຫະລັດຫຼາຍຄັ້ງ. ເຈດຕະນາຂອງການຂົ່ມຂູ່
ຕ່າງໆນັ້ນ ແມ່ນບໍ່ໄດ້ເປີດເຜີຍໃຫ້ຊາບ.
ກະຊວງການຕ່າງປະເທດສະຫະລັດ ໄດ້ອອກຖະແຫລງການ
ສະບັບນຶ່ງທີ່ກ່າວວ່າ “ພວກເຮົາຖືວ່າການຂົ່ມຂູ່ໃດໆກໍຕາມ ຕໍ່ບັນດານັກການທູດ
ສະຫະລັດ ແມ່ນເປັນເລື້ອງຈິງຈັງຮ້າຍແຮງ. ພວກເຮົາເອົາທຸກບາດກ້າວທີ່ອາດ
ເປັນໄປໄດ້ ເພື່ອປົກປ້ອງພະນັກງານຂອງພວກເຮົາ. ພວກເຮົາກຳລັງປະສານງານ ກັບລັດຖະບານຍີ່ປຸ່ນ ເພື່ອຮັບປະກັນວ່າ ມາດຕະການຕ່າງໆທີ່ຈຳເປັນແມ່ນມີໄວ້ພ້ອມແລ້ວ. ພວກເຮົາຈະບໍ່ກ່າວເຖິງລາຍລະອຽດໃດໆ ຕໍ່ການຂົ່ມຂູ່ຕ່າງໆນັ້ນ ຫຼື ບາດກ້າວຕ່າງໆ ທີ່ພວກເຮົາເອົາດັ່ງທີ່ກ່າວມານັ້ນ ເພື່ອມາອະທິບາຍທັງໝົດ.”
ຂ່າວດັ່ງກ່າວໄດ້ເປີດເຜີຍອອກມາ ໃນຂະນະທີ່ສະຕີໝາຍເລກນຶ່ງສະ ຫະລັດ ທ່ານນາງ
Michelle Obama ໄດ້ເດີນທາງໄປເຖິງ ຍີ່ປຸ່ນສຳຫລັບການຢ້ຽມຢາມ ທີ່ມີເປົ້າໝາຍ ສົ່ງ
ເສີມການລິເລີ້ມການສຶກສາສຳຫລັບພວກເດັກຍິງ ແລະແມ່ຍິງໃນທົ່ວໂລກ.
ການຂົ່ມຂູ່ດັ່ງກ່າວ ມີຂຶ້ນຫຼັງຈາກການໂຈມຕີທຳຮ້າຍ ເມື່ອຕົ້ນເດືອນນີ້ ຕໍ່ເອກອັກຄະລັດ
ຖະທູດສະຫະລັດ ປະຈຳເກົາຫຼີໃຕ້ ທ່ານ Mark Lippert. ທ່ານ Lippert ຕ້ອງໄດ້ຮັບການ ຍິບ 80 ເຂັມ ເພື່ອປິດບາດແຜຢູ່ແກ້ມທາງເບື້ອງຂວາຂອງທ່ານ ຫຼັງຈາກການໂຈມຕີ ທີ່ໄດ້ກະທຳໂດຍຊາຍຄົນນຶ່ງ ທີ່ສະໜັບສະໜຸນເກົາຫຼີເໜືອ.
Police in Japan say they are investigating death threats against U.S. Ambassador Caroline Kennedy and Alfred Magleby, the U.S. consul general in Okinawa.
Press reports quote police officials as saying the threats were made in telephone calls to the U.S. embassy.
U.S. State Department released a statement saying, "We take every step possible to protect our personnel. We are working with the Japanese government to ensure the necessary measures are in place. We will not comment on the specific details of any threats or the steps we take to address them."
The news surfaced as U.S. first lady Michelle Obama arrived in Japan for a visit aimed at promoting her global education initiative for girls and women.
The threats follow an attack earlier this month on the U.S. ambassador to South Korea, Mark Lippert. He needed 80 stitches to close a wound on the right side of his face following the attack, which was carried out by a North Korea sympathizer.
