ລິ້ງ ສຳຫລັບເຂົ້າຫາ

logo-print

ຜູ້ໂຕນໜີ ຈາກເກົາຫຼີເໜືອ ກ່າວວ່າ ປ. ທຣໍາ ເອົາມີດແທງ ຫົວໃຈ ເຂົາເຈົ້າ ຢູ່ ກອງປະຊຸມ ສຸດຍອດ


ພວກທີ່ໂຕນ​ໜີ​ຈາກ​ເກົາ​ຫຼີ​ເໜືອຈຳນວນ​ນຶ່ງ ພາກັນ​ມີ​ຄວາມ​ຮູ້ສຶກ​ວ່າ ​ຖືກ​ຫັກຫຼັງ​ໂດຍ
ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ທີ່​ຍ້​ອງຍໍ​ຜູ້ນຳ​ເກົາ​ຫຼີເໜືອ ທ່ານ​ກິມ ຈົງ
ອຶນ ລະ​ຫວ່າງ​ການ​ພົບ​ປະ​ຂອງ​ພວກ​ທ່ານ ຢູ່ທີ່ສິງກະໂປ ​ແທນ​ທີ່​ຈະ​ຊັກຖາມ​ທ່ານ​ກິມ
ກ່ຽວ​ກັບ​ການລະເມີດ​ສິດທິ​ມະນຸດ ຢ່າງແຜ່ກວ້າງ ​ໂດຍ​ລັດຖະບານທີ່​ກົດຂີ່​ຂອງ​ທ່ານ
​ຢູ່ພຽງ​ຢາງ. ນັກ​ຂ່າວວີ​ໂອ​ເອ ບຣາຍອັນ ​ແພດ​ດັນມີລາຍ​ງານ​ຈາກ​ນະຄອນຫຼວງໂຊ​ລ
ຊຶ່ງ ກິ່ງ​ສະ​ວັນ ຈະ​ນຳ​ມາສະ​ເໜີ​ທ່ານ.

ຢູ່​ທີ່​ກອງ​ປະຊຸມ​ສຸດ​ຍອດ​ສະຫະລັດແລະ​ເກົາຫຼີ​ເໜືອ ປະທານາທິບໍດີດໍໂນລ ​ທຣໍາ ໄດ້
​ສະແດງ​ຄວາມ​ຍ້ອງຍໍ​ຕໍ່​ຜູ້ນຳ​ເກົາຫຼີ​ເໜືອທ່ານກິມ ຈົງ ອຶນໂດຍຮ້ອງ​ທ່ານ​ວ່າ “​ເປັນຄົນ
​ດີ​ຫຼາຍ” ​ແລະ “​ເປັນ​ຜູ້ນຳ​ທີ່​ຍິ່ງ​ໃຫຍ່” ​ແລະ​ໄດ້​ກ່າວຕໍ່ ນັກຂ່າວ ວີ​ໂອ​ເອ ​ເກຣຕາ ​ແວນ
ຊັສ​ເຕີເຣັນວ່າ ທ່ານກິມມີ​ຄວາມ​ເປັນ​ຫ່ວງ​ທີ່​ສຸດ​ ກ່ຽວກັບຄວາມເປັນຢູ່ປະຊາຊົນ​ຂອງ
​ທ່ານ.”

ປະທານາທິບໍດີ​ທຣໍາ​ກ່າວ​ວ່າ “ທ່ານ​ກິມຮັກ​ປະຊາຊົນ​ຂອງ​ທ່ານ ​ຂ້າພະ​ເຈົ້າ​ບໍ່ໄດ້
ແປກໃຈຫຍັງ​ໃນ​ເລື້ອງ​ນີ້ ​ແຕ່​ວ່າ​ທ່ານ​ກິມຮັກ​ປະຊາຊົນ​ຂອງ​ທ່ານ.”

ປະທານາທິບໍດີ​ທຣໍາຮັບເອົາທ່າທີຂອງ​ທ່ານ​ກິມ​ໃນ​ການ​ທີ່ຈະ​ປົດອາວຸດ​ນິວ​ເຄລຍ ​ໄດ້​
ເຮັດ​ໃຫ້​ຊາ​ວເກົາຫຼີ​ເໜືອ​ທີ່​ໂຕນ​ໜີ​ອອກ​ມາ ​ແລະ​ຜູ້​ສະໜັບສະໜູນ​ສິດມະນຸດ ເຊັ່ນ​ທ່ານ
ຈຸ​ງ ກວງ​ອິລ ມີ​ຄວາມ​ຮູ້ສຶກ​ຖືກ​ປະຖີ້ມ.

ທ່ານ​ຈຸ​ງ ​ແມ່ນ​ຜູ້ນຶ່ງຢູ່ໃນ​ກຸ່ມ​ຂອງ​ຜູ້​ໂຕນ​ໜີ ທີ່​ໄດ້​ພົບ​ປະ​ກັບ​ປະ​ທາ​ນາ​ທິບໍດີ ​ຢູ່​ທີ່ທຳນຽບ
ຂາວ ຫຼັງ​ຈາກ​ທ່ານ​ໄດ້​ກ່າວ​ຄຳ​ປາ​ໄສ​ຕໍ່​ປະ​ເທດ​ຊາດ ບ່ອນ​ທີ່​ທ່ານຮ້ອງ​ລັດຖະບານ​ຂອງ​
ທ່ານ​ກິ​ມວ່າ "ໄຮ້ສິນທຳ" ​ແລະ "​ໂຫດຮ້າຍ​ຜະ​ເດັດ​ການ." ທ່ານ​ ຈຸງກ່າວ​ວ່າ ປະທາ
ນາທິບໍດີ​ທຣໍາ ​ໄດ້​ພາໃຫ້ກຸ່ມຂອງທ່ານ ​ຫຼົງ​ເຊື່ອວ່າ ທ່ານ​ຈະຊັກຖາມຜູ້​ນຳຂອງ​ພຽງ​ຢາງ ກ່ຽວກັບການລະເມີດສິດທິມະນຸດຢ່າງແຜ່ກວ້າງ​ຢູ່​ໃນ​ເກົາຫຼີເໜືອ. ບັດ​ນີ້ທ່ານ​ມີ​ຄວາມ​
ຮູ້ສຶກ​ວ່າ ​ຜິດ​ຫວັງ.

ທ່ານ​ຈຸ​ງ ກວງອິລກ່າວວ່າ “ຂ້າພະ​ເຈົ້າ​ໄດ້​ຜິດ​ຫວັງ​ທີ່​ສຸດ. ພວກ​ເຮົາ​ມີີ​ຄວາມ​ເຊື່ອ​ໝັ້ນ
ໃນ​ປະ​ເທດ​ທີ່​ຍິ່ງ​ໃຫຍ່ ຄື ສະຫະລັດ​ອາ​ເມຣິກາ ​ແລະ​ພວກ​ເຮົາ​ໄດ້​ເຮັດ​ວຽກ​ກ່ຽວກັບ
​ບັນຫາສີ​ດທິມະນຸດ​ເກົາຫຼີ​ເໜືອ​ນຳ​ກັນ​ ມາ​ຈົນ​ເຖິງ​ເທົ້າ​ປັດຈຸບັນ ​ແຕ່​ມາ​ບັດ​ນີ້ ຂ້າພະ​
ເຈົ້າ​ບໍ່​ແນ່​ໃຈ​ວ່າ ​ພວກ​ເຮົາ​ຈະສາມາດ​ເຮັດ​ວຽກນຳ​ກັນ​ໄດ້ຫລືບໍ່ ​ໃນ​ອະນາຄົດ.”

ຢູ່ໃນ​ເກົາຫຼີ​ເໜືອ ຄວາມທຸກ​ຈົນ​ແມ່ນມີຢູ່ຢ່າງແຜ່ກວ້າງ ການ​ເດີນທາງ​ພາຍ​ໃນ​ປະ
​ເທດ ແມ່ນມີການ​ຈຳກັດ ຂໍ້​ມູນ​ຈາກ​ພາຍ​ນອກໄດ້​ຖືກ​ຫ້າມ ​ແລະ​ຜູ້​ບໍ່​ເຫັນ​ພ້ອມ​ນຳ​ນັ້ນ
ໄດ້​ຖືກ​ກົດ​ຂີ່​ຢ່າງ​ຮ້າຍ​ແຮງ.

ທ່ານ​ກິມ ຈົງ ຮວາ ຜູ້​ໂຕນ​ໜີ ຊຶ່ງ​ເປັນ​ສ່ວນນຶ່ງ​ຂອງ​ກຸ່ມ ​ທີ່​ໃຊ້​ກະ​ແສ​ນໍ້າ​ທະ​ເລ ​ສົ່ງ​ເຂົ້າ
​ໄປ​ໃຫ້ປະຊາຊົນໃນເກົາຫຼີ​ເໜືອທີ່ທຸກຍາກນັ້ນຍັງ​ເຊື່ອ​ວ່າ​ ທ່ານ​ທຣໍາ​ແມ່ນມີຄວາມ
ໝັ້ນໝາຍ ທີ່ຈະຍຸຕິການ​ປົກຄອງ​ທີ່ກົດຂີ່ຂອງ​ທ່ານ​ກິມ. ​ແຕ່​ວ່າ​ໃນກອງ​ປະຊຸມ​ສຸດ
​ຍອດທ່ານ​ກ່າວ​ວ່າ ປະທານາທິບໍດີ​ທຣໍາ​ ໄດ້ເຮັດ​ໃຫ້​ການຮັກສາອຳນາດຂອງທ່ານ
ກິມ ເອົາໄວ້ມີຄວາມເຂັ້ມແຂງຕື່ມຂຶ້ນ.

ທ່ານ​ກິມ ຈົງ ຮວາ ກ່າວ​ວ່າ “ປະທານາທິບໍດີທຣໍາ ຊຶ່ງເປັນຜູ້ນຳ​ຂອງໂລກ​ຮັບ​ຮູ້​ວ່າ
ທ່ານກິມ ຈົງ ອຶນ ​ເປັນ​ຄົນສະຫຼຽວ​ສະຫຼາດ ​ແລະ​ເປັນ​ຜູ້​ມີ​ພອນ​ສະຫວັນນັ້ນ ຄື​ກັນ
​ກັບ​ເອົາມີດ​ແທງເຂົ້າໄປຫົວ​ໃຈ​ຂອງ​ປະຊາຊົນ​ເກົາຫຼີ​ເໜືອ.”

ບັນດາ​ຜູ້​ໂຕນ​ໜີ​ເຫລົ່າ​ນີ້​ໄດ້​ພາກັນ​ຫັນ​ໜ້າ​ມາຫາ​ປະທານາທິບໍດີ​ທຣໍາ ສ່ວນນຶ່ງກໍເພາະ
ວ່າ ​ເກົາ​ຫຼີ​ໃຕ້​ໄດ້ຮັບເອົາຍຸດ​ທະ​ສາດ ການ​ພົວພັນກັບເກົາ​ຫຼີ​ເໜືອເຂົາ​ເຈົ້າກ່າວວ່າພວກ​
ເຈົ້າ​ໜ້າ​ທີ່​ເກົາຫຼີໃຕ້ ພາກັນ​ກົດ​ດັນ​ເຂົາ​ເຈົ້າ​ໃຫ້​ຢຸດ​ເຊົາການສົ່ງຂໍ້ມູນທີ່ຖືກຫ້າມ​ເຂົ້າ​ໄປ
​ໃນເກົາຫຼີ​ເໜືອ ທີ່​ອາດ​ທັບ​ມ້າງ​ຄວາມ​ພະຍາຍາມ​ໃນ​ການຮ່ວມ​ມືທີ່​ກຳລັງ​ດຳ​ເນີນ​ຢູ່​ນັ້ນ.

ໃນ​ຂະນະ​ທີ່ປະທາ​ນາ​ທິບໍດີ​ທຣໍາກ່າວ​ວ່າ​ ທ່ານ​ໄດ້ໂອ້ລົມ​ກ່ຽວ​ກັບ​ເລື້ອງສິດທິ​ມະນຸດ​ກັບ
​ທ່າ​ນກິມ ແຕ່ກຸ່່ມ​ປົກປ້ອງສິດທິ​ມະນຸດ​ Human Rights Watch ໄດ້​ຕິຕຽນ​ປະທານາທິ
ບໍດີ​ທຣໍາ ທີ່​ໄດ້ເອົາເລື້ອງດັ່ງກ່າວ ເຂົ້າໄວ້ຢູ່ໃນຖະແຫຼງການຮ່ວມຂັ້ນ​ສຸດ​ທ້າຍ ​ແລະ​ກ່າວ
​ວ່າປະຊາຊົນ​ເກົາຫຼີີ​ເໜືອ ເປັນ​ຜູ້​ເສຍ​ໄຊ​ຢ່າງ​ໃຫຍ່​ໃນ​ກອງ​ປະຊຸມ​ສຸດ​ຍອດຢູ່​ທີ່​ສິງກະໂປ.


Some North Korea defectors are feeling betrayed by U.S. President
Donald Trump for praising North Korean leader Kim Jong Un during
their meeting in Singapore, rather than confront him about widespread
human rights violations committed by his repressive government in Pyongyang. VOA's Brian Padden in Seoul reports.

At the U.S.-North Korea summit President Trump was effusive in his
praise of North Korean leader Kim Jong Un, calling him a "terrific
person" and "a great leader" and telling VOA contributor Greta Van
Susteren that he cares greatly about the welfare of the people.

"He loves his people, not that I'm surprised by that, but he loves his
people."

Trump's embrace of Kim in pursuit of denuclearization, has left North
Korean defectors and human rights advocates like Jung Gwang-il
feeling abandoned.

Jung was among a group of defectors that met with the president in
the White House after his State of the Union address where he called
the Kim government a "depraved" and "cruel dictatorship." Jung said
Trump led the group to believe that he would confront the leadership
in Pyongyang about the widespread abuses in the country. Now he
feels let down.

"I was really disappointed. We trusted this big country, the United
States, and we have been working on North Korean human rights
issue together until now, but now I am not sure if we can work
together in the future."

In North Korea poverty is widespread, travel within the country
restricted, outside information prohibited, and any dissent is brutally suppressed.

Kim Yong-hwa, a defector, who is part of a group that uses the ocean
current to send rice to the impoverished North, had also come to
believe that Trump was committed to end Kim's repressive rule. But
at the summit, he said, Trump strengthened Kim's hold on power.

"Trump, the leader of the whole world, acknowledging that Kim Jong
Un is a smart and talented guy, is like stabbing the heart of the North
Korean residents.

These defectors turned to Trump in part because South Korea had
already embraced an engagement strategy with North Korea. They
say officials in Seoul are pressuring them to stop sending banned
information into the North that could hamper cooperation efforts
underway.

While Trump said he did talk about human rights with Kim, Human
Rights Watch criticized the president for leaving it out of the final
declaration, and saying that the North Korean people were the big
losers from the Singapore Summit.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG