ນາຍົກລັດຖະມົນ ອັງກິດ ທ່ານ ເຄຍ ສຕາຣ໌ເມີ ໄດ້ກາຍເປັນຜູ້ນໍາ ຢູໂຣບ ຄົນທຳອິດທີ່ປະກາດວ່າທ່ານພ້ອມທີ່ຈະສົ່ງທະຫານຮັກສາສັນຕິພາບໄປຍັງ ຢູເຄຣນ. ໂດຍໃຫ້ຄຳໝັ້ນສັນຍາດັ່ງກ່າວກ່ອນກອງປະຊຸມຜູ້ນໍາສຸກເສີນທີ່ ນະຄອນຫຼວງ ປາຣີ ຂອງຝຣັ່ງ, ເພື່ອຫາລືກ່ຽວກັບບົດບາດຂອງ ຢູໂຣບ ໃນການ ຢຸດຍິງ, ອີງຕາມການລາຍງານຂອງອົງການຂ່າວຣອຍເຕີສ.
ປະທານາທິບໍດີ ສະຫະລັດ ທ່ານ ດໍໂນລ ທຣໍາ ໄດ້ສ້າງຄວາມຕົກໃຈໃຫ້ກັບ ຢູເຄຣນ ແລະພັນທະມິດຢູໂຣບເມື່ອອາທິດທີ່ຜ່ານມາ. ເມື່ອທ່ານປະກາດວ່າ ໄດ້ໂທລະສັບລົມກັບປະທານາທິບໍດີ ວລາດີເມຍ ປູຕິນ ຂອງ ຣັດເຊຍ ໂດຍບໍ່ ໄດ້ປຶກສາຫາລືກັນເພື່ອສົນທະນາ ກ່ຽວກັບ ການຍຸຕິຄວາມຂັດແຍ້ງເປັນເວລາ 3 ປີນັ້ນ.
ທ່ານ ຄີນ໌ ເຄລລອກ ທູດພິເສດຂອງ ທ່ານ ທຣໍາ ປະຈຳຢູເຄຣນ ກ່າວເມື່ອ ວັນເສົາທີ່ຜ່ານມາວ່າ ຢູໂຣບຈະບໍ່ມີໂອກາດໄດ້ຮ່ວມໂຕະເຈລະຈາສັນຕິພາບໃດ ໆ. ວໍຊິງຕັນ ໄດ້ສົ່ງແບບສອບຖາມໄປຍັງເມືອງຫຼວງຕ່າງໆຂອງຢູໂຣບ ເພື່ອສອບ ຖາມວ່າພວກເຂົາສາມາດສະໜັບສະໜູນການຮັບປະກັນຄວາມ ປອດໄພໃຫ້ກັບນະຄອນຫຼວງກີຢິບ ໄດ້ຢ່າງໃດແດ່.
ທ່ານ ສຕາຣ໌ເມີ ຊຶ່ງຄາດວ່າຈະເດີນທາງມານະຄອນຫຼວງ ວໍຊິງຕັນ ເພື່ອພົບ ປະກັບ ທ່ານ ດໍໂນລ ທຣໍາ ໃນອາທິດໜ້າກ່າວເມື່ອວັນອາທິດວານນີ້ວ່າ ຢູໂຣບ ພວມປະເຊີນກັບ “ຊ່ວງເວລານຶ່ງໃນຊົ່ວອາຍຸຄົນ” ສຳລັບຄວາມໝັ້ນຄົງ ຮ່ວມກັນຂອງທະວີບແລະຕ້ອງເຮັດວຽກຢ່າງໃກ້ຊິດກັບສະຫະລັດ.
ທ່ານກ່າວວ່າອັງກິດພ້ອມທີ່ຈະມີບົດບາດນໍາໃນການໃຫ້ການຮັບປະກັນຄວາມ ປອດໄພໃຫ້ແກ່ຢູເຄຣນ. ລວມເຖິງພ້ອມທີ່ຈະສົ່ງ “ ກອງກຳລັງຂອງເຮົາເອງລົງ ພື້ນທີ່ຖ້າຈຳເປັນ.”
“ການສົງຄາມນີ້ສີ້ນສຸດລົງຂອງສົງຄາມນີ້, ເມື່ອເວລາມາເຖິງ, ແມ່ນບໍ່ມາສາ ມາດເປັນພຽງການຢຸດຊົ່ວຄາວ ກ່ອນທີ່ ທ່ານ ປູຕິນ ຈະໂຈມຕີິອີກຄັ້ງ” ທ່ານຂຽນໃນໜັງສືພີມເດລີ ເທເລກຣາຟ.
ປະທານາທິບໍດີ ທ່ານ ເອັມມານູແອລ ມາກຣົງ ຂອງຝຣັ່ງມີກຳນົດຈະເປັນເຈົ້າ ພາບຕ້ອນຮັບຜູ້ນໍາຈາກ ເຢຍຣະມັນ, ອິດຕາລີ, ອັງກິດ, ໂປແລນ, ສະເປນ, ເນເທີແລນ ແລະ ເດັນມາກ. ຊຶ່ງຈະເປັນຕົວແທນຂອງປະເທດທະເລ ບາລຕິກ ແລະ ສະແກນດີເນເວຍ ພ້ອມດ້ວຍຜູ້ນໍາສະຫະພາບຢູໂຣບແລະເລຂາທິການ ອົງການເນໂຕ ທ່ານ ມາກຣ໌ ຣຸດ໌.
ການປະຊຸມທີ່ຄ້າຍຄືກັນຫຼາຍສິບຄັ້ງໃນອະດີດໄດ້ສະແດງໃຫ້ເຫັນວ່າສະຫະພາບຢູໂຣບ ທີ່ມີ 27 ປະເທດຍັງຄົງລັງເລຂາດຄວາມເປັນເອກະພາບ ແລະ ພະຍາ ຍາມດີ້ນຮົນເພື່ອຫາແຜນທີ່ເປັນຮູບປະທຳ ໃນການຍຸຕິສົງຄາມຢູເຄຣນ ທີ່ເກີດ ຂຶ້ນໃກ້ຊາຍແດນຂອງຕົນເອງ.
ອ່ານຂ່າວເປັນພາສາອັງກິດ
British Prime Minister Keir Starmer has become the first European leader to say he is ready to put peacekeeping troops in Ukraine, making the commitment ahead of an emergency leaders' meeting in Paris to discuss Europe's role in a ceasefire.
U.S. President Donald Trump stunned Ukraine and European allies last week when he announced he had held a call with Russian President Vladimir Putin without consulting them to discuss bringing an end to the three-year conflict.
Trump's Ukraine envoy, Keith Kellogg, said on Saturday Europe would not have a seat at the table for any peace talks. Washington sent a questionnaire to European capitals to ask what they could contribute to security guarantees for Kyiv.
Starmer, who is expected to travel to Washington to meet Trump next week, said on Sunday that Europe was facing a "once in a generation moment" for the collective security of the continent, and it must work closely with the United States.
He said Britain was ready to play a leading role in delivering security guarantees for Ukraine, including being ready to put "our own troops on the ground if necessary".
"The end of this war, when it comes, cannot merely become a temporary pause before Putin attacks again," he wrote in the Daily Telegraph newspaper.
French President Emmanuel Macron was due to host leaders from Germany, Italy, Britain, Poland, Spain, the Netherlands and Denmark, which will represent Baltic and Scandinavian countries, along with the European Union leadership and NATO Secretary General Mark Rutte.
Dozens of similar summits in the past have shown the 27-nation EU to be dithering, disunited and struggling to come up with a cohesive plan to end the Ukraine war on its doorstep.
Britain is not an EU member but has been a leading supporter of Ukraine in its fight to repel the Russian invasion.
ຟໍຣັມສະແດງຄວາມຄິດເຫັນ