ເວລານີ້ ມີຊາວອາເມຣິກັນເຊື້ອສາຍເອເຊຍ ອາໄສຢູ່ໃນເຂດ Los Angeles County ຫຼາຍກວ່າແຫ່ງອື່ນໃດ ໃນສະຫະລັດ. ລາຍງານສະບັບນຶ່ງເມື່ອບໍ່ດົນມານີ້ຂອງອົງການ Asian Americans Advancing Justice L.A. ຫຼື ອົງການຊາວເອເຊຍອາເມຣິກັນທີ່ສົ່ງເສີມຄວາມຍຸຕິທໍາ ແຫ່ງເຂດ ລອສ ແອນຈີແລັສ ພົບວ່າ ຈາກປີ 2000 ຫາປີ 2010 ຊາວອາເມຣິກັນເຊື້ອສາຍເອເຊຍທີ່ອາໄສຢູ່ໃນເຂດ Los Angeles County ແທ່ນເປັນກຸ່ມຊົນຊາດທີ່ເຕີບໂຕໄວທີ່ສຸດ. ນອກນີ້ ລາຍງາຍຍັງພົບອີກວ່າ ຈໍານວນຊາວອາເມຣິກັນເຊື້ອສາຍເອເຊຍ ແລະເຊື້ອສາຍຊາວເກາະແປຊິຟິກໃນເຂດ LA ທີ່ບໍ່ມີວຽກເຮັດງານທໍາ ແລະດໍາລົງຊີວິດຢູ່ດ້ວຍຄວາມທຸກຈົນນັ້ນ ຍັງສືບຕໍ່ເຕີບໂຕຂຶ້ນໄປເລື້ອຍໆ. Elizabeth Lee ຜູ້ສື່ຂ່າວວີໂອເອ ລາຍງານກ່ຽວກັບຊາວອາເຊຍກຸ່ມນຶ່ງ ທີ່ອາໄສຢູ່ເມືອງ Long Beach ໃນຊານນະຄອນ LA ລັດແຄລິຟໍເນຍ ຊຶ່ງເປັນຖິ່ນຢູ່ອາໄສຂອງປະຊາຄົມຊາວກໍາປູເຈຍທີ່ໃຫຍ່ທີ່ສຸດ ທີ່ຢູ່ນອກກໍາປູເຈຍ. ສິງຈະນໍາເອົາລາຍລະອຽດມາສະເໜີທ່ານ.
ຜູ້ຄົນສ່ວນໃຫຍ່ຢູ່ໃນປະເທດນີ້ ແມ່ນຈະມອງບໍ່ເຫັນການດິ້ນຮົນຕໍ່ສູ້ຂອງປະຊາຄົມຕ່າງໆ
ຂອງຊາວຕ່າງດ້າວຢູ່ໃນເຂດ Los Angeles County ເຊ່ນປະຊາຄົມຊາວກໍາປູເຈຍ
ໃນເມືອງLong Beach.
Kristin Sakaguchi ນັກວິໄຈການຄົ້ນຄວ້າເວົ້າວ່າ ແຕ່ຫຼາຍໆຄົນທີ່ອາໄສຢູ່ທີ່ນີ້ແມ່ນ
ບໍ່ມີລັກສະນະທີ່ຖືວ່າເປັນສັນຍະລັກຂອງຊາວອາເມຣິກັນເຊື້ອສາຍເອເຊຍທົ່ວໄປ ຊຶ່ງ
ກໍຄືການປັບຕົວເຂົ້າງ່າຍກັບສັງຄົມຊາວອາເມຣິກັນ ແລະຄວາມສໍາເລັດນັ້ນ.
ນາງ Kristin Sakaguchi ເວົ້າວ່າ: “ປະຊາຄົມເຫຼົ່ານີ້ ຫຼາຍໆແຫ່ງແມ່ນຕົກຢູ່ໃນ
ສະພາບທີ່ດ້ອຍໂອກາດ ພໍແຕ່ຢູ່ໄປແຕ່ລະມື້ລະວັນເທົ່ານັ້ນ ແລະບໍ່ມີຄວາມມຸ້ງ
ໝາຍ ຫລືເປົ້າໝາຍໃດໆ.”
ລາຍງານສະບັບນຶ່ງເມື່ອບໍ່ດົນມານີ້ພົບວ່າ 11 ເປີເຊັນຂອງຊາວອາເມຣິກັນເຊື້ອສາຍເອ
ເຊຍຢູ່ໃນເຂດ LA County ກໍຄືນະຄອນ Los Angeles ແລະອີກຫລາຍໆເມືອງທີ່ຢູ່
ອ້ອມແອ້ມນັ້ນ ແມ່ນດໍາລົງຊີບຢູ່ໃນຄວາມທຸກຈົນ ຊຶ່ງບາງກຸ່ມກໍແມ່ນທຸກຍາກຫລາຍກ່ວາ
ກຸ່ມອື່ນໆເຊັ່ນຊາວອາເມຣິກັນເຊື້ອສາຍກໍາປູເຈຍ ທີ່ 25 ເປີເຊັນ ຖືວ່າມີຖານະທີ່ທຸກຈົນ.
Lian Cheun ປະຈໍາອົງການຍິງສາວກໍາປູເຈຍປະຕິບັດງານ ຫຼື Khmer Girls in
Action ທີ່ໃຫ້ການຊ່ວຍເຫຼືອແກ່ນັກຮຽນມັດທະຍົມເຊື້ອສາຍກໍາປູເຈຍເວົ້າວ່າ ຫຼາຍຄົນ
ບໍ່ມີການສຶກສາ ແລະເຄີຍເປັນຊາວນາຊາວສວນ ຫຼືບໍ່ກໍເປັນຄົນຫາປາມາກ່ອນ ກ່ອນ
ຈະມາຕົກສະຫະລັດ.
ນາງ Cheun ເວົ້າວ່າ: “ມັນເປັນສິ່ງທີ່ຕ້ອງຫ້າມຫຼາຍ ທີ່ຈະຮູ້ສຶກວ່າພວກເຮົາ
ຍັງທຸກຈົນຢູ່ ໃນເມື່ອວ່າພວກເຮົາບໍ່ໄດ້ຢູ່ໃນກໍາປູເຈຍແລ້ວເວລານີ້. ເພາະສະ
ນັ້ນແລ້ວ ຈຶ່ງບໍ່ມີໃຜຢາກເວົ້າເລຶ່ອງນີ້ຫຼາຍປານໃດ.”
ຊາວກໍາປູເຈຍຫຼາຍຄົນ ມາຕົກຢູ່ໃນສະຫະລັດ ໃນຖານະເປັນອົບພະຍົບ.
ນາງ Cheun ເວົ້າວ່າ: “ພວກເຮົາມາຈາກປະຫວັດສາດແຫ່ງສົງຄາມແລະການ
ຂ້າລ້າງເຊື້ອຊາດ ໃນປະເທດຂອງເຮົາ ແລະປະຊາຄົມຂອງພວກເຮົາມີອັດຕາ
ຄວາມຮູ້ສຶກຫຼອກຫຼອນ ຫຼື PTSD ທີ່ສູງທີ່ສຸດຢູ່ທີ່ນີ້ ສູງກວ່າພວກນັກລົບເກົ່າ
ທັງຫຼາຍທີ່ກັບຄືນມາສະຫະລັດ ຈາກເສິກສົງຄາມ ກໍວ່າໄດ້.”
ນັກຮຽນມັດທະຍົມປາຍຊາວອາເມຣິກັນເຊື້ອສາຍກໍາປູເຈຍຄົນນຶ່ງ ຄືນາງ Sokbrany
Yourk ເວົ້າວ່າ ພໍ່ແມ່ຂອງນາງບໍ່ເວົ້າເຖິງເລຶ່ອງອະດີດຜ່ານມາ ແລະກໍບໍ່ເຄີຍປັບໂຕເຂົ້າ
ກັບສັງຄົມອາເມຣິກັນ.
ນາງ Sokbrany ເວົ້າວ່າ: “ພໍ່ແມ່ຂ້ອຍ ທັງສອງຄົນເຮັດວຽກຢູ່ໂຮງງານປະກອບ
ຊິ້ນສ່ວນ ເປັນຊາວອົບພະຍົບຈາກກໍາປູເຈຍນໍາ ມັນຍາກຫຼາຍທີ່ພວກເພີ່ນຈະ
ປາກເວົ້າພາສາອັງກິດໄດ້.”
ນາງ Yourk ເວົ້າອີກວ່າ ຄືກັນກັບເພື່ອນນັກຮຽນຮ່ວມຫ້ອງດຽວກັບນາງ ຄອບຄົວຂອງ
ນາງຕ້ອງດິ້ນຮົນເພື່ອໃຫ້ຢູ່ລອດເພາະບໍ່ມີເງິນພໍ ໂດຍສະເພາະເລຶ່ອງເງິນຄ່າຮໍ່າຮຽນ
ສໍາລັບນາງແລະພວກນ້ອງໆຂອງນາງອີກສາມຄົນນັ້ນ.
ນາງ Yourk ເວົ້າວ່າ: “ພວກເຮົາຕ້ອງໄດ້ ປະເຊີນກັບອຸບປະສັກຕ່າງໆທາງ
ການເງິນ ທີ່ເຮັດໃຫ້ລໍາບາກຫຼາຍສໍາລັບພວກເຮົາ ທີ່ຈະສະໝັກເຂົ້າມະຫາ
ວິທະຍາໄລ ຫຼືໄປຮຽນຢູ່ບ່ອນໃດທີ່ພວກເຮົາຢາກໄປ ຍ້ອນວ່າພວກເຮົາບໍ່
ມີເງິນນັ້ນເອງ.”
ນາງ Yourk ໄດ້ເຂົ້າຮ່ວມໃນໂຄງການ Khmer Girls In Action ແລະປະກອບສ່ວນ
ໃນການປະທ້ວງຢູ່ໃນສໍານັກງານໃຫຍ່ຂອງໝວດໂຮງຮຽນໃນຄວາມຫວັງເພື່ອຈະປັບ
ປຸງສະພາບການສໍາລັບນັກຮຽນຢູ່ໃນປະຊາຄົມຂອງລາວໃຫ້ດີຂຶ້ນ. ນາງ Lian Cheun
ເວົ້າວ່າ ການຊອກຫາເງິນທຶນ ທີ່ໂຄງການ Khmer Girls ຕ້ອງການເພື່ອມາໃຊ້ຈ່າຍໃນ
ການສະໜັບສະໜຸນຊຸກຍູ້ປະຊາຄົມນັ້ນ ແມ່ນເປັນເລຶ່ອງທີ່ທ້າທາຍຢູ່.
ນາງ Cheun ເວົ້າວ່າ: “ມີຫຼາຍເທື່ອ ທີ່ພວກເຮົາບໍ່ມີຂໍ້ມູນພຽງພໍທີ່ຈະມອບໃຫ້
ພວກໃຫ້ທຶນ ເພື່ອໃຊ້ເປັນເຫດຜົນສໍາລັບສະໜອງຊັບພະຍາກອນເພີ່ມຕື່ມໃຫ້
ປະຊາຄົມນັ້ນ.”
ທີ່ບໍ່ມີຂໍ້ມູນພຽງພໍນັ້ນກໍຍ້ອນວ່າ ແຕ່ໃດໆມາແລ້ວ ຊາວອາເມຣິກັນເຊື້ອສາຍເອເຊຍທັງ
ໝົດໄດ້ຖືກມອງເຫັນວ່າເປັນຄົນກຸ່ມນຶ່ງກຸ່ມດຽວ. ນາງ Cheun ເວົ້າວ່າ ນາງຫວັງວ່າໃນ
ຕໍ່ໜ້າອົງການຕ່າງໆຂອງລັດຖະບານຈະຫລິງເຫັນຄວາມແຕກຕ່າງໃນລະຫວ່າງກຸ່ມຊົນ
ຊາວອາເມຣິກັນເຊື້ອສາຍເອເຊຍ ແລະປ່ຽນແປງວິທີທີ່ພວກເຂົາເຈົ້າເກັບກໍາຂໍ້ມູນ. ແຕ່
ແນວໃດກໍດີ ມັນກໍຈະເປັນພຽງບາດກ້າວນຶ່ງເທົ່ານັ້ນ ໃນການຊ່ວຍເຫຼືອໃຫ້ຊາວອາເມຣິ
ກັນເຊື້ອສາຍກໍາປູເຈຍ ຫລຸດພົ້ນຈາກຄວາມທຸກຈົນໄດ້.
ຜູ້ຄົນສ່ວນໃຫຍ່ຢູ່ໃນປະເທດນີ້ ແມ່ນຈະມອງບໍ່ເຫັນການດິ້ນຮົນຕໍ່ສູ້ຂອງປະຊາຄົມຕ່າງໆ
ຂອງຊາວຕ່າງດ້າວຢູ່ໃນເຂດ Los Angeles County ເຊ່ນປະຊາຄົມຊາວກໍາປູເຈຍ
ໃນເມືອງLong Beach.
Kristin Sakaguchi ນັກວິໄຈການຄົ້ນຄວ້າເວົ້າວ່າ ແຕ່ຫຼາຍໆຄົນທີ່ອາໄສຢູ່ທີ່ນີ້ແມ່ນ
ບໍ່ມີລັກສະນະທີ່ຖືວ່າເປັນສັນຍະລັກຂອງຊາວອາເມຣິກັນເຊື້ອສາຍເອເຊຍທົ່ວໄປ ຊຶ່ງ
ກໍຄືການປັບຕົວເຂົ້າງ່າຍກັບສັງຄົມຊາວອາເມຣິກັນ ແລະຄວາມສໍາເລັດນັ້ນ.
ນາງ Kristin Sakaguchi ເວົ້າວ່າ: “ປະຊາຄົມເຫຼົ່ານີ້ ຫຼາຍໆແຫ່ງແມ່ນຕົກຢູ່ໃນ
ສະພາບທີ່ດ້ອຍໂອກາດ ພໍແຕ່ຢູ່ໄປແຕ່ລະມື້ລະວັນເທົ່ານັ້ນ ແລະບໍ່ມີຄວາມມຸ້ງ
ໝາຍ ຫລືເປົ້າໝາຍໃດໆ.”
ລາຍງານສະບັບນຶ່ງເມື່ອບໍ່ດົນມານີ້ພົບວ່າ 11 ເປີເຊັນຂອງຊາວອາເມຣິກັນເຊື້ອສາຍເອ
ເຊຍຢູ່ໃນເຂດ LA County ກໍຄືນະຄອນ Los Angeles ແລະອີກຫລາຍໆເມືອງທີ່ຢູ່
ອ້ອມແອ້ມນັ້ນ ແມ່ນດໍາລົງຊີບຢູ່ໃນຄວາມທຸກຈົນ ຊຶ່ງບາງກຸ່ມກໍແມ່ນທຸກຍາກຫລາຍກ່ວາ
ກຸ່ມອື່ນໆເຊັ່ນຊາວອາເມຣິກັນເຊື້ອສາຍກໍາປູເຈຍ ທີ່ 25 ເປີເຊັນ ຖືວ່າມີຖານະທີ່ທຸກຈົນ.
Lian Cheun ປະຈໍາອົງການຍິງສາວກໍາປູເຈຍປະຕິບັດງານ ຫຼື Khmer Girls in
Action ທີ່ໃຫ້ການຊ່ວຍເຫຼືອແກ່ນັກຮຽນມັດທະຍົມເຊື້ອສາຍກໍາປູເຈຍເວົ້າວ່າ ຫຼາຍຄົນ
ບໍ່ມີການສຶກສາ ແລະເຄີຍເປັນຊາວນາຊາວສວນ ຫຼືບໍ່ກໍເປັນຄົນຫາປາມາກ່ອນ ກ່ອນ
ຈະມາຕົກສະຫະລັດ.
ນາງ Cheun ເວົ້າວ່າ: “ມັນເປັນສິ່ງທີ່ຕ້ອງຫ້າມຫຼາຍ ທີ່ຈະຮູ້ສຶກວ່າພວກເຮົາ
ຍັງທຸກຈົນຢູ່ ໃນເມື່ອວ່າພວກເຮົາບໍ່ໄດ້ຢູ່ໃນກໍາປູເຈຍແລ້ວເວລານີ້. ເພາະສະ
ນັ້ນແລ້ວ ຈຶ່ງບໍ່ມີໃຜຢາກເວົ້າເລຶ່ອງນີ້ຫຼາຍປານໃດ.”
ຊາວກໍາປູເຈຍຫຼາຍຄົນ ມາຕົກຢູ່ໃນສະຫະລັດ ໃນຖານະເປັນອົບພະຍົບ.
ນາງ Cheun ເວົ້າວ່າ: “ພວກເຮົາມາຈາກປະຫວັດສາດແຫ່ງສົງຄາມແລະການ
ຂ້າລ້າງເຊື້ອຊາດ ໃນປະເທດຂອງເຮົາ ແລະປະຊາຄົມຂອງພວກເຮົາມີອັດຕາ
ຄວາມຮູ້ສຶກຫຼອກຫຼອນ ຫຼື PTSD ທີ່ສູງທີ່ສຸດຢູ່ທີ່ນີ້ ສູງກວ່າພວກນັກລົບເກົ່າ
ທັງຫຼາຍທີ່ກັບຄືນມາສະຫະລັດ ຈາກເສິກສົງຄາມ ກໍວ່າໄດ້.”
ນັກຮຽນມັດທະຍົມປາຍຊາວອາເມຣິກັນເຊື້ອສາຍກໍາປູເຈຍຄົນນຶ່ງ ຄືນາງ Sokbrany
Yourk ເວົ້າວ່າ ພໍ່ແມ່ຂອງນາງບໍ່ເວົ້າເຖິງເລຶ່ອງອະດີດຜ່ານມາ ແລະກໍບໍ່ເຄີຍປັບໂຕເຂົ້າ
ກັບສັງຄົມອາເມຣິກັນ.
ນາງ Sokbrany ເວົ້າວ່າ: “ພໍ່ແມ່ຂ້ອຍ ທັງສອງຄົນເຮັດວຽກຢູ່ໂຮງງານປະກອບ
ຊິ້ນສ່ວນ ເປັນຊາວອົບພະຍົບຈາກກໍາປູເຈຍນໍາ ມັນຍາກຫຼາຍທີ່ພວກເພີ່ນຈະ
ປາກເວົ້າພາສາອັງກິດໄດ້.”
ນາງ Yourk ເວົ້າອີກວ່າ ຄືກັນກັບເພື່ອນນັກຮຽນຮ່ວມຫ້ອງດຽວກັບນາງ ຄອບຄົວຂອງ
ນາງຕ້ອງດິ້ນຮົນເພື່ອໃຫ້ຢູ່ລອດເພາະບໍ່ມີເງິນພໍ ໂດຍສະເພາະເລຶ່ອງເງິນຄ່າຮໍ່າຮຽນ
ສໍາລັບນາງແລະພວກນ້ອງໆຂອງນາງອີກສາມຄົນນັ້ນ.
ນາງ Yourk ເວົ້າວ່າ: “ພວກເຮົາຕ້ອງໄດ້ ປະເຊີນກັບອຸບປະສັກຕ່າງໆທາງ
ການເງິນ ທີ່ເຮັດໃຫ້ລໍາບາກຫຼາຍສໍາລັບພວກເຮົາ ທີ່ຈະສະໝັກເຂົ້າມະຫາ
ວິທະຍາໄລ ຫຼືໄປຮຽນຢູ່ບ່ອນໃດທີ່ພວກເຮົາຢາກໄປ ຍ້ອນວ່າພວກເຮົາບໍ່
ມີເງິນນັ້ນເອງ.”
ນາງ Yourk ໄດ້ເຂົ້າຮ່ວມໃນໂຄງການ Khmer Girls In Action ແລະປະກອບສ່ວນ
ໃນການປະທ້ວງຢູ່ໃນສໍານັກງານໃຫຍ່ຂອງໝວດໂຮງຮຽນໃນຄວາມຫວັງເພື່ອຈະປັບ
ປຸງສະພາບການສໍາລັບນັກຮຽນຢູ່ໃນປະຊາຄົມຂອງລາວໃຫ້ດີຂຶ້ນ. ນາງ Lian Cheun
ເວົ້າວ່າ ການຊອກຫາເງິນທຶນ ທີ່ໂຄງການ Khmer Girls ຕ້ອງການເພື່ອມາໃຊ້ຈ່າຍໃນ
ການສະໜັບສະໜຸນຊຸກຍູ້ປະຊາຄົມນັ້ນ ແມ່ນເປັນເລຶ່ອງທີ່ທ້າທາຍຢູ່.
ນາງ Cheun ເວົ້າວ່າ: “ມີຫຼາຍເທື່ອ ທີ່ພວກເຮົາບໍ່ມີຂໍ້ມູນພຽງພໍທີ່ຈະມອບໃຫ້
ພວກໃຫ້ທຶນ ເພື່ອໃຊ້ເປັນເຫດຜົນສໍາລັບສະໜອງຊັບພະຍາກອນເພີ່ມຕື່ມໃຫ້
ປະຊາຄົມນັ້ນ.”
ທີ່ບໍ່ມີຂໍ້ມູນພຽງພໍນັ້ນກໍຍ້ອນວ່າ ແຕ່ໃດໆມາແລ້ວ ຊາວອາເມຣິກັນເຊື້ອສາຍເອເຊຍທັງ
ໝົດໄດ້ຖືກມອງເຫັນວ່າເປັນຄົນກຸ່ມນຶ່ງກຸ່ມດຽວ. ນາງ Cheun ເວົ້າວ່າ ນາງຫວັງວ່າໃນ
ຕໍ່ໜ້າອົງການຕ່າງໆຂອງລັດຖະບານຈະຫລິງເຫັນຄວາມແຕກຕ່າງໃນລະຫວ່າງກຸ່ມຊົນ
ຊາວອາເມຣິກັນເຊື້ອສາຍເອເຊຍ ແລະປ່ຽນແປງວິທີທີ່ພວກເຂົາເຈົ້າເກັບກໍາຂໍ້ມູນ. ແຕ່
ແນວໃດກໍດີ ມັນກໍຈະເປັນພຽງບາດກ້າວນຶ່ງເທົ່ານັ້ນ ໃນການຊ່ວຍເຫຼືອໃຫ້ຊາວອາເມຣິ
ກັນເຊື້ອສາຍກໍາປູເຈຍ ຫລຸດພົ້ນຈາກຄວາມທຸກຈົນໄດ້.
