ລິ້ງ ສຳຫລັບເຂົ້າຫາ

logo-print

ປ. ທ​ຣຳ ມີ​ຄວາມ​ຫວັງໃນ​ແງ່​ດີ ​ກ່ຽວ​ກັບ ການ​ເຈ​ລະ​ຈາ​ທາງ​ການ​ຄ້າ​ກັບ​ຈີນ 


ການ​ເຈ​ລະ​ຈາ​ການ​ຄ້າ​ລະ​ຫວ່າງ ສ​ຫລ ກັບ​ຈີນ ​ມີ​ຄວາມ​ຫວັງໃນ​ແງ່​ດີ ​ແຕ່ບໍ່​ມີ​ຜົນ​ອັນ​ໜັກ​ແໜ້ນອອກ​ມາ​

ການ​ເຈ​ລະ​ຈາ​ການ​ຄ້າ​ຄັ້ງ​ຫ​ລ້າ​ສຸດ ລະ​ຫວ່າງ​ສະ​ຫະ​ລັດ ກັບ​ຈີນໄດ້​ສິ້ນ​ສຸດ​ລົງ ທີ່​ນະ​ຄອນ​ຫລວງວໍ​ຊິງ​ຕັນ ໃນ​ອາ​ທິດ​ແລ້ວນີ້ ໂດຍ​ທີ່​ບໍ່​ມີການ​ຕົກ​ລົງນຳ​ກັນ​ ທີ່​ໜັກ​ແໜ້ນ ນອກ​ເໜື​ອ​ໄປ​ຈາກຄວາມ​ມຸ້ງ​ໝັ້ນ ໃນ​ການ​ສືບ​ຕໍ່​ໂອ້​ລົມ​ເຈ​ລະ​ຈາ​ກັນໄປ​ອີກ. ໄນ​ກີ ຈິງ (Nike Ching) ມີ​ລາຍ​ງານກ່ຽວ​ກັບ​ສະ​ພາບ​ການ ​ເຈ​ລະ​ຈາ​ກັນ​ ລະ​ຫວ່າງສອງ​ປະ​ເທດ​ມະ​ຫາ​ອຳ​ນາດ​ທາງດ້ານ​ເສດ​ຖະ​ກິດ​ເຫລົ່າ​ນີ້ ໃນ​ຂະ​ນະ ​ທີ່​ປະ​ເທດ​ດັ່ງ​ກ່າວ​ ພະ​ຍາ​ຍາມ​ຫາ​ຈຸດ​ທີ່ຈະ​ສາ​ມາດ​ຕົກ​ລົງ​ກັນ​ໄດ້ ​ກ່ອນ​ໜ້າ​ພາ​ສີ​ຂອງ​ສະ​ຫະ​ລັດ​ຈະ​ອອກ​ໄປ​ສູ່​ໜ້າ​ເວັບ​ໄຊ​ທ໌ຕ່າງໆ ໃນ​ຕົ້ນ​ເດືອນ​ມີ​ນາ​ຈະມາເຖິງນີ້. ບົວ​ສະ​ຫວັນ ມີ​ລາ​ຍ​ລະ​ອຽດ​ກ່ຽວ​ກັບ​ເລື້ອງນີ້ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ​ນີ້.

ໂຮງ​ງານ​ພິມ​ເງິນ​ສະ​ຫະ​ລັດກຳ​ລັງ​ປ່ອຍ “ເງິນ​ໂຊກ​ດີ” ສຳ​ລັບ​ປີ 2019 ອອກ​ມາ​ “ໃນ​ປີໝູ” ຂອງຈີນ ຊຶ່ງ​ເປັນ​ສັນ​ຍາ​ລັກ​ຂອງ​ຄວາມ​ມັ້ງ​ຄັ້ງ ແລະ​ຄວາມ​ໂຊກ​ດີ. ແລ້ວສຳ​ລັບ​ສອງ​ປະ​ເທດນີ້​ເດ່ ​ຈະ​ເດີນໄປ​ຕາມ​ເສັ້ນ​ທາງ​ແຫ່ງ​ຄວາມ​ຈະ​ເລີນ​ຮັ່ງ​ມີ ຄື​ກັນ​ຫລືບໍ່? ປະ​ທາ​ນາ​ທິ​ບໍ​ດີ​ສະ​ຫະ​ລັດ ດໍ​ໂນ​ລ ທ​ຣຳ ຟັງ​ນ້ຳ​ສຽງແລ້ວ ​ຄື​ວ່າມີ​ຄວາມ​ຫວັງ​ໄປ​ໃນ​ແງ່​ດີຢູ່.

ປ. ດໍ​ໂນ​ລ ທ​ຣຳ (ຊ້າຍ) ຈັດ​ກອງ​ປະ​ຊຸມ​ກັບ​ທ່ານ​ຫລີ ເຮ (ຂວາ), ຮອງ​ນາ​ຍົກ​ຂອງ​ຈີນ ທີ່​ທຳ​ນຽບ​ຂາວ ໃນ​ວັນ​ທີ 31 ມັງ​ກອນ 2019
ປ. ດໍ​ໂນ​ລ ທ​ຣຳ (ຊ້າຍ) ຈັດ​ກອງ​ປະ​ຊຸມ​ກັບ​ທ່ານ​ຫລີ ເຮ (ຂວາ), ຮອງ​ນາ​ຍົກ​ຂອງ​ຈີນ ທີ່​ທຳ​ນຽບ​ຂາວ ໃນ​ວັນ​ທີ 31 ມັງ​ກອນ 2019

ທ່ານ​ກ່າວໃນ​ວັນ​ສຸກ​ຜ່ານ​ມາ​ດັ່ງ​ນີ້:
"ພວກ​ເຮົາ​ມີ​ການ​ພົບ​ປະ​ກັນ​ ທີ່​ດີ​ຫລາຍ​ມື້​ວານນີ້ ກັບ​ຮອງ​ນາ​ຍົກ​ລັດ​ຖະ​ມົນ​ຕີ​ຂອງ​ຈີນ. ຜູ້​ຊາຍ​ທີ່​ມີ​ອິດ​ທິ​ພົນ​ສູງ, ໄດ້​ຮັບຄວາມ​ນັບ​ຖື​ສູງຈາກ​ປະ​ທານ​ປະ​ເທດ ສີ ຂອງ​ຈີນ​ — ແລະ​ພວກ​ເຮົາ​ມີ​ການ​ພົບ​ປະ​ກັນ ເລື້ອງ​ການ​ຄ້າ, ສ່ວນ​ຫລາຍ​ແລ້ວ ​ແມ່ນ​ກ່ຽວ​ກັບ​ເລື້ອງ​ການ​ຄ້າ, ທີ່​ຈິງ​ແລ້ວ ​ກໍ​ເວົ້າ​ກ່ຽວ​ກັບ​ເລື້ອງຢາເສບ​ຕິດ ເຟນ​ຕາ​ນີ​ລ (fentanyl) ນຳ​ເຊັ່​ນ​ກັນ. ຈີນ​ຕົກ​ລົງ​ທີ່​ຈະ​ປະ​ກາດ​ວ່າ ຢາ​ເຟນ​ຕາ​ນີ​ລເປັນ​ຢາ​ເສບ​ຕິດທີ່​ຜິດ​ກົ​ດໝາຍ. ສິ່ງນັ້ນ​ຈະ​ມີ​ຜົນ​ກະ​ທົບ​ຢ່າງ​ໃຫຍ່​ຫລວງຕໍ່ຢາເຟນ​ຕາ​ນີ​ລ (fentanyl) ເຂົ້າ​ມາ​ໃນ​ປະ​ເທດນີ້.”

ຊາວ​ນາ ຊາວ​ສວນ​ອາ​ເມ​ຣິ​ກັນ ກໍ​ຮູ້​ສຶກ​ດີ​ໃຈ​ຂຶ້ນ​ເຊັ່​ນ​ກັນ, ອີງ​ຕາມ​ທ່ານ Adam Nielsen, ຜູ້ອຳ​ນວຍ​ການ​ຂອງ​ຫ້ອງ​ການ​ຕຸ​ລາ​ການ​ແຫ່ງ​ຊາດ​ຂອງ​ລັດ​ອິ​ລລີ​ນອຍ. ​ທ່ານໃຫ້​ຄຳ​ເຫັນ​ວ່າ "ພວກ​ເຮົາໄດ້​ສູນເສຍ​ໂອ​ກາດ​ຂາຍ​ສິນ​ຄ້າ. ແລະ​ຂ້າ​ພະ​ເຈົ້າ​ຄິດ​ວ່າ ​ຍິ່ງ​ແກ່​ຍາວ​ໄປ​ເທົ່າ​ໃດ ມັນ​ກໍ​ຍິ່ງ​ອາດ​ເປັນ​ໄປ​ໄດ້​ຫລາຍ​ຂຶ້ນວ່າ ບັນ​ດາ​ປະ​ເທດ​ເຫລົ່າ​ນີ້ ​ຈະ​ໄດ້​ມີຂອດ​ສະ​ໜອງ​ສິນ​ຄ້າ​ໃໝ່​ຂຶ້ນ​ມາ. ສິ່ງນັ້ນ​ເປັນ​ຕາ​ຢ້ານ​ກົວ​ຫລາຍ."

ເບິ່ງວີ​ດິ​ໂອ ກ່ຽວ​ກັບ​ຂ່າວນີ້​ເປັນ​ພາ​ສາ​ອັງ​ກິດ

ນັກ​ຂຽນແລະ​ຜູ້​ອອກ​ຄຳ​ເຫັນ​ທາງ​ການ​ເມືອງ ໂປ​ກົງ ເຈນ (Pokong Chen), ເວົ້າ​ວ່າ ການ​ຕອບ​ຮັບ ​ໃນ​ທາງບວກ ​ແມ່ນ​ເປັນ​ຜົນ​ເນື່ອງ​ມາ​ຈາກການ​ຕັດ​ສິນ​ໃຈ ທີ່​ມີ​ການ​ຄິດ​ໄລ່ໂດຍ​ຈີນ ເພື່ອ​ເພັ່ງ​ເລັງໃສ່ທໍ​າການຮ້ອງ​ຂໍ​ໂດຍ​ກົງ​ ຕໍ່​ປະ​ທາ​ນາ​ທິ​ບໍ​ດີ​ທ​ຣຳ.
ທ່ານ ໂປ​ກົງ ເຈນ (Pokong Chen), ​ຜູ້​ຂຽນ​ຄຳ​ເຫັນ​ທາງ​ການ​ເມືອງ ແລະ ຂຽນປຶ້ມ​ຫລາຍໆ​ຫົວ ລວມ​ທັງ If the US and China Were To Go to War, ແລະ Trump vs. Xi: Duel or Deal ເວົ້າ​ວ່າ
"​ທ່ານລີວ ເຮ (Liu He) ສົ່ງຂອງ​ຂວັນປີ​ໃໝ່​ໄປ​ໃຫ້​ທ່ານສີ ຈິ້ນ​ຜິງ ໃນເທື່ອ​ນີ້. ຈຸດ​ເພັ່ງ​ເລັງ​ ບໍ່​ແມ່ນ​ສັນ​ຍາ​ທາງ​ການ​ຄ້າດອກ ແຕ່​ມັນແມ່ນ​ແນ​ໃສ່​ ເຮັດ​ໃຫ້​ທ່ານ ທ​ຣຳ ໄດ້​ພົບ​ປະ​ກັບ​ທ່ານ​ສີ ຈິ້ນ​ຜິງ​ ອີກ. ສິ່ງ​ສຳ​ຄັນ​ທີ່​ສຸດສຳ​ລັບ​ຈີນ ແມ່ນ​ເພື່ອ​ເອົາ​ໜ້າ​ທ່ານ ສີ ຈິ້ນ​ຜິງໄວ້, ແລະເຮັດໃຫ້​ທ່ານ​ມີ​ສິ່ງ​ໃດ ສິ່ງ​ນຶ່ງ ​ເພື່ອໄປ​ອວດ​ໃຫ້​ຄົນ​ຢູ່​ພາຍ​ໃນປະ​ເທດ​ເບິ່ງໄດ້."

ໃນ​ນະ​ຄອນ​ຫລວງວໍ​ຊິງ​ຕັນນີ້, ສະ​ຫະ​ລັດ​ໄດ້ສັນ​ລະ​ເສີນຈີນ ທີ່​ໄດ້​ຊື້ິ​ສິນ​ຄ້າ​ທາງ ກະ​ສິ​ກຳຂອງ​ສະ​ຫະ​ລັດ​ຫລາຍ​ຂຶ້ນ ແຕ່​ກໍ​ເວົ້າ​ວ່າ ຍັງ​ຕ້ອງ​ມີຄວາມ​ພະ​ຍາ​ຍາມ​ເພີ້ມ​ຂຶ້ນ​ອີກ. ຄວາມ​ເປັນ​ຫ່ວງ​ຫລາຍ​ທີ່​ສຸດ​ອັນ​ນຶ່ງ ​ກໍ​ແມ່ນເລື້ອງການ​ລັກ​ຂະ​ໂມຍ​ດ້ານ​ເທັກ​ໂນ​ໂລ​ຈີ.

ສະ​ມາ​ຊິກສະ​ພາ​ສູງ ມາ​ໂກ ຣູ​ບີ​ໂອ (Marco Rubio) ສັງ​ກັດ​ພັກ​ຣີ​ພັບ​ບ​ລິ​ກັນ ຈາກ​ລັດ​ຟ​ລໍ​ຣີ​ດາ​
ສະ​ມາ​ຊິກສະ​ພາ​ສູງ ມາ​ໂກ ຣູ​ບີ​ໂອ (Marco Rubio) ສັງ​ກັດ​ພັກ​ຣີ​ພັບ​ບ​ລິ​ກັນ ຈາກ​ລັດ​ຟ​ລໍ​ຣີ​ດາ​

ສະ​ມາ​ຊິກສະ​ພາ​ສູງ ມາ​ໂກ ຣູ​ບີ​ໂອ (Marco Rubio) ສັງ​ກັດ​ພັກ​ຣີ​ພັບ​ບ​ລິ​ກັນ ຈາກ​ລັດ​ຟ​ລໍ​ຣີ​ດາ​ກ່າວ​ວ່າ

"ຈີນ​ເປັນ​ມະ​ຫາ​ອຳ​ນາດ​ທີ່ດີ​ເລີດ ແລະ​ກໍຈະ​ສືບ​ຕໍ່​ເປັນ​ປະ​ເທດ​ທີ່​ດີ​ເລີດ. ມັນ​ບໍ່ແມ່ນເລື້ອງທີ່ຈະ​ຢັບ​ຢັ້ງ​ຈີນໄວ້ ແຕ່​ມັນ​ຕ້ອງ​ມີ​ຈຸດ​ພົບ​ກັນ​ຢູ່ໃນ​ສາຍພົວພັນ​ຂອງ​ພວກ​ເຮົາ. ແລະ​ມັນ​ກໍບໍ່​ແມ່ນສິ່ງ​ທີ່​ວ່າ ພວກ​ເຂົາ ​ຢາກ​ເຮັດ​ຫຍັງ​ກໍ​ຈະ​ເຮັດ​ໄດ້ ຢູ່​ໃນ​ໜີ້ ແຕ່ກົງ​ກັນ​ຂ້າມ ພວກ​ເຂົາ​ກີດກັ້ນທຸກ​ສິ່ງ ທຸກ​ຢ່າງ​ທີ່​ພວກ​ເຮົາ​ຢາກເຮັດ. ແລະ​ກໍບໍ່ເປັນ​ແບບ​ທີ່​ວ່າ ພວກ​ເຂົາ​ເຈົ້າ ຈະ​ຂະ​ໂມຍເອົາ​ສິ່ງ​ຕ່າງໆ ທີ່​ພວກ​ເຮົາ​ປະ​ດິດ​ອອກ​ມາ ແລະ​ໃຊ້​ສິ່ງ​ເຫລົ່ານັ້ນ ມາ​ພັກ​ດັນໃຫ້​ບໍ​ລິ​ສັດ​ຂອງ​ພວກ​ເຮົາ​ບໍ່​ສາ​ມາດ​ເຮັດ​ທຸລະ​ກິດໄດ້ອີກ​ຕໍ່​ໄປ​."

ມີຄຳ​ເວົ້າ​ທີ່​ຮຸນ​ແຮງອອກ​ມາ​ຈາກ​ພວກ​ສະ​ມາ​ຊິກ​ສະ​ພາໃນຂະ​ນະ​ທີ່ການ​ເຈ​ລະ​ຈາ​ກັນຍັງ​ສືບ​ຕໍ່​ມີ​ຢູ່ນັ້ນ. ການ​ພົບ​ປະ​ເຈ​ລະ​ຈາ​ດ້ານກ​ານ​ຄ້າຢູ່​ວໍ​ຊິງ​ຕັນ ໄດ້​ເຮັດ​ໃຫ້ ບໍ່ມີການ​ອອກປາກ ອອກສຽງ​ຫຍັງຕໍ່​ ກັບ​ເລື້ອງນີ້ ຢູ່​ປັກ​ກິ່ງ ບ່ອນ​ທີ່ພວກ​ເຈົ້າ​ໜ້າ​ທີ່​ເວົ້າ​ວ່າ ການ​ພົບປະ​ກັນ​ຮອບ​ໜ້າ​ ຈະ​ສືບ​ຕໍ່​ມີ​ຂຶ້ນ ໃນ​ເດືອນ​ໜ້ານີ້ ຢູ່​ຈີນ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ ຢ​ູ່​ລຸ່ມນີ້

The most recent round of trade talks between the United States and China concluded in Washington this week with no firm deal other than a commitment to keep talking. Nike Ching reports on the status of the talks between the world's leading economies, as they try to find common ground before more America tariffs come online in early March.]]

The U.S. mint is releasing "lucky money" for 2019, the Chinese "Year of the Pig," a sign of prosperity and good fortune.

As for whether the two countries are also on a path of prosperity? U.S.President Donald Trump sounds optimistic. Donald Trump, U.S. President said

"We had an incredible meeting yesterday with the Vice Premier of China. A very powerful man, highly respected, very strong, very respected also by the president—President Xi—and we had an amazing meeting on trade, mostly on trade, actually also on fentanyl. China has agreed to criminalize fentanyl. That's going to have a huge impact on fentanyl coming into the country.

American farmers are also upbeat, says Adam Nielsen, Director of National Legislation for the Illinois Farm Bureau.

Adam Nielsen, Director of National Legislation, Illinois Farm Bureau said
"We have lost sales. And I think the longer it goes, the more likely it is for these countries to come up with new supply chains. Thats the fear."

Author and political commentator Pokong Chen, said the positive reception is the result of a calculated decision by China to focus on appealing directly to President Trump.

Pokong Chen, political commentator, author of numerous books including If the US and China Were To Go to War, and Trump vs. Xi: Duel or Deal said
"Liu He sent Xi Jinping a New Year's gift this time. The focus of this negotiation was not on the trade agreement, but on getting Trump to meet with Xi Jinping again. The most important thing for China is to save face for Xi Jinping, and let him have something to show domestically."

In Washington, the U.S. praised China's purchase of more U.S. agricultural products, but said more work needs to be done. One of the biggestconcerns is technology theft.

Sen. Marco Rubio, Florida Republican said
"China is a great power and is going to continue to be a great nation. It's not about containing China but there needs to be equilibrium in our relationship. And it cannot be that they can do anything they want here, but they restrict everything we want to do. And it cannot be that they steal the things we innovate and then use that to put our companies out of business."

Tough words from U.S. lawmakers, while the negotiating teams continue to meet. The Washington talks had a muted reaction in Beijing, where officials said the next round of dialogue will continue next month in China.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG