ລິ້ງ ສຳຫລັບເຂົ້າຫາ

logo-print

ທົ່ວໂລກສູນເສຍເງິນໄປ ຫຼາຍຮ້ອຍພັນລ້ານໂດລາ ຍ້ອນການຕັດແລະຄ້າໄມ້ເຖື່ອນ


ປ່າໄມ້ແຫ່ງນຶ່ງ ໃນຫຼາຍແຫ່ ງ ຢູ່ປະເທດເຂດຮ້ອນ ທີ່ຖືກທໍາລາຍ
ອົງການ​ສະຫະ​ປະຊາ​ຊາດ​ກ່າວ​ວ່າ ກຸ່ມຈັດ​ຕັ້ງ​ອາຊະຍາ​ກໍາ​ ​ແມ່ນ
ມີ​ສ່ວນ​ພົວພັນນໍາຫລາຍ​ຮອດ 30 ​ເປີ​ເຊັນ ຂອງ​ການຕັດ​ແລະ​ຄ້າ
​ໄມ້​ທ່ອນ​ເຖື່ອນ​ຢູ່​ໃນ​ທົ່ວ​ໂລກ ແລະ​ຫຼາຍ​ກວ່າ​ເຄິ່ງນຶ່ງ​ ຢູ່ໃນບາງ
ປະ​ເທດ​ເຂດ​ຮ້ອນທີ່​ສໍາຄັນ. ລາຍ​ງານ​ໃໝ່​ສະບັບ​ນຶ່ງ​ ໂດຍໂຄງ
ການ​ສະພາບ​ແວດ​ລ້ອມ​ຂອງ​ສະຫະ​ປະ ຊາ​ຊາດ ຫຼື UNEP ​ແລະ
​ອົງການ​ຕໍາຫຼວດ​ສາກົນ ຫຼື INTERPOL ເວົ້າວ່າ ກິດຈະກໍາທີ່ຜິດ
ກົດໝາຍອັນ​ນີ້ ກໍາລັງຫັນ​ເຫ​ເອົາລາຍໄດ້ຈໍານວນ ຫຼາຍພັນລ້ານ
ໂດລາອອກ​ໄປ​ຈາກງົບປະມານການພັດທະນາສ້າງສາ​ປະ​ເທດ.

ລາຍ​ງານ​ຮ່ວມ​ສະບັບ​ດັ່ງກ່າວ ​ທີ່​ມີ​ຊື່ວ່າ “ຄາບ​ອນສີຂຽວ/ການ
​ຄ້າມືດ” ເວົ້າ​ວ່າ ​ເງິນ​ຈໍານວນ​ລະຫວ່າງ 30 ​ແລະ 100 ພັນ​ລ້ານ
​ໂດ​ລາ ຕ້ອງສູນ​ເສຍ​ໄປ​ໃນ​ແຕ່ລະ​ປີ ​ຍ້ອນ​ການຕັດ​ແລະ​ຄ້າ​ໄມ້
​ຜິດ​ກົດໝາຍ. ການສູນເສຍດັ່ງກ່າວ​ນີ້ ​ສ່ວນ​ໃຫຍ່​ແມ່ນລວມ​ຢູ່​ໃນ
​ບັນດາ​ປະ​ເທດ​ທີ່​ມີ​ການຕັດ​ໄມ້ທ່ອນ​ລາຍ​ໃຫຍ່ໆ ​ໃນ​ຂົງ​ເຂດອາ​ຟຣິກາ​ກາງ ​ເຂດອ່າງ​ແມ່​ນໍ້າ
ອ​ະ​ມ​າຊອນ ​ແລະ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້.

ນອກຈາກຍາດ​ແຍ່ງ​ເອົາ​ລາຍ​ໄດ້ໄປ​ຈາກການ​ພັດທະນາ​ແລ້ວ ການຕັດ​ແລະຄ້າໄມ້​ເຖື່ອນ​ຍັງ​ສ້າງ​ຄວາມ​ເສຍ​ຫາຍໃຫ້​ແກ່​ຄວາມ​ພະຍາຍາມ​ເພື່ອ​ລົດ​ຜ່ອນ​ສະພາບ​ດິນ​ຟ້າ​ອາກາດ​ປ່ຽນ​ແປງ ​ແລະ​ຍັງ​ນໍາ​ໄປ​ສູ່​ການ​ຂາດ​ສະຖຽນ​ລະ ພາບ​ທາງ​ການ​ເມືອງ​ອີກ​ດ້ວຍ. ອົງການ ຢູ​ເນັບ (UNEP) ກ່າວ​ວ່າ ການ​ຕັດ​ໄມ້​ທໍາລາຍ​ປ່າ ຊຶ່ງ​ສ່ວນ​ໃຫຍ່​ແມ່ນ​ຈາກ​ການ​ຕັດ​ໄມ້​ທ່ອນ​ຢູ່​ໃນ​ພວກ​ປ່າ​ດົງດິບ​ເຂດ​ຮ້ອນ ​ແມ່ນເປັນ​ຕົວ​ການ​ຮັບຜິດຊອບ​ເກືອບ​ 20 ​ເປີ​ເຊັນຂອງ​ການ​ປ່ອຍ
​ແກ​ສພິດ​ຄາບ​ອນທັງໝົດ ຫຼື 50 ເປີ​ເຊັນ​ຫຼາຍ​ກວ່າປະລິມານ​ທີ່ປ່ອຍ​ອອກ​ມາ​ຈາກ​ກໍ່າ​ປັ່ນ ​ເຮືອບິນ ​ແລະການ​ຂົນ​ສົ່ງ​ທາງພາກ​ພື້ນ​ດິນ​ລວມກັນ.

ລາຍ​ໄດ້​ຈາ​ກການ​ຄ້າ​ໄມ້​ທ່ອນ​ຜິດ​ກົດໝາຍ ​ແມ່ນ​ໄດ້ຖືກ​ນໍາ​ເອົາ​ໄປ​ໃຊ້​ໂດຍ​ກຸ່ມກະບົດແລະ
ກຸ່ມ​ກໍ່​ການ​ຮ້າຍ​ຕ່າງໆ ຈາກ​ຕັ້ງ​ແຕ່​ກຸ່​ມຂະເໝນ​ແດງ​ໃນກໍ​ປູ​ເຈຍ ​ໃນຊຸມ​ປີ 1970 ​ໄປ​ຈົນເຖິງ
ກຸ່ມກອງທັບ​ຕໍ່ຕ້ານ​ຂອງ​ພະ​ເຈົ້າ ຫລື Lord’s Resistance Army ​ໃນ​ປະ​ເທດ​ຢູກັນດາ.

ບາງ​ກຸ່​ມ ​ເຊັ່ນ ກຸ່ມ​ທະຫານ​ບ້ານ ​ໃນ​ເຂດ Kivu ​ເໜືອ ປະ​ເທດ​ສາທາລະນະລັດປະຊາທິປະ
​ໄຕຄອງ​ໂກ ​ແມ່ນ​ໄດ້​ພົວພັນ​ໃນ​ກິດຈະກໍາຜິດ​ກົດໝາຍ​ຫຼາຍ​ຢ່າງ​ ທີ່​ສົ່ງ​ຜົນ​ສະທ້ອນໃນ​ລະດັບ​ສາກົນ ອັນ​ໂຮມ​ທັງ​ການ​ລັກລອບ​ຂ້າ​ແຮດ​ ຊ້າງ ​ແລະສັດສາ​ວາສິ່ງ​ອື່ນໆ ພ້ອມ​ທັງ​ການ​ຕັດ​ແລະ​ຄ້າ​ໄມ້​ທ່ອນ​ຜິດ​ກົດໝາຍອີກ​ດ້ວຍ.

Christian Nellemann ​ ເຈົ້າໜ້າ​ທີ່​ອາວຸ​ໂສ​ປະ​ຈໍາ​ໜ່ວຍ​ຕອບ​ສະໜອງທັນທີ​ຂອງ ຢູ​ເນັບ UNEP ​ແລະ​ເປັນບັນນາທິການຂອງ​ລາຍ​ງານ​ດັ່ງກ່າວ ​ເວົ້າວ່າ ​ໃນ​ເຂດ​ຕາ​ເວັນ​ອອກສຽງ​ເໜືອ​ຂອງ​ຄອງ​ໂກນັ້ນ ພວກ​ທະຫານ​ບ້ານ ມັກ​ຈະ​ເຮັດຂໍ້​ຕົກລົງ​ສັນຕິພາບ​ກັບ​ຝ່າຍ​ລັດຖະບານ ທີ່​ໂຮມ​ທັງ​ໃຫ້​ຖອນດ່ານ ​ກວດ​ລົດ​ຕ່າງໆ ​ເພື່ອ​ເຮັດ​ໃຫ້ການ​ຂົນ​ສົ່ງ​ໄມ້​ສະດວກງ່າຍ​ຂຶ້ນ. ນອກ​ນີ້ແລ້ວ ພວກ​ທະຫານ​ບ້ານ​ຍັງ​ໄດ້​ຖາງ​ປ່າ​ ເພື່​ອ​ເອົາ​ໄມ້​ໄປ​ເຮັດ​ຖ່ານດັງ​ໄຟ ສໍາລັບການ​ຄ້າ​ຖ່ານ​ ທີ່​ຈະ​ເຣີນງອກ​ງາມ ທີ່​ຢູ​ເອັນປະ​ເມີນວ່າ​ ມີ​ມູນ​ຄ່າ 28 ລ້ານ​ກວ່າ​ໂດ​ລາ​ຕໍ່​ປີ.

ທ່ານ ​ເນລ​ແມນ ອະທິ​ບາຍ​ວ່າ: “​ໃນ​ລະຫວ່າງ​ການ​ຕໍ່ສູ້​ກັນນັ້ນ ພວກ​ທະຫານບ້ານຈະ​ຂັບ​ໄລ່​ພວກ​ປະຊາຊົນ​ຫຼາຍ​​ແສນຄົນ​ໃຫ້​ເຂົ້າ​ໄປ​ອາ​​ໄສ​ຢູ່​ໃນ​ຄ້າຍແຫ່ງ​ຕ່າງໆ. ຊາວ​ອົບ​ພະຍົບ​ເຫຼົ່າ​ນີ້ ​ເວລາ​ພວກ​ເຂົາ​ເຈົ້າຄົວ​ຢູ່​ຄົວກິນ ພວກ​ເຂົາກໍຕ້ອງ​ມີ​ຖ່ານ​ດັງ​ໄຟ. ດັ່ງ​ນັ້ນ ພວກ​ທະຫານ​ບ້ານ ຫຼັງ​ຈາກ​ໄດ້​ຂັບໄລ່​ພວກ​ຄົນ​ເຫຼົ່າ​ນີ້​ ເຂົ້າ​ໄປ​ອາ​​ໄສ​ຢູ່​ໃນ​ຄ້າຍ​ອົບ​ພະຍົບ​ແລ້ວ ກໍ​ພາກັນ​ຕັດ​ໄມ້ ​ເອົາ​ມາ​ເຜົາ​ເຮັດ​ຖ່ານ​ດັງ​ໄຟ ​ແລ້​ວກໍ​ນໍາ​ເອົາ​ໄປ​ຂາຍ​ໃຫ້​ຊາວ​ອົບ​ພະຍົບ​ເຫຼົ່ານັ້. ສິ່ງທີ່​ພວກ​ເຮົາ​ຍັງເຫັນ​ອີກ​ຢ່າງ​ນຶ່ງ​ຢູ່​ໃນ​ຂົງ​ເຂດ​ເຫຼົ່າ​ນີ້ ກໍ​ຄືພວກກຸ່ມ​ທະຫານ​ ຕ່າງ​ໆ​ເຫລົ່າ​ນັ້ນ ​ໂຮມ​ທັງ​ກອງທັບ​ຢູ່​ໃນ​ຂົງ​ເຂດ ຍັງ​ພາກັນ​ເກັບພາສີ​ສໍາລັບ​ຖ່ານ​ດັງ​ໄຟ​ທີ່​ຂົນໄປ​ຍັງ​ຄ້າຍ​ອົບ​ພະ​ຍົບ​ແຫ່ງ​ຕ່າງໆນັ້ນ​ອີກ.

ທ່ານ Nellemann ກ່າວ​ຕໍ່​ໄປ​ວ່າ ກະບວນການ​ກໍ່​ອາຊະ​ຍາກໍາທີ່​ມີ​ການຈັດ​ຕັ້ງ ​ໄດ້​ຫັນ​ມາ​ໃຊ້​ວິທີ​ການ​ທີ່​ກ້າວໜ້າ​ທັນ​ສະ​ໄໝ​ຫຼາຍ​ຂຶ້ນຕະຫຼອດ​ໄລຍະ​ສິບ​ປີຜ່ານມາ.

ພວກ​ອາຊະຍາ​ກອນມັກ​ຈະ​ເຈາະ​ເຂົ້າ​ເວັບ​ໄຊ້ຂອງ​ລັດຖະບານ ​ເພື່ອ​ຄັດເອົາສໍາ​ເນົາໃບອະນຸ
ຍາດ​ຕັດ​ແລະ​ຄ້າ​ໄມ້​ທ່ອນ ​ແລະ​ກໍ​ໄດ້​ປອມ​ແປງເອກະສານ​ຕ່າງໆ ທີ່ປະກາດ​ວ່າ​ໄມ້​ທີ່​ພວກ​ເຂົາ​ສົ່ງ​ຂາຍ​ນັ້ນ​ ແມ່ນໄດ້​ຮັບອະນຸຍາດ​ໃຫ້ຕັດ​ໄດ້ຢ່າງຖືກຕ້ອງ​ຕາມ​ກົດໝາຍ. ທ່ານ​ເນລ​ແມນ ກ່າວ​ອີກ​ວ່າ ​ໃນ​ບາງ​ແຫ່ງ​ນັ້ນ ​ເຊັ່ນ ທີ່​ປ​ະ​ເທດ​ບຣາຊິ​ລ ກຸ່ມ​ຄ້າ​ໄມ້​ໃຫຍ່ໆ​ທັງຫຼາຍ​ຮອດຮູ້​ຈັກ ເນື້ອ​ໃນ​ຂອງ​ສັນຍາ​ສອງ​ຝ່າຍຕ່າງໆ​ລະຫວ່າງ​ລັດຖະບານ ກ່ອນມີ​ການ​ລົງ​ນາມ​ກັນດ້ວຍ​ຊໍ້າ.

ທ່ານ ​ເນລ​ແມນ ​ກ່າວ​ຕື່ມ​ວ່າ: “ນຶ່ງ​ໃນ​ຫຼາຍວິທີ​ໂກງ​ໃຫຍ່ໆ ທີ່​ພວກ​ເຮົາ​ເຫັນ​ໃນປັດຈຸບັນ​ນີ້
ກໍ​ຄື​ການ​
ຟອກ​ໄມ້ໃນ​ລະດັບ​ກວ້າງຂວາງທີ່​ສຸດ ຄືກຸ່ມຄ້າ​ໄມ້ຜິດ​ກົດໝາຍທັງຫຼາຍ​ ໂດຍ​ພື້ນຖານ​ແລ້ວ ​ແມ່ນຟອກໄມ້​ເຖື່ອນ​ນັ້ນ​ຂາຍ ຜ່ານ​ກຸ່ມ​ປູກຝັງ​ ຊຶ່ງຕາມ​ຈິງ​ແລ້ວ​​ເປັນພຽງ​ສາກ​ບັງ​ໜ້າ ມີ​ຊື່ແຕ່​ຢູ່​ໃນເຈັ້ຍ​ເທົ່າ​ນັ້ນ. ດັ່ງ​ນັ້ນ ​ໃນ​ປະ​ເທດ​ບຣາຊິ​ລ ​ແລະ​ໃນ​ຂົງ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້ ຈຶ່ງມີໜັງສື​ສໍາ​ປະທານ ຫຼາຍ​ຮ້ອຍ​ຫຼາຍ​ພັນ​ໃບ ສໍາລັບ​ສວນເພາະ​ປູກ​ຕົ້ນປາມນໍ້າມັນ ສວນ​ກ​ະ​ເສດ ​ແລະ​ປູກ​ຕົ້ນ​ໄມ້ ທີ່​ມີແຕ່​ໃນເຈັ້ຍ​ເທົ່າ​ນັ້ນ ​ແຕ່ກໍຜະລິດໄມ້​ທ່ອນຢ່າງ​ຫຼວງ​ຫຼາຍ​ ທີ່​ສະທ້ອນ​ໃຫ້​ເຫັນ​ເຖິງການຟອກ​ໄມ້ດັ່ງກ່າວ.

ລາຍ​ງານ​ຮ່ວມ​ຂອງ​ອົງການ ຢູ​ເນັບ ​ແລະ ອິນ​ເຕີ​ໂພ​ລ ກ່າວ​ວ່າ ຢູ່ໃນ​ອິນ​ໂດ​ເນ​ເຊຍ​ນັ້ນ ປະລິ​ມານ​ໄມ້​ທີ່​ຄິດ​ກັນ​ວ່າ ຕັດ​ມາ​ຈາກ​ສວນ​ເຫລົ່າ​ນັ້ນ ​ໄດ້​ເພີ່ມ​ຂຶ້ນ​ຈາກ ບໍ່​ຮອດ 4 ລ້ານ​ແມັດ​ກ້ອນ ​ເປັນຫລາຍ​ກ່ວາ 22 ລ້ານແມັດກ້ອນ ​ໃນ​ປີ 2008.

ຊ່ຽວຊານກ່າວວ່າ ຢູ່ກໍາປູເຈຍ ຍັງເຫລືອປ່າແຕ່ພຽງ 30% ຍ້ອນການຕັດໄມ້ເຖື່ອນແບບນີ້.
ຊ່ຽວຊານກ່າວວ່າ ຢູ່ກໍາປູເຈຍ ຍັງເຫລືອປ່າແຕ່ພຽງ 30% ຍ້ອນການຕັດໄມ້ເຖື່ອນແບບນີ້.

ທ່ານ Nellemann ກ່າວ​ຕໍ່​ໄປ​ວ່າ ​ເວລາ​ນີ້ ​ແມ່ນ​ມີ​ຄວາມ​ຈໍາ​ເປັນ
ສໍາ​ລັບການ​ຮ່ວມ​ມື​ລະຫວ່າງ​ປະ​ເທ​ດຫລາຍ​ຂຶ້ນ ​ເພື່ອ​ປາບ​ປາມ
​ການ​ຕັດ​ໄມ້​ທ່ອນ​ຜິດ​ກົດໝາຍ ​ແລະ​ອາຊະຍາ​ກໍາ​ຂ້າມ​ຊາດ​ອື່ນໆ
​ແລະວ່າ ອົງການ ຢູເນັບ ກໍາລັງປະຕິບັດ​ງານ​ກັບ​ອົງການ​ຕໍາຫຼວດ
​ສາກົນ ກ່ຽວ​ກັບ​ໂຄງການ​ນຶ່ງ ທີ່​ເອີ້ນ​ວ່າ LEAF ຫຼື ການ​ຊ່ວຍ​ເຫຼືອ
​ດ້ານ​ປະຕິບັດ​ກົດໝາຍ​ແກ່ປ່າ​ໄມ້ ​ຊຶ່ງ ​ໄດ້​ຮັບ​ທຶນ​ຊ່ວຍ​ເຫລືອ​ຈາກ
​ລັດຖະບານ Norway ແລະ​ອົງການການ​ຮ່ວມມື​ເພື່ອ​ການ​ພັດທະ
ນາ​ຂອງ​ນໍ​ເວ.

​ໂຄງການ​ທີ່​ວ່າ​ນີ້​ແມ່ນ​ປະຕິບັດ​ຮ່ວມ​ກັນ​ກັບ ​ກໍາລັງຕໍາຫຼວດ​ແຫ່ງ​
ຊາດ​ ເພື່ອ​ກວາດ​ລ້າງກຸ່ມອາຊະຍາ​ກໍາ​ຄ້າ​ໄມ້ ​ແລະ​ເກັບ​ກໍາ​ຂໍ້​ມູນກ່ຽວ​ກັບອົງການ​ຈັດ​ຕັ້ງ​
ຂອງ​ພວກອາຊະຍາກອນ ​ແລະຄູ່​ຄ້າ​ຂາຍຂອງ​ພວກ​ເຂົາ ຊຶ່ງສ່ວນ​ຫຼາຍ​ ​ມີ​ຖານ​ປະຕິບັດການ​ ຢູ່ຂົງ​ເຂດ​ອ​າ​ເມ​ຣິກາ​ເໜືອ, ຢູ​ໂຣບ ​ແລະ ຈີນ.

ທ່ານ ​ເນລ​ແມນ​ ກ່າວ​ອີກ​ວ່າ ​ໃນ​ບາງ​ກໍລະນີ​ນັ້ນ ກໍຈໍາ​ເປັນ​ຕ້ອງໄດ້​ໃຊ້​ກໍາລັງທະຫານ.

ທ່ານ ​ເນລ​ແມນ​ ກ່າວວ່າ ພວກ​ເຮົາ​ເຄີຍ​ເຫັນການ​ເຂົ້າ​ໄປ​ແຊກ​ແຊງ​ໂດຍ​ກົງ​ຂອງກອງທັບ​ເຮືອ​ແລະ​ກອງທັບ​ບົກ​ຂອງ​ອິນ​ໂດ​ເນ​ເຊຍ ຍ້ອນ​ວ່າ​ລະດັບ​ການ​ປະກອບ​ອາວຸດ​ຂອງພວກ
ແກ໊ງຄ້າ​ຜິດ​ກົດໝາຍ​ເຫຼົ່າ​ນີ້. ໃນ​ປະ​ເທດ​ບຣາຊິ​ລນັ້ນ ຕໍາຫຼວດ​ລັດຖະບານກາງ​​ ໄດ້​ປະຕິບັດ​ງານ​ຢ່າງ​ມີປະສິດທິ​ຜົນ​ໃນ​ການ​ຊີ້​ນໍາ​ການ​ປະຕິບັດ​ການຂອງ​ໜ່ວຍ SWAT. ພວກ​ເຮົາ​ຮູ້​ດີ​ວ່າ ​ເພື່ອ​ຈະປາບ​ປາມ​ອົງການ​ອາຊະຍາ​ກໍາ​ຂ້າມ​ຊາດ​ນັ້ນ ພວກ​ເຮົາຈໍາ​ເປັນຕ້ອງ​ມີ ການ​ດໍາ​ເນີນ​ຄວາມ​ພະຍາຍາມ​​ໃນ​ການບັງຄັບ​​ໃຊ້ກົດໝາຍຢ່າງ​ເຕັມ​ອັດຕາ.

ທ່ານ ​ເນລ​ແມນ​ ກ່າວ​ມ້ວນທ້າຍ​ວ່າ ພາຍ​ໃຕ້​ໂຄງການ LEAF ຫຼື ການ​ຊ່ວຍ​ເຫຼືອ​ດ້ານ​ປະຕິບັດ​ກົດໝາຍ​ແກ່ປ່າໄມ້ນັ້ນ ບັນດາ​ເຈົ້າໜ້າ​ທີ່​ລະດັບ​ຊາດ​ສາມາດ​ວາງ​ຂໍ້​ຈໍາກັດ​ຕໍ່​ການ​ສົ່ງ​ອອກ​ໄມ້​ທ່ອນ ຢູ່​ໃນ​ເຂດ​ທີ່​ມີ​ການ​ປະຕິບັດ ການ​ຜິດ​ກົດໝາຍສູງ​ທີ່​ສຸດ. ອົງການ​ຕໍາຫຼວດ​ສາກົນ ຫຼື INTERPOL ​ຈະ​ຊີ້​ຕົວ​ແລະລະບຸ​ຊື່​ພວກບໍລິສັດ ​ທີ່​ປະຕິບັດ​ການ ຫລື​ຮັບ​ຊື້​ຈາກ​ຂົງ​ເຂດທີ່​ມີ​ການ​ຕັດ​ແລະ​ຂາຍ​ໄມ້​ທ່ອນ​ຜິດ​ກົດໝາຍ ​ແລະຊຸກຍູ້​ບໍ່​ໃຫ້​ມີ​ການ​ລົງທຶນ​ເພີ່ມ​ຕື່ມຢູ່​ໃນ​ເຂດ​ເຫລົ່າ​ນັ້ນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG