ລິ້ງ ສຳຫລັບເຂົ້າຫາ

ສະຖິຕິ ການຈົດ ທະບຽນການເກີດ ໃນປະເທດພວມພັດທະນາ ຍັງຕໍ່າຫຼາຍ


ອົງການສະຫະປະຊາຊາດເວົ້າວ່າ ພວກປະຊາ ຊົນທີ່ບໍ່ໄດ້ ຈົດທະບຽນການເກີດ ບໍ່ພຽງແຕ່ຈະບໍ່ມີສິດ ໄດ້ຮັບການຮັກສາ ສຸຂະພາບ ແລະເຂົ້າໂຮງຮຽນເທົ່ານັ້ນ ແຕ່ຍັງ​ຕົກ​ຢູ່​ໃນ​ສະພາບ ​ທີ່ຖືກລະເມີດສິດທິ ຫລາຍ​ກ່ວາ​ພວກ​ທີ່​ໄດ້​ຈົດ​ທະບຽນ.
ປະຊາຊົນຫຼາຍສິບລ້ານຄົນ ທີ່ອາ​ໄສຢູ່ໃນກຸ່ມປະເທດພວມພັດ
ທະນາ ບໍ່ໄດ້ຈົດທະທຽນ ການເກີດ ຊຶ່ງໝາຍເຖິງວ່າ ບໍ່ມີການຮັບ ຮູ້ທາງຕົວບົດກົດໝາຍຂອງສະຖານະພາບປະຊາກອນຂອງ
ພວກເຂົາເຈົ້າ. ອົງການສະຫະປະຊາຊາດເວົ້າວ່າ ພວກປະຊາ ຊົນທີ່ບໍ່ໄດ້ຈົດທະບຽນການເກີດດັ່ງກ່າວນັ້ນ ບໍ່ພຽງແຕ່ຈະບໍ່ມີສິດ ໄດ້ຮັບການຮັກສາສຸຂະພາບ ແລະເຂົ້າໂຮງຮຽນເທົ່ານັ້ນ ແຕ່ຍັງ​
ຕົກ​ຢູ່​ໃນ​ສະພາບ​ທີ່ຖືກລະເມີດສິດທິຫລາຍ​ກ່ວາ​ພວກ​ທີ່​ໄດ້​ຈົດ​
ທະບຽນ. Ron Corben ຜູ້ສື່ຂ່າວວີໂອເອລາຍງານວ່າ ກອງປະ
ຊຸມບັ້ນນຶ່ງທີ່ອົງການ ສະຫະປະຊາຊາດ​ເປັນ​ຜູ້ອຸບປະຖໍາຈັດ​ຂຶ້ນ
ຢູ່ບາງກອກ ເມື່ອ​ຕົ້ນ​ອາທິດ​ນີ້ ​ໄດ້ປຶກສາຫາລືກັນ ກ່ຽວກັບວິທີ ການແກ້ໄຂບັນຫາດັ່ງກ່າວນີ້.

ກອງປະຊຸມສອງວັນທີ່ອຸບປະຖໍາໂດຍສະຫະປະຊາຊາດ ໄດ້ນໍາ
ເອົາບັນດານັກສະຖິຕິ ແລະນັກເສດຖະສາດ ຈາກ 50 ປະເທດ ຈາກອົງການອະນາໄມໂລກ
ຫຼື WHO ແລະ ອົງການອື່ນໆ​ຂອງສະຫະປະຊາຊາດ ພ້ອມທັງ ກຸ່ມ​ຈັດ​ຕັ້ງ​ຂອງພົນລະ​ເມືອງ ມາສົນທະນາ​ຫາລືກັນ ໃນຄວາມພະຍາຍາມ ເພື່ອຈະເພີ່ມອັດຕາການລົງທະບຽນພົນລະ
ເມື​ອງ.

ທ່ານນາງ Noeleen Heyzer ຮອງເລຂາທິການ​ໃຫຍ່ອົງການສະຫະປະຊາຊາດ ກ່າວວ່າ ການຈົດທະບຽນດັ່ງກ່າວນີ້​ແມ່ນຈໍາເປັນທີ່ສຸດເພື່ອຄຸ້ມກັນ ສິດທິມະນຸດຂັ້ນພື້ນຖານ ແລະ
ວັດແທກຄວາມມີປະສິດທິພາບຂອງນະໂຍ ບາຍສາທາລະນະ.

ທ່ານນາງ Noeleen Heyzer ຮອງເລຂາທິການ​ໃຫຍ່ອົງການສະຫະປະຊາຊາດ
ທ່ານນາງ Noeleen Heyzer ຮອງເລຂາທິການ​ໃຫຍ່ອົງການສະຫະປະຊາຊາດ

ທ່ານນາງ Heyzer ເວົ້າວ່າ: “ພວກປະຊາຊົນຈະບໍ່​ໄດ້​ຮັບ​
ການ​ພິຈາລະນາ​ເຂົ້າໃນນະໂຍບາຍຕ່າງໆຂອງລັດຖະ
ບານ ​ເວ້ນ​ເສຍ​ແຕ່​ວ່າ​ເຂົາ​ເຈົ້າ​ຈະ​ມີ​ສະຖານະ​ພາບທາງ
ກົດໝາຍ. ພວກເຂົາເຈົ້າບໍ່ໄດ້ຖືກນັບພວກເຂົາເຈົ້າຈະ
ຖືກ​ແຍກ​ອອກ ແລະ ກາຍ​ເປັນ​ຄົນໄຮ້ປະເທດ. ໜ້າເສຍ
ໃຈສໍາລັບພວກຄົນ ທີ່ບໍ່ມີເອກະສານຄົບຖ້ວນ ນັ້ນ ກໍ​ແມ່ນບໍ່ມີສິດທິມະນຸດຕາມຫຼັກການຂອງ ລັດຖະບານ
ທີ່​ຖື​ວ່າເຂົາເຈົ້າກໍ່ບໍ່ມີ ສ່ວນຮັບຜິດຊອບໃດໆ. ໂດຍ
ການ​ເຮັດໃຫ້ ເປັນທີ່ແນ່ໃຈວ່າ ຜູ້ຄົນໄດ້ຮັບ​ການ ຈົດ
ທະບຽນການເກີດ ​ແລະໄດ້ຮັບການດູແລຈາກລັດຖະ
ບານນັ້ນ ກໍ​ແມ່ນ​ວ່າ​ຫາງ ສຽງຂອງພວກເຂົາເຈົ້າ​ໄດ້​ຮັບ​ການ​ຮັບ​ຟັງ ​ແລະຖືເປັນ
ສໍາຄັນ.”


ເຖິງແມ່ນຈະມີເທັກໂນໂລຈີທີ່ທັນສະໄໝ ທີ່ຊ່ວຍເຮັດໃຫ້ຂັ້ນຕອນການຈົດທະບຽນແລະ
ຕິດ ຕາມ​ເບິ່ງ​ນັ້ນງ່າຍຂຶ້ນກວ່າເກົ່າກໍຕາມ ແຕ່ກອງທຶນເດັກຂອງອົງການສະຫະປະຊາຊາດ
ໃນປີ 2011 ນັ້ນ ມີ​ການ​ຈົດ​ທະບຽນ​ການ​ເກີດ ບໍ່​ຮອດ​ເຄິ່ງນຶ່ງຂອງຈໍານວນ​ທັງ​ໝົດ​ດ້ວຍ​ຊໍ້າ
ຢູ່​ໃນ​ທົ່ວ​ເອ​ເຊຍ ຍົກ​ເວ້ນ​ປະ​ເທດຈີນ.

ທ່ານນາງ Haishan Fu ຜູ້ອໍານວຍການພະ​ແນ​ກສະຖິຕິຂອງຄະນະກໍາມາທິການເສດຖະ
ກິດແລະສັງຄົມແຫ່ງຂົງເຂດເອເຊຍແລະປາຊິຟິກ ຂອງອົງການສະຫະປະຊາຊາດ ເວົ້າວ່າ ຄວາມຫາ​ໄດ້​ຍາກຂອງຖານຂໍ້ມູນທີ່ເຊື່ອຖື ໄດ້ ກໍ​ເປັນບັນຫາທ້າທາຍຢ່າງນຶ່ງສໍາລັບພວກ
ຮ່າງນະໂຍບາຍ​ໃນຂົງເຂດ.

ທ່ານນາງ ຝັນ ເວົ້າວ່າ: “ການປະເມີນບາງ​ອັນຢູ່ໃນຂົງເຂດ ​ເວົ້າວ່າ ປະມານນຶ່ງ ຫາ ສອງສ່ວນສາມ ຂອງຈໍານວນເດັກນ້ອຍທັງ​ໝົດ​ໃນ ຂົງເຂດ ບໍ່ໄດ້ຈົດທະບຽນ ການເກີດຢ່າງຖືກຕ້ອງ. ສະນັ້ນ ເປັນທີ່ ແຈ້ງຂາວວ່າ ສໍາລັບພວກເດັກເຫຼົ່ານີ້ ທີ່ຈະມີໂອກາດ ໄດ້ເຂົ້າໂຮງຮໍ່າ ໂຮງຮຽນນັ້ນ ​ແມ່ນເປັນບັນຫາໃຫຍ່. ແລະ ພວກປະຊາຊົນທີ່ບໍ່ມີເອກກະ ສານຖືກຕ້ອງຕາມກົດໝາຍ ແທ້ໆນັ້ນ ກໍຄວນໄປ ຈົດທະບຽນຮູບປະພັນ ສັນຖານຂອງພວກເຂົາເຈົ້າໄວ້ ເພື່ອວ່າພວກເຂົາເຈົ້າ ຈະສາມາດມີວຽກ ເຮັດງານທໍາທີ່ຖາວອນໄດ້.”

ສໍາລັບ ຢູເອັນ ແລ້ວ ບັນຫາການຂາດເຂີນຂໍ້ມູນທີ່ຄົບຖ້ວນສົມບູນກ່ຽວ​ກັບ​ປະຊາກອນນັ້ນ ແມ່ນຈະ​ແຕະຕ້ອງຄວາມໜ້າເຊື່ອຖືຂອງ​ການ​ບັນລຸເປົ້າໝາຍການພັດທະນາສະຫັດສະ
ຫວັດປີ 2015 ໄດ້. ເປົ້າໝາຍເຫຼົ່ານັ້ນມີ​ຮວມທັງການກໍາຈັດຖອນຮາກຄວາມຍາກຈົນ
ທີ່ສຸດ ຄວາມບໍ່ສະເໝີພາບ ທາງເພດ ການເສຍຊີວິດຂອງເດັກ ສຸຂະພາບຂອງແມ່ ການປາບປາມ ເຊື້ອເອັຈໄອວີ-ເອດສ໌ ແລະພະຍາດອື່ນໆ ຕະຫຼອດທັງຄວາມຍືນຍົງດ້ານ ສະພາບແວດລ້ອມ ຊຶ່ງທັງໝົດນັ້ນແມ່ນຂື້ນຢູ່ກັບການມີສະຖິຕິປະຊາກອນ ທີ່​ຖືກຕ້ອງ.

ກອງ​ປະຊຸມ​ທີ່​ບາງກອກ ຈະ​ຮ່າງ​ແຜນ​ຍຸດ​ທະ​ສາດ​ຂຶ້ນ​ມາ ​ເພື່ອ​ນໍາ​ສະ​ເໜີ​ຕໍ່​ບັນດາ​ປະ​ເທດ​ສະມາ​ຊິກ ​ໃນ​ການ​ດໍາ​ເນີນຄວາມ​ພະຍາຍາມ​ເພີ້​ມຕື່ມ​ເພື່ອ​ແກ້​ໄຂ​ຄວາມ​ຂາດ​ຕົກ​ບົກ​ຜ່ອງ​ຕ່າງໆ ທີ່​ມີ​ຈາ​ກການ​ມີ​ສະຖິຕິ​ຫລື​ຂໍ້​ມູນ​ທີ່​ບໍ່​ຖືກຕ້ອງ​ ຫລື​ບໍ່​ຄົບ​ຖ້ວນ​ສົມບູນ​ນັ້ນ.
XS
SM
MD
LG