ລິ້ງ ສຳຫລັບເຂົ້າຫາ

logo-print

ສິ່ງທີ່ບໍ່ຄາດຝັນ ເກີດກັບຜູ້ເຄາະຮ້າຍຈາກລະເບີດທີ່ບໍ່ທັນແຕກ ໃນປະເທດລາວ


ປະມານ​ສາມ​ສ່ວນ​ຂອງ 2 ລ້ານ 2 ​ແສນໜ່ວຍຂອງ​ລູກ​ລະ​ເບີດ​ທີ່​ຖີ້ມລົງ​ໃສ່​ປະ​ເທດ​ລາວ​ໂດຍ​ກຳລັງ​ສະຫະລັດ​ໃນ 9 ປີ​ຂອ​ງການ​ປະຕິບັດ​ງານ​ສົງຄາມ​ລັບ ລະຫວ່າງ​ສົງຄາມ​ຫວຽດນາ​ມນັ້ນ ​ຍັງຕົກ​ຄ້າງ​ບໍ່​ທັນ​ແຕກ. ​ເວລາ​ປະທານາທິບໍດີ​ສະຫະລັດ ທ່ານ Barack Obama ​ເປັນ​ປະທານາທິບໍດີ​ຄົນ​ທຳ​ອິດ​ຢູ່​ໃນ​ຕຳ​ແໜ່​ງ ທີ່​ຈະ​ໄປ​ຢ້ຽມຢາມ​ລາວ​ໃນ​ເດືອນ​ກັນ​ຍາຈະ​ມາ​ເຖິງ​ນີ້ ທ່ານ​ຄາດ​ວ່າ​ຈະ​ປະກາດ​ເພີ້​ມທຶນ​ສະໜັບສະ​ໜູນ​ການ​ເກັບກູ້​ລະ​ເບີດທີ່​ບໍ່​ທັນ​ແຕກ ຫລື UXO ​ແລະ​ສະໜັບສະໜູນ​ການ​ບໍລິການ. ​ໃນ​ຂະ​ນະ​ທີ່​ສ່ວນ​ໃຫຍ່​ເນັ້ນ​ໜັກ​ໃສ່​ການ​ເກັບ​ກູ້​ລູກ​ລະ​ເບີດ​ທີ່​ຮ້າຍ​ແຮງ​ນັ້ນ ຫລາຍ​ກວ່າ 15,000 ຄົນ​ເປັນ​ຜູ້​ລອດ​ຊີວິດ​ຈາກ UXO ທີ່​ຕ້ອງການໆ​ປິ່ນ​ປົວ ​ແຕ່​ວ່າ​ມີ​ທາງ​ເລືອກ​ໜ້ອຍ​ດຽວ. Daniel de Carteret ລາຍ​ງານ​ແກ່ VOA ຈາກ​ແຂວງ​ຊຽງ​ຂວາງ ປະ​ເທດ​ລາວ ຊຶ່ງ ກິ່ງ​ສະຫວັນ ຈະ​ສະ​ເໜີ​ໃນ​ອັນ​ດັບ​ຕໍ່​ໄປ.

ມື້ນຶ່ງ ເມື່ອປີ 2004 ທ້າວ ຮຸ່ງ ພົມມະຈັກ ແລະ ໝູ່ຂອງລາວສອງຄົນ ໄດ້ພາກັນອອກໄປ ເຂດຊົນນະບົດ ຢູ່ໃກ້ໆກັບຄຸ້ມບ້ານຂອງພວກເຂົາເຈົ້າ ຢູ່ທາງພາກຕາເວັນອອກສຽງເໜືອ ຂອງລາວ ເພື່ອໄປຊອກຫາເສດເຫຼັກໄປຂາຍ ຊຶ່ງເປັນທາງນຶ່ງ ທີ່ພວກເຂົາເຈົ້າ ສາມາດ ສົມທົບເຂົ້າໃນລາຍໄດ້ ທີ່ບໍ່ຄ່ອຍຫຼາຍປານໃດ ຂອງຄອບຄົວຊາວໃຮ່ຊາວນາ. ພວກເຂົາ ເຈົ້າໄດ້ພົບເຫັນ ຊິ້ນສ່ວນຂອງເຫຼັກທີ່ຝັງຢູ່ເຄິ່ງນຶ່ງໃນດິນ ແລະ ກໍໄດ້ເລີ່ມຕົ້ນຂຸດມັນ ຂຶ້ນມາ.

ໝູ່ຄູ່ທັງສາມຄົນ ຈື່ໄດ້ວ່າ ມັນເປັນຊິ້ນສ່ວນກະສອບຂອງລູກລະເບີດເກົ່າ ແລະ ໄດ້ຕີລາ ຄາວ່າ ມັນບໍ່ເປັນອັນຕະລາຍອີກຕໍ່ໄປ. ພວກເຂົາເຈົ້າຕີລາຄາຜິດ.

ໂດຍຮູ້ເທົ່າບໍ່ເຖິງການ ພໍ່ຂອງລູກ 5 ຄົນ ເບິ່ງຄືວ່າໄດ້ເຮັດໃຫ້ ລະເບີດລູກວ່ານ ທີ່ຮູ້ຈັກກັນ ຢູ່ໃນລາວ ວ່າ “ລະເບີດບອມບີ້.” ນັ້ນແຕກ ສະເກັດຂອງລະເບີດ ໄດ້ທະລຸຮ່າງກາຍຂອງ ລາວ ແລະ ພວກໝູ່ຄູ່ຂອງລາວສອງຄົນນຳ. ພວກເຂົາສອງຄົນເສຍຊີວິດໃນທັນທີ ສ່ວນ ທ້າວຮຸ່ງ ໄດ້ສູນເສຍຕາເບື້ອງນຶ່ງ ແລະ ສູນເສຍແຂນທັງສອງຂ້າງ.

ທ້າວຮຸງ ພົມມະຈັກ ນັ່ງຢູ່ໂຕະກັບລູກສາວຂອງລາວ. ໃນປີ 2004 ລາວໄດ້ເສຍ ແຂນລຸ່ມສອງເບື້ອງ ແລະເສຍຕາເບື້ອງນຶ່ງ ຈາກລະເບີດແຕກໃສ່.
ທ້າວຮຸງ ພົມມະຈັກ ນັ່ງຢູ່ໂຕະກັບລູກສາວຂອງລາວ. ໃນປີ 2004 ລາວໄດ້ເສຍ ແຂນລຸ່ມສອງເບື້ອງ ແລະເສຍຕາເບື້ອງນຶ່ງ ຈາກລະເບີດແຕກໃສ່.

ໜຶ່ງທົດສະວັດຕໍ່ມາ ເຫດການດັ່ງກ່າວ ແມ່ນຍັງຄົງເປັນທີ່ແຈ່ມແຈ້ງຢູ່ສຳລັບທ້າວຮຸ່ງ ໃນ ຂະນະທີ່ຄອບຄົວຂອງລາວຊຸກຊົນໃນການປະເຊີນໜ້າກັບຊີວິດການເປັນຢູ່ໃນແຕ່ລະວັນ ອັນເປັນການເຕືອນລາວຢູ່ສະເໝີ. ຄອບຄົວ ແລະພວກເພື່ອນມິດຂອງລາວ ໄດ້ປຸ້ມລຸມກັນ ໃຫ້ການຊ່ອຍເຫຼືອຈ່າຍຄ່າໂຮງໝໍໃຫ້ ຊຶ່ງທ້າວຮຸ່ງບໍ່ມີເງິນຈະຈ່າຍເລີຍ. ພັນລະຍາຂອງ ລາວ ໃນປັດຈຸບັນນີ້ ແມ່ນກາງຕໍ່ການອູ້ມຊູຂອງພວກຄົນໃນໝູ່ບ້ານ ເພື່ອຊ່ອຍເຫຼືອຄອບ ຄົວຂອງລາວເຮັດນາ ແລະ ລູກສາວກົກຂອງລາວ ສ່ວນໃຫຍ່ໃຊ້ເວລາ ເບິ່ງແຍງໃນເລື່ອງ ຄວາມຈຳເປັນຕ່າງໆ ຂອງພໍ່ຜູ້ພິການ.

ທ້າວ​ຮຸ່ງ​ກ່າວ​ວ່າ “ມັນ​ຍາກ​ສຳລັບ​ຂ້າພະ​ເຈົ້າ. ຂ້າພະ​ເຈົ້າ​ຕ້ອງການ​ຜູ້​ໃດ​ຜູ້​ນຶ່ງ​ຊ່ວຍ​ພາ​ກິນ ​ພາ​ດື່ມ​ ​ແລະ​ພາໄປ​ຫ້ອງ​ນໍ້າ.”

ທ້າວ​ຮຸ່ງ​ອາຍຸ 52 ປີ ​ໄດ້​ກ່າວ​ເຖິງ​ຄວາມ​ຫລັງ​ວ່າ “​ເວລາ​ເກີດ​ອຸບັດ​ເຫດ ​ມັ​ນ​ເຮັດ​ໃຫ້​ຄອບ ຄົວ​ຂອງ​ຂ້າພະ​ເຈົ້າຢູ່​ດ້ວຍ​ຄວາມ​ລຳບາກ. ບໍ່​ມີ​ຜູ້ໃດ​ມີ​ເງິນ​ທີ່​ຈະ​ມາ​ລ້ຽງ​ດູ​ລູກ​ຂອງ​ຂ້າພ​ະ​ເຈົ້າ.

ກອງຊາກລະເບີດ ກາຍມາເປັນຮູບພາບທີ່ຕ້ອງເຫັນຢູ່ໃນແຕ່ລະວັນ ທີ່ແຂວງຊຽງຂວາງ ພາກເໜືອຂອງລາວ.
ກອງຊາກລະເບີດ ກາຍມາເປັນຮູບພາບທີ່ຕ້ອງເຫັນຢູ່ໃນແຕ່ລະວັນ ທີ່ແຂວງຊຽງຂວາງ ພາກເໜືອຂອງລາວ.

ລັດຖະບານ​ລາວ​ຄາດ​ຄະ​ເນ​ວ່າມີ​ປະມານ 15,000 ຄົນ​ຢູ່​ໃນ​ປະ​ເທດ​ທີ່​ໄດ້​ຮັບ​ບາດ​ເຈັບ​ຍ້ອນ​ລະ​ເບີດ​ທີ່​ບໍ່​ທັນ​ແຕກ ຫລື UXO ​ແລະ​ຕ້ອງການ​ຄວາມ​ຊ່ວຍ​ເຫລືອ ມູນເຊື້ອ​ຫຼາຍ​ປີຂອງ​ການ​ຖີ້ມລະ​ເບີດ​ລັບ ລະຫວ່າງ​ສົງຄາມ​ຕ້ານ​ເພື່ອນ​ບ້ານ​ຫວຽດນາມ. ພໍມີການ ຊ່ອຍເຫຼືອສອງສາມຢ່າງຢູ່. ນອກ​ນັ້ນ​ອີກ ປະຊາຊົນ​ສ່ວນ​ໃຫຍ່ກໍແມ່ນ​ພາກັນຢູ່ເຂດຊົນ ນະບົດພາໃຫ້ເກີດການທ້າ​ທາຍ​ໃນດ້າ​ຕ້ອງການໆ​ຊ່ວຍ​ເຫລືອ.

ທ່ານ​ນາງ Collette Mclnerney ຫົວໜ້າ​ຫ້ອງການ​ສຶກສາ​ໂລກໃນບັນດາ ​ຜູ້​ໃຫ້ການ​ຊ່ວຍ​ຫລື​ອ​ແກ່​ຜູ້​ເຄາະ​ຮ້າຍ​ບໍ່​ເທົ່າ​ໃດ​ຄົນ​ຢູ່​ໃນ​ປະ​ເທດ ກ່າວ​ວ່າ “ຍັງມີຫລາຍ​ຄົນ​ທີ່​ຕົກຢູ່​ໃນ​ສ່ອງ​ຫວ່າງ ທີ່​ພວກ​ເຮົາ​ບໍ່​ຊາບ ຈົນ​ກວ່າ​ວ່າ​ຫລາຍ​ປີ​ຫລັງ​ຈາກ​ອຸປະຕິ​ເຫດ​ຂອງ​ເຂົາ​ເຈົ້າ.”

ຫ້ອງການ​ສະຫະລັດ ທີ່​ບໍ່​ສ້າງຜົນ​ກຳ​ໄລ ຢູ່​ໃນ​ລາວ ມີ​ເງິນທຶນ​ໃຫ້ການ​ສະໜັບສະໜູນ​ພຽງ​ແຕ່ 250 ຄົນ​ທີ່​ລອດ​ຊີວິດ​ຕໍ່​ປີ.

ທ່ານ​ນາງ​ກ່າວ​ວ່າ “ສຳ​ລັບອົງການ​ສາກົນ​ທີ່​ບໍ່​ຂຶ້ນ​ກັບ​ລັດຖະບານ (INGO) ມີ​ສ່ອງ​ຫວ່າງ​ຢ່າງໃຫຍ່​ໃນການ​ໃຫ້​ທຶນ​ເພື່ອ​ບໍລິການ​ການ​ສະໜັບສະໜູນ​ຢ່າງ​ເຕັມທີ່​ແກ່​ບັນດາ​ຜູ້​ລອດ​ຊີວິດ ບໍ່​ວ່າ​ເຂົາ​ເຈົ້າ​ຢູ່ແຫ່ງໃດກໍຕາມ. ​ແລະ​ສຳລັບ​ຜູ້​ລອດ​ຊີວິດ​ເຂົາ​ເຈົ້າ​ແລ້ວ ຄວາມ​ລໍາບາກ​ດ້ານ​ການ​ເງິນ​ແກ່​ຄອບຄົວ ​ເວລາ​ຜູ້​ໃດ​ຜູ້​ນຶ່ງ​ໄດ້​ຮັບ​ບາດ​ເຈັບ ຫລືເສຍ​ຊີວິດ​ມັນເປັນ​ເລື້ອງ​ສຳຄັນ​ທີ່​ສຸດ.”

​ເປັນ​ທີ່​ຄາດ​ໄວ້​ວ່າ​ເກືອບນ່ຶງ​ສ່ວນສາມ​ ​ຂອງ​ລະ​ເບີດ​ລູກ​ວ່ານ 270 ພັນ​ລ້ານ​ໜ່ວຍທີ່​ໄດ້​ຖີ້ມລົງ​ນັ້ນ​ບໍ່​ແຕກ. ​ໃນ 40 ປີ​ຕໍ່ມາ​ຫລັງ​ຈາກ​ສົງຄາມ ບັນດາ​ພູ​ຜາ ​ແລະ​ທົ່ງໄຮ່​ທົ່ງນາ ຂອງ​ແຂວງ​ຊຽງ​ຂວາງ​ປະ​ເທດ​ລາວ ຍັງ​ເຕັມ​ໄປ​ດ້ວຍ​ເສດ​ສົງຄາມ​ທີ່ຮ້າຍ​ແຮງ ທີ່​ໄດ້​ອອກ​ແບບ​ສ້າງໃຫ້​ແຕກອອກ​ເປັນ​ຫລາຍໆຮ້ອຍ​ຕ່ອນ ​ແລະ​ຕັດ​ເນື້ອ​ໜັງ ​ແລະ​ກະ​ດູກ.

ລະຫວ່າງປີ 1964 ແລະ 1973 ສະຫະລັດໄດ້ຖີ້ມລະເບີດລົງໃສ່ປະເທດລາວ ຫລາຍກວ່າ 2 ລ້ານໂຕນ ຢູ່ສົງຄາມລັບໃນລາວ ຕາມເສັນທາງ ໂຮຈີມິນ
ລະຫວ່າງປີ 1964 ແລະ 1973 ສະຫະລັດໄດ້ຖີ້ມລະເບີດລົງໃສ່ປະເທດລາວ ຫລາຍກວ່າ 2 ລ້ານໂຕນ ຢູ່ສົງຄາມລັບໃນລາວ ຕາມເສັນທາງ ໂຮຈີມິນ

ລັດ​ຖະບານ​ມີ​ຍຸດ​ທະ​ສາດ​ຢູ່​ກັບ​ທີ່ ທີ່​ຈະ​ນຳ​ເຂົ້າ​ມາ​ພິຈາລະນາ​ຜ່ານ​ພະແນ​ກການ UXO ​ແຕ່​ວ່າ​ພະລັງ​ງານ​ທັງ​ໝົດ​ປັດຈຸບັນ​ນີ້​ໄດ້​ເນັ້ນ​ໜັກ​ໃສ່​ໜ້າ​ວຽກ​ອັນໃຫຍ່​ຫລວງ​ຂອງ​ການ​ເກັບ​ກູ້ UXO ຊຶ່ງ​ສ່ວນ​ໃຫຍ່​ຂອງ​ມັນ​ໄດ້ອາ​ໄສ​ການ​ຊ່ວຍ​ເຫລືອ​ຕ່າງປະ​ເທດ.

ທ່ານ​ກິ່ງ​ເພັດ ພິມ​ມະ​ວົງ ຜູ້​ປະສານ​ງານ​ປະຈຳ​ແຂວງຂອງ​ລັດຖະບານ​ທີ່​ພົວພັນ​ກັບ UXO ​ໃນ​ປະ​ເທດລາວ ທີ່​ເປັນ​ອົງການ​ເກັບ​ກູ້​ໃຫຍ່ທີ່​ສຸດ​ໃນ​ປະ​ເທດ ກ່າວ​ວ່າ “ປະຊາຊົນ​ຫລາຍ​ຄົນ​ໄດ້​ຮັບ​ບາດ​ເຈັບ​ຍ້ອນ​ລູກລະ​ເບີດ ​ແຕ່​ວ່າ​ໃນ​ປັດ​ຈຸ​ບັນ​ນີ້ ​ເງິນ​ທຶນ​ບໍ່​ເປັນ​ທີ່ພຽງພໍ​ໃ​ນການ​ຊ່ວຍ​ເຫລືອ​ເຂົາ​ເຈົ້າ.”

ສະຫະລັດ​ຄາດ​ວ່າ​ຈະ​ໃຫ້ການ​ເພີ້​ມ​ເງິນ​ທຶນ.

ລະຫວ່າງ​ປີ 1964 ຫາ​ປີ 1973 ສະຫະລັດ​ໄດ້​ຖີ້ມລະ​ເບີດ​ຫລາຍ​ກວ່າ 2 ​ລ້ານ​ໂຕນ​ໃສ່​ປະ​ເທດ​ລາວ ອັນເປັນພາກສ່ວນ​ປະຕິບັດ​ງານ​ລັບ ​ເພື່ອ​ຊອກ​ຫາ​ການ​ຕັດສາຍ​ລຳລຽງ ຫວຽດນາມ ຢູ່​ຕາ​ມ​ເສັ້ນທາງ Ho Chi Minh.​

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG