ບັນດາຜູ້ນຳ ຢູໂຣບ ໄດ້ຈັດກອງປະຊຸມວິກິດການດ້ານຄວາມໝັ້ນຄົງ ໃນວັນຈັນວານນີ້ ທີ່ນະຄອນຫຼວງ ປາຣີ ຫຼັງຈາກທີ່ວໍຊິງຕັນ ເຂົ້າແຊກແຊງທາງການທູດ ຫຼາຍຄັ້ງໃນໄລຍະບໍ່ເທົ່າໃດວັນທີ່ຜ່ານມາ ເຮັດໃຫ້ເກີດຂໍ້ສົງໄສ ກ່ຽວກັບ ຄວາມມຸ່ງໝັ້ນຂອງ ສະຫະລັດ ຕໍ່ພັນທະມິດຂ້າມມະຫາສະໝຸດ ແອັດແລນຕິກ ຊຶ່ງເປັນຮາກຖານຂອງຄວາມໝັ້ນຄົງຂອງ ຢູໂຣບ.
ນາຍົກລັດຖະມົນຕີ ອັງກິດ ທ່ານ ເຄຍ ສຕາເມີ, ນາຍົກລັດຖະມົນຕີ ເຢຍຣະມັນ ທ່ານ ໂອລາຟ ໂຊລສ໌, ເລຂາທິການໃຫຍ່ອົງການ NATO ທ່ານ ມາກ ຣັດເທິ, ປະທານຄະນະກຳມາທິການ ຢູໂຣບ ທ່ານນາງ ເອີຊູລາ ວອນ ເດີ ເລເຢັນ ແລະ ຜູ້ນຳຢູໂຣບຄົນອື່ນໆ ແມ່ນລວມຢູ່ໃນຜູ້ທີ່ເຂົ້າຮ່ວມກອງປະຊຸມສຸດຍອດຢູ່ທຳນຽບ ເອລິເຊ.
ທ່ານ ສຕາເມີ ໄດ້ກ່າວຕໍ່ບັນດານັກຂ່າວຫຼັງຈາກກອງປະຊຸມ.
ທ່ານໄດ້ກ່າວວ່າ “ອັນຕະລາຍບໍ່ແມ່ນພຽງແຕ່ອະນາຄົດຂອງ ຢູເຄຣນ ເທົ່ານັ້ນ. ມັນແມ່ນຄຳຖາມທີ່ມີຢູ່ສຳລັບ ຢູໂຣບ ໂດຍລວມ ແລະ ມີຄວາມສຳຄັນຕໍ່ຜົນປະໂຫຍດຂອງປະເທດອັງກິດດ້ວຍ.”
ທ່ານເວົ້າວ່າ “ມັນມີຄວາມຈະແຈ້ງວ່າ ສະຫະລັດ ຈະບໍ່ອອກຈາກອົງການ NATO. ແຕ່ພວກເຮົາຊາວ ຢູໂຣບ ຈະຕ້ອງເຮັດວຽກຫຼາຍຂຶ້ນ. ບັນຫາການແບກຫາບພາລະບໍ່ແມ່ນຂອງໃໝ່, ແຕ່ຕອນນີ້ ມັນກຳລັງກົດດັນ. ແລະຊາວຢູໂຣບ ຈະຕ້ອງລຸກຂຶ້ນ, ທັງໃນແງ່ຂອງການໃຊ້ຈ່າຍ ແລະ ຄວາມສາມາດທີ່ພວກເຮົາສາມາດສະໜອງ.”
ທ່ານ ສຕາເມີ ກ່າວຕໍ່ບັນດານັກຂ່າວໃນນະຄອນຫຼວງ ປາຣີ ວ່າ “ຢູໂຣບ ຕ້ອງຫຼິ້ນບົດບາດຂອງເຂົາເຈົ້າ, ແລະ ຂ້າພະເຈົ້າກໍມີຄວາມພ້ອມທີ່ຈະພິຈາລະນາໃຫ້ຄຳໝັ້ນເພື່ອສົ່ງກອງກຳລັງ ອັງກິດ ໄປປະຕິບັດການຢູ່ພາກພື້ນດິນກັບປະເທດອື່ນໆ, ຖ້າມັນມີຂໍ້ຕົກລົງສັນຕິພາບທີ່ຍືນຍົງ… ແຕ່ພວກເຮົາຕ້ອງມີກຳແພງກັ້ນຈາກ ສະຫະລັດ, ເພາະວ່າການຮັບປະກັນຄວາມໝັ້ນຄົງຂອງ ສະຫະລັດ ແມ່ນພຽງວິທີດຽວທີ່ຈະຍັບຢັ້ງ ຣັດເຊຍ ຈາກການໂຈມຕີ ຢູເຄຣນ ອີກຄັ້ງຢ່າງມີປະສິດທິຜົນ.”
ທ່ານ ໂຊລສ໌, ຜູ້ທີ່ປະເຊີນກັບການເລືອກຕັ້ງໃນທ້າຍອາທິດນີ້, ໄດ້ກ່າວຢ້ຳການຮຽກຮ້ອງສຳລັບ ຢູໂຣບ ແລະ ຢູເຄຣນ ໃຫ້ມີສ່ວນໃນການເຈລະຈາສັນຕິພາບ.
ທ່ານ ໂຊລສ໌ ກ່າວວ່າ “ມັນຈະແຈ້ງຫຼາຍສຳລັບພວກເຮົາ ໃນເວລານີ້ທີ່ພວກເຮົາຕ້ອງສືບຕໍ່ສະໜັບສະໜູນ ຢູເຄຣນ. ແລະ ພວກເຮົາຕ້ອງສາມາດເພິ່ງພາໄດ້ວ່າຈະເປັນຢ່າງນັ້ນ. ເຮົາຍິນດີກັບຄວາມຈິງທີ່ວ່າ ມີການໂອ້ລົມກັນກ່ຽວກັບການພັດທະນາສັນຕິພາບ ແຕ່ມັນຕ້ອງມີຄວາມຊັດເຈນ ແລະ ຊັດເຈນຕໍ່ກັບພວກເຮົາວ່າ ນີ້ບໍ່ໄດ້ໝາຍຄວາມວ່າ ມັນສາມາດມີສັນຕິພາບຕາມຄຳສັ່ງໄດ້ ແລະ ຢູເຄຣນ ຕ້ອງຍອມຮັບສິ່ງທີ່ນຳສະເໜີມາ.”
ອ່ານຂ່າວນີ້ເປັນພາສາອັງກິດ
British Prime Minister Keir Starmer has become the first European leader to say he is ready to put peacekeeping troops in Ukraine, making the commitment ahead of an emergency leaders' meeting in Paris to discuss Europe's role in a ceasefire.
U.S. President Donald Trump stunned Ukraine and European allies last week when he announced he had held a call with Russian President Vladimir Putin without consulting them to discuss bringing an end to the three-year conflict.
Trump's Ukraine envoy, Keith Kellogg, said on Saturday Europe would not have a seat at the table for any peace talks. Washington sent a questionnaire to European capitals to ask what they could contribute to security guarantees for Kyiv.
Starmer, who is expected to travel to Washington to meet Trump next week, said on Sunday that Europe was facing a "once in a generation moment" for the collective security of the continent, and it must work closely with the United States.
He said Britain was ready to play a leading role in delivering security guarantees for Ukraine, including being ready to put "our own troops on the ground if necessary".
"The end of this war, when it comes, cannot merely become a temporary pause before Putin attacks again," he wrote in the Daily Telegraph newspaper.
French President Emmanuel Macron was due to host leaders from Germany, Italy, Britain, Poland, Spain, the Netherlands and Denmark, which will represent Baltic and Scandinavian countries, along with the European Union leadership and NATO Secretary General Mark Rutte.
Dozens of similar summits in the past have shown the 27-nation EU to be dithering, disunited and struggling to come up with a cohesive plan to end the Ukraine war on its doorstep.
Britain is not an EU member but has been a leading supporter of Ukraine in its fight to repel the Russian invasion.
ຟໍຣັມສະແດງຄວາມຄິດເຫັນ