ບັນດາຜູ້ນຳເທິກີເຕືອນເຢຍຣະມັນວ່າ ສາຍພົວພັນຂອງປະເທດທັງສອງຈະຕົກຢູ່ໃນອັນ ຕະລາຍ ຖ້າຫາກວ່າບັນດາສະມາຊິກສະພາ ໃຫ້ການອະນຸມັດຕໍ່ມາດຕະການທີ່ເອີ້ນການສັງຫານຊາວອາເມເນຍໂດຍມະຫາອານາຈັກ Ottaman ຂອງ ຊາວເທີກີນັ້ນວ່າ ເປັນ ການຂ້າລ້າງເຜົ່າພັນ.
ສະພາເຢຍຣະມັນ ມີກຳນົດຈະລົງຄະແນນສຽງກ່ຽວກັບຮ່າງກົດໝາຍດັ່ງກ່າວໃນວັນ ພະຫັດມື້ອຶ່ນນີ້.
ເນື້ອໄນຂອງຮ່າງກົດໝາຍນີ້ກ່າວວ່າ ການເສຍຊີວິດຂອງຊາວອາເມເນຍ ເປັນໂຕຢ່າງ ການຂ້າລ້າງໝູ່ ການກວດລ້າງນຊົນກຸ່ມນ້ອຍ ການຂັບໄລ່ ແລະຂ້າລ້າງເຜົ່າພັນ ທີ່ປັນ ຂີດໝາຍໃນສັດຕະວັດແລ້ວໃນ “ວິທີທີ່ໜ້າຢ້ານກົວ.” ມັນຍັງເປັນການບອກເຖິງຄວາມ ຮັບຜິດຊອບຈຳນວນນຶ່ງຂອງເຢຍຣະມັນ ທີ່ເປັນພັນທະ ມິດກັບມະຫາອານາຈັກ Ottaman ກ່ອນທີ່ເປັນປະເທດເທີກີໃນຍຸກສະໄໝໃໝ່.
ອາເມເນຍ ກ່າວວ່າ 1 ລ້ານ 5 ແສນຄົນໄດ້ຖືກສັງຫານລະຫວ່າງປີ 1915 ຫາປີ 1917. ເທິກີຮັບຮູ້ວ່າ ຫລາຍຮ້ອຍພັນຄົນຂອງຊາວອາເມເນຍໄດ້ເສຍຊີວິດ ແຕ່ໄດ້ປະຕິເສດວ່າ ການເສຍຊີວິດຂອງພວກເຂົາເຈົ້ານັ້ນປະກອບເປັນ ການປຸກລະດົມເພື່ອຂ້າລ້າງເຜົ່າພັນ.
ນາຍົກລັດຖະມົນຕີເທິກີ ທ່ານ Binali Yildirim ກ່າວໃນວັນພຸດມື້ນີ້ວ່າ ການລົງຄະແນນ ສຽງຂອງເຢຍຣະມັນ “ໄຮ້ຄວາມໝາຍ.”
ຄຳຖະແຫລງຂອງທ່ານ ມີຂຶ້ນຫລັງຈາກຄຳຖະແລງ ຂອງ ປະທານາທິບໍດີ Recept Tayyip Erdogan ຜູ້ທີ່ໄດ້ກ່າວວ່າ ຖ້າຫາກມີການຮັບຮອງເອົາຮ່າງກົດໝາຍນີ້ ມັນຈະ ສ້າງຄວາມເສຍຫາຍດ້ານການທູດ ເສດຖະກິດ ການຄ້າ ການເມືອງ ແລະສາຍພົວພັນ ທາງທະຫານ ກັບເຢຍຣະມັນໃນອະນາຄົດ. ທ່ານໄດ້ກ່າວເຖິງບັນຫາດັ່ງກ່າວໃນລະຫວ່າງ
ການໂທລະສັບໄປຫາ ນາຍົກລັດຖະມົນຕີເຢຍຣະມັນ ທ່ານນາງ Angela Merkel.
ມີຊາວເທີກີປະມານ 3 ລ້ານຄົນ ອາໄສຢູ່ໃນເຢຍຣະມັນ ຮວມທັງຈຳນວນນຶ່ງທີ່ໄດ້ປະທ້ວງໃນນະຄອນ Berlin ເມື່ອວັນເສົາແລ້ວຕໍ່ຕ້ານຮ່າງກົດໝາຍດັ່ງກ່າວ.
