ລິ້ງ ສຳຫລັບເຂົ້າຫາ

ວັນພຸດ, ໒໑ ກຸມພາ ໒໐໒໔

ກອງທຶນການເງິນລະຫວ່າງປະເທດກ່າວວ່າ ລະບົບເສດຖະກິດຂອງ ຢູເຄຣນ ຢູ່ໃນພາວະຊຸດໂຊມລົງ


ປະຊາຊົນທີ່ກໍາລັງໜີອອກຈາກ ຢູເຄຣນ ພາກັນຕິດຄ້າງຢູ່ທາງຫຼວງ, ລຸນຫຼັງທີ່ປະທານາທິບໍດີ ຣັດເຊຍ ທ່ານວລາດີເມຍ ປູຕິນ ໄດ້ປະຕິບັດການທາງທະຫານຢູ່ທາງທິດຕາເວັນອອກຂອງ ຢູເຄຣນມ ວັນທີ 24 ກຸມພາ 2022.
ປະຊາຊົນທີ່ກໍາລັງໜີອອກຈາກ ຢູເຄຣນ ພາກັນຕິດຄ້າງຢູ່ທາງຫຼວງ, ລຸນຫຼັງທີ່ປະທານາທິບໍດີ ຣັດເຊຍ ທ່ານວລາດີເມຍ ປູຕິນ ໄດ້ປະຕິບັດການທາງທະຫານຢູ່ທາງທິດຕາເວັນອອກຂອງ ຢູເຄຣນມ ວັນທີ 24 ກຸມພາ 2022.

ການຮຸກຮານຢູເຄຣນ ທີ່​ຍັງ​ດຳ​ເນີນ​ຢູ່​ຕໍ່​ມາຂອງຣັດເຊຍ ໄດ້ສົ່ງຜົນກະທົບຕໍ່ການສູນເສຍຊີວິດຂອງມະນຸດ ແລະການສູນເສຍທາງດ້ານເສດຖະກິດທີ່ສໍາຄັນຂອງປະເທດຢ່າງຫຼວງຫຼາຍ, ໂດຍຜົນຮັບທາງດ້ານເສດຖະກິດຄາດວ່າຈະຫຼຸດລົງມາຢ່າງນ້ອຍ 10 ເປີເຊັນໃນປີ 2022, ອີງຕາມລາຍງານຂອງກອງທຶນລະຫວ່າງ ປະເທດ ຫຼື IMF.

ໃນລາຍງານທີ່ສະຖາບັນການເງິນໄດ້ເຜີຍແຜ່ອອກມາໃນມື້ວັນຈັນວານນີ້ ຊີ້ໃຫ້ເຫັນວ່າ ລະບົບເສດຖະກິດຂອງປະເທດ ຢູເຄຣນ ສາມາດຫຼຸດລົງມາເຖິງ 25 ຫາ 35 ເປີເຊັນ, ອີງຕາມຂໍ້ມູນ ການຫຼຸດລົງໂຕຈິງ ຂອງຍອດຜະລິດຕະພັນ ລວມພາຍໃນປະເທດໃນຊ່ວງສົງຄາມທີ່ຮວບຮວມມາຈາກເຫດການທີ່ເກີດຂຶ້ນ ກ່ອນໜ້ານີ້ ເຊັ່ນ ປະເທດອີຣັກ, ເລບານອນ, ຊີເຣຍ ແລະເຢເມນ.

ອົງ​ການ IMF ກ່າວວ່າ ພາວະເສດຖະກິດທີ່ຊຸດໂຊມມາເປັນເວລາດົນນານ ແລະຕົ້ນທຶນໃນການຟື້ນຟູທີ່ສູງຂຶ້ນນັ້ນ ຄາດວ່າຈະເກີດຂຶ້ນລຸນຫຼັງວິກິດການທາງດ້ານມະນຸດສະທໍາ.

ປະຊາຊົນຊາວ ຢູເຄຣນຫຼາຍກວ່າ 2 ລ້ານ 8 ແສນຄົນພາກັນລົບໜີອອກຈາກປະເທດ ນັບຕັ້ງແຕ່ການຮຸກຮານຂອງຣັດເຊຍ ໄດ້ເລີ້ມຕົ້ນຂຶ້ນ, ອີງຕາມສະຖິຕິທີ່ເຜີຍແຜ່ໂດຍອົງການສະຫະປະຊາຊາດ, ອັນໄດ້ກໍ່ໃຫ້ເກີດວິກິດການຂອງຜູ້ລີ້ໄພທີ່ໃຫຍ່ທີ່ສຸດໃນຢູໂຣບ ນັບແຕ່ສົງຄາມໂລກຄັ້ງທີສອງເປັນຕົ້ນມາ.

ທ່ານນາງຄຣິສຕາລິນາ ຈໍຈີວາ (Kristalina Georgieva), ກໍາມະການຜູ້ຈັດ ການໃຫຍ່ຂອງອົງ​ການ IMF ກ່າວໃນລະຫວ່າງຖະແຫຼງໂຕະມົນກັບສື່ມວນຊົນ ກ່ຽວກັບ ຢູເຄຣນ ວ່າ “ມັນໄດ້ສ້າງຄວາມເສຍຫາຍຢ່າງຫຼວງຫຼາຍຕໍ່ພື້ນຖານໂຄງລ່າງ ແລະໃນສ່ວນທີ່ມີຄຸນຄ່າຂອງຄວາມຮັ່ງມີທີ່ສຸດປະເທດ ຢູເຄຣນ -ຂອງປະຊາຊົນຂອງພວກເຂົາເຈົ້າ-ຈໍານວນໂຕເລກຂອງພົນລະເມືອງທີ່ຫລົບໜີ ທີ່ພວກເຮົາບໍ່ເຄີຍເຫັນຢູ່ໃນຢູໂຣບ ນັບຕັ້ງແຕ່ສົງຄາມໂລກຄັ້ງທີສອງ.”

“ເຖິງແມ່ນການຕໍ່ສູ້ກັນ ຈະຍຸຕິລົງນະເວລານີ້ກໍຕາມ, ຄ່າໃຊ້ຈ່າຍໃນການຟື້ນຟູ ແລະການບູ​ລະ​ນະ​ສ້າງ​ສາຄືນໃໝ່ນັ້ນ ມັນກໍເປັນຈໍານວນຫຼວງຫຼາຍແລ້ວ.”

ລາຍງານໄດ້ຢັ້ງຢືນວ່າ ການຍົກຍ້າຍຈໍານວນຫຼາຍ ແລະການສູນເສຍທຶນໂຕຈິງນັ້ນ ແມ່ນສົ່ງຜົນກະທົບ ຕໍ່ການຊຸດໂຊມລົງຂອງລະບົບເສດຖະກິດ, ອັນໄດ້ນໍາໄປສູ່ “ການຫຼົ້ມສະຫຼາຍ ຂອງການໝູນວຽນ ໃນລະບົບເສດຖະກິດ, ຄວາມສາ ມາດໃນການຈັດເກັບພາສີຫຼຸດລົງໃນຕໍ່ໜ້າ, ການເຊື່ອມໂຊມລົງທາງດ້ານການເງິນ ແລະສະຖານະການຕ່າງໆ ພາຍນອກຢ່າງຮຸນແຮງ.”

ອ່ານຂ່າວນີ້ເປັນພາສາອັງກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

XS
SM
MD
LG